XALÍQ USHÍN ⚖️

@xaliq_ushin

Kanal geosi va tili: O‘zbekiston, Ruscha

Toifa: Huquq

Соңғы нызамлар, қарарлар, ҳуқық тараўына байланыслы жаңалықлар
Хабарласыў: @trillion_uzb
Est. 10.04.2020.

Связанные каналы | Похожие каналы

Kanal geosi va tili

O‘zbekiston, Ruscha

Toifa

Huquq

Statistika

Saralanganlar

Postlar filtri

O‘chirilganlarni yashirish

Repostlarni yashirish

XALÍQ USHÍN ⚖️

31 Dec, 07:27

❗️Россияда ўақытша жумыс ислеп атырған жерлеслеримиз ушын әҳмийетли хабар

Россия Федерациясы Президенти Владимир Путин тәрепинен 30-декабрь күни қол қойылған Пәрманға бола, Россияда нызамсыз болып турған сырт ел пуқаралары (атап айтқанда жерлеслеримиз) 2025-жылдың 30-апрель сәнесине шекем мәмлекеттен шығып кетиўи ямаса ҳуқықый жағдайын тәртипке салыўы шәрт.

Бул талап нызамлы түрде қалыўды қәлеген шахсларға қолланылмайды.

❗️Министрлер Кабинети жанындағы Миграция агентлиги 2025-жылдың январь айынан баслап Россияда жумыс ислеп атырған, бирақ, ҳүжжетлеринде кемшилиги болған барлық ўатанласларымызға ҳуқықый, әмелий жәрдем көрсетиўге таяр. Бул мәселе бойынша өз алдына топар жумыс алып барады.

Ҳүжжетлерди рәсмийлестириў процесслери ҳаққында қосымша хабар бериледи.

🔔 Постты жақынларыңызға тарқатың.

👉 @XALIQ_USHIN - тек рәсмий ҳәм исенимли мағлыўматлар

1.6k 0 15 12

XALÍQ USHÍN ⚖️

30 Dec, 18:08

⚡️Артемия цисталарын териўшилер де енди өзин өзи бәнт етип пенсия стажын жыйнаўы мүмкин

✅ Президенттиң 27.12.2024-жылдағы ПП-229-санлы Пәрманы менен өзин өзи бәнт етиў арқалы шуғылланыўы мүмкин болған жумыслар дизимине “артемия цисталарын жыйнаў ҳәм тапсырыў” жумысы киргизилди.

☝️Демек, енди артемия цисталарын териўши пуқаралар өзин өзи бәнт етип, ҳәр жылы БЕМның 1 есеси муғдарында (375000 сум) пул төлесе оларға пенсия стажы есапланады.

🔔 Постты жақынларыңызға тарқатың.

👉 @XALIQ_USHIN - тек рәсмий ҳәм исенимли мағлыўматлар

18.8k 1 32 28

XALÍQ USHÍN ⚖️

30 Dec, 14:48

☝️Егер Сизди баслығыңыз жумыстан босаўға арзаны мәжбүрлеп жаздырып атырған болса …

Жоқарыда Мийнет кодексиниң 160-статьясына тийкар хызметкердиң өзиниң разылығы менен жумыстан босаў бойынша арзаның еки формасы көрсетилген. Олардың биреўи 14 күнлик ескертиў мүддети менен, ал екиншиси конкрет сәне менен жазылған.

Бул статьяға муўапық, хызметкер өз арзасы менен жумыс бериўшини 14 календарь күн алдын ескертип жумыстан шығыўы мүмкин. Ол усы мүддет ишинде арзасын қайтарып алыўға ҳақылы.

Көпшилик жағдайда хызметкерлер 14 күнлик ескертиў мүддетин көрсетпестен анық сәнени көрсетип арза жазып қояды. Бул ескертиў мүддети күйип кетти дегени.

Соның ушын егер сиз өзиңиздиң қәлеўиңиз бенен жумыстан босаў ушын арза жазып атырған болсаңыз анық сәнени көрсетиң, ал егер арзаны баслықтың мәжбүрлеўи менен жазып атырған болсаңыз, 14 календарь күнлик ескертиў мүддетин көрсетиң. Сонда сизде 14 күнлик арзаны қайтарып алыў имканыңыз болады.

