Urgut sadosi gazetasi

DЕPUTAT SAYLOVCHILAR HUZURIDA
Deputat - xalqning ishongan vakili hisoblanadi. Bu ishonch uning zimmasiga o‘ziga xos mas’uliyat yuklashi tabiiy.

Xabar berib borayotganimizdek, viloyat va tuman kengashlariga saylangan deputatlarimiz saylovchilari bilan uchrashib, o‘z faoliyatlari xususida ularga axborot bermoqda. Muammolarini tinglab, ularni yechish uchun deputatlik so‘rovlari yubormoqda.

27-saylov okrugidan Xalq deputatlari tuman Kengashiga saylangan deputat Dilfuza Ergasheva Sovg‘on mahallasi ahli bilan uchrashdi.

Muloqot jarayonida asosiy e’tibor jamiyatda ayollarning o‘rni va rolini oshirish, ularni har tomonlama qo‘llab -quvvatlash, ilmli, o‘z kasbining fidoyisi bo‘lgan xotin-qizlar safini kengaytirish, erta nikohning oldini olish masalalariga qaratildi.

Saylovchilar deputatga yechimini kutayotgan masalalar yuzasidan murojaat qildilar.

@urgutsadosigazetasi

Ургут тумани Камбағалликни   қисқартириш ва бандлик бўлими томонидан СамДУ Ургут  филиалида муддатли ҳарбий хизматдан қайтганлар ва уларнинг оила аъзолари,  битирувчи ёшлар бандлигини таъминлаш, миграциядагилар билан манзилли ишлаш, камбағал оилалар ва уларнинг оила аъзолари, пробация ҳисобида турувчи,  алимент тўловчи,  шунингдек ишсиз фуқаролар бандлигини таъминлаш мақсадида “Бўш  иш ўринлари меҳнат ярмаркаси” ўтказилди.

Ярмаркада Ургут туманидаги 22 та ташкилот, корхоналар 69 та мавжуд бўш иш  ўринлари билан қатнашди.

Тадбирга жалб қилинган корхона ва ташкилотлар томонидан мақбул  келган ишсиз фуқароларни шу жойнинг  ўзида ишга  қабул қилиш бўйича тегишли ҳужжатларни расмийлаштиришга тайёр ҳолда корхоналар раҳбарлари ва кадрлар бўлими бошлиқлари ҳам иштирок этди.

33 нафар фуқароларнинг 12 нафарига ишга жойлашиши учун, 3 нафарига касб-ҳунар марказларига йўлланма берилди.

Битирувчи ёшларга ҳам тумандаги бўш иш ўринлари ва касб-ҳунарга ўқитиш марказлари ҳақида маълумотлар берилди.

@urgutsadosigazetasi

Urgut tumani Chorraha mahallasida kam ta’minlangan oilalar, ijtimoiy himoyaga muhtoj aholi qatlamlari uchun xayriya aksiyasi o‘tkazildi.

Tadbir davomida to‘kin dasturxon yozilib, ishtirokchilarga milliy taomimiz – osh tarqatildi.

Shuningdek, nuroniylarimiz joriy yil hosili barakali bo‘lishini tilab, duoga qo‘l ochdilar.

-----

Ургут тумани Чорраҳа маҳалласида кам таъминланган оилалар, ижтимоий ҳимояга муҳтож аҳоли қатламлари учун хайрия акцияси ўтказилди.

Тадбир давомида тўкин дастурхон ёзилиб, иштирокчиларга миллий таомимиз – ош тарқатилди.

Шунингдек, нуронийларимиз жорий йил ҳосили баракали бўлишини тилаб, дуога қўл очдилар.

@urgutsadosigazetasi

Ургут тумани Бинокор МФЙда  туман кенгаши депутати томонидан ўтказилган  сайёр қабулда  аҳоли туман тез тиббий ёрдам бўлимига ўтиш кўчасининг 500 метр қисми таъмирталаб эканлиги борасида  амалий ёрдам сўраб мурожаат қилган эди.

Мазкур мурожаат туман Ободонлаштириш бошқармаси томонидан ижобий ҳал этилди.

Маҳалла раиси бошчилигида фуқаролар иштирокида ҳашар уюштирилиб,  кўча текисланди ва ободонлаштирилди.

2-Боғишамол сайлов округидан сайланган туман кенгаши депутати Г.Аблоқулова.

@urgutsadosigazetasi

Yuqori Sanchiqul mahallasida yashovchi Bahodir Mirzayev 22 sotixli tomorqasining 20 sotixida archa ko‘chatlari va 2 sotixida mevali daraxtlar yetishtirmoqda.

Omonqo‘ton mahallasida yashovchi Sattor Jabborov esa tomorqