𝗨𝘇𝗗𝗲𝘂𝘁𝘀𝗰𝗵𝗹𝗮𝗻𝗱


Kanal geosi va tili: O‘zbekiston, O‘zbekcha
Toifa: Ta’lim


Sayt : uzDeutschland.com
Muallifni va saytni (Hosting, Domain xarajatlari) qo'llab quvvatlash : https://tirikchilik.uz/uzdeutschland

Связанные каналы  |  Похожие каналы

Kanal geosi va tili
O‘zbekiston, O‘zbekcha
Statistika
Postlar filtri


#Germaniyada_Xat_Jönatish

Bismillahir Rohmanir Rohiim. Germaniyada yashayotgan har bir inson bilishi kerak bo'lgan narsalardan biri bu - xat jo'natish✉️📪 Chunki, Germaniya juda byurokratik davlat. Bironta ishni, misol uchun Kindergeld, Wohngeld kabi pullarga ariza yuborish, bironta tashkilotga hujjat jo'natish kabilarni odatda pochta orqali hal qilishingiz kerak bo'ladi. Online yoki oddiy email orqali hal qilsa bo'ladigan xizmatlar soni kam, shunga xat jo'natishni bilib qo'yish muhim deb hisoblayman.

Bu postni yozishimga sabab, ba'zida O'zbekistondan kelgan yurtdoshlarimiz, ayniqsa qishloq joylarda yashaydiganlar, masofasi uzoqligi uchun hujjatlarni Deutsche Postning ofisiga borib jo'natishga qiynalishar ekan. Shularga osonroq variantlarni tushuntirib o'tishga harakat qilaman.

Germaniyada xat jo'natish uchun bizga quyidagilar kerak bo'ladi:

1️⃣. Konvert✉️. Konvertlarni Action, Rewe, DM, Rossmann kabi dökonlardan yoki Deutsche Postni officelaridan xarid qilishingiz mumkin. Narxlari katta C4 konvertlarning donasi 20 cent atrofida bo'lsa, kichkina konvertlar 10-12 cent atrofida bo'ladi.

2️⃣. Frankierung. Germaniya ichida xat jo'natish albatta bepul emas, xatni yetkazib berish uchun pul to'laganingizni ko'rsatib berish uchun xatni frankieren (pochta markasi yopishtirish) qilish kerak bo'ladi. Buning uchun quyidagi yo'llar mavjud:

A) Xatga yopishtirish uchun Kiosklardan yoki Deutsche Postning filiallaridan Briefmarken (öng tomondagi rasmda ko'rishingiz mumkin) sotib olish.

B) Ushbu sayt orqali online frankieren qilish

C) Telefondagi Post&DHL orqali frankieren qilish.

Bular haqida yuqoridagi ikkita videoda batafsil ma'lumot berib o'tishga harakat qildim. Xat jo'natish narxi, oddiy kichkina 20 grammgacha bo'lgan standartbrief 95 cent. 50 grammgacha bo'lgan Kompaktbrief 1,10€ bo'lsa, katta 500 grammgacha xat jo'natish mumkin bo'lgan konvert narxi 1,80€. Agar siz xatingiz manzilga yetib borganini tekshirib olmoqchi bo'lsangiz, u holda Einschreiben orqali jo'natishingiz kerak bo'ladi. Buning uchun qo'shimcha 2,35€ to'lashingiz lozim.

3️⃣. Xatni Deutsche Postning pochta qutisiga (öng tomondagi rasm) tashlab qo'yish yoki ofisiga oborib berish lozim. Xatlar odatda ikki ish kunida manziliga yetkazib beriladi.

Yuqoridagi videolarni ko'rib chiqsangiz, yanada aniqroq ma'lumotga ega bo'lasiz inshaallah. Birinchi Screenrecorder orqali olingan o'ng tomondagi videoni ko'rishingiz kerak bo'ladi. Undan keyin konvertlar ko'rsatilgan chap tomondagi videoni ko'rasiz.

Ushbu postni Germaniyaga yangi kelgan tanishingizga jo'natib qo'ying.

@uzDeutschland


#Ehsonlar

G'azo ahli uchun to'planayotgan ehsonlar o'z egalariga yetkazib berilmoqda, alhamdulillah☺️


#Ramazon_Paket

Bismillahir Rohmanir Rohiim. Kanalni bir necha yildan beri kuzatayotgan obunachilarimiz har yili Ramazon oyida muhtoj oilalarga qiladigan ehsonlarimiz haqida xabari bo'lsa kerak. Turkiyada zilzila bo'lgan vaqtda shundan talofat ko'rganlarga birgalikda yordam bergan edik. Kanalga yangi qo'shilganlar uchun ma'lumot o'rnida bu yil ham Ramazon uchun paketlarni yig'ishni boshlaganimizni aytib o'tmoqchiman.

Bu safar G'azoga ham yordam berishga imkon topildi alhamdulillah. Germaniyada yashayotgan Falastinliklar orqali G'azodagilar bilan kontakt o'rnatdik hamda aloqada bo'lib turibmiz. Nima uchun aynan G'azoga yordam berayotganimiz va G'azodagi musulmonlar holati haqida ko'p gapirishga xojat bo'lmasa kerak.

Rasmda ko'rinib turganidek bitta ramazon paketining narxi 25€.

Yig'ilgan pullar 100% holatda muhtojlarga yetkazib beriladi, hech qanday transaktionsgebühr, bearbeitungsgebühr yoki shunga o'xshash to'lovlar olib qolinmaydi. Pulni yig'ayotganlar ham, uni yetkatib berayotganlar ham faqat Allohni roziligi uchun ishlashmoqda.

