Uzpharmcontrol

🔴🟦🟦🟦

Марказ директори дори воситаларини рўйхатдан ўтказиш масалалари бўйича тадбиркорлар билан мулоқот ўтказди

Шу кунларда Фармацевтика маҳсулотлари хавфсизлиги маркази ва Фармацевтика тармоғини ривожлантириш агентлиги ҳамкорлигида маҳаллий тадбиркорларни қўллаб-қувватлаш, уларнинг фаолиятини тартибга солиш ва дори воситаларини давлат рўйхатидан ўтказиш жараёнларини самарали ташкил этиш мақсадида мунтазам равишда учрашувлар ўтказиб келинмоқда.

Шу каби ўтказилган навбатдаги муҳокамада Марказ директори А. Темиров бошчилигида бир қатор маҳаллий ишлаб чиқарувчилар томонидан тақдим этилган дори воситаларини давлат рўйхатидан ўтказиш масалалари кўриб чиқилди. Хусусан:

☑️ "JURABEK LABORATORIES" МЧЖ ҚК томонидан 50 номдаги дори воситаларини давлат рўйхатидан ўтказиш ва мавжуд гувоҳномаларни узайтириш учун тақдим этилган ҳужжатлар;

☑️"CODEPHARM" МЧЖ ХК томонидан ишлаб чиқарилган 2 номдаги дори воситалари;

☑️"RIVER MED PHARM" МЧЖ томонидан ишлаб чиқарилган 10 номдаги дори воситасини давлат рўйхатидан ўтказиш билан боғлиқ жараёнлар таҳлил қилинди.

Тадбиркорлар Марказ фаолиятининг шаффофлиги ва очиқлигини эътироф этиб, соҳада олиб борилаётган тизимли ислоҳотларни юқори баҳолашди ҳамда бу каби учрашувларни мунтазам ташкиллаштиришни таклиф этишди.

Telegram | Facebook | Instagram | Youtube

🔴 ⭕️⭕️⭕️

Гулистонда яроқлилик муддати ўтган дори воситаларини ўтказиш мақсадида сақлаб келган шахс ушланди

Фармрейд: Бош прокуратура ҳузуридаги Департаментнинг Гулистон шаҳри бўлими томонидан ўтказилган тезкор тадбирда ноқонуний дори воситалари савдоси билан шуғулланиб келган фуқаро Ш.Э. “Тараққиёт” МФЙ ҳудудида жойлашган нотурар бинода умумий қиймати 435,9 млн сўмлик турли номдаги жами 10 481 дона яроқлилик муддати ўтган дори воситалари ва тиббий буюмларни ўтказиш мақсадида сақлаб келаётганлиги аниқланиб, ашёвий далил тариқасида олиб қўйилган.

Мазкур ҳолат юзасидан Жиноят кодексининг 186-3-моддаси (сифатсиз ёки қалбакилаштирилган дори воситаларини ёхуд тиббий буюмларни ўтказиш мақсадида ишлаб чиқариш, тайёрлаш, олиш, сақлаш, ташиш ёки ўтказиш) билан жиноят иши қўзғатилиб, тергов ҳаракатлари ўтказилмоқда.

Telegram | Facebook | Instagram | Youtube

🔴 🟦🟦🟦

Референт нархларни шакллантириш бўйича Молдова тажрибаси ўрганилмоқда

Юртимизда дори воситалари нархларини тартибга солиш ва шаффоф механизмларни жорий этиш мақсадида, Фармацевтика маҳсулотлари хавфсизлиги марказининг Референт нархларни шакллантириш бўлими мутахассислари Молдова тажрибасини ўрганишмоқда.

Молдовага ташриф доирасида Марказ ходимлари Молдованинг Дори воситалари ва тиббий буюмлар агентлиги – Agenția Medicamentului și Dispozitivelor Medicale (AMDM) мутасаддилари билан учрашиб, мазкур регулятор органининг 2010 йилдан буён амалиётга тадбиқ этиб келинаётган референт нарх шакллантириш тизими бўйича тажрибаси билан яқиндан танишди.

