UZ24

Ўтган соатларнинг энг муҳим хабарлари

⚡️Шавкат Мирзиёев Жиззах шаҳридаги қулаб тушган бино воқеасига масъул бўлган мансабдорларга қонуний чора кўрилишини назоратга олил бўйича бош прокурорга топшириқ берди.
«Жиззах вилояти ҳокимининг қурилиш бўйича ўринбосари бизнинг сиёсатимизга хиёнат қилган. Буни ҳамма билиши лозим. Унинг бутун тўдасига қонуний жазо кўриш керак. Шоли курмаксиз бўлмаганидек, барибир эски замонни қўмсаган ноинсофлар ҳам бор. Улар эркинлик, очиқлик сиёсатини тушунмайди», — давлат раҳбарининг сўзларини келтирди Daryo.

💵1 февралдан бошлаб Ўзбекистон ҳудудида: ➖ меҳнатга ҳақ тўлашнинг энг кам миқдори – ойига 747 300 сўм (амалда 679 330 сўм);

➖ базавий ҳисоблаш миқдори – 245 000 сўм (амалда 223 000 сўм);

➖ Бола икки ёшга тўлгунга қадар бола парвариши бўйича нафақа - 434 000 сўм (амалда ҳам шунча, яъни ошмайди);

➖ Кам таъминланган оилаларга бериладиган моддий ёрдам - 326 000 дан 653 000 сўмгача (амалда ҳам шунча, яъни ошмайди);

➖ 14 ёшгача болалари бўлган оилаларга нафақа:
а) битта болали оилаларга – 144 100 сўм (амалда 131 000 сўм);
б) иккита болали оилаларга – 238 700 сўм (амалда 217 000 сўм);
в) учта ва ундан ортиқ болали оилаларга - 334 400 сўм (амалда 304 000 сўм);

➖ Қорақалпоғистон Республикаси ва Хоразм вилоятидаги муҳтож оилаларга бир марталик моддий ёрдам - 434 000 дан 1 085 000 сўм (амалда ҳам шунча, яъни ошмайди) этиб белгиланган.

❗️Ерни ноқонуний олиб қўйганлик учун жавобгарлик белгиланди. Бунинг учун мансабдор шахсларга 22 млн 300 минг сўмдан 44 млн 600 минг сўмгача жарима солинади ёки 3 йилдан 8 йилгача озодликдан маҳрум қилиш билан жазоланади.

🦠Дунё бўйича коронавирусдан вафот этганлар сони 2 млн нафардан ошди. "Микроб" институти директори маълум қилишича, январь-февраль ойларида COVID-19 юқтириш ҳолатлари яна кўпайиши мумкин, кейин касалланиш камайиб боради. АҚШнинг Pfizer фармацевтика компанияси ҳамкор Германиянинг BionTech томонидан вакциналар етказиб берилишини 3-4 хафтага қисқартирмоқчи. Қатор давлатлар Eвропа Иттифоқи мамлакатларига вакцинани етказиб бериш қисқартирилишидан норози.

Шаҳар айланган Президент, оталиққа олинган «Заковат», Ўзбекистонга келадиган 70 млн доза вакцина — ўтган соатларнинг энг муҳим хабарлари

🇺🇿Бугун Шавкат Мирзиёев Тошкент шаҳрини айланди. Давлат раҳбари Сенатнинг янги биноси қурилишини кўздан кечирди, Республика нефрология ва буйрак трансплантацияси маркази ва янги заргарлик корхонасини бориб кўрди.

💉Bloomberg маълумотларига кўра, дунё бўйича умумий 8,33 млрд доза вакцина бўйича келишувлар мавжуд. Бу дунё аҳолисининг ярмини эмлаш учун етади. Энг кўп — 2,2 млрд доза вакцинага Ҳиндистон буюртма берган. Ўзбекистон эса 70 млн доза вакцина бўйича келишувга эга.

❗️Қашқадарё вилоятининг Косон шаҳрида 2020 йил 12 декабр куни юз берган автоҳалокат натижасида пиёда воқеа жойида вафот этган. Автомашина туман ҳокимига тегишли бўлган, деб ёзмоқда «Кун».