Agar siz ham Ramazon oyida Ramazon paketiga o'z hissangizni qo'shmoqchi bo'lsangiz, @abu_umar_2024 ga aloqaga chiqsangiz bo'ladi.

3.1k 0 30 10 48

#Ramazon_Muborak

Bismillahir Rohmanir Rohiim. Agar siz ushbu postni o'qiyatgan bo'lsangiz, Allohga hamdlar bo'lsinki, sizni Ramazon oyiga yetkazibdi. Ramazon - gunohlardan poklanib, Allohga yanada yaqin bo'lish oyidir. Ramazon - imkoniyatlar oyidir, bu oyda qilgan yaxshi amallarimiz uchun o'n va undan ko'p barobar savob olish imkoni bor.

Ushbu muborak oy kirib kelgani bilan barcha musulmonlarni tabriklayman. Shu qatorda avvalo o'zimga, so'ngra boshqa musulmonlarga quyidagilarni nasihat qilmoqchiman.

1⃣. Ramazon oyida duolarni, namozlarni, ibodatlarni va yaxshi amallarni ko'paytiraylik. Vaqtimizni faqat va faqat oxiratda bizga foyda keltiradigan ishlarga sarflashga harakat qilaylik. Qo'limizdan kelgancha boshqalarga yordam beraylik, xoh moliyaviy, xoh ma'naviy. Boshliq bo'lsak, qo'l ostidagilarimizga xushmuomala va kechirimlik bo'laylik, zora shu tufayli Alloh bizga kechirimlik bo'lsa.

2⃣. Yaxshilikni ko'paytirish barobarida, gunohlardan va yomon xislatlardan uzoqroq bo'laylik. Bu mavzuda Rasululloh s.a.v dan quyidagi ikki hadisni keltirib o'tmoqchiman

1. "Ro‘za dangasalik yoki faqat uxlash emas. Balki ro‘za - yomon so‘zlardan, gunohlardan va behuda ishlardan tiyilishdir."

2. "Ro‘za tutgan kishi behuda gap va yomon ishlarni qilmasin. Agar kimdir uni haqorat qilsa yoki unga qarshi jahldor bo‘lsa, u faqat 'Men ro‘zadorman' deb aytsin."


3⃣. Uyimizga ramazon shukuhini olib kiraylik. Uyimizni, ishxonamizni, ko'chamizni qo'ldan kelgancha ramazon oyiga oid bezaklar bilan bezaylik. Kichik yoshdagi farzandlarimiz bo'lsa, ular bilan birgalikda uylarni bezataylik, ular ramazon kelgani bilib, xursandchilikni his qilsin.

4⃣. O'zimiz uchun alohida maqsad qo'yaylik.
Ushbu ramazonda yangi ilmlarga va yangi fazilatlarga ega bo'lishga yoki yomon xislatlardan qutulishga harakat qiling.
Misol uchun, tasavvufni o'rganing, ramazondan keyin ushbu mavzuda chuqur bilimlarga erishgan bo'ling. Yoki islom tarixini o'rganing, ramazondan keyin yaqinlaringizga islom tarixidan dars beradigan darajaga yeting. Siyratni o'rganing, kelajakda farzandlaringizga Rasululloh haqida har kuni aytib beradigan darajada. Payg'ambarlar tarixi, Sahobalar tarixi haqida o'rganing. Qur'on o'qishni bilmasangiz, Qur'on o'qishni o'rganing. Farzandlaringizga boshqalar emas, aynan o'zingiz Qur'on o'qishni o'rgating. "Men shu ramazonda Allohning izni bilan shu ishni albatta qilaman, shu maqsadga albatta erishaman" deb qat'iy qaror qiling.

Yomon xislatlardan shu tarzda qutilishga harakat qilaylik. Sigaret cheksangiz, ushbu ramazonda u odatdan qutilib chiqishga harakat qiling. Namoz o'qimasangiz, Ramazonda va undan keyin namoz o'quvchilardan bo'lishni so'rab duo qiling. Hijobsiz bo'lsangiz, Allohdan sizga hijobni nasib qilishini so'rang.

Eng muhimi, ramazondan keyingi iymonimiz ramazondan oldingi iymonimizdan yuksakroq, ramazondan keyingi amallarimiz ramazondan oldingi amallarimizdan ko'proq va ramazondan keyingi gunohlarimiz esa ramazondan oldingi gunohlarimizdan kamroq bo'lsin.

Alloh barchamizni isloh qilsin, gunohlarimizni mag'firat qilsin.

Ramazon muborak bo'lsin aziz musulmonlar❗️


#Siyosat
#Saylov_natijasi

23-fevral kuni Germaniyada Bundestag (Parlament) uchun saylovlar bo'lib o'tdi. Saylov natijasiga ko'ra Friedrich Merz boshchiligidagi CDU/CSU partiyasi eng ko'p ovoz to'pladi. Ular 28,52% bilan parlamentda 208 ta joyga ega chiqqan bo'lsa, Alice Weidel boshchiligidagi AfD 20,8% ovoz bilan 152 ta o'ringa ega bo'ldi. Amaldagi kansler Olaf Scholzning SPD partiyasi esa o'z tarixidagi eng yomon natijani ko'rsatdi va bor yo'g'i 16% hamda parlamentda 120 ta joyga ega chiqdi xalos. Keyingi o'rinda yashillar (11% va 85 ta o'rin) va Die Linke (8,7% va 64 ta o'rin) partiyalari egalladi.

