⚡ХАЛҚ НАЗОРАТИ

МХХ собиқ тезкор ходими Бобир Бахрамов мени ҳам тиз чўктирган эди...

2012 йилда мени Нодир Тўрақулов заказ билан қамаган. Терговни прокуратура олиб борса-да, МХХ ҳибсхонасида сақлаб, 3 кун собиқ тезкор ходими Бобир Бахрамов мени ҳам бир неча соат тиз чўктирган эди.

Ўшанда 56 ёшда эдим.
Туҳматлар билан 9 ярим йил беришди.
4 ярим йил ўтириб келдим.

Бош прокурор ва Светлана Артикова протест киритишиб, 2021 йил 14 апрелда оқландим.

Лекин корхонамнинг мол мулкларини қайтариб беришмади.

Инобат Худаярова (Ирен Диярова)
Термиз шаҳар, “Шодлик” маҳалласи, А.Темур кўчаси, 19/3-уйда.

Эслатиб ўтамиз, Инобат Худаярова анча вақтдан буён мол-мулклари қайтариб берилмагани юзасидан мурожаат қилиб келади.
https://www.facebook.com/share/p/1E1qyWw3Vi/

Фото иллюстратив

https://www.facebook.com/share/p/1BYnfqMs9c/

“Адолат”ли Икром Муслимовнинг навбатдаги “адолат”и

Охирги 3 йил давомида “Доктор Сервис” хусусий клиникасининг бош шифокорига нисбатан жиноят ишини 13 нафар судья (бир нафари якка тартибда, қолган 12 нафари коллегиал тартибда), шу жумладан, Олий суд судьялари қайта-қайта кўриб чиқишди. Улар бир неча суд-тиббий экспертизалар ва бошқа инкор қилиб бўлмайдиган далилларга таянган ҳолда судланувчи (бош шифокор) Мурод Исламовни айбдор деб топишди.

Фақатгина Олий суд раисининг биринчи ўринбосари жаноб Икром Муслимов унинг айбдорлигига шубҳа билан қаради. У 5 жилдли жиноят ишини атиги 2-3 соатда ўрганиб чиқиб, олдинги 13 нафар судьянинг “ноҳақлиги” ва “малакасизлиги”ни аниқлаб, маҳкумнинг “бегуноҳ”лигини тасдиқлаб берди.

Ҳаммага ўзининг «адолати» билан танилган Икром Муслимов бош шифокорга нисбатан “оқлов протести”ни киритди. Тошкент шаҳар суди судьялари эса, содиқ аскарлар каби унинг иродасини бажариб, бош шифокор М. Исломовни оқлаб юборишди!

Диққaтингизни бир фактга қаратмоқчиман. Судланувчи М. Исломов ягона таъсисчиси футболчи Сервер Жепаров бўлган “Доктор Сервис” клиникаси да бош врач ҳисобланади. Машҳур футболчи Сервер Джепаров ва Икром Муслимов Чирчиқ шаҳрида туғилган. Айрим маълумотларга кўра, улар бир-бири билан нафақат таниш, балки жуда яқин инсонлар ҳисобланишади.

Шу ўринда, менга етказилган шикаст буйича суд жараёни давом этаётган бир вақтда “Доктор Сервис” клиникасининг оқланган бош шифокори ва унинг қўл остидаги шифокорлар машҳур журналист Рамина Ягафаровани “ўлимига қадар даволашга” улгурган. Буни И. Муслимов билмаслигига шубҳам бор. Аммо, агар бу шифокор ўз жазосини олганида, эҳтимол журналист қиз тирик қолар эди. Такрорлайман жазосизлик янги жиноятларга йўл очади.

Ҳозирги вақтда Бош прокуратура мазкур бош шифокорни оқлаш бўйича навбатдаги протестни киритди. Барчанинг бош шифокорга меҳрибончилиги сизгаям қизиқми?

Мен учун энг қизиғи, бу курашда ким адолатга яқинроқ бўлади: судьяларми ёки прокуратура? Гўёки синмайдиган ҳақиқат қай тарафда бўлади?

Қимор ўйинларининг легаллашуви фонида сизларнинг прогнозларингизни кутиб қоламан...

(Faites vos jeux! Господа, делайте ставки!)