📺Декабрь ойида «Миллий ТВ» эфиридан олинган
«Заковат» теледастури яна давом этади. Бу ҳақда Комил Алламжонов хабар берди: «"Заковат" ёпилмайди. Аксинча — гуллайди. Биз Саида Мирзиёева билан ушбу лойиҳани ўз оталиғимизга олдик. Бу йил иншааллоҳ ушбу медиа лойиҳа орқали республикамиздаги янгидан янги билимдон ёшларни кашф қиламиз».

🇮🇩Индонезияда 6,4 балли зилзила кузатилди. Ерсилкинишлари оқибатида 34 киши ҳалок бўлди, 600 дан ортиқ киши жароҳатланди.

🌤Дам олиш кунлари Ўзбекистонда илиқ ҳарорат сақланиб қолади, кундузи +15-20 даража, жанубда +22 даражагача кўтарилади, кечаси 0-5 даража илиқ атрофида бўлади. Кейинги ҳафтадан яна совуқ об-ҳаво қайтиши кутилмоқда.

​​15 январь тонггининг қайноқ хабарлари

❌Кеча ярим тунда ижтимоий тармоқларда Тожикистон ҳудудида жойлашган Қайроққум сув омборининг ёрилиши натижасида сув тошқини содир бўлганлиги тўғрисида хабарлар тарқалди. Бундан Сирдарёнинг Сардоба, Мирзаобод, Оқолтин каби туманлари аҳолиси ваҳимага тушиб, айримлар ўз яшаш ҳудудини тарк этишга ошиққан. Вилоят ҳокими Ғофуржон Мирзаев туманларга етиб бориб, аҳолини ёлғон миш-мишларга ишонмасликка ва саросимага тушмасликка чақирган. Фавқулодда вазиятлар вазирлиги ушбу хабарларни тасдиқламади. Тожикистоннинг фавқулодда вазиятлар бўйича масъул идорасининг аниқ маълумотларига кўра, Қайроққум сув омбори буст-бутун ва штат режимида ишламоқда.

🚧Жиззах шаҳрида қулаган кўп қаватли бинонинг қурилиш жараёнида талаб-меъёрлар бошидан охиригача бузилган. Бино қулаганда майда-чуйда бўлиб кетган, чунки техник ва муаллифлик назорати бўлмаган — Қурилиш вазири Ботир Зокиров. Шунингдек, унга ёндош бино чўккани аниқланган, ушбу объект ҳам бузилади.

✍🏻Тошкент шаҳрининг Юнусобод туманига Бектемир тумани ҳокими вазифасида ишлаб келган Жаҳонгир Иброҳимов ҳоким этиб тайинланган.
Туманнинг собиқ ҳокими Раҳмонбек Усмонов транспорт вазири ўринбосари бўлгани ҳақида аввалроқ ёзгандик.

📸 2021 йил 1 мартдан бошлаб, тадбиркорлик субъектларига автомобил йўлларида йўл ҳаракати бузилганини қайд этувчи махсус автоматлаштирилган фото ва видео дастурий техник воситалар ўрнатиш ҳуқуқи берилади.

💉Коронавирус тарқалиши билан боғлиқ ҳолат бу йил янада ёмонлашиши мумкин. Жаҳон соғлиқни сақлаш ташкилоти дунё аҳолисининг 70% и эмлангандагина оммавий иммунитет пайдо бўлишини таъкидламоқда. Куни кеча 84 ёшли Рим Папаси Франциск, 93 ёшли собиқ Папа Бенедикт XVI ва Туркия президенти Эрдўғон коронавирусга қарши эмланди. Норвегияда эса Pfizer вакцинаси билан эмланганидан кейин 23 киши вафот этди. Ҳозирда ўлим сабаблари ўрганилмоқда. Германияда Pfizer вакцинасини қабул қилганларда коронавирус аниқланган.

💰Биткоиннинг баҳоси 39 минг доллардан ошди.

🌤Бугун республикамизда ҳаво ҳарорати +20 даражагача кўтарилиши кутилмоқда.

Энг муҳим хабарларни биз билан бирга кузатишда давом этинг👉🏻 https://t.me/joinchat/P_0ZDnebnzVin_lD

Суратда: Сирдарё вилояти ҳокими аҳолини саросимага тушмасликка чақиряпти.

Ҳукуматдаги ўзгаришлар, энг кўп иш ҳақи тўланган касблар ва ўтган соатларнинг бошқа асосий хабарлари

✍🏻Бугун ҳукуматда қатор ўзгаришлар бўлди:
➖Абдуқодир Ҳамидович Тошқулов Ўзбекистон Республикаси олий ва ўрта махсус таълим вазири;
➖ Шерзод Ҳидоятов Уй-жой коммунал хизмат кўрсатиш вазири;
➖Рахманбек Джахангирович Усманов Ўзбекистон Республикаси транспорт вазирининг ўринбосари этиб тайинланди.
Шунингдек:
➖ Иномжон Уришевич Мажидов Ўзбекистон Миллий университети ректори;
➖ Ўктам Раҳимович Саломов Фарғона политехника институти ректори;
➖ Авазжон Раҳимович Мараҳимов Термиз давлат университети ректори лавозимига тайинланди.
➖Нурафшон шаҳар ҳокими Қаҳрамон Ҳакимов ўз лавозимидан озод этилди.

🧑‍💻2020 йилда Ўзбекистондаги энг кўп маош тўланган мутахассисликлар эълон қилинди: 30 млн сўм — олий менеджмент ва ахборот технологиялари соҳалари, 20 млн сўм — максимал ойлик иш ҳақи билан савдо соҳаси мутахассиси, 15 млн сўм — иш санъат, ОАВ, маркетинг, реклама ва PR, тиббиёт, фармацевтика, ишлаб чиқариш, шунингдек, қурилиш каби соҳа мутахассислари. Энг кам ойлик иш ҳақи 70” минг сўм — ишчи ходимлар ва суғурта соҳаси ишчилари.

💵Марказий банк маълумотларига кўра, жисмоний шахслар томонидан 2020 йилда 4 млрд 126 млн АҚШ доллари сотиб олинган. Бу 2019 йилдагига нисбатан 2,3 баравар кўп.

Telegram’ни сақлаб қолиш бўйича қўлланма, Трампга эълон қилинган импичмент, ишдан кетиши кутилаётган Олий таълим вазири ва бошқа тонгги хабарлар

🇺🇿Шавкат Мирзиёев Ўзбекистон Республикаси Қуролли Кучлари ташкил этилганининг 29 йиллиги ва Ватан ҳимоячилари куни муносабати билан байрам табриги йўллади.

✍🏻Олий ва ўрта махсус таълим вазирининг биринчи ўринбосари Ўктам Саломов бошқа ишга ўтгани муносабати билан лавозимидан озод қилинди. Олий ва ўрта махсус таълим вазири Ином Мажидов ҳам лавозимини тарк этиши мумкин — ОАВ.

❗️Америка нашрларида Apple AppStore ва ўзининг барча қурилмаларидан Telegram иловасини ўчиришга тайёрланаётгани тўғрисида хабарлар пайдо бўлди. Аввалроқ компания Трампнинг тарафдорлари сабабли Parler иловасини ўчириб юборганди.
Telegram’ни сақлаб қолиш бўйича қўлланма: Настройки >Экранное время >Контент и конфиденциальность >Покупки iTunes Store и App Store >Удаление приложений >Нажмите «нет».

🇺🇸Трампга импичмент эълон қилинди. У АҚШ тарихида икки марта импичментга учраган ягона президент. Импичментни палатанинг 232 нафар аъзоси маъқуллади. 197 нафар уларнинг бари Республикачилар партияси вакиллари қарши овоз берди. Энди масалани Сенат 19 январь куни кўриб чиқади. Конгрессменлар Трампга нисбатан илгари сурилган исёнга даъват қилиш айбловини тасдиқлади.

🌤Бугун республикамиз бўйлаб қуёшли кун бўлиши кутилмоқда, ҳаво ҳарорати +15 даражагача кўтарилади.

Энг муҳим хабарларни биз билан бирга кузатишда давом этинг👉🏻 https://t.me/joinchat/AAAAAD_9GQ7_BBBt6MGZJg

​​“Ўзавтосаноат” трансформацияси, нотўғри “парковка” учун камаядиган жарима, АҚШ сенатини қўриқлаётган ҳарбийлар — якунланаётган куннинг энг асосий хабарлари

⚙️Бугун Президент машинасозлик тармоғини трансформация қилиш ва соҳада рақобатни ривожлантириш масалалари бўйича йиғилиш ўтказди. Йиғилишда бир қатор компаниялар Ўзбекистонда машина ишлаб чиқаришни йўлга қўйиш ва инвестиция киритиш истагини билдираётгани айтилди. Шу боис ишлаб чиқарувчилар учун бир хил шароитлар жорий этиш бўйича кўрсатма берилди. 1 июлга қадар “Ўзавтосаноат” тармоғидаги 40 та корхонани трансформация қилиш бошланади, "Ўзавтосаноат”нинг асосий фаолиятига боғлиқ бўлмаган 14 та ташкилотдаги улушлари сотувга чиқарилади.

🚧Жиззахда қулаган бино юзасидан ўтказилган терговга қадар текширув натижасига кўра Жиззах вилояти қурилиш соҳасида ҳудудий назорат инспекцияси мансабдор шахсларига нисбатан Жиноят кодексининг 207-моддаси (Мансабга совуққонлик билан қараш) билан жиноят иши қўзғатилди.

📃Тўхташ ёки тўхтаб туриш қоидаларини бузганлик учун жаримани камайтириш, такроран содир этилган қоидабузарликлар учун баландроқ жарима қўллаш нормалари чиқарилмоқда. Бу ҳақдаги қонун лойиҳаси Қонунчилик палатасида кўриб чиқилган.

❗️Бугунги кунда Ўзбекистон фуқаролари орасида интернет сайтларидаги рекламалар орқали қисқа вақт ичида пул ишлашни таклиф этаётган ташкилотларнинг ёлғон маълумотларига ишониб, ўз пул маблағларини хорижий давлатларга ўтказиш ҳолатлари учраб турибди. Марказий банк юртдошларимизни фирибгарларнинг алдовларига ишониб қолмасликка, огоҳ бўлишликка чақиради.

💵Давлат молиявий назорати томонидан 2020 йилда бюджет интизомига риоя этилиши ва бюджет маблағларнинг мақсадли фойдаланиши юзасидан 4 729 та (2019 йилда 8 074 та) назорат тадбирларида 246 млрд.сўм миқдорида бюджет интизоми бузиш, пул ва товар-моддий бойликлар камомади ва асоссиз харажатлар аниқланди: Халқ таълими вазирлиги (96,6 млрд.сўм), Соғлиқни сақлаш (40 млрд.сўм), Мактабгача таълим (16,7 млрд.сўм), Уй-жой коммунал хизмат кўрсатиш (9,4 млрд.сўм), Маданият (6,8 млрд.сўм), Сув хўжалиги (5,6 млрд.сўм), Олий ва ўрта махсус таълими (5 млрд.сўм), Жисмоний тарбия ва спорт (4,1 млрд.сўм), Қишлоқ хўжалиги (3,1 млрд.сўм).

​​🚨Бугун Тошкентнинг Учтепа туманида масофа сақламаслик туфайли учта Matiz, Damas ва Nexia иштирокида йирик ЙТҲ содир бўлди. ЙТҲ оқибатида икки нафар ҳайдовчига биринчи тез тиббий ёрдам кўрсатилган.

🇺🇸 АҚШда сўнгги 70 йил ичида илк бор аёл киши қатл этилди. Лиза Монтгомери ҳомиладор аёлни ўлдиришда ва унинг боласини ўғирлашда айбдор деб топилган. АҚШ Олий суди 1953 йилдан бери аёл кишини қатл этиш тўғрисида ҳукм чиқармаганди.

⚡️Айни вақтда АҚШ Конгрессида Трампга нисбатан импичмент эълон қилиш бўйича муҳокама бўлиб ўтмоқда. Миллий гвардиянинг юзлаб ҳарбийлари Капитолий биносини қаттиқ қўриқламоқда (фото👇🏻).

Энг муҳим хабарларни биз билан бирга кузатишда давом этинг👉🏻 https://t.me/joinchat/AAAAAD_9GQ7_BBBt6MGZJg

UZ24 Auto'dan repost

​​Ортда қолган соатларнинг энг муҳим хабарлари

⚡️Самарқанд вилояти, Каттақўрғон туманида бир оиланинг беш нафар аъзоси ис газидан заҳарланган, оиланинг уч фарзанди (8,4 ва 2 ёшга тўлмаган) вафот этган. Оила бошлиқларининг аҳволи эса оғир, деб хабар қилди Бош прокуратура матбуот хизматига таягиб «Газета.uz».

📝Маъмурий ҳуқуқбузарликларга оид ишлар эндиликда жиноят ишлари бўйича судлар томонидан кўрилади. Фуқаролар ўз ҳисобидан маъмурий баённоманинг кўчирма нусхасини, шунингдек суд мажлисининг аудио- ёки видеоёзувини олишга ҳақли.

📉Facebook ва Twitter Доналд Трампнинг саҳифасини блоклагач миллардлаб долларлар йўқотди. Бунинг натижасида Facebook’нинг бозордаги қиймати 41 миллиард долларга, Twitter’нинг бозор нархи эса 3 млрд долларга арзонлашиб қолди. Доналд Трампнинг аккаунтлари блоклангач, унинг тарафдорлари Telegram мессенжеридан фойдалана бошлаган. Охирги уч сутка давомида мессенжердан фойдаланувчилар сони 25 млнга кўпайиб, умумий 500 млнга етди. Шунингдек, Туркия раҳбари Эрдўғоннинг ҳам Телеграмда расмий канали очилди. Ҳозирги вақтда Президентнинг обуначилари сони 158 мингдан ошган. Саҳифага жойланган илк сурат кўпчиликнинг қизиқишига сабаб бўлмоқда👇🏻

Энг муҳим хабарларни биз билан бирга кузатишда давом этинг👉🏻 https://t.me/joinchat/AAAAAD_9GQ7_BBBt6MGZJg

​​Ўтган соатларнинг энг асосий хабарлари

🚘Супермаркетга кириб кетган “Ласетти” воқеасидан сўнг пойтахт ИИББ ЙҲХБ шаҳардаги кўнгилочар-савдо марказлари, дўконлар ва бошқа муассасалар раҳбарларидан автотураргоҳ ва савдо маркази (дўкон) биноси орасида махсус чеклов мосламаларини ўрнатишни сўрамоқда.

❗️Фуқароларнинг қўлида қолиб кетган эски намунадаги 50, 100, 200 ва 500 сўмлик тангалар ва банкнотлар 2022 йилнинг 1 январига қадар Марказий банкнинг жойлардаги Ҳисоб-китоб касса марказларида муомаладаги пул белгиларига алмаштириб берилади — МБ.

💰Президент қарорига мувофиқ, 1 январдан олис ва чекка ҳудудлардаги мутахассисларга имтиёзлар берилади. Бюджет ташкилотларига ишга кирган олий маълумотли мутахассисларга 11 млн 150 минг сўм миқдорида бир марталик бошланғич ёрдам пули ва уй-жойларни ижарага олганлик учун 446 минг сўм миқдорида; оилавий шифокор пунктлари ва оилавий поликлиникаларга ишга қабул қилинган шифокорларга камида 3 йил ишлаб бериш шарти билан 30 млн сўм миқдорида бир марталик бошланғич ёрдам пули, уй-жойи бўлмаганларга эса 3 йил давомида хизмат уй-жойлари берилади ёки 446 минг сўм миқдорида ҳар ойлик пул компенсацияси тўланади.

🚰Тошкент вилояти Янгийўл шаҳри ҳудудидан ўтувчи ичимлик суви қувурида юзага келган носозлик сабабли қатор маҳаллалар ичимлик суви таъминотидан узилди. Аввалроқ, Андижон, Наманган ва Қашқадарё вилоятларида сув таъминотида узилишлар кузатилганди.

⚡️Бугун ижтимоий тармоқларда Сайхунобод туман электр корхонаси раҳбари фуқарога «столба йиқилса, токсиз ўтириш»ни маслаҳат бергани акс этган видео тарқалди. “Сирдарё ҲЭТК” АЖ ушбу ҳолатга расмий муносабат билдирди ва унга нисбатан хизмат текшируви ўтказилишини маълум қилди.

Энг муҳим хабарларни биз билан бирга кузатишда давом этинг👉🏻 https://t.me/joinchat/AAAAAD_9GQ7_BBBt6MGZJg