"VERUM" адвокатлик фирмаси / "VERUM" Адвокатская фирма

#Qonunchilikdagi_yangiliklar

✅ Donorlarga beriladigan pul mukofoti miqdori oshirildi

Qonun (O‘RQ-1041-son, 28.02.2025 y.) bilan ayrim qonun hujjatlariga qo‘shimcha va o‘zgartirishlar kiritildi

🔰 Qonun bilan “Shahar yo‘lovchilar transportidan bepul foydalanishni tartibga solish to‘g‘risida”gi hamda “Qon va uning tarkibiy qismlari donorligi to‘g‘risida”gi O‘zbekiston Respublikasi qonunlariga tegishincha “O‘zbekiston Respublikasi faxriy donori” ko‘krak nishoni bilan taqdirlangan shaxslar uchun bir yo‘la beriladigan pul mukofoti miqdori oshirilishini nazarda tutuvchi qo‘shimcha va o‘zgartirishlar kiritilmoqda.

✅ Bunda mazkur ko‘krak nishoni bilan taqdirlanadiganlar BHMning 15 baravari (5 mln 625 min so‘m) miqdorida bir yo‘la beriladigan pul mukofotini olishi belgilandi.

Ilgari BHMning 5 baravari edi.

✔️ Shuningdek, ularga shahar yo‘lovchilar transportidan

(bundan yo‘nalishli va yo‘nalishsiz taksilar mustasno)

bepul foydalanish, o‘zlari uchun qulay bo‘lgan vaqtda har yilgi mehnat ta’tiliga chiqish hamda sanatoriy-kurortlarda davolanish uchun yo‘llanmalarni navbatsiz olish huquqi berilmoqda.

📌Qonun rasmiy e’lon qilingan kundan e’tiboran kuchga kiradi.

"⚖️ Verum" advokatlik firmasi — sizning huquqlaringiz himoyachisi!

⚖ @Verumlf_uz

⚡️Rasman: Subsidiya olishga arizalar qabuli boshlandi

📑 Ipoteka kreditlari boʻyicha subsidiyalar toʻlashning tasdiqlangan maqsadli koʻrsatkichlari doirasida arizalarni bugun 3-mart kuni soat 09:00 dan boshlab joʻnatish imkoniyati yaratildi. Bu haqida Iqtisodiyot va moliya vazirligi xabar berdi.

➖ Arizalarni Davlat xizmatlari markazlari yoki Yagona portal (my.gov.uz) orqali topshirish mumkin. Bunda ariza beruvchi xohishi bilan uning daromadlari hisob-kitobiga yaqin qarindoshlarining ham daromadlari kiritilishi mumkin.

➖ Shuningdek, arizachi yoki uning turmush oʻrtogʻining (shu jumladan, kafil sifatida keltirgan yaqin qarindoshlari) oʻrtacha daromadi quyidagicha boʻlishi kerak:

➖ Qoraqalpogʻiston Respublikasi va viloyatlarda — mehnatga haq toʻlashning eng kam miqdorining 2,7 baravaridan 8 baravarigacha (hozirda 3,11 mln — 9,24 mln soʻm);

➖ Toshkent shahrida — mehnatga haq toʻlashning eng kam miqdorining 2,7−9,2 baravari (hozirda 3,11 mln soʻm — 10,62 mln soʻm).

Eslatma PF–26-sonli Farmoni bilan joriy yilda ipoteka kreditlari bo‘yicha subsidiyalar soni o‘tgan yilgiga nisbatan 1,5 baravarga oshirildi hamda dastur doirasida 30 000 nafar talabgorlarga ipoteka kreditlari bo‘yicha subsidiyalar ajratish belgilanmoqda.

Ariza topshirish uchun havola:
https://my.gov.uz/oz/service/325

"⚖️ Verum" advokatlik firmasi — sizning huquqlaringiz himoyachisi!

⚖ @Verumlf_uz

Жиноят процесси иштирокчиларини ижтимоий ҳимоя қилиш таъминланади‼️

Ҳукумат қарори (ВМҚ-103-сон, 21.02.2025 й.) билан “Жабрланувчиларни, гувоҳларни ва жиноят процессининг бошқа иштирокчиларини ижтимоий ҳимоя қилишни таъминлаш тартиби” тўғрисидаги низом тасдиқланди.