🔔 Постты жақынларыңызға тарқатың.

👉 @XALIQ_USHIN - тек рәсмий ҳәм исенимли мағлыўматлар

18k 0 74 32

XALÍQ USHÍN ⚖️

30 Dec, 12:01

❗️2025-жыл 1-апрелден баслап мәмлекетлик уйымларға қурылыс, коммунал хызметлер ҳәм басқа мәселелер бойынша онлайн хабар жибериў имканы жаратылады

✅ Министрлер Кабинетиниң 24.10.2024-жылдағы 695-санлы қарарына тийкар, 2025-жыл 1-апрелден «Халық қадағалаўы» платформасы иске түсирилип, ол арқалы халық тәрепинен қурылыс, үй-жай коммунал хызмет көрсетиў, суў, канализация, жылытыў системасы, электр ҳәм басқа инженерлик тәмийнат, транспорт, жол, сондай-ақ, аймақ инфраструктурасындағы машқалалар ҳәм де басқа қызықтырған мәселелер бойынша онлайн хабар бериў имканы жаратылады.

📑 Платформа арқалы келген хабарларға жуўап бериўге жуўапкер шөлкемлер дизими тастыйықланған (фотоларда).

💻 Платформа xalqnazorati.uz, 1055.uz ҳәм мобил қосымша арқалы ислейди.

⏳Платформаға келип түскен хабарлар узағы 10 күн ишинде қарап шығылып, пуқараға жуўап бериледи.

🔔 Постты жақынларыңызға тарқатың.

👉 @XALIQ_USHIN - тек рәсмий ҳәм исенимли мағлыўматлар

20.2k 0 20 13

XALÍQ USHÍN ⚖️

30 Dec, 08:58

🎉Жаңа жыл байрамы!

Бүгин 30-декабрь күни Нөкис қаласы орайындағы Жаңа жыл шыршасы жанында ҳар қашанғыдан да өзгеше "Жаңа жыл" концерт бағдарламасы болып өтеди.

Концерт бағдарламасы 19:00 ден басланады.

Онда Мақсет Өтемуратов, Алишер Алламбергенов, Жаноб Расул, Ҳамдам Собиров, Байрам Пердебаев, Гүлнара Мүнтеева, Сарбиназ Аннақулова, Гүлназ Утепова, Бахадыр Разымбетов, Саламат Қәллибеков, Арысланбек Асқаров, Қуўат Аметов, Алишер Байныязов, Илхам Жолдасбаев, Раджиб Атажанов сыяқлы елимиз сүйген қосықшылар ҳәм жас талант ийелери хызметиңизде болады.

Жаңа жыл байрамы тамашаларына мирәт етемиз.

Жаңа жыл шыршасы жанында халқымызға жоқары кейпият инәм етиў ушын барлық мүмкиншиликлер жаратылған.

Қарақалпақстан Республикасы Жоқарғы Кеңесиниң Мәлимлеме хызмети

🔔 Постты жақынларыңызға тарқатың.

👉 @XALIQ_USHIN - тек рәсмий ҳәм исенимли мағлыўматлар

20.9k 1 107 52

XALÍQ USHÍN ⚖️

30 Dec, 08:42

❗️Жас шаңарақтың турақ жай ижарасы мәмлекет тәрепинен төлеп бериледи

✅ «Жаслар дәптери»не киргизилген социаллық қорғаўға мүтәж жас шаңарақларға турақ жайдың ижарасы төлемин қаплаў ушын мәмлекет тәрепинен субсидия ажыратылады.

⏳ Субсидия 12 ай даўамында төленеди.

💰 Субсидияның ҳәр айлық муғдары БЕМның 3 есесин (1125000 сум) қурайды.

🔰 Субсидия бериў ушын шаңараққа төмендеги талаплар қойылған:
1) Ерли зайыплының екеўи де 31 жасқа толмаған болыўы;
2) Екеўиниң де атында турақ болмаўы;
3) Алдын мәмлекетлик бағдарламалар шеңберинде жеңилликли ипотека кредитлери арқалы турақ жай менен тәмийинленген болмаўы;
4) Ипотека кредитлери бойынша субсидиялар ямаса турақ жай менен тәмийинлеўге байланыслы жеңилликлерден пайдаланбаған болыўы;
5) Екеўинен биреў «Жаслар дәптери»не киргизилген болыўы.

