"Andijon suv ta'minoti" AJ axborot xizmati

Axborot xizmatlari rahbarlari uchun malaka oshirish kurslari tashkil etildi

🔹 Ma’lumki, O‘zbekiston Respublikasi Prezidentining 2019-yil 27-iyundagi “Ommaviy axborot vositalari mustaqilligini ta’minlash hamda davlat organlari va tashkilotlari axborot xizmatlari faoliyatini rivojlantirish bo‘yicha qo‘shimcha chora-tadbirlar to‘g‘risida”gi qarorida davlat organlari va tashkilotlari axborot xizmatlari rahbarlarining malakasini oshirish kurslarini tashkil etish belgilangan. Mazkur qaror ijrosi doirasida “O‘zsuvta’minot” AJ va AOKA hamkorligida hududiy suv ta’minoti korxonalari axborot xizmati rahbar va xodimlari uchun uch kunlik o‘quv kurslari tashkil etildi.

Ta’kidlash joiz, suv ta’minoti va oqova suv xizmatlari sohasida olib borilayotgan keng ko‘lamli islohotlarni jamoatchilikka tezkor va ishonchli yetkazish axborot xizmatlari xodimlarining asosiy vazifalaridan biridir. Shu bois kurs davomida ishtirokchilarga zamonaviy media yondashuvlar, samarali kommunikatsiya usullari va inqirozli vaziyatlarda axborot siyosatini olib borish tamoyillari bo‘yicha bilim va ko‘nikmalar berildi.

📚 Uch kunlik intensiv o‘quv dasturi quyidagi yo‘nalishlarni o‘z ichiga oldi:

✅ “Kamera bilan ishlash va intervyu berish mahorati” (Jurnalist, teleboshlovchi Hamza Jumayev)
✅ “Axborot xizmati faoliyatini baholash mezonlari” (AOKA mas’ul xodimi Doniyor Soliyev)
✅ “Inqirozli vaziyatlarda axborot xizmatining o‘rni va zamonaviy tendensiyalar” (Media tadqiqotchi Gulnoza Alimova)
✅ “PR texnologiyalar va media bilan ishlash usullari” (Media tadqiqotchi Nargis Qosimova)
✅ “OAV bilan bog‘liq qonunchilik asoslari” (Huquqshunos Iroda Qahhorova),

📌 O‘quv mashg‘ulotlarining quyidagi muhim jihatlarini alohida e’tiborga olish lozim:

🔹 Ishtirokchilarga amaliy media-tadqiqotlar, real ish jarayonidagi muammolar bo‘yicha spikerlarning oʻz tajribalaridagi keyslar va tahliliy topshiriqlar taqdim etildi.

🔹 Har bir tinglovchi inqirozli vaziyatlarni tahlil qilish, muzokaralar olib borish va media bilan ishlash bo‘yicha amaliy mashg‘ulotlarda ishtirok etdi.

Shuningdek, O‘zsuvta’minot AJ Axborot xizmati rahbari Akmal Murodov hamda AOKA mas’ul xodimi Doniyor Soliyevlar tizimdagi axborot siyosatini yanada takomillashtirish mexanizmlariga to‘xtalib o‘tdi.

🔗 Aytish joiz, ishtirokchilar egallagan bilim va koʻnikmalarini oʻz faoliyatlarida muntazam tatbiq etish, sohaga yanada yangicha yondashuvlar asosida kirishish orqali tizimda ochiqlik va samaradorlikni ta’minlashlarini qayd etishdi.

📜 O‘quv kurslari yakunida ishtirokchilarga sertifikatlar topshirildi.

#O‘zsuvta’minot #Axborot_xizmati #Media_trening #Malaka_oshirish #Suv_ta’minoti

|🗝Cabinet        |🌐Website
|🤖Bot                 |😄Telegram
|💬Facebook     |🌐Instagram
|📹YouTube       |🕊 Twitter
|💬Chat               |✅ TikTok