-Endi nima bo'ladi?

-Germaniyada boshqaruvchi hukumat (Regierung) parlamentdagi joylarning eng kamida 50% + 1 tasini egallashi kerak. Hozirda parlamentda 630 ta joy bor. Hukumat esa shulardan 316 tasini egallashi kerak. Aks holda ular amalda davlatni boshqara olmaydi.

CDU/CSU da hozirda 208 ta joy bor. Ular hukumatni boshqarishi uchun boshqa partiyalar bilan Koalitsiya tuzishga majbur bo'ladi. Merz hech qachon AfD bilan koalitsiya tuzilmasligini aytib o'tdi. Yashillar bilan ham koalitsiya tuzish ehtimoli ancha uzoq, chunki Klimani himoya qilish borasidagi o'lchovlarning chegarasi haqida kelisha olishmayabdi.

Demak, Merz boshchiligidagi hukumat yana SPD bilan birga ishlashga majbur bo'lmoqda. Ikkala partiya birgalikda Parlamentda 328 ta joyga ega bo'ladi, bu esa boshqaruvchi hukumat bo'lish uchun kifoya qiladi. Germaniyaning uzoq yillik Kansleri Angela Merkel (CDU) ham asosan SPD bilan hamkorlikda ish qilgan edi.

-Ikkala partiya boshqaruvga keladigan bo'lsa, biz kabi migrantlar uchun nimalar o'zgarishi mumkin?

-Hozircha hech qanday katta o'zgarishlar kutilmayabdi. Migratsiyadagi asosiy o'zgarishlar qochoqlar va Germaniyada noqonuniy yashayotganlar uchun kutilyabdi. CDU saylovoldi dasturlarda noqonuniy yashayotgan migrantlarni tezroq deport qilishini aytib o'tgandi.
Fuqarolik masalasidagi qoidalar ham boshqattan ko'rib chiqilishi mumkin, chunki CDU ikki fuqarolikka ruhsat berilgan paytda bunga norozilik bildirgandi.

Albatta, muhim yangiliklar bo'lsa kanalda yozib borishga harakat qilamiz. Kanaldan uzoqlashmang.

@uzDeutschland


#Saylov

Bugun Germaniyada Bundestag uchun saylovlar bo'lib o'tdi. Hozirda ovoz berish natijalari hisoblab chiqilmoqda.

Hozirgi prognozlarga ko'ra CDU/CSU partiyasi yetakchilik qilmoqda.

Yakuniy natijalar rasman e'lon qilinganda kanalda yana ma'lumot beraman.

3.6k 1 21 27 46

#Krankenversicherung.

Bismillahir Rohmanir Rohim. So'ngi kunlarda Germaniyada ishlayotgan joyidan chiqib ketganidan so'ng, Krankenversicherung (sog'lik sug'urtasi) bilan muammoga duch kelayotgan yurtdoshlarimiz haqida bir nechta xabarlar o'qidim. Shu sababdan, Krankenversicherung haqida ba'zi muhim ma'lumotlarni yozishga qaror qildim.

1️⃣. Germaniyada siz har doim sug'urtalangan bo'lishga majbursiz. Ya'ni agar siz ishdan chiqib ketsangiz (Kündigung) yoki ish beruvchi sizni ishdan chiqarib yuborsa ham, siz sug'urtangizni yo'qotmaysiz. Misol uchun, ish beruvchi sizni 28.02.2025 kunidan boshlab Kündigung qildi va ijtimoiy sug'urtadan abmelden bo'ldingiz. Siz shu holatda ham 1-martdan boshlab sug'urtalangan bo'lib qolaverasiz. Bu degani siz ishsiz yurgan vaqtingizda ham sug'urta uchun pul to'lanishi shart.

2️⃣. Ishsiz vaqtingizda sug'urta uchun pulni kim to'lashi kerakligi bu sizning ishsiz vaqtingizda davlatdan pul olasizmi yoki yo'qmi, shunga bog'liq. Misol uchun:

1. Agar siz ishsiz qolgan vaqtingiz uchun Arbeitslosengeld 1 olsangiz, u holda Agentur für Arbeit siz uchun sug'urta pulini to'lab beradi. Kimlar Arbeitslosengeld 1 olishi mumkinligi haqida bu yerda batafsil yozganman.

2. Agar siz ishsiz vaqtingizda, Bürgergeld (oldingi Arbeitslosengeld 2) olsangiz, u holda sug'urta uchun pul Jobcenter tomonidan to'lab beriladi. Agar Elternzeitda bo'lsangiz, sug'urtaga pul to'lashingiz shart emas.

3. Agar siz davlatdan hech qanday yordam puli olmasangiz, u holda sug'urta uchun pulni o'zingiz to'lashingiz lozim. Agar to'lamasangiz, qarz yoziladi va baribir majburan to'latishadi.