📄 Арза бериўши субсидия алыў ушын Қәўендерлик кеңесине (баслығы - ҳәким, хаткери - жаслар ислери агентлигиниң район (қала) бөлими баслығы) төмендеги ҳүжжетлерди тапсырыўы керек:

➖турақ жай ижарасы шәртнамасы нусқасы. Бул шәртнамада ижараға бериўшиниң аты ҳәм фамилиясы, ФШЖИН, банк картасының реквизитлери, ижара мүддети, ижараның бир айлық төлеми муғдары көрсетилген болыўы керек.
➖ижара шәртнамасының салық уйымында есапқа қойылғанлығы ҳаққындағы билдирги.

🔰 Арза Қәўендерлик кеңеси тәрепинен тийисли мәкандағы жаслар жетекшиси менен биргеликте үйренилип, субсидияны ажыратыў ямаса ажыратпаў ҳаққында қарар қабыл етеди. Субсидия ажыратылмағанда оның себеплери анық көрсетилиўи керек.

🟢Субсидия бериў ҳаққында қарар қабыл етилсе, ижара төлеми ҳәр айдың 5-сәнесине шекем ижараға бериўшиниң (турақ жай ийесиниң) банк картасына өткерип бериледи.

❗️Субсидия бериў дәўиринде жаслар жетекшиси субсидия алып атырған пуқараның сол турақ жайда жасап атырғанлығын ҳәр айда кеминде бир мәрте тексерип турады. Егер пуқара ол жайда жасамай атырғанлығы анықланса, субсидия бериў тоқтатылады.

🔔 Постты жақынларыңызға тарқатың.

👉 @XALIQ_USHIN - тек рәсмий ҳәм исенимли мағлыўматлар

18.6k 0 38 17

XALÍQ USHÍN ⚖️

29 Dec, 18:03

⚡️Айдаўшылар ушын әҳмийетли нызам қабыл етилди

❗️Бул Нызамға тийкар, жол ҳәрекети қағыйдалары бузылғанлығы ҳаққындағы мағлыўмат жәрийма салыў ҳаққында қарар шығарыўға ўәкилликли болған шахсқа жол ҳәрекети қағыйдалары бузылғанлығы арнаўлы автоматластырылған фото ҳәм видео үскенелери арқалы алынған ўақыттан баслап 48 саат ишинде жиберилмеген болса, ҳәкимшилик жуўапкершилик ҳаққындағы ис жуўмақланады.

❌ Енди фото яки видеорадарға ямаса камераға түскен “нарушение” протоколы 48 сааттың ишинде “ГАИ”ге жиберилмесе, ол бойынша пуқараға жәрийма салынбайды.

☝️Бул тәртип күшке кирди.

🔔 Постты жақынларыңызға тарқатың.

👉 @XALIQ_USHIN - тек рәсмий ҳәм исенимли мағлыўматлар

19.7k 0 83 30

XALÍQ USHÍN ⚖️

29 Dec, 14:15

❓Мектеп директоры болыў ушын қандай талапларға жуўап бериў керек?

🔰Мектепке шекемги ҳәм мектеп билимлендириўи министрлигиниң 29.08.2023-жылдағы 270-санлы буйрығына көре, мектеп директоры лаўазымына талабан:

✔️кеминде бакалавр дәрежесиндеги жоқары мағлыўматқа ийе болыўы;

✔️менеджерлик сертификатқа ийе болыўы;

✔️билимлендириў тараўында кеминде 5 жыллық педагогикалық стажға ийе болыўы керек.

✅ Талабанға қосымша талаплар:

🔸билимлендириў ҳаққындағы, бала ҳуқықлары ҳаққындағы ҳәм мәмлекетлик хызмет ҳаққындағы нызамшылықтан хабардар болыўы;

🔸шет тиллериниң биреўин басланғыш дәрежесинде билиўи ҳәм мәлимлеме коммуникация технологияларынан пайдаланып билиўи;

🔸мәмлекетлик тиллерди (өзбек, қарақалпақ) билиўи (шет тиллерин билиўи үстемлик береди) керек.

