O‘zbekiston yuk tashuvchi transport vositalarini Gruziya-Turkiya chegarasi orqali o‘tkazishning tiklangani to‘g‘risida
Gruziya-Turkiya chegarasida O‘zbekiston yuk tashuvchi transport vositalarining qolib ketgani haqida qator OAV va ijtimoiy tarmoqlarda xabar tarqalgani munosabati bilan ma’lum qilamizki, koronavirus tarqalishini kamaytirish borasida ko‘rilayotgan shoshilinch choralar sababli Turkiya hududiga milliy yuk tashuvchilarimizning kirishi cheklangan edi.
Turkiya va Gruziyaning mas’ul vazirlik va idoralari bilan olib borilgan muzokaralar natijasida mazkur masala ijobiy hal qilindi. Turkiya tomonidan olingan ma’lumotga ko‘ra o‘zbekistonlik avtotashuvchilar Turkiya hududiga O‘zbekistondan chiqqan kunlaridan boshlab 14 kunlik muddat tugaganidan keyin kiritiladi.
Turkiya Bojxona idorasi va Savdo vazirligi 2020-yil 30-mart kechasidan boshlab O‘zbekiston yuk tashuvchi transport vositalarini kiritish tiklanganligini tasdiqladi. Bugunga qadar Gruziya-Turkiya chegarasini 50 dan ortiq yuk transportlari kesib o‘tdi.
O‘zbekistonning Anqara va Boku shaharlaridagi elchixonalari vaziyatni nazoratga olgan, davlatlararo chegarada 14 kunlik muddat tugashini kutayotgan o‘zbekistonlik haydovchilar bilan aloqada bo‘lib turibdi.
Xorijiy davlatlar hududida bo‘lib turgan O‘zbekiston fuqarolariga zarur holatlarda mamlakatimizning chet eldagi elchixonalari va konsullik muassasalari huzurida tashkil etilgan operativ shtablarga murojaat qilishlari mumkinligini eslatib o‘tamiz.
https://mfa.uz/uz/press/news/2020/04/23925/
https://t.me/uzbekmfa
Gruziya-Turkiya chegarasida O‘zbekiston yuk tashuvchi transport vositalarining qolib ketgani haqida qator OAV va ijtimoiy tarmoqlarda xabar tarqalgani munosabati bilan ma’lum qilamizki, koronavirus tarqalishini kamaytirish borasida ko‘rilayotgan shoshilinch choralar sababli Turkiya hududiga milliy yuk tashuvchilarimizning kirishi cheklangan edi.
Turkiya va Gruziyaning mas’ul vazirlik va idoralari bilan olib borilgan muzokaralar natijasida mazkur masala ijobiy hal qilindi. Turkiya tomonidan olingan ma’lumotga ko‘ra o‘zbekistonlik avtotashuvchilar Turkiya hududiga O‘zbekistondan chiqqan kunlaridan boshlab 14 kunlik muddat tugaganidan keyin kiritiladi.
Turkiya Bojxona idorasi va Savdo vazirligi 2020-yil 30-mart kechasidan boshlab O‘zbekiston yuk tashuvchi transport vositalarini kiritish tiklanganligini tasdiqladi. Bugunga qadar Gruziya-Turkiya chegarasini 50 dan ortiq yuk transportlari kesib o‘tdi.
O‘zbekistonning Anqara va Boku shaharlaridagi elchixonalari vaziyatni nazoratga olgan, davlatlararo chegarada 14 kunlik muddat tugashini kutayotgan o‘zbekistonlik haydovchilar bilan aloqada bo‘lib turibdi.
Xorijiy davlatlar hududida bo‘lib turgan O‘zbekiston fuqarolariga zarur holatlarda mamlakatimizning chet eldagi elchixonalari va konsullik muassasalari huzurida tashkil etilgan operativ shtablarga murojaat qilishlari mumkinligini eslatib o‘tamiz.
https://mfa.uz/uz/press/news/2020/04/23925/
https://t.me/uzbekmfa