3️⃣. Agar o'zingiz pul to'lasangiz, qancha miqdorda to'lashingiz kerakligi sizning daromadingizga bog'liq. "Iye, ishsiz qolgan bo'lsam, hech qanday daromadim bo'lmaydiku" deyishingiz mumkin. Ammo yurtdoshlarimiz bilan muammo aynan shu borada bo'lgan. Nazariy jihatdan oladigan bo'lsak, siz ishsiz qolgan vaqtingizda ham selbständig tarzda ishlab, ko'p pul topishingiz mumkin. Shuning uchun, agar siz ishsiz qolganingizdan keyin Krankenversicherungga ishsiz vaqtingizda hech qanday daromadga ega bo'lmasligingizni ko'rsatib bermasangiz, Krankenversicherung sizni juda ko'p pul topyabdi deb hisoblaydi va eng yuqori summani to'lashingiz kerakligini aytadi. Hozirgi kunda, bu bir oy uchun 1100€ dan yuqori. Ya'ni 4 oy ishsiz qolsangiz va o'sha vaqtda qancha daromad qilishingizni Krankenversicherungga aytmasangiz, 4400€ dan ko'p qarz kelishi mumkin.

Agar siz Krankenversicherungga ishsiz yurgan vaqtingizda, hech qanday daromad qilmasligingizni ko'rsatib bersangiz, u holda Mindesbeitrag to'lashingiz kerak bo'ladi. Bu bir oy uchun 250€ atrofida. "Hech qanday daromad qilmasam, buni Krankenversicherungga qanday isbotlayman?" deb so'rashingiz mumkin. Buni yo'li oddiy, yozma ravishda "Eidesstattliche Versicherung" yozib bersangiz bo'ldi.

4️⃣. "Mindesbeitrag ham qimmat ekan, buni boshqa yo'li bormi" deb so'rayotgan bo'lishingiz mumkin. Men ishsiz qolgan vaqtimda (2018-yil, til kursida edim), Mawistadan oyiga 35€ sug'urta qildirganman. AOKka keyin o'sha sug'urtani jo'natganman. Shundan keyin AOK menga hech qanday Rechnung jo'natmagan. Lekin bu sizda ham o'xshaydi deb kafolat berolmayman. Mawistaga o'xshagan sug'urtalarda ishsiz qolganlar uchun tarif narxi hozir qancha ekanligidan ham xabarim yo'q,

5️⃣. Yuqorida yozilgan ma'lumotlar, siz bir oydan ortiq vaqt mobaynida ishsiz qoladigan holatlar uchun. Ya'ni agar siz 1 oy ichida yangi ish topa olsangiz, u holda sug'urtaga hech qanday pul to'lash shart emas. Misol uchun, siz 28.02.2025 dan Kündigung oldingiz, 01.04.2025 dan yangi ishni boshlaysiz. Bu holatda mart oyi uchun tekinga sug'urta bo'lasiz.

6️⃣. Ishsiz qolishingizni bilgan zahotingiz, sug'urta bilan telefon orqali bog'lanib, vaziyatni tushuntiring. Hujjat jo'natish kerak bo'lsa, xat orqali jo'nating (+Einschreiben).

Ushbu postni yaqinda ishsiz qoladigan tanishingizga jo'natib qo'ying😁

@uzDeutschland

5.3k 0 50 71 67

#Ukrainadan_kelganlar

2022-yil Ukrainadagi urush tufayli Ukrainadan🇺🇦 Germaniyaga🇩🇪 kelgan o'zbeklar uchun ma'lumotlar:

1️⃣. Ukraina fuqaroligiga yoki ukrainada doimiy yashash huquqiga (безстроковий дозвіл на проживання) ega bo'lganlar 2026-yil 4-martgacha bemalol Germaniyada ishlab, o'qib yurishlari mumkin.

2️⃣. Germaniyaga kelishidan oldin Ukrainada faqat vaqtinchalik yashash ruhsatnomasiga (misol uchun, ishchi vizasi, talabalik vizasi va hkz) ega bo'lganlar Germaniyada faqatgina 2025-yil 5-martgacha hozirgi vizalari (24§ AufenthG) bilan qolishlari mumkin. Ushbu sanadan so'ng ular Germaniyada noqonuniy yashayotgan hisoblanadi.

-Endi nima qilish mumkin?

-Vizani boshqa turdagi vizaga o'zgartirish mumkin. Misol uchun, hozirgi statusni talabalik vizasiga, Ausbildungga yoki ishchi vizasiga almashtirsangiz bo'ladi. Ammo harakatni tezroq boshlang, aks holda keyinchalik muammo bo'lishi mumkin.

3️⃣. Germaniyada qochoq maqomi olish uchun ariza (Asylantrag) topshirish ham to'g'ri yo'l emas. Chunki, agar siz O'zbekistonda siyosiy yoki diniy sabab bilan qidiruvda ekanligingizni isbotlab berolmasangiz, u holda sizga qochoq maqomi berilmaydi. O'zbekistonda hech qanday urush bo'layotgani yo'q, alhamdulillah.

4️⃣. Hozirgi kunda O'zbekistonga borishni reja qilgan bo'lsangiz, bormay turganingiz ma'qul. Avval vizangizni statusini o'zgartirib, keyin borish maqsadga muvofiq.

Ushbu ma'lumotlarni Ukrainadan Germaniyaga kelgan tanishlaringizga jo'natib qo'ying, balki foydasi tegar.😁

@uzDeutschland

5.1k 0 35 34 48

#Özbekistondagi_tibbiyot

Toshkentda isitma sababli shifoxonaga borgan bolani qo'lini kesib, uydagilarga qaytarib berishibdi.

https://kun.uz/news/2025/01/20/shifoxonada-2-oylik-chaqaloq-qoli-kesildi-voqeaga-ssv-munosabat-bildirdi

Farg'onada chap oyog'i kesilishi kerak bo'lgan onaning o'ng oyog'ini kesib, o'g'liga obchiqib berishibdi.

https://daryo.uz/2024/12/07/fapgonada-chap-oyogi-kesilishi-kerak-bolgan-bemorning-ong-oyogi-kesib-tashlandi

Bunga o'xshagan xabarlar juda ko'p. Misol uchun, 1, 2, 3, 4, 5...

