O'ZBEKISTONDA SOG'LIQNI SAQLASH - ЗДРАВООХРАНЕНИЕ УЗБЕКИСТАНА газетасининг расмий канали

🩺🟢Ўзбекистон Республикаси Президентининг 2021 йил 28 июлдаги ПҚ-5199-сонли қарорига мувофиқ имтиёзли тоифага кирувчи шахсларнинг даволаниш харажатлари Давлат тиббий суғуртаси жамғармаси томонидан бюджет маблағлари ҳисобига қоплаб берилади. Жамғарма билан шартнома тузган муассасаларда даволаниш жараёнлари назоратга олинган бўлиб, бемор ўрнатилган тартибда шифохонага ётқизилгандан кейин масъул мутахассислар бемор билан учрашади.

🔴Давлат тиббий суғурта жамғармаси билан шартнома асосида  имтиёзли тоифага кирувчи шахсларга ёрдам кўрсатиб келаётган Наманган вилоят кўп тармоқли тиббиёт маркази ҳамда Академик Ё.Х.Тўрақулов номли Республика ихтисослашган эндокринология илмий-амалий маркази вилоят филиалида Ўзбекистон Республикаси Президентининг 2024 йил 5 сентябрдаги “Давлат тиббий суғуртаси механизмларини жорий этишга оид чора-тадбирлар тўғрисида"ги ПҚ-311-сонли қарори ижросини таъминлаш мақсадида ўқув семинари ташкил этилди.

Жаҳон соғлиқни сақлаш ташкилотни экспертлари онкология марказига ташриф буюриб марказ директори профессор Тилляшайхов Мирзағолиб Нигматович билан учрашув ўтказди.

Давлатимиз раҳбари томонидан “Аёллар орасида онкологик касалликларни назорат қилиш тизимини такомиллаштириш чора-тадбирлари тўғрисида” қарор қабул қилиниши ҳам аёллар саломатлигини асраш йўлидаги яна бир муҳим қадамлардан бўлди.

ЖССТ бачадон бўйни ва кўкрак саратонининг олдини олиш бўйича йиғилиш бўлиб ўтди.
ЖССТнинг бачадон бўйни саратонини бартараф қилишни тезлаштириш бўйича глобал стратегиясида 9-14 ёшдаги қизларни одам папиллома вирусига карши эмлаш тавсия этилган.
ЖССТнинг тегишли стратегиясига кўра, 2030 йилга бориб қуйидаги учта глобал мақсадни тўлиқ амалга ошириш белгиланган:
1)Қизларнинг 90 фоизини одам папиллома вирусига қарши тўлиқ эмлаш.
2)Аёлларнинг 70 фоизини ўз вақтида скрининг текширувидан ўтказишни таъминлаш.
3) Саратонолди ҳолатлар аниқланган аёлларни даволаш қамровини 90 фоизга етказиш.

Тиббиётнинг бирламчи бўғинида 30-65 ёшдаги аёлларнинг электрон базаси шакллантирилиб, уларни тиббий кўрикка таклиф қилиш тизими яратилмоқда.

ҳар йили 30-50 ёшдаги аёлларда бачадон бўйни саратони скрининги одам папилломаси вирусини полимераза занжирли реакция текшируви усули орқали аниқлаш ҳамда суюқлик цитологияси усулида текшириш йўли билан амалга оширилади;

манфий натижа аниқланганда, улар 10 йилдан сўнг қайта текширувдан ўтказилади, натижа мусбат бўлганда эса аёллар қўшимча текширувга йўналтирилади;

саратонолди ҳолатлар аниқланган аёллар амбулатор даволаниш учун Республика ихтисослаштирилган она ва бола саломатлиги илмий-амалий тиббиёт маркази ва унинг ҳудудий филиалларига йўналтирилади;

30-65 ёшдаги аёллар ҳар 2 йилда бир маротаба тиббиёт ходимлари томонидан бирламчи саралашдан ўтказилади;

кўкрак бези саратони текшируви 45 ёшгача бўлган аёлларда ультратовуш диагностикаси усулида, 45-65 ёшдаги аёлларда эса маммография орқали амалга оширилади.

Скрининг натижасида онкологик касаллик аниқланган беморларни ташхислаш ва даволаш билан боғлиқ харажатлар Давлат бюджети маблағлари ҳисобидан молиялаштирилади.

telegram | sayt | instagram

🔴🟦🟦🟦

❗️ЖССТ: Ўзбекистон саратон касаллигига қарши курашда муҳим қадамлар ташламоқда

✅ Мамлакатимизда соғлиқни сақлаш соҳаси илғор хорижий тажриба ва мутлақо янги ёндашувлар асосида трансформация қилинмоқда.

📌 Ушбу йўналишдаги ишларнинг давоми сифатида Соғлиқни сақлаш вазирлиги ва Жаҳон соғлиқни сақлаш ташкилоти томонидан Саратонга қарши курашиш миллий режасини ишлаб чиқишга бағишланган “Ўзбекистон онкологик хизмат кўрсатишнинг янги босқичи сари: миллий режанинг бошланиши” мавзусида йиғилиш ўтказилди.

📃 Унда юртимиз вакиллари ҳамда ЖССТ экспертлари иштирок этиб, Саратонга қарши курашиш миллий режасини ишлаб чиқиш масалалари, бу борадаги халқаро тажриба, ривожланган давлатларнинг ютуқ ва камчиликлари муҳокама қилинди.

📊 Айтиш лозимки, мамлакатимизда саратон касаллигини эрта аниқлаш ва самарали даволаш чораларини кўриш — соҳа вакилларининг эътибор марказида.

🔎 2030 йилга қадар 30 – 69 ёшдаги аҳоли орасида онкологик касалликларни профилактик кўриклар орқали эрта босқичда аниқлаб, 5 йиллик умр давомийлиги кўрсаткичларини 2 баробар ошириш, 1 йилгача ўлим даражасини 2 баробар камайтириш, онкологик хасталикка чалинган беморларни даволаш билан тўлиқ қамраб олиш мақсад қилинган.

🖥 Шунингдек, давлатимиз раҳбарининг тегишли қарорига асосан 2025 – 2030 йилларда Бачадон бўйни ва кўкрак бези саратонини назорат қилиш давлат дастури амалга оширилиши кўзда тутилган.

🖇 Тадбирда таъкидланишича, Ўзбекистон саратон касаллигига қарши курашишда муҳим қадамларни ташламоқда. Бунга доир миллий режа эса эришилган натижаларни мустаҳкамлаш учун пойдевор бўлади.

📑 Асосий мақсад — касаллик профилактикаси, уни эрта аниқлаш, даволаш, реабилитация қилиш ва паллиатив ёрдамни ўз вақтида ташкил этиш ҳамда онкологик патологиялар регистрини юритиш орқали аҳоли саломатлигини асраш, хасталаниш ва ўлим даражасини тушириш ҳамда беморларнинг ҳаёт сифатини яхшилашга эришиш.

🧑‍💻 Халқаро экспертлар юртимизда бу соҳадаги ютуқлар ва эҳтиёжларни баҳолаб, мазкур йўналишдаги ишларни барқарор амалга ошириш бўйича тавсияларини берди.

telegram | sayt | instagram