Маълумот учун, Молдова Дори воситалари ва тиббий буюмлар агентлиги (AMDM) фармацевтика маҳсулотларини тартибга солувчи асосий давлат органи бўлиб, дори воситалари ва тиббий буюмларнинг рўйхатдан ўтказилиши, сифат назорати, нарх шакллантириш ва уларнинг хавфсизлигини таъминлаш билан шуғулланади.

Шунингдек, дори воситалари нархларини белгилаш ва назорат қилиш жараёнларини тартибга солиш бўйича Агентликда амалга оширилаётган ишлар ўрганилиб, уларни мамлакатимиз шароитида қўллаш имкониятлари таҳлил қилинди.

Мазкур ташриф — мамлакатимизда дори воситаларининг иқтисодий жиҳатдан асосланган ва шаффоф нархи шаклланиши, шунингдек, аҳолига сифатли ва мақбул нархларда фармацевтика маҳсулотларини тақдим этиш жараёнларини такомиллаштиришга хизмат қилади.

Telegram | Facebook | Instagram | Youtube

Центр безопасности фармацевтической продукции предупреждает всех ответственных лиц аптек нашей страны!

Несмотря на контрольные мероприятия, проводимые уполномоченными надзорными органами, в ряде аптек продолжаются случаи продажи без рецепта лекарственных средств, отпускаемых строго по рецепту врача.

В связи с этим Центр безопасности фармацевтической продукции требует от всех ответственных лиц аптек соблюдать высокую степень ответственности в своей деятельности и напоминает, что за нарушение правил продажи рецептурных лекарственных средств согласно законодательным актам предусмотрены следующие меры ответственности.

Продажа рецептурных лекарственных средств без рецепта аптечными учреждениями, в соответствии со статьёй 165¹ Кодекса Республики Узбекистан об административной ответственности:

✏️ Нарушение порядка розничной реализации по рецепту лекарственных средств влечет наложение штрафа от пяти до десяти базовых расчетных величин

✏️ Нарушение порядка розничной реализации по рецепту лекарственных средств, содержащих сильнодействующие вещества влечет наложение штрафа от пятидесяти до ста базовых расчетных величин.

❗️ В соответствии с действующими законодательными актами, если в течение одного года два и более раз будет нарушен порядок розничной реализации рецептурных лекарственных средств и медицинских изделий, это будет считаться грубым нарушением лицензионных требований и условий и может стать основанием для аннулирования лицензии в установленном порядке. Кроме того, информация о месте нахождения аптеки и её сотруднике вносится в специальный реестр и хранится в течение трёх лет.

Сотрудник, внесённый в данный реестр, в течение этого периода лишается права работать в аптеке в качестве ответственного лица, а открытие аптеки по зарегистрированному в реестре адресу запрещается.

Telegram | Facebook | Instagram | Youtube

🔴 ⭕️⭕️⭕️

Сифати кафолатланмаган фармацевтика маҳсулотларини муомалага киритилишини олди олинди

Фармрейд: Бош прокуратура ҳузуридаги Департаментнинг Тошкент вилояти бошқармаси томонидан Ангрен шаҳрида ўтказилган тезкор тадбирда ноқонуний дори воситалари савдоси билан шуғулланиб келган фуқаро А.А. умумий қиймати 132,4 млн сўмлик 6 турдаги сифатини тасдиқловчи ҳужжатлари бўлмаган дори воситалари ҳамда тиббиёт буюмларини фуқаро И.Я.га 8 800 АҚШ долларига сотган вақтида ашёвий далиллар билан ушланган.

Мазкур ҳолат юзасидан Жиноят кодексининг 186-3-моддаси билан жиноят иши қўзғатилиб, тергов ҳаракатлари ўтказилмоқда.