💡Мағлыўмат ушын. Менеджерлик сертификатқа ийе директорлардың лаўазым айлығына 50% лик үстеме төленеди.

🔔 Постты жақынларыңызға тарқатың.

📨 Юристке сораў бериў

👉 @XALIQ_USHIN - тек рәсмий ҳәм исенимли мағлыўматлар

18.7k 0 21 17

XALÍQ USHÍN ⚖️

29 Dec, 13:57

texnomart dan repost

😎 Haftaning Xit Savdosi!

texnomart do’konlaridan aynan siz ko’p tanlagan va ishongan texnikalarni saralаb oldik!
____

😎 Хит продаж недели!

Отобрали лучшие техники, которые выбрали и доверились вы!

71-209-99-44
texnomart.uz

👇Obuna bo'ling: @texnomart

17.3k 0 1 9

XALÍQ USHÍN ⚖️

29 Dec, 12:50

💰120 млн сумлық турақ жай кредитин алыўшыға қандай талаплар қойылған?

✅ Министрлер Кабинетиниң 21.10.2024-жылдағы 691-санлы қарарына тийкар, кредит алыўшы төмендеги критерийлерге (шәртлерге) муўапық болса ғана оған кредит ажыратылыўы мүмкин:

➖18 жастан үлкен ҳәм 60 жастан аспаған Өзбекстан пуқарасы болыўы;

➖кредитти төлеўге жетерли ҳәм нызамлы дәрамат дерегине ийе болыўы (сол қатарда қыйтақ жери яки дийқан хожалығынан ямаса жеке тәртиптеги исбилерменликтен дәрамат таўып отырған болыўы);

➖қарыз жүги көрсеткиши (айлық төлеп жүрген қарызлары суммасы) қарыз алыўшының барлық кредитлери ҳәм микроқарызлары бойынша орташа айлық төлемлери усы пуқараның орташа айлық дәраматларының 60% нен көп болмаўы;

➖алдын алған кредитлери бойынша мүддети өткен қарыздарлығы болмаўы;

➖алдын ипотека кредитинен ҳәм ипотека кредитлери бойынша субсидиялардан пайдаланбаған болыўы;

➖реконструкция қылынатуғын ҳәм оңланатуғын турақ жай ямаса қуралажақ турақ жайдың жер участкасы усы пуқараға ямаса ол менен бирге жасаўшыжақын туўысқанларынан бирине тийисли екенлиги ҳәм де пуқара усы мәнзилде кеминде 6 ай даўамында турақлы “пропискада” турған болыўы.

🗓 Қарыз жүгин есаплаўда кредит алыўшының орташа айлық дәраматлары муғдары оның ақырғы 12 ай даўамында алған дәраматлары муғдарының орташа арифметикалық муғдарынан кели шығып есапланады.

💡Кейинги постымызда: “Мәкан жетилиги” пуқараға кредит бериў ушын усынысты бериўден қандай жағдайларда бас тартыўы мүмкин?

🔔 Жақынларыңызға тарқатың.

📨 Юристке сораў бериў

👉 @XALIQ_USHIN - тек рәсмий ҳәм исенимли мағлыўматлар

19k 0 109 27

XALÍQ USHÍN ⚖️

29 Dec, 12:31

❗️Tek 2 kún! 29-30-dekabrde idea'da -50% ke shekem Sońǵı Shegirmeler!

⚡️— 50% Redmi Note13 (6/128) 239 000 119 500 sumnan
⚡️— 50% Lenovo Noutbuk 399 000 199 500 sumnan
⚡️— 50% MIDEA (MC08MEBU) 141 583 70 792 sumnan
⚡️— 50% Loretto (2101W) 90 667 45 333 sumnan
⚡️— 50% KLEO (1201) 102 000 51 000 sumnan
⚡️— 40% Ssmart 43" TV 266 500 159 900 sumnan
⚡️— 30% PREMIER Kondicioner 12" 439 000 307 300 sumnan
⚡️— 30% PREMIER 70" TV 619 000 433 300 sumnan
⚡️— 30% LG 8kg (F2V5PS0W) 498 167 348 717 sumnan ayina*

* Bul tek erteń saat 22:00 ge shekem boladı hám barlıq bahalar ayma ay tólewge kórsetilgen!

