Тошкент ирригация ва қишлоқ хўжалигини механизациялаш муҳандислари институти халқаро рейтингдан ўрин олди
QS рейтинг агентлиги 2020 йил учун Шарқий Европа ва Марказий Осиё давлатлари университетлари рейтинги эълон қилди. Қувонарлиси, ундан илк маротаба Ўзбекистон олий таълим муассасаси – Тошкент ирригация ва қишлоқ хўжалигини механизациялаш муҳандислари институти ҳам ўрин олди.
Шу ўринда таъкидлаш лозимки, ушбу натижа сўнги йилларда Президентимиз бошчилигида юртимизда олий таълим тизимини ислоҳ қилиш олиб борилаётган амалий ишларнинг дастлабки самараси бўлди. Мамлакатимизда таълим сифатини объектив ва шаффоф баҳолаб бориш, олий таълим муассасаларининг халқаро тан олинган рейтингларда ўрин олишларига кўмаклашиш мақсадида миллий рейтинг тизими жорий этилди.
Миллий рейтинг тизимидаги баҳолаш индикаторлари дунёнинг етакчи халқаро агентликлари мезонларидан намуна олган ҳолда, Times Higher Education, QS ва Elsevir каби нуфузли ташкилотларнинг экспертлари билан ҳамкорликда ишлаб чиқилди. Шунингдек, жорий йилнинг сентябрь ойида Швейцариянинг Цюрих шаҳрида бўлиб ўтган Бутунжаҳон таълим саммитида Таълим сифатини назорат қилиш давлат инспекцияси раҳбарияти мазкур компаниялар билан ҳамкорликни кучайтириш бўйича музокаралар олиб борган эди.
2018 йилги миллий рейтингда 55,38 натижа билан учинчи ўринни эгаллаган Тошкент ирригация ва қишлоқ хўжалигини механизациялаш муҳандислари институти раҳбарияти ва жамоаси кўрсаткичларни яхшилаш бўйича бир йил давомида самарали меҳнат қилиб, ижобий ўсиш кўрсаткичини қайд этишди. 2019 йилги рейтингда 68,96 натижа кўрсатган мазкур институт иккинчи ўринни банд этди. (Биринчи ўрин эгаллаган Ўзбекистон миллий университетидан атиги 0,2 балл фарқ қилган.)
QS томонидан университетлар жами 7 та мезон асосида баҳоланиб, Тошкент ирригация ва қишлоқ хўжалигини механизациялаш муҳандислари институти академик сўровнома, иш берувчиларнинг баҳоси ва илмий салоҳият каби мезонларда ижобий кўрсаткич қайд этиб, 301-350 ўринлар оралиғидаги университетлар қаторидан жой олди.
Ўзбекистон Республикаси олий таълим тизимини 2030 йилгача ривожлантириш концепциясида республикамиздаги камида 10 та олий таълим муассасасини халқаро эътироф этилган ташкилотлар (Quacquarelli Symonds World University Rankings, Times Higher Education ёки Academic Ranking of World Universities) рейтингининг биринчи 1 000 та ўриндаги олий таълим муассасалари рўйхатига киритиш назарда тутилган. Шу мақсадда ЎзМУ, ТИҚХММИ, ТДТУ, ТАТУ, СамДУ, ТДАУ, УрДУ, ТТА, Турин политехника университети, ҚҚДУ каби олий таълим муассасалари танлаб олиниб, уларни халқаро рейтингга киритиш режалаштирилган.
Маълумот учун, QS халқаро рейтинг агентлиги томонидан ҳар йили дунё университетларининг глобал рейтингидан ташқари ҳудудлар бўйича ва йўналишлар ажратган ҳолда ҳам рейтинги эълон қилиб борилади. 2020 йил учун Шарқий Европа ва Марказий Осиё давлатлари университетлари рейтингидан Озарбайжон, Россия, Туркия, Венгрия, Украина, Қозоғистон, Қирғизистон каби 28 та давлатдан 350 та олий таълим муассасаси ўрин олган. Ушбу рейтингда 1-ўринни Ломоносов номидаги Москва давлат университети эгаллаган. Шунингдек, мазкур рейтингдан Россиядан 105 та ва Қозоғистондан 24 та олий таълим муассасаси ўрин олди.