Telegram | Facebook | Instagram | Youtube

🟦🟦🟦🟦🟦

Ўтган ҳафта давомида "Фармацевтика маҳсулотлари хавфсизлиги маркази" давлат муассасаси фаолиятида рўй берган муҳим воқеалар дайжести:

😎 “Дармон” ахборот тизимида тадбиркорлар учун янги қулайлик яратилди

😎 Фармацевтика маҳсулотлари хавфсизлиги маркази томонидан "Дори воситаларини стандартлаш илмий маркази" МЧЖ ва Тошкент фармацевтика институти билан ҳамкорликда “Зарур фармаконазорат амалиёти - GVP” мавзусида навбатдаги онлайн семинар-тренинг бўлиб ўтмоқда

😎 Марказнинг Андижон филиали ЖССТнинг преквалификациясидан ўтиш учун қизғин тайёргарлик кўрмоқда

😎 Мувофиқлик сертификатига эга бўлмаган дори воситаларини сотаётган дорихона лицензияси бекор қилинди

😎 Маҳаллий дори воситаларини рўйхатдан ўтказиш жараёнларини жадаллаштириш масалалари муҳокама қилинди

😎 Фармацевтика маҳсулотлари хавфсизлиги марказининг Фармакопея қўмитаси бош мутахассиси Шоира Содиқова 70 ёшни қарши олди

😎 Фармацевтика маҳсулотлари хавфсизлиги марказида ўлчаш ва синов амалиётларининг Oʻz DSt ISO/IEC 17025:2019 стандартига мувофиқ метрологик кузатувчанлик ва ишончлилигини таъминлаш борасида ўрганиш ишлари олиб борилди

😎 Фармацевтика маҳсулотлари хавфсизлиги маркази юртимиздаги барча дорихона маъсулларини огоҳлантирилди

😎 Фармацевтика фаолиятини лицензиялаш ва назорат қилиш бошқармаси томонидан республикамиз ҳудудида фармацевтика фаолияти билан шуғулланиш ҳуқуқига эга корхоналар ва ташкилотлар сонига оид статистик маълумотлар янгиланди

😎 Марказда очиқ танлов асосида ишга қабул қилиш учун суҳбат жараёнлари ўтказилди

😎 Дорихоналар учун рақамли маркировкалаш тизими бўйича онлайн мулоқот ўтказилди

Фармацевтика маҳсулотлари
хавфсизлиги маркази Матбуот хизмати

Telegram | Facebook | Instagram | Youtube

4 саволга 4 жавоб:
Муҳим маълумотлар эслатмаси

🦠 Нима учун таблеткалар турли хил рангларда бўлади? - Жавоб

🦠 Дори воситалари қандай мезонларга кўра рецептсиз бериладиган дори воситалари тоифасига киритилади? - Жавоб

🦠 Дорихона ходими дори воситаси ва тиббий буюмни бериш пайтида нималарга эътибор бериши лозим? - Жавоб

🦠 Оғриқ қолдирувчи дориларнинг қандай зарари бор? - Жавоб

Telegram | Facebook | Instagram | Youtube

💬 24-савол:

Ҳозирга қадар юртимизда дорихоналарнинг қанчасига GPP сертификати берилган, уларнинг нечтаси 2025 йил 1 январга қадар GPP сертификатини олиши лозим эди? Шунингдек, сертификат олишга улгурмаган ёки ололмаган дорихоналар тақдири нима бўлади?

Саволга Фармацевтика маҳсулотлари хавфсизлиги марказининг Фармацевтика фаолиятини лицензиялаш ва назорат қилиш бошқармаси бош мутахассиси Бекзод Бахтиёров жавоб берди.

💳 Жавоб:

Ўзбекистон Республикаси Президентининг 2024 йил 23 январдаги “Фармацевтика соҳасини тартибга солиш бўйича қўшимча чора-тадбирлар тўғрисида”ги ПФ-20 сон фармонига мувофиқ:

2025 йил 1 январга қадар фармацевтика маҳсулотларини чакана сотиш билан шуғулланувчи тармоқли дорихоналар, 2026 йил 1 январга қадар бошқа дорихоналар Зарур дорихона амалиёти (GPP) миллий талабларига мувофиқ мажбурий сертификатлаштирилиши лозимлиги белгиланган.