@ Каюмов Шухкрат

https://www.facebook.com/share/p/1C9vE9BNyu/

“Насиҳат кор қилмаса, кун келиб танангда ҳис қиласан”
 
Туманлардан бирида судья эдим. Бир иш юзасидан оқлов ҳукми ўқидим. Прокурорлар мендан хафа. Прокурор ўринбосари менга: “Қози, шу оқлов нотўғри бўлди-да, бизникилар билан муроса қилсангиз бўларди” - деди.
 
Орадан икки ярим йил ўтди. Ўша прокурор дўстимиз лавозимда юқорилади, мен эса адвокатман. Унинг банк раҳбари лавозимида ишлайдиган укаси бор эди. Прокуратура банк камомади юзасидан укасини қамаб қўйган экан. Ушбу прокурор прокуратурага қарши мен билан шартнома тузди.
Иш билан танишиб чиқиб, фикримни айтдим: “Укангизни ҳаракатида ЖКнинг 167-моддаси йўқ, банк мулкини емаган.”
Аммо, прокуратура ҳам, биринчи инстанция ҳам, апелляция суди ҳам прокурорнинг укаси банк мулкини ўзлаштирган деган хулосага келишди. Шунда прокурор: “Нега сиз айтгандай бўлмади?”-деб сўради. Мен эса: “Шунчаки, судьялар сизникилар билан муроса қилишди”- дедим.
 
Икки ярим ой вақт ўтди. Олий суд менинг фикримга қўшилди  ва прокурорнинг укасини озод қилди.
 
Яна икки ярим йил ўтди. Бир судда ўша прокурор дўстимиз билан тўғри келиб қолдик. Пора олишда айбланаётган шахсни жон куйдириб ҳимоя қилишимни кўриб, “Нега чираняпсиз, ҳаммаси аниқ-ку...” - деди. Мен эса: “Укангизни ҳимоя қилганимда ҳам шундай чиранган эдим.” - деб қўя қолдим.
 
Орадан икки ярим ой ўтди. Ижтимоий тармоқларда, ўша прокурорни пора билан ушлангани ҳақида хабарлар тарқалди.
 
Хулоса: атроф тўла ҳикмат, фақат Сиз унга қалб кўзингиз билан боқинг. Боқишни хоҳламасангиз, танангизда ҳис қилишга мажбур бўласиз.

Реал воқеликдан сабоқлар.

©️Адвокат Э.Тожибоев

2025 йил 21 январ куни соат 9:15га Тошкент шаҳар суди фуқаролик ишлари бўйича судлов ҳайъатида суд мажлиси белгиланган.
Мана ҳозир соат 9:25 бўлаяпти. Лекин судда зоғ ҳам йўқ.

Ўзи бугун ростдан ҳам 21 январ куними ёки мен санани адаштирдимми?

Шу машиналарга нега қизил ранг танланган?

Кимнидир хабари борми?

Эркинжон Турдимов қандай инсон эканига халқнинг ўзи баҳо берсин....

Самарқанд вилояти ҳокими бўлиб ишлаб келаётган Эркинжон Оқбутаевич Турдимов
2024 йил 28 ноябрда лавозимидан озод этилди.

Расман "бошқа ишга ўтиши муносабати билан Самарқанд вилояти ҳокими лавозимидан озод этилди" деб ахборот берилди.

Кимдир Администрацияга ўтибди деса, бошқа бири қайсидир вазирликка ўтказилди дейишмоқда.

Лекин, қайси ташкилот ва қайси лавозимга ўтказилгани ҳақида аниқ маълумот йўқ.

Эркинжон Турдимов ҳақида сўз юритадиган бўлсак, у ўзининг халқпарварлиги билан Навоий, Сурхондарё ва Самарқанд вилоятлари аҳолисида жуда илиқ таассуротлар қолдирди. Бу инсон ҳақида ижобий фикрларни тўхтамай ёзиш мумкин.
Бундай халқпарвар ҳокимлар юз йилда бир туғилса керак.

Жуда кўпчилик Эркинжон Турдимов қайси ташкилотга ва қайси лавозимга ишга ўтказилгани ҳақида савол билан чиқишяпти

Юқоридагиларга кўра, Эркинжон Турдимов айни вақтда қаерда фаолият юритаётгани ҳақида оммага маълумот берилиши мақсадга мувофиқ бўлар эди.