Таълим инспекциясининг расмий телеграм каналига уланиш👇👇👇
https://t.me/joinchat/AAAAAEm4cpqUUgdpGOG0Sw
QS рейтинг агентлиги 2020 йил учун Шарқий Европа ва Марказий Осиё давлатлари университетлари рейтинги эълон қилди. Қувонарлиси, ундан илк маротаба Ўзбекистон олий таълим муассасаси – Тошкент ирригация ва қишлоқ хўжалигини механизациялаш муҳандислари институти ҳам ўрин олди.
Шу ўринда таъкидлаш лозимки, ушбу натижа сўнги йилларда Президентимиз бошчилигида юртимизда олий таълим тизимини ислоҳ қилиш олиб борилаётган амалий ишларнинг дастлабки самараси бўлди. Мамлакатимизда таълим сифатини объектив ва шаффоф баҳолаб бориш, олий таълим муассасаларининг халқаро тан олинган рейтингларда ўрин олишларига кўмаклашиш мақсадида миллий рейтинг тизими жорий этилди.
Миллий рейтинг тизимидаги баҳолаш индикаторлари дунёнинг етакчи халқаро агентликлари мезонларидан намуна олган ҳолда, Times Higher Education, QS ва Elsevir каби нуфузли ташкилотларнинг экспертлари билан ҳамкорликда ишлаб чиқилди. Шунингдек, жорий йилнинг сентябрь ойида Швейцариянинг Цюрих шаҳрида бўлиб ўтган Бутунжаҳон таълим саммитида Таълим сифатини назорат қилиш давлат инспекцияси раҳбарияти мазкур компаниялар билан ҳамкорликни кучайтириш бўйича музокаралар олиб борган эди.
2018 йилги миллий рейтингда 55,38 натижа билан учинчи ўринни эгаллаган Тошкент ирригация ва қишлоқ хўжалигини механизациялаш муҳандислари институти раҳбарияти ва жамоаси кўрсаткичларни яхшилаш бўйича бир йил давомида самарали меҳнат қилиб, ижобий ўсиш кўрсаткичини қайд этишди. 2019 йилги рейтингда 68,96 натижа кўрсатган мазкур институт иккинчи ўринни банд этди. (Биринчи ўрин эгаллаган Ўзбекистон миллий университетидан атиги 0,2 балл фарқ қилган.)
QS томонидан университетлар жами 7 та мезон асосида баҳоланиб, Тошкент ирригация ва қишлоқ хўжалигини механизациялаш муҳандислари институти академик сўровнома, иш берувчиларнинг баҳоси ва илмий салоҳият каби мезонларда ижобий кўрсаткич қайд этиб, 301-350 ўринлар оралиғидаги университетлар қаторидан жой олди.
Ўзбекистон Республикаси олий таълим тизимини 2030 йилгача ривожлантириш концепциясида республикамиздаги камида 10 та олий таълим муассасасини халқаро эътироф этилган ташкилотлар (Quacquarelli Symonds World University Rankings, Times Higher Education ёки Academic Ranking of World Universities) рейтингининг биринчи 1 000 та ўриндаги олий таълим муассасалари рўйхатига киритиш назарда тутилган. Шу мақсадда ЎзМУ, ТИҚХММИ, ТДТУ, ТАТУ, СамДУ, ТДАУ, УрДУ, ТТА, Турин политехника университети, ҚҚДУ каби олий таълим муассасалари танлаб олиниб, уларни халқаро рейтингга киритиш режалаштирилган.
Маълумот учун, QS халқаро рейтинг агентлиги томонидан ҳар йили дунё университетларининг глобал рейтингидан ташқари ҳудудлар бўйича ва йўналишлар ажратган ҳолда ҳам рейтинги эълон қилиб борилади. 2020 йил учун Шарқий Европа ва Марказий Осиё давлатлари университетлари рейтингидан Озарбайжон, Россия, Туркия, Венгрия, Украина, Қозоғистон, Қирғизистон каби 28 та давлатдан 350 та олий таълим муассасаси ўрин олган. Ушбу рейтингда 1-ўринни Ломоносов номидаги Москва давлат университети эгаллаган. Шунингдек, мазкур рейтингдан Россиядан 105 та ва Қозоғистондан 24 та олий таълим муассасаси ўрин олди.
Таълим инспекциясининг расмий телеграм каналига уланиш👇👇👇
https://t.me/joinchat/AAAAAEm4cpqUUgdpGOG0Sw