🗂
Har bir musulmon uchun muhim 16 kalom Inson hayotda turli holat va sharoitlarga duch keladi. Ana shunday paytlarda Islomda til va dil bilan aytilajak ma’lum jumlalar mavjudki, ularni har bir e’tiqodli musulmon bilishi zarur. Quyida ana shunday iboralar bilan tanishamiz.
✅ Avvalo har qanday holat avvalida “
Bismillaah” kalomi aytiladi. Bu “Alloh nomi bilan (boshlayman)”, degan ma’noni bildiradi.
✅ “
Assalaamu alaykum va rohmatullohi va barokaatuh” – «Sizga tinchlik va Allohning rahmati, barakoti bo‘lsin”. Bu bir musulmon ikkinchi musulmonni ko‘rganda aytiladigan kalomdir.
✅ Har qanday voqea-hodisa Allohning irodasi bilan sodir bo‘ladi. U yaxshilik, yomonlik, qiyinchilik, sinov, g‘am-tashvish, bundan qat’iy nazar, «
Allohu akbar» (“Alloh Buyukdir”) kalomini kanda qilmaslik kerak.
✅ Hayotingizda quvonchli, baxtli voqea sodir bo‘lganda “
Subhaanalloh” kalimasini aytishni unutmang.
✅ Qodir Egamning irodasi, marhamati bilan yaxshi hodisa ro‘y berganda «
Alhamdulillaah» («Allohga hamd aytaman yoki barcha maqtovlar Allohga xosdir») deyiladi.
✅ «
Maashaa-alloh» – Ajablanish va hayrat chog‘ida Allohga tasanno aytish, barcha narsa U Zot xohishi bilan yuz berishiga iqror bo‘lish xayrli amaldir.
✅ «
Inshaa-alloh» («Alloh xohlasa...» Bu biror yumush avvalida, nimadir kutilayotgan, va’da berilayotgan chog‘da hammasi Buyuk Allohning irodasi bilan sodir bo‘lishini ta’kidlashdir.
✅ Ko‘ngilga qo‘rquv, xavotir oralaganda, yengib bo‘lmas to‘siqqa duch kelinganda «
Hasbunallohu va ni’mal vakiyl» (Bizga Allohning O‘zi yetarli. U Zot eng yaxshi Vakildir) kalimasi aytiladi.
✅ Miyaga yomon o‘y-fikrlar kelganda «
Auvzu billaahi minash shaytonir rojiym» (Toshbo‘ron qilingan shayton (yomonligi)dan Alloh panoh berishini so‘rayman) kalimasi takrorlanadi.
✅ «
Astag‘firulloh» («Allohdan mag‘firat so‘rayman»). Bu kalom gunohiga iqror bo‘lganda yoki gunoh amalga guvoh bo‘lib qolganda aytiladi.
✅ «
Vallohul musta’aan» (“Allohning ko‘magi menga yetarli”). O‘zingizni najotsiz, ojiz his qilganingizda shu kalomni takrorlang.
✅ O‘lim xabarini eshitganda yoki judolik ro‘y berganda «
Innaa lillaahi va innaa ilayhi roji’uvn» («Barchamiz Allohnikimiz va Unga qaytuvchimiz»), deyiladi.
✅ Biror muvaffaqiyat avvalida, muhim topshiriq olinganda «
Va maa tavfiyqiy illaa billaah» («Mening yutuqlarim, muvaffaqiyatim faqat Alloh(ning yordami) bilandir») kalimasini kanda qilmang.
✅ «
Aamiyn» («Duolarimizni ijobat et!») – Duo yakunida, bir odam ikkinchi odamga yaxshilik tilaganda aytiladi.
✅ «
Baarokallohu fiyk» – «Alloh senga xayr-baraka ato etsin!» Minnatdorlik izhor etilganda aytiladi. U «rahmat», “tashakkur” kalomi mazmuniga yaqin.
✅ Payg‘ambarimiz Muhammad Mustafo sollallohu alayhi va sallam hazratlarining muborak nomlarini eshitganda “
Sollallohu alayhi va sallam” (Alloh u zotga salavot va salom yo‘llasin) kalomi aytiladi.
😎
@ilm_duri