Бунда жабрланувчиларни, гувоҳларни ва жиноят процесси бошқа иштирокчиларининг ижтимоий ҳимоясини таъминлашга қаратилган бир йўла бериладиган нафақани тайинлаш ва тўлаш тартибини белгилайди.

Маъсул ижтимоий ҳимоя миллий агентлиги ижтимоий ҳимоя қилиш чораларини таъминловчи орган этиб белгиланди.

✅ Қуйидагилар ҳимоя қилинувчи шахсга жиноят процессида иштирок этиши муносабати билан ижтимоий ҳимоя қилиш чораларини қўллашга асос бўлади:

➖ҳалок бўлганлиги (вафот этганлиги);
➖унга ногиронликни келтириб чиқарувчи тан жароҳати етказилганлиги ёки соғлиғига бошқача зиён етказилганлиги;
➖унга ногиронликни келтириб чиқармайдиган тан жароҳати етказилганлиги ёки соғлиғига бошқача зиён етказилганлиги;
➖мулкий зарар етказилганлиги.

📁 Бир йўла бериладиган нафақанинг миқдори қуйидаги миқдорларда тўланади:

🔹шахс вафот этганда унинг оила аъзолари ҳар бирига тенг улушда - БҲМнинг 100 баравари миқдорида;

🔹шахсга ногиронликни келтириб чиқарувчи тан жароҳати етказилган ёки соғлиғига бошқача зиён етказилганда, ногиронлик гуруҳига кўра:

▪️I гуруҳ - БҲМнинг 80 баравари миқдорида;
▪️II гуруҳ - БҲМнинг 70 баравари миқдорида;
▪️III гуруҳ - БҲМнинг 50 баравари миқдорида.

🔹 ногиронликни келтириб чиқармайдиган тан жароҳати етказилганда ёки соғлиғига бошқача зиён етказилганда эса, суд-тиббий экспертизасининг хулосаси асосида:

▪️оғир даража - БҲМнинг 35 баравари миқдорида;
▪️ўрта даража - БҲМнинг 35 баравари миқдорида;
▪️соғлиқнинг қисқа муддатга ёмонлашувига олиб келган енгил даража - БҲМнинг 25 баравари миқдорида.

🗓 Ижтимоий ҳимоя чораларини қўллаш тўғрисидаги қарор (ажрим) уни таъминловчи орган томонидан уни олган кундан бошлаб, 10 сутка ичида ижро этилиши лозим.

🚫Бир йўла бериладиган нафақа солиққа тортилмайди ва ундан ушлаб қолишлар амалга оширилмайди.

📌Ушбу қарор 2025 йил 1 апрелдан эътиборан кучга киради.
🌐 @verumlf_uz адвокатлик фирмаси-Сизнинг ҳуқуқларингиз ҳимоячиси !

Дўстларга улашамиз ✅
👉 @Himoyachi1981

Tikuv-trikotaj va charm sanoati uchun yangi soliq imtiyozlari! Biznesingizga qanday ta’sir qiladi? 👕👞
📅 O‘zbekiston Respublikasi Prezidentining 27.12.2024 yildagi PF 229-son farmoniga asosan 2025-yil 1-yanvardan 2028-yil 1-yanvarga qadar
Tikuv-trikotaj, poyabzal va charm-attorlik sanoatida faoliyat yuritayotgan tadbirkorlik subyektlari uchun ushbu soliq imtiyozlari joriy etilmoqda.

🔹 Foyda solig‘i – 2% (standart 15% o‘rniga)
🔹 Ijtimoiy soliq – 1% (standart 12% o‘rniga)

Ammo bu imtiyozlardan foydalanish uchun quyidagi 3 ta asosiy talabni bajarish shart:

1️⃣ Kam ta’minlangan aholi bandligini ta’minlash
📌 1 000 tagacha xodim ishlaydigan korxonalarda – xodimlarning kamida 15%, lekin 150 nafardan kam bo‘lmasligi kerak.
📌 1 000 tadan ortiq xodimi bor korxonalar – kamida 10% xodim (lekin 150 nafardan kam bo‘lmasligi shart).
📌 Ushbu xodimlar Ijtimoiy himoya yagona reyestri yoki Kambag‘al oilalar reyestrida bo‘lishi kerak.

