Ichki ishlar vazirligi akademiyasida “Yoshlarga oid davlat siyosati to‘g‘risida”gi qonun asosida amalga oshirilayotgan islohotlarga bag‘ishlangan davra suhbati o‘tkazildi. O‘zbekiston yoshlar ittifoqining Toshkent shahar hamda Mirzo Ulug‘bek tuman Kengashlari bilan hamkorlikda o‘tkazilgan tadbirda davlatimiz tomonidan yoshlarning jamiyat hayotidagi ijtimoiy-siyosiy faolligini kuchaytirish, orzu-umidlarini ro‘yobga chiqarish va har tomonlama qo‘llab quvvatlashga qaratilayotgan e’tibor xususida so‘z bordi. Tadbirda yoshlarning tashabbuslarini qo‘llab quvvatlash, islohotlar jarayonida ijtimoiy-siyosiy faolligini kuchaytirish ularni o‘ylantirayotgan muammolarning yechemini topish, bu borada boshlang‘ich tashkilotlar faoliyatini kuchaytirish borasida fikr almashildi. “Yoshlarga oid davlat siyosati to‘g‘risida”gi qonun asosida amalga oshirilayotgan islohotlarga bag‘ishlangan davra suhbati yakunida bir guruh faollar O‘zbekiston yoshlar ittifoqi Mirzo Ulug‘bek tumani Kengashining tashakkurnomasi bilan taqdirlandi.