Maģlıwmat ushın:
71 230 77 99

📍Mánzil: Nókis q, Mega Nukus, Ernazar Alakóz kóshesi, 60
📍Mánzil: Qońırat q, Mega Park, Tólegen Aybergenov kóshesi 1/A
📍Mánzil: Beruniy q,Shox Abbos Vali kóshesi (Beruniy Sawda orayi qarama-qarsı tárepi)

-50% SHEGIRMELER | Instagram | Do'konlarimiz

17.6k 0 12 9

XALÍQ USHÍN ⚖️

29 Dec, 11:22

❓3 жасқа шекемги баланы аўқатландырыўда нелерге итибар бериў керек?

Аўқатланыў 1-3 жастағы баланың тек сарыплаған энергиясын қаплап, оның азықлық затларға (белок, май, углевод), витаминлерге ҳәм минералларға болған талапларын қандырып ғана қалмай, ал ол соның менен бирге, тәрбиялаўшылық хызметти де атқарады: баланы жақсы әдетлерге үйретеди, эстетикалық көзқарасты раўажландырады.

Мәселен, егер балаға кишкентайынан пайдалы азықлықларды жеўди үйретсек, кейин ол бул өнимлерди жақсы көрип қабыллайды.

Егер бала жүдә ашшы ямаса оғада мазалы тағамларға үйренип қалса, үлкейгенде онда надурыс дәм сезими қәлиплеседи.

Айырым ата-аналар «мазасы шықсын» деп, аўқатқа артықша дуз ямаса қумшекер қосады. Олардың пикиринше, сонда ғана бала иштейленип жейди.

Бундай етпеў керек! Жақсы аўқатланыў көз қарастан қаралғанда, ҳешқандай аўқатқа артықша дуз ямаса қумшекер араластырылыў керек емес.

Ата-ана шаңарақта нәресте туўылмастан бурын ямаса ол дүньяға келиўден-ақ, өзлериниң үйреншикли аўқатланыў рационын критикалық көзқарастың елегинен өткериўи керек: дурыс аўқатланып атырмыз ба ямаса жоқ па?

Өйткени, бала сизлердиң не жеп, не ишип атырғаныңызға қарап, аўқатланыўды үйренеди.

Саламатлық бағышлайтуғын аўқатланыў тәризине өтиўдиң үлкен қыйыншылығы жоқ.

Дәслебинде аз дуз салынған ҳәм аз бурыш қосылған аўқат дәмсизлеў болып көриниўи мүмкин. Арадан шама менен еки ҳәптедей ўақыт өткен соң тилдиң рецепторлары өнимлердиң тәбийий дәмине сезимтал бола баслайды.

🗞️Дерек: Бала психологиясы

🔔 Жақынларыңызға тарқатың.

👉 @XALIQ_USHIN - тек рәсмий ҳәм исенимли мағлыўматлар

17.7k 0 27 22

XALÍQ USHÍN ⚖️

29 Dec, 10:29

❗️Әндижанда 5 пуқара коньяктан зәҳәрленип қайтыс болыпты

2024-жыл 22-26-декабрь күнлери Әндижан ўәлаятында 22 пуқара Өзбекстан Республикасы акциз маркасы жабыстырылған "Өзбекстан" атлы коньяк спиртли ишимлигин ишкенлиги ақыбетинде өткир зәҳәрлениў диагнозы менен емлеўханаға жатқарылған.

Шыпакерлер тәрепинен көрсетилген зәрүр медициналық жәрдемге қарамастан, олардың бесеўи қайтыс болған.

Бул жағдай бойынша ўәлаят прокуратурасы тәрепинен Жынаят кодексиниң тийисли статьялары менен жынаят иси қозғатылған.

👉 @XALIQ_USHIN - тек рәсмий ҳәм исенимли мағлыўматлар