2️⃣ Ish haqi miqdori bo‘yicha talab
📌 Har bir xodimning o‘rtacha oylik maoshi mehnatga haq to‘lashning eng kam miqdorining 2 baravaridan kam bo‘lmasligi kerak.

3️⃣ Asosiy daromad manbai sanoat mahsulotlari bo‘lishi kerak
📌 Korxonaning umumiy tushumining kamida 90% qismi tikuv-trikotaj, poyabzal yoki charm-attorlik mahsulotlarini sotishdan kelib tushishi kerak.

Imtiyozlar qanday nazorat qilinadi?
✅ Soliq organlari barcha shartlarning bajarilishini inson omilisiz, avtomatik ravishda tekshiradi.
✅ Chorak tugaganidan keyingi oyning 25-sanasiga qadar tekshiruv natijalari e’lon qilinadi.
✅ Agar shartlar chorakning har bir oyida bajarilgan bo‘lsa, ushbu chorak uchun soliq imtiyozi amal qiladi.

📢 Agar shartlar bajarilmasa, nima bo‘ladi?
Agar tadbirkor imtiyoz olgach, shartlarga rioya qilmaganligi aniqlansa, imtiyoz bekor qilinadi va:
❌ Kam to‘langan soliqlar penya bilan birga qayta hisoblanadi
❌ Soliq qarzi budjetga undiriladi

Xulosa
✅ Agar siz ushbu sanoat yo‘nalishida faoliyat yuritsangiz va kam ta’minlangan aholiga ish bersangiz, yuqori daromad bilan katta soliq imtiyozlaridan foydalanishingiz mumkin.
✅ Ammo shartlarga rioya qilish majburiy – aks holda, soliq imtiyozi bekor qilinadi va penya hisoblanadi.

📢 Sizningcha, ushbu soliq imtiyozlari biznesingizga qanday ta’sir qiladi? Izohlarda fikringizni yozing! ⬇️

💼 Biznesingizni qonuniy va samarali yuritish uchun huquqiy maslahat kerakmi?
📩 Ijtimoiy tarmoqlar yoki 📞 +998 910115557 orqali bog‘laning! ⚖️ @Verumlf_uz

#Biznes #Investitsiya #SoliqImtiyozi #TikuvSanoati #CharmSanoati

Келгусида пенсия олиш учун мурожаат қилиш шарт бўлмайди.

Ўзбекистонда ёшга доир пенсияни мурожаатсиз тайинлаш тартиби жорий этилади. Бу ҳақда Олий Мажлис Қонунчилик палатаси матбуот хизмати хабар берди.

Хабарга кўра, пенсия олиш ёшига тўлган (эркаклар – 60 ёш, аёллар – 55 ёш) фуқароларга ёшга доир пенсияни белгилашда уларнинг алоҳида мурожаати талаб этилмайди. Фуқаронинг иш стажи, иш ҳақи ва бошқа маълумотлари вазирлик ҳамда идораларнинг ахборот тизимларидан олинган маълумотлар асосида бир кун муддатда проактив шаклда тайинлаш тартибини жорий этиш қонун лойихаси белгиланмоқда.

Шунингдек, қонун лойиҳасида фуқарода пенсия ёшига етганига қарамай меҳнат фаолиятини давом эттириш истаги бўлса, проактив шаклда тайинланадиган ёшга доир пенсияни рад этиш тартибини ҳам жорий этиш назарда тутилмоқда.

Эслатиб ўтамиз, амалдаги тартибга кўра, фуқаролар пенсия ёшига тўлганидан сўнг пенсия тайинлашни сўраб яшаш жойидаги Пенсия жамғармаси бўлимига, Давлат хизматлари марказига ёки Ягона интерактив давлат хизматлари порталига рўйхатдан ўтиб, сўровномани тўлдирган ҳолда мурожаат қилади.

Маълумот учун, ҳозирги пайтда ёшга доир энг кам пенсия миқдори — ойига 834 000 сўмни ташкил этади.

⚖️@Verumlf_uz