Олдинлари қабул бўлмаган...,

бўлса ҳам "ишонч йўқ" деб 5-5 киши келгвн.

Тошкент вилояти Бўстонлиқ тумани Сижжак ҳудудидан сайлаган депутат Фатхулла Ахмедов ишга чин виждон билан киришганини одамларнинг кўплигидан билиш мумкин.

Халк ичида юрадиган шундай депутатлар ҳам кўпайсин.

Суратлар: депутат Фатхулла Ахмедовнинг аҳоли билан учрашувидан

"Ҳоким ёрдамчилари" деган штат халққа ёрдам бериш учун очилган эдими?

Шу штатни умуман бекор қилиб ташлаш керак.
--------
2024 йилда ҳоким ёрдамчилари 309 та коррупцион жиноят содир қилди

Ўтган йили Ўзбекистонда 5 минг 716 та коррупцион жиноят содир қилинган бўлса, уларда қарийб 7 минг киши иштирок этган. Камбағалликни қисқартириш ва бандлик вазирлиги тизимида 309 та коррупцияга оид жиноятлар эса ҳоким ёрдамчилари фаолияти билан боғлиқ.

Антикоррупция агентлиги 2024 йилда содир этилган коррупцион жиноятлар таҳлилини эълон қилди.

https://www.facebook.com/share/p/164oTeXdyK/

"Уйғонинглар, сизлар уйғонмасангиз, мен ҳеч нарса қилолмайман"

Шавкат Мирзиёев,
Ўзбекистон Республикаси Президенти

Наманган вилоят Янги Наманган туманида "Мироб" чорвачилик фермер хўжалигининг ерлари ноқонуний сотилишига вилоят кадастр агентлиги ва палатаси мутасаддилари ҳомийлик қилмоқдами?

"Мироб" фермер хўжалиги номига берилган Наманган шаҳар ҳокимининг 2008 йил 09 январдаги 25-сонли қарорини асос қилиб, тугатилган "Баркамол соф қурилиш" МЧЖ номига иккинчи қалбаки гувоҳномани ёзиб, ерни сотишга асос қилишга уринишмоқда.

Ушбу гувоҳнома Андижон вилоят Балиқчи тумани ИИБ ТБ томонидан сохта деб топилган ва вилоят кадастр бўлими бошлиғи Хасанов Абдурашид ЖКнинг 228-моддаси 1-қисми 1-бандида кўрсатилган жиноят содир этган деб топилган.

Лекин "Мироб" фермер хўжалиги 2023 йилгача солиқларни тўлаб келаётганлиги, ҳоким қарори ва унга берилган эгалик ҳуқуқини берувчи гувоҳнома кучида эканлиги ва бекор бўлмаганлигига қарамай, судларга таъсир қилиш ниятида "Мироб" ф/х ерини кадастр онлайн солиқ реестрига қасддан киргизмасдан, нақд пулга ер олган фуқароларга "амнистия" асосида ҳужжат тайерламоқчи бўлишяпти.

ЯЪНИ, ишга таъсир қилиш ниятида "Мироб" фермер хўжалигини солиқ тўламаётган қилиб кўрсатиш учун 0,80 га ерни қасддан солиқ реестрига киритмасдан келмоқда.

Ҳозир А.Джамалдиновга нисбатан ЖКнинг 168-моддаси ва 228-моддалари билан жиноят иши қўзғатилган бўлса-да, фуқаролар алданишига сабаб бўлиб яна учта ерни сотиб, жиноят содир этишни давом эттиряпти.

Юқоридагиларга асосан,

- "Мироб" ф/х ери ҳақидаги маълумотларни солиқ реестрга киритилишини;
- ноқонуний қурилишларни тўхтатиб, қонуний чора кўрилишини сўрайман.

Qambarali Asqarov,
Мироб фермер хўжалиги вакили.

Наманган вилояти, Янги Наманган тумани, Меҳнатобод МФЙ, Янгибоғ кўча 3-берк 1-уй. Телефон: +99891-360-00-78.

P.S. Вилоят ташкилотлари устидан шикоят қилинаётганлиги сабабли ҳолатни республика ташкилотлари, жумладан, Бош прокуратура, Ички ишлар вазирлиги, Кадастр агентлиги назоратга олишлари мақсадга мувофиқ бўларди.

https://www.facebook.com/share/p/1AhAyDRVJG/