​"Uzbekistan Airports" AJda korrupsiyaga qarshi choralar va yosh mutaxassislarni qo'llab-quvvatlash masalalari muhokama qilindi

Toshkent xalqaro aeroportida “Korrupsiya taraqqiyotning asosiy dushmani” mavzusida davra suhbati bo‘lib o‘tdi, unda O‘zbekiston aeroportlari va unga qarashli tashkilotlarda korrupsiyaga qarshi kurashishning dolzarb masalalari muhokama qilindi.

Xalqaro korrupsiyaga qarshi kurash kuniga bag‘ishlab ochiq muloqot tarzida o‘tkazilgan tadbirda “Uzbekistan Airports Handling” MCHJ direktori, korxona bo‘lim boshliqlari va yosh xodimlar ishtirok etdi.

Yig‘ilishda korrupsiyaga qarshi muhitni shakllantirishning dolzarb masalalari va rejalari muhokama qilindi, korrupsiyaga murosasizlik, kadrlar va ma’muriy tizimni shakllantirish, aeroportlarni rivojlantirish, menejmentni takomillashtirishda yosh mutaxassislarning roli alohida ta’kidlandi. Tadbir davomida yosh xodimlar ham ish jarayonlarini takomillashtirish bo‘yicha o‘z takliflarini bildirdi.

“Uzbekistan Airports” kompaniyasi ochiqlik va ijtimoiy mas’uliyatga e’tibor qaratgan holda, yosh mutaxassislar uchun keng imkoniyatlarni yaratish va korrupsiyaga qarshi siyosatni kuchaytirish bo‘yicha faol ish olib bormoqda.

Web-site | Facebook | Instagram | Telegram | X | IOS/Android