Маълумот учун, 2024 йилнинг 1 февраль ҳолатига кўра юртимизда дори воситалари ва тиббий буюмларни чакана реализация қилиш фаолияти билан шуғулланувчи 12544 та дорихона (шулардан 8416 таси асосий дорихона, 4128 таси филиал) фаолият олиб бормоқда.

Ҳозирги кунга қадар улардан қанчаси GPP сертификатини олганлиги бўйича аниқ маълумот олиш учун Зарур амалиётлар марказига мурожаат қилишингизни тавсия қиламиз.

Маълумот учун, Ўзбекистон Республикаси Вазирлар Маҳкамасининг 2021 йил 3 августдаги “Фармацевтика саноатида Зарур амалиётлар (GxP) талабларини амалга ошириш бўйича қўшимча чора-тадбирлар тўғрисида”ги 486-сон қарори билан Фармацевтика тармоғини ривожлантириш агентлиги таркибида Зарур амалиётлар маркази ташкил этилган. Фармацевтика тармоғида фаолият юритаётган корхона ва ташкилотларда зарур амалиётлар (GxP) халқаро стандартларини жорий қилиш ишларини ташкил этиш ушбу марказнинг асосий вазифаларидан бири ҳисобланади.

Шунингдек, сертификат олишга улгурмаган ёки ололмаган дорихоналар тақдири ҳақидаги сўровингиз бўйича шуни маълум қиламизки, Вазирлар Маҳкамасининг 2022 йил 21 февралдаги 80-сон қарори билан тасдиқланган "Махсус электрон тизим орқали айрим фаолият турларини лицензиялаш тартиби тўғрисида"ги ягона Низомнинг 29-иловаси (Дори воситалари ва тиббий буюмларни чакана реализация қилиш фаолиятини лицензиялаш паспорти) га кўра:

Дорихоналар томонидан дори воситалари ва фармацевтика фаолияти тўғрисидаги қонунчилик ҳужжатларига, жумладан, Зарур фармацевтика (дорихона) амалиёти давлат стандартларига мажбурий риоя этиш - лицензия талаблари ва шартларидан бири ҳисобланади.

Эслатиб ўтамиз, ушбу талабларга риоя этмаслик қонунчиликда белгиланган тартибда фаолият учун берилган лицензиянинг бекор қилинишига сабаб бўлади.

Савол юбориш - @uzpharmcontrol_bot

Telegram | Facebook | Instagram | Youtube

🎤 🟦🟦🟦🟦🟦

Дорихоналар учун рақамли маркировкалаш тизими бўйича онлайн мулоқот ўтказилди

Жорий йил 21 февраль куни Фармацевтика маҳсулотлари хавфсизлиги маркази, Солиқ қўмитаси ва "Asl Belgisi" миллий ахборот тизими оператoри "CRPT TURON" МЧЖ ҳамкорлигида дорихоналарда дори воситаларини рақамли маркировкалаш тизимини жорий этишда учраётган муаммолар ва уларнинг ечимларига бағишланган онлайн мулоқот бўлиб ўтди. Унда юртимиздаги 300 га яқин дорихоналар раҳбарлари ва ходимлари иштирок этди.

Онлайн мулоқот давомида мутахассислар томонидан дори воситаларини рақамли маркировкалаш қоидалари ва уларга амал қилиш тартиби бўйича батафсил тушунтириш берилди. Шунингдек, мазкур тизимни жорий этиш жараёнида юзага келган саволлар, амалий муаммолар ва уларнинг ечимлари бўйича фикр алмашилди.

Telegram | Facebook | Instagram | Youtube

⭕️⭕️⭕️

Фармацевтика фаолиятини лицензиялаш ва назорат қилиш бошқармаси томонидан республикамиз ҳудудида фармацевтика фаолияти билан шуғулланиш ҳуқуқига эга корхоналар ва ташкилотлар сонига оид статистик маълумотлар янгиланди.

Telegram | Facebook | Instagram | Youtube

⭕️⭕️⭕️⭕️

Фармацевтика маҳсулотлари хавфсизлиги маркази юртимиздаги барча дорихона маъсулларини огоҳлантиради!

Назорат қилувчи ваколатли органлар томонидан олиб борилаётган назорат тадбирларига қарамай айрим дорихоналар томонидан врач рецепти асосида берилиши лозим бўлган дори воситаларини рецептсиз сотиш ҳолати кўплаб кузатилмоқда.

Мазкур ҳолатлар юзасидан Фармацевтика маҳсулотлари хавфсизлиги маркази барча дорихоналар масъулларидан ўз фаолиятларига масъулият билан ёндашишларини талаб этган ҳолда, рецепт асосида сотиладиган дори воситаларини сотиш қоидаларини бузганлик учун қонун ҳужжатларида қуйидаги жавобгарлик чоралари белгиланганлиги эслатиб ўтади!

Дорихоналар томонидан рецепт асосида бериладиган дори воситасини рецептсиз берилиши Ўзбекистон Республикаси "Маъмурий жавобгарлик тўғрисида"ги Кодекснинг 165¹-моддасига мувофиқ:

✏️ Дори воситаларини рецепт бўйича чакана реализация қилиш тартибини бузиш – базавий ҳисоблаш миқдорининг беш бараваридан ўн бараваригача миқдорда жарима солишга сабаб бўлади.

✏️ Таркибида кучли таъсир қилувчи моддалар мавжуд бўлган дори воситаларини рецепт бўйича чакана реализация қилиш тартибини бузиш – базавий ҳисоблаш миқдорининг эллик бараваридан юз бараваригача миқдорда жарима солишга сабаб бўлади.

❗️ Амалдаги қонунчилик ҳужжатларига мувофиқ, бир йил давомида икки ва ундан ортиқ марта рецепт асосида бериладиган дори воситалари ва тиббий буюмларни чакана реализация қилиш тартибининг бузилиши лицензия талаблари ва шартларини қўпол равишда бузилиши деб ҳисобланади ва белгиланган тартибда лицензиясининг бекор қилинишига асос бўлади. Шунингдек, дорихона манзили ва ходими тўғрисидаги маълумотлар махсус реестрга киритилади ва уч йил давомида сақланади.

Ушбу реестрга киритилган ходим шу давр ичида дорихонада масъул ходим сифатида фаолият юритишдан маҳрум бўлади шунингдек, реестрга киритилган манзилда шу давр ичида дорихона очиш тақиқланади.

Telegram | Facebook | Instagram | Youtube

⭕️⭕️⭕️

Кучли таъсир қилувчи дори воситалари савдоси фош этилди

Фармрейд: Бош прокуратура ҳузуридаги Департаментнинг Избоскан тумани бўлими, ДХХ, ИИБ ва божхона ходимлари ҳамкорлигида ўтказилган тезкор тадбирда "А.Навоий" МФЙ ҳудудида кучли таъсир қилувчи дори воситалари савдоси билан шуғулланиб келган фуқаро И.Ш. ва бошқаларнинг автомашинаси кўздан кечирилганда машина салонида 231 дона “Тропикамид” номли инсон руҳиятига кучли таъсир қилувчи дори воситасини сотиш мақсадида олиб келганлиги аниқланиб, дори воситалари ашёвий далил сифатида олинган.

Шу каби, Департаментнинг Зарбдор тумани бўлими ва бошқа ҳуқуқни муҳофаза қилувчи орган ходимлари ҳамкорлигида ўтказилган тезкор тадбирда А-376 автомагистраль йўлининг “Жиззах-Зарбдор” йўналишида ҳаракатланиб келган фуқаро Э.Р.нинг бошқарувидаги автомашина тўхтатиб кўздан кечирилганда, Фарғона вилояти, Қўқон шаҳридаги "A.Z." МЧЖга қарашли дорихона сотувчиси И.С. фуқаро М.Х.га сотиш учун юборган 20 қути кучли таъсир қилувчи дори воситалари ашёвий далил сифатида олинган.

Шунингдек, Департаментнинг Юнусобод ва Яккасарой тумани бўлимлари томонидан ўтказилган тезкор тадбирларда “N.Ph.” ва “L.L.” МЧЖларга қарашли дорихона сотувчилари кучли таъсир қилувчи дори воситаларини рецептсиз сотган вақтида ушланиб, ушбу дорихоналардан сифатини тасдиқловчи ҳужжатлари бўлмаган жами 23 қути “Benzonal” ва “Тизерцин” номли дори воситалари ашёвий далил сифатида олинган.

Мазкур ҳолатлар юзасидан Жиноят кодексининг тегишли моддалари билан жиноят ишлари қўзғатилиб, тергов ҳаракатлари ўтказилмоқда.

Telegram | Facebook | Instagram | Youtube

🟦🟦🟦

Сифат ва аниқлик: Турк мутахассислари Марказда калибрлаш ишларини ўтказди

Фармацевтика маҳсулотлари хавфсизлиги марказида ўлчаш ва синов амалиётларининг Oʻz DSt ISO/IEC 17025:2019 стандартига мувофиқ метрологик кузатувчанлик ва ишончлилигини таъминлаш борасида ўрганиш ишлари олиб борилди.

Шу мақсадда Марказга Турк Стандартлар Институти Гебзе калибрлаш дирекцияси (Türk Standartları Enstitüsü Gebze Calibration Directorate) мутахассислари таклиф этилди. Ташриф доирасида томонлар Тиббий буюмлар ва тиббий техника сифати назорати лабораториясида амалга оширилаётган ўлчаш ва синов жараёнларининг аниқлиги ҳамда ишончлилигини таъминлаш масалаларини муҳокама қилдилар.

Шу билан бирга, Марказдаги универсал синов машиналарининг калибрлаш жараёни амалга оширилди. Мазкур ускуналар тиббий буюмларнинг муҳим физик хусусиятлари – “йиртилиш кучи”, “узилиш кучи”, “кенгайиши”, “чўзилувчанлиги” ҳамда “сиқишга бардошлилиги” каби кўрсаткичларини синовдан ўтказишда муҳим аҳамият эга.

Таъкидлаш жоиз, Ўзбекистон ва Туркия ўртасидаги илмий-техник ҳамкорликнинг бу каби амалий жиҳатлари фармацевтика ва тиббиёт соҳасидаги сифат назоратини янада такомиллаштиришга хизмат қилиши шубҳасиз.

Telegram | Facebook | Instagram | Youtube

🟦🟦🟦

Соғлиқни сақлаш вазирлиги ҳузуридаги Фармацевтика маҳсулотлари хавфсизлиги марказининг Фармакопея қўмитаси бош мутахассиси Шоира Содиқова 70 ёшни қарши олди.

“Соғлиқни сақлаш аълочиси” кўкрак нишони соҳибаси, Фармацевтика фанлари номзоди Ш. Содиқова Наманган вилояти дорихона бошқармаси назорат таҳлил лабораториясида химик-аналитик, Дори воситалари ва тиббий техника сифатини назорат қилиш Бош бошқармасида етакчи мутахассис, Ўсимлик моддалари кимёси институтида катта илмий ходим каби қатор масъул лавозимларда фаолият юритган.

Фурсатдан фойдаланиб Шоира Содиқовани ушбу муборак ёш билан қутлаб, уларга мустаҳкам соғлик, халқ саломатлиги йўлида олиб бораётган сермазмун ишларида ривож тилаймиз.

Фармацевтика маҳсулотлари
хавфсизлиги маркази жамоаси

Telegram | Facebook | Instagram | Youtube