Shifokorlardan ayb qidirish niyatim yo'q, lekin hozirda tibbiyot o'qiyotgan talabalardan yaxshiroq o'qishlarini iltimos qilib qolardim. QVZ, shaxmat-shashka o'ynab yurmasdan, yaxshiroq o'qinglar. Kasbga nisbatan ma'sulyatli bo'linglar.

13k 6 70 23 63

Video oldindan ko‘rish uchun mavjud emas
Telegram'da ko‘rish
Spendenlink:

https://commonsplace.de/project/paltech


Assalamu alaykum zusammen,

Der Palästinensische Ingenieurenverband PalTech hat mit dem Palästinensischen Ärztenverband PalMed eine Spendenaktion zur Inbetriebnahme der beiden Operationssäle der Al-Shifa- und Sheikh-Radwan-Krankenhäuser im Norden Gaza in Zusammenarbeit mit der Arabischen Institut für den Wiederaufbau Gaza. Viele Brüder und Schwester da haben nicht mal die Möglichkeit, ihre verletzten Körperteile rechtzeitig abschneiden zu lassen.
Brüder, bitte spendet schnell und großzügig und postet den Spendenlink und das kommende Video in ihren WhatsApp-Status und in ihren privaten Gruppen. In jeder Sekunde kann jemand gerettet werden in sha' Allah.

Spendenlink:
https://commonsplace.de/project/paltech

Wichtig! Ich hab dafür Erlaubnis bekommen, bevor ich das in die Gruppe geschrieben habe.


#Deutsche_Post

Bir yurtdoshimiz 2024-yil iyul oyida menga Germaniyaning boshqa shahridan pochta orqali hujjat jo'natgan edi. Oradan 7 oy o'tib bugun hujjat yetib kelibdi😄

(Bu hujjatni biz allaqachon boshqattan tayyorlab, ishlarni ham hal qilib olgandik alhamdulillah).

Pastdagi rasmda Deutsche Postning xatlarni saralash va jo'natish markazi. Ba'zi holatlarda xatlar shu rasmdagi mashinalarning tagiga yoki boshqa ko'rinmaydigan joyga tushib ketadi. Shuni hisobiga xatlar o'z vaqtida egalariga yetkazib berilmaydi.

Ba'zi yurtdoshlarimiz diplom yoki shunga o'xshash kerakli hujjatlarni pochta orqali jo'natilganda yo'qotib qo'yganini eshitgandim. Bugungi post orqali o'sha yurtdoshlarimizga "umidingizni so'ndirmang" demoqchiman, balki hujjatlaringiz endi yetib kelar😄

8.9k 1 17 20 50

#Online_Visa

2025-yil 1-yanvardan boshlab Germaniyaga kelishni xohlovchilar viza uchun hujjatlarni elchixonaga bormasdan, online tarzda topshirishlari mumkin bo'ladi. Hozirda 28 turdagi vizalarga online hujjat topshirish mumkin, jumladan ishchi vizasi, talabalik, Ausbildung, oila birlashtirish va shu kabi milliy vizalarga hujjat topshirish mumkin.

-Endi elchixonaga borishni xojati bo'lmaydimi?

-Afsuski, garchi siz online hujjat topshirsangiz ham, elchixonaga borishga majbursiz. Chunki, barmoq izlarini online topshira olmaysiz, shaxsan borishingiz talab etiladi. Bundan tashqari, mabodo elchixona hodimi siz bilan suhbat qilmoqchi bo'lsa ham, barmoq izi topshirish davomida suhbat qilishi mumkin bo'ladi.

-Jarayon qanday kechadi?

-Hozirgi ma'lumotlarga ko'ra, siz hujjatlarni online topshirasiz. Qaysi hujjatlarni topshirishingiz kerakligini sayt sizga ko'rsatib beradi. Hujjatlarni topshirganingizdan so'ng, elchixona hodimi hujjatlaringizni tekshirib chiqadi, agar bironta hujjatda kamchilik bo'lsa, sizga portal orqali xabar qoldirishadi. Hujjatlar to'liq bo'lganda, barmoq izi topshirish uchun elchixonaga borasiz. Buning uchun elchixonadan termin belgilashingiz kerak bo'ladi.

-Viza olish endi tezlashadimi?

-Shunday, elchixonalar ham endilikda Ausländerbehordelar bilan online aloqa qilishlari mumkin bo'ladi. Undan tashqari, hujjatlarida kamchiligi bor odamlarning soni kamaygani hisobiga, konsul ham vizalarni tezda-tezda berib tashlaydi😃

-Online ariza uchun qo'shimcha to'lov bormi?

-Bu haqida hech narsa yozilmagan, faqat viza uchun to'lov qilinsa yetadi menimcha.

-Hujjatlarni qaysi saytda online topshirsa bo'ladi?

-Mana bu yerda.

Shunaqa gaplar. Yana yangi ma'lumotlar chiqsa, sizlar bilan baham ko'ramiz inshaallah.

@uzDeutschland

10.2k 1 385 32 81



#Siyosat

O'tgan safargi postimda aytib o'tganimdek, bugun Germaniya parlamentida (Bundestag) Vertraunsfrage (ishonch masalasi) nomliy siyosiy jarayon o'tkazildi. Unga ko'ra Germaniyaning amaldagi kansleri Olaf Scholz 394 ga 207 ovoz bilan parlament ishonchini yo'qotdi. Ya'ni parlamentda o'tirganlarning aksari Olaf Scholzga ishonch bildirishmadi.

