"O'zbekiston milliy elektr tarmoqlari" AJ

https://www.uzbekistonmet.uz/uz/lists/view/6033

✔️ Магистрал электр тармоқлари ва подстанцияларда жорий таъмирлаш ишлари давом эттирилмоқда

⚡️ Аввал хабар берганимиздек, «Ўзбекистон МЭТ» АЖ тасарруфидаги магистрал электр тармоқлари филиаллари томонидан назорат кўриклари давомида аниқланган камчиликлар бартараф этилиб, таъмирлаш-созлаш ишлари амалга оширилмоқда.

📸 Эътиборингизга ҳавола этилаётган суратларда «Наманган магистрал электр тармоқлари» филиали мутахассисларининг 110–220 ва 500 кВ кучланишли электр тармоқларида назорат кўригида аниқланган камчиликларни бартараф этиш ишлари акс этган.

📎 Мисол учун, мутахассислар таянч устунларининг носоз ҳолга келган таркибий элементларини, жумладан, қушлар қўнишига қарши мосламалари созлигини текшириб, металл конструкцияли устунларни мустаҳкамлаш ишларини давом эттиришмоқда. Шикастланган изоляторлар алмаштирилмоқда. Эслатиб ўтамиз, жорий йил якунига қадар 316 та трансформатор, 1719 дона электр қурилма, 6029 километрдан зиёд узунликдаги 110–220–500 киловолт кучланишли электр узатиш ҳаво тармоқларини таъмирлаш бажарилади.

🛠 Шу билан бирга, электр узатиш тармоқларининг 3500 километр қисми муҳандис-техник ходимлар томонидан назорат кўригидан ўтказилди. Электр тармоқларининг 195 километрдан зиёд қисми дарахт шохларидан тозаланиб, 1100 километр қисми тепловизор кўригидан ўтказилди. Бундан ташқари, 175 та эски изоляторлар янгисига алмаштирилди. Подстанция ва линиялар электр қурилмаларининг контакт бирикмалари тепловизор кўригидан ўтказилиб, чақмоққайтаргич ҳамда контур ерлагичлар ҳолати текширилди. Бундан ташқари, линияларнинг контакт бирикмалари тепловизор кўригидан ўтказилиб, чақмоққайтаргич трослар ҳамда контур ерлагичлар ҳолати текширилмоқда.

📌 Эслатиб ўтамиз, “Ўзбекистон миллий электр тармоқлари” акциядорлик жамияти генерация жараёнида ҳосил бўлган электр энергиясини магистрал линиялар орқали тақсимловчи тармоқларга узатиш, яъни етказиб бериш билан шуғулланади.

▶️ Батафсил

Facebook ‖ Instagram ‖ Youtube

🛎 «Ўзбекистон МЭТ» АЖ Ахборот хизмати

https://www.uzbekistonmet.uz/oz/lists/view/6069

✔️ 2024-yil SARHISOBI: 2021 ta yuqori tashkilotlardan va turli idora-korxonalardan kelib tushgan 13363 ta hujjatlar rahbar hamda ijrochi xodimlarga yetkazildi

Ishlarni yuritish va xo‘jalik boshqarmasida 11 nafar xodim mehnat faoliyati olib boradi. Boshqarma o‘z faoliyatini Aksiyadorlik jamiyati boshqaruvi raisi tomonidan tasdiqlangan ish rejasi asosida olib boradi.

Ishlarni yuritish va xo‘jalik boshqarmasi tomonidan 2024-yil yakunlari quyidagi raqamlarda aks etgan: yuqori tashkilotlardan – 2021 ta, turli tashkilotlardan – 13363 ta hujjatlar o‘rnatilgan tartibda qabul qilinib, “edo.ijro.uz” tizimiga kiritildi hamda o‘z vaqtida rahbar va ijrochi xodimlarga yetkazilishi taʼminlandi. Ichki buyruqlar – 378 ta, ko‘rsatmalar – 390 ta, bayonlar – 88 ta, xizmat safari buyruqlari – 401 ta, xizmat safariga kelganlar – 855 ta va boshqa hujjatlar – 90 tani tashkil etdi.

Aksiyadorlik jamiyatda 7806 ta chiquvchi xatlar ro‘yxatdan o‘tkazilib, ular “edo.ijro.uz” tizimi, elektron pochta, “e.xat” tizimi hamda “O‘zbekiston pochtasi” orqali tegishliligi bo‘yicha ko‘rsatilgan manzillarga yuborilgan.

Bundan tashqari, 2024-yil davomida “O‘zbekiston milliy elektr tarmoqlari” aksiyadorlik jamiyatiga jismoniy va yuridik shaxslar tomonidan kelgan murojaatlar to‘g‘risida maʼlumotlarni havola etamiz:

“O‘zbekiston MET” AJ tomonidan jismoniy va yuridik shaxslarning murojaatlari bilan ishlash tizimini tubdan takomillashtirish, fuqarolar bilan muloqotda ochiqlik va shaffoflikni taʼminlash, murojaatlarni ko‘rib chiqish natijalaari bo‘yicha ommaviy axborot vositalari (OAV)da chiqishlarni tashkil qilish, quyi tuzilmalarda murojaatlarni ko‘rib chiqish ishlarini baholash (reyting) tizimini joriy etish masalalariga 2024-yilda alohida eʼtibor qaratildi.

Misol uchun, 1) ... 2) .... 3) ... 4) ...

▶️ Batafsil

Bundan tashqari, joriy yilning 1-iyul kuni “O‘zbekiston MET” aksiyadorlik jamiyatida 6 oy yakunlari bo‘yicha Aksiyadorlak jamiyati va uning tarkibiy tuzilmalarida jismoniy va yuridik shaxslarning murojaatlarini ko‘rib chiqish natijalari to‘g‘risida yig‘ilishi o‘tkazildi.

Yig‘ilishda 2024-yilda rahbar va masʼul xodimlar tomonidan murojaatlar bilan ishlashni tizimli va samarali tashkil etish, quyi tuzilmalarda olib borilayotgan ishlarni muntazam o‘rganib borish, ularga amaliy yordam ko‘rsatish, murojaatlarni keltirib chiqarayotgan sabab va omillarni tahlil qilish, kelib chiqish sabablarini o‘rganish orqali yuzaga kelishi mumkin bo‘lgan salbiy holatlarni oldini olish bo‘yicha amalga oshiriladigan vazifalar belgilab olindi.

“O‘zbekiston MET”AJ boshqaruvi raisi, uning o‘rinbosarlari tomonidan jismoniy va yuridik shaxslarning vakillarini Qoraqalpog‘iston Respublikasi va viloyatlardagi shahar va tumanlarda sayyor qabul o‘tkazish jadvali tasdiqlangan.

Bugungi kunda murojaatlar bilan ishlash tizimini yana-da takomillashtirish maqsadida “O‘zbekiston MET” AJ tizimida aholidan kelib tushayotgan murojaatlar sonini keskin kamaytirish, muammolarning kelib chiqish sabablarini bartaraf etish bo‘yicha tezkor chora-tadbirlar rejasi ishlab chiqilgan.

Kelib tushayotgan murojaatlarda eng ko‘p ko‘tarilayotgan muammolarni umumlashtirib, tarkibiy tuzilmalar kesimida oylik, kunlik hisobotlarni yuritib, murojaatlarni o‘sib borishi yoki kamayishi bo‘yicha solishtirma maʼlumotlar Aksiyadorlik jamiyati rahbariga taqdim etib borilmoqda.

✍️ Maysara Mirzaraimova, Ishlarni yuritish va xo‘jalik boshqarmasi boshlig‘i

Facebook ‖ Instagram ‖ Youtube

🛎 «O‘zbekiston MET» AJ Axborot xizmati

https://www.uzbekistonmet.uz/oz/lists/view/6070

✔️ “Toshkent shahar MET” filiali: 33 yillik samarali mehnat faoliyatiga ega hamkasbimizni mehnat nafaqasiga kuzatdik

Keksalarni eʼzozlash – insoniy fazilatdir!
Insonga eʼtibor – elga eʼtibor

💫 Isamov Shariatulla Badirovich — o‘z kasbining fidoiy va jonkuyari, mehnatsevar va bilim egasidir. Uning 33 yillik samarali mehnat faoliyati hamda mamlakatimiz energetika tizimiga qo‘shgan ulkan hissasi barcha tizim xodimlari uchun o‘rnak bo‘la oladi.

Masʼuliyatli vazifasiga sidqidildan yondashadigan, avvalo kasbiy faoliyatiga mehr qo‘ya olgan va o‘z sohasining mukammal egasi hamisha korxonamiz xodimlari ardog‘ida bo‘lib kelgan.

Shariatulla Badirovich 1991-yilda energetika tizimiga kirib kelib, ko‘pyillik mehnat faoliyatida o‘tkir zehni, jonkuyarligi va energetika sohadagi bilim-tajribasi bilan soha rivojiga ulkan hissa qo‘shgan. Qaysi bir yo‘nalishda bo‘lmasin, korxonamiz xodimlarining mavjud muammolarini ijobiy hal etish yo‘lida jonbozlik ko‘rsatgan.

Soha bo‘ylab bosib o‘tgan yo‘llariga nazar tashlaydigan bo‘lsak, 1991–2020-yillarda “O‘zenergosozlash” AJda elektr kuchlanish sexida muhandis, 2020-yildan “O‘zbekiston MET” AJ “Toshkent shahar MET” filialining Xavfsizlik texnikasi va ishonchlilik guruhida yetakchi muhandis, 2021-yildan Podstansiya xizmatida muhandis akkumulyatorchi lavozimlarida faoliyat olib borgan. Hozirgi kungacha o‘z ishining mutaxassisi sifatida samarali mehnat faoliyat yuritdi.

🗓 2025-yil 4-fevral kuni Shariatulla Badirovichning mehnat nafaqasiga chiqishi munosabati bilan Filial rahbariyati va hamkasblari tomonidan xayrlashuv tadbiri bo‘lib o‘tdi.

Shariatullo Badirovich kabi malakali, yetuk va har tomonlama mukammal xodimlarga har birimizning hurmatimiz cheksiz!

Yana bir bor samimiy tabriklagan holda Shariatullo Badirovichga uzoq umr, mustahkam sog‘liq, oilangizga baxt-saodat, tinchlik va xotirjamlik tilab qolamiz!

Hurmat bilan,

“Toshkent shahar MET” filiali jamoasi

Facebook ‖ Instagram ‖ Youtube

🛎 «O‘zbekiston MET» AJ Axborot xizmati