-Endi nima bo'ladi?

-Scholz Bundesprezident Steinmeierdan Bundestagni tarqatib yuborishni so'raydi. Agar Prezident bunga rozi bo'lsa, 23-fevral kuni Germaniyada Bundestag uchun yangi saylovlar bo'lib o'tadi.

Katta ehtimol bilan yangi saylovlardan so'ng Olaf Scholz kanzlerlik lavozimini Friedrich Merz (CDU) ga bo'shatib beradi.


𝗨𝘇𝗗𝗲𝘂𝘁𝘀𝗰𝗵𝗹𝗮𝗻𝗱 dan repost
#Siyosat

Amerika Qo'shma Shtatlaridagi saylovlardan keyin Germaniyada ham bir nechta siyosiy o'zgarishlar sodir bo'ldi. Chorshanba kuni Germaniya kansleri Olaf Scholz (SPD, rasmda o'ng tomonda) Germaniyaning amaldagi moliya vaziri Christian Lindnerni (FDP, rasmda eng chapda) o'z vazifasidan ozod qildi. Bunga sabab qilib Lindler va Scholzning Germaniya byudjetini qanday yurgizish (pullarni qayerga sarflash, qarz olishni kamaytirish...) to'g'risidagi qarama-qarshi fikrlari ko'rsatildi, ya'ni Lindner byudjetni iloji boricha kamroq sarflashga (Sparmaßnahmen) va ko'p qarz olmaslikka (Einhaltung der Schuldenbremse) chaqirgan. Yashillar va SPD esa ijtimoiy himoya va iqlim himoyasiga (Klimaschutz) ko'proq pul ajratish kerak degan fikrda bo'lgan.

Lindner vazifasidan bo'shatilganidan keyin Germaniyaning amaldagi Ta'lim vaziri Stark-Watzinger (FDP) hamda Adliya vaziri Buschmann ham o'z lavozimidan ketishga qaror qilishgan.

-Endi nima bo'ladi?

-Olaf Scholz 2025-yil 15-yanvarda Vertraunsfrage (ishonch masalasi) nomli siyosiy jarayon o'tkazishni e'lon qildi. Bunga ko'ra parlament a'zolari Olaf Scholzga ishonish yoki ishonmaslik masalasini ovozga qo'yishadi. Agar Olaf Scholz yetarliche ovoz to'play olmasa, Bundestag uchun yangittan saylov o'tkaziladi. Hozircha yangi saylovlarni martda o'tkazish reja qilinyabdi. Ammo boshqa partiyalar Scholzdan Vertraunsfrageni tezroq o'tkazishni talab qilmoqda.

-Ampel🚦 koalitsiyasiga nima bo'ldi?

-FDP koalitsiyadan chiqib ketganidan so'ng, Ampel (ya'ni svetofor) koalitsiyasi ham o'zgardi. Chunki, endi ampelning faqat yashil va qizil chirog'i qoldi😆

-Qanaqa chiroq, nimalar deyabsan?

-Germaniyadagi siyosiy partiyalar o'zlarini turli ranglarda ifodalashadi. Misol uchun, Angela Merkelning CDU (Christlich Demokratische Union) partiyasi qora rang⚫️, Olaf Scholzning SPD (Sozialdemokratische Partei Deutschlands) partiyasi esa qizil,🔴 yashillar (Die Grünen) o'z nomi bilan yashil🟢, FDP (Freie Demokratische Partei) sariq🟡, AfD (Alternative für Deutschland) esa ko'k🔵 rangda.

Germaniya saylovlarida bitta partiya hukumatni yakka o'zi boshqarish uchun ko'p ovoz yig'a olmaydi. Shuning uchun qolgan partiya bilan birgalikda hukumatni boshqarish uchun koalitsiya tuzadi. Koalitsiyani nomi esa ranglarga mos tarzda tanlanadi. Misol uchun, hozirgi koalitsiya qizil, sariq va yashil rangdaligi uchun Ampel (svetofor🔴🟡🟢) nomini olgan. Merkel boshqargan qora, sariq va yashil koalitsiya esa Yamayka 🇯🇲 deb nomlangan.

-Saylovlar qanday o'tkaziladi?

-Germaniya parlamentar respublika hisoblanadi ya'ni prezident emas, parlament hukumatni boshqaradi. Germaniya parlamenti Bundestag deb nomlanib, turli siyosiy partiyalardan tuzilgan. Bitta partiya butun hukumatni boshqarishi uchun 50% dan ortiq ovoz olishi kerak. Agar olingan ovozlar bundan kam bo'lsa, boshqa partiya(lar) bilan koalitsiya tuzgan holda, 50% chegaradan o'tish kerak bo'ladi. Odamlar saylovga borganda partiyani tanlashadi, ya'ni Bundeskanzlar(in)ni to'g'ridan to'g'ri saylab bo'lmaydi.

-Germaniyada qanday partiyalar mavjud?

-2021-yildagi saylovlardan keyin Bundestagdan 8 ta partiya joy oldi. Eng ko'p ovoz yiqqanlar SPD (25,7%), CDU (18,9%), Die Grünen (14,8%), FDP (11,5%) va AfD (10,3%) bo'lgan.

P.S. Saylovlarda faqat Germaniya fuqarolari qatnashishi mumkin.

@uzDeutschland

4k 0 10 4 22

#Ferienjob_Soliqlar

Bismillahir Rohmanir Rohiim. Bu yil work and travel (Ferienjob) qilgan yurtdoshlarimiz Germaniyada to'lagan soliqlarini qaytarib olish uchun yanvar oyidan boshlab hujjat qilsa bo'ladi.

Soliqlarni qaytarib olish uchun rasmda ko'rsatilganidek hujjat olgan bo'lsangiz, ishingiz osonroq hal bo'ladi. Bu hujjat Lohnsteuerbescheinigung deb ataladi va ish beruvchi siz to'lagan soliqlarni Finanzamtga o'tkazib berganini tasdiqlaydi.

Ish beruvchi ushbu hujjatni sizga berishga majbur. Agar hali olmagan bo'lsangiz, ish beruvchiga email yozib, so'rab olishiz mumkin. Quyidagicha email yozsangiz bo'ladi:

"Sehr geehrte Damen und Herren,

mein Name ist [Ism Familyangiz], und ich habe im Sommer 2023 in Ihrem Betrieb gearbeitet. Mein Geburtsdatum lautet [Tug'ilgan sanangiz].

Ich benötige nun meine Lohnsteuerbescheinigung für das Jahr 2023. Ich wäre Ihnen dankbar, wenn Sie mir diese zukommen lassen könnten.

Vielen Dank im Voraus.

Mit freundlichen Grüßen,
Ism familyangiz"

Undan tashqari, ko'p finanzamtlar O'zbekistonda ochilgan bank hisob raqamiga pul o'tkazib bermayabdi. Shuning uchun, soliqlarni qaytarib olishga wise yoki shunga o'xshash yevropa banklarida hisob raqamingiz bo'lgani yaxshi. Agar o'zingizda bank hisob raqami bo'lmasa, pulni ishonchli tanishingizni hisob raqamiga tushursangiz ham bo'ladi.

Oldin ham aytganimdek, siz to'lagan soliqarning 100% hammasi qaytarib beriladi.

Ushbu postni Germaniyada ishlab, soliq to'lagan tanishlaringizga jo'natib qo'ying😉

@uzDeutschland

5.6k 2 145 69 31

#uzDeutschland

Bismillahir Rohmanir Rohim.

Hozirda ma'lumot olishni osonlashtiruvchi sun'iy intellektlar juda ko'payib ketgan. Men ham qatordan qolmay deb OpenAi yordamida o'zimning kichkina sun'iy intellektimni ishga tushurdim. Ushbu bot orqali Germaniyaga kelish, Germaniyada o'qish va shunga o'xshash mazular haqida ma'lumotlar olishingiz mumkin. Ma'lumotlar har doim ham to'g'ri bo'lmasligi mumkin, chunki hali bu botga ko'p narsalarni o'rgatish kerak😄

Bot uchun link: link

4.7k 0 23 13 51

#BuchClub

Bismillahir Rohmanir Rohim. Nemislardan o'rganishimiz mumkin bo'lgan bir nechta qadriyatlar bor. Ana shulardan biri bu - Buchclub (kitobxonlar klubi). Maktablarda, universitetlarda, kutubxonalarda yoki online tarzda kitob mutolaa qilishadi.

Bunday kitobxonlar davrasining o'ziga xos afzalliklari bor. Misol uchun, doimiy kitob o'qish uchun motivatsiya, kitoblarda yoritilgan mavzular bo'yicha suhbat, muloqot ko'nikmalarini shakllantirish, dunyo qarashni kengaytirish va hokazo.

Shularni inobatga olgan holda, shu kanal a'zolari uchun ham Buchclub tashkillashtirishga qaror qildik. Bunda quidagilar amal qiladi:

1️⃣. Nemis tilida yozilgan kitobni o'rtacha 4-6 haftada birgalikda o'qib chiqamiz.

2️⃣. Kitobda yoritilgan mavzular yuzasidan nemis tilida prezentatsiya tayyorlaymiz. Misol uchun, kitobda 10 ta bob bo'lsa, volontyorlar orasida shu 10 ta bobni taqsimlaymiz. O'sha volontyorlar mavzu yuzasidan 5-10 daqiqalik prezentatsiya tayyorlashadi va uni nemis tilida tushuntirishadi. (Bob nima haqida ekanligi, undan qanday foyda va xulosa olish mumkinligi va hkz)

3️⃣. Kitobxonlar klubiga a'zo bo'lganlar kitoblarni o'z vaqtida o'qishlari va ma'suliyatli bo'lishlari talab etiladi.

4️⃣. Har bir kitob o'qilganidan so'ng, online tarzda uchrashamiz. Kitob haqida mulohaza qilinadi.

5️⃣. Buchclubga a'zo bo'lish uchun nemis tilidan eng kami B1 darajaga ega bo'lishingiz lozim.

Ushbu kitobxonlar davrasiga qo'shilish orqali, nafaqat nemis tilidagi bilimlaringizni, balki dunyoqarashingizni ham o'zgartirishingiz mumkin inshaallah.

Qo'shilmoqchi bo'lganlar uchun link: https://t.me/+4SaaQDT_x7VjOTI6

Ilimos, kitob o'qish uchun vaqtingiz yo'q bo'lsa, guruhga qo'shilmay qo'yavering.


#Islom

Bismillahir Rohmanir Rohim. Bugungi post islom dinidagi ba'zi so'zlarning ma'nolari haqida bo'ladi.

1️⃣. Islom. Bu so'z arab tilidagi aslama (أَسْلَمَ) so'zidan olingan bo'lib, „bo‘ysunish“ yoki „itoat qilish“ ma’nosini bildiradi. Islom dinida bu so'z faqatgina Allohga to‘liq bo‘ysunishni, uning amrlariga itoat qilishni va unga shirk keltirmaslikni anglatadi. Undan tashqari, islom so'zining "tinchlik" ma'nosi ham bor, ya'ni islomga kirish orqali tinchlikka erishish mumkin.

Alloh Qur'oni karimning Oli Imron surasi 19-oyatida shunday deydi "Albatta, Allohning huzuridagi din Islomdir." 85-oyatida esa "Kim Islomdan boshqa dinni xohlasa, bas, undan bu hargiz qabul qilinmas va u oxiratda ziyon ko‘rguvchilardan bo‘ladir."

2️⃣. Musulmon. Bu so'zning islom so'zi bilan o'zagi bir xil. Ma'nosi "bo'ysunuvchi" yoki "itoat etuvchi". Ya'ni islom dinini qabul qilib, Allohga itoat qilayotgan kishi musulmon deyiladi.

Ya'ni agar biz o'zimizni musulmon deb hisoblasak, qilayotgan ishlarimiz Allohning amrlariga teskari bo'lmasligi zarur. Misol uchun, Alloh besh vaqt namoz o'qishni farz qildi, siz o'zingizni musulmonman deganingizda, Allohga itoatni qasd qilgansiz. Endi namoz o'qimasangiz, aytgan gapingizga teskari ish qilgan bo'lasiz, ya'ni yolg'onchilardan bo'lishingiz mumkin, Alloh asrasin. Yoki hayotning boshqa oddiy ishlarda ham shu kabi misollarni keltirish mumkin. Misol uchun, Alloh taolo baqara surasida "Ey iymon keltirganlar! Allohdan qo‘rqinglar va agar mo‘min bo‘lsangizlar, sudxo‘rlikdan qolgan (qarzlarni) tark etinglar. Agar (buni) qilmasangizlar, Alloh va Uning Rasuli tomonidan (sizlarga) urush e’lon qilingani (ni bilinglar)" deb marmahat qiladi. O'zini musulmonman deb, kredit olgan odam Allohning shu qaytarig'iga itoat etmagan bo'ladi.

Yoki payg'ambarimiz Muhammad sallollohu alayhi vassallam “Sizlardan birortangiz o‘ziga halol bo‘lmagan ayolni ushlagandan ko‘ra, boshiga igna bilan sanchilishi yaxshiroqdir” (Tabaroniy rivoyati) deb aytgan. Agar siz bunga itoat qilmasdan, o'zingizga nomahram ayol bilan qo'l berib ko'rishsangiz, Allohning buyrug'iga itoat qilmagan bo'lasiz, hamda musulmonman degan gapingizga amal qilmagan bo'lasiz. Chunki Alloh Niso surasida "Ey iymon keltirganlar! Allohga itoat qilingiz va Rasulg‘a itoat qilingiz" deb marhamat qilgan.

Hayotimizda qilayotgan har qanday amal, u kichik yoki katta bo'lsin, bizni imtihon qiladi. Shunday vaqtlarda biz Allohning buyrug'iga itoat qilamizmi yoki nafsimizgami, ana o'shalar orqali imtihondan o'tish yoki o'ta olmasligimiz (Alloh asrasin) aniqlashadi. Bu mavzudagi ikki oyatni sizlarga keltirib o'tsam : "Yoki (ey mo‘minlar), sizlar ham, sizlardan oldingilar sinovga tutilganlari kabi sinovdan o‘tmasdan jannatga kirasizlar, deb o‘ylaysizlarmi?" (Baqara surasi 214-oyat), "Bas, kim zarra misqolicha (eng kichik miqdorda) yaxshilik qilgan bo‘lsa, uni ko‘radi. Va kim zarra misqolicha yomonlik qilgan bo‘lsa, uni ko‘radi." (Zalzala surasi 7-8-oyatlar).

Shunday ekan, qilayotgan ishlarimiz Allohni norozi qiladigan ishlardan bo'lmasin, aziz musulmonlar. Musulmonman deb aytish oson, musulmonlardek amal qilish esa qiyin. Shuning uchun ham Alloh taolo Ankabut surasi 2-3-oyatlarda "Odamlar: 'Iymon keltirdik', – deyishlari bilan sinovlardan o‘tkazilmasliklari (ularni sinamasligimiz)ni o‘ylab qoldilarmi? Darhaqiqat, Biz ulardan oldingilarni ham sinovdan o‘tkazganmiz. Albatta, Alloh rostgo‘ylarni ham, yolg‘onchilarni ham aniq bilur."

Bularni yozishimdan maqsad, hozirgi kunda o'zini musulmonman deb, qilayotgan ishlari umuman musulmonchilikka teskari bo'lganlarga nasihat qilish. Zero Qur'oni Karimda Alloh taolo quyidagicha marhamat qiladi : "Mo‘min erkak va mo‘min ayollar bir-birlariga valiydirlar (yaqin do‘st va homiydirlar). Ular yaxshilikka buyuradilar va yomonlikdan qaytaradilar" (Tavba surasi, 71-oyat). Undan tashqari Imom Muslimda kelgan hadisda Muhammad sallollohu alayhi vassallam "Din - Nasihatdir" deb aytgan.

Alloh hammamizni isloh qilsin.

5.2k 0 15 17 80
20 ta oxirgi post ko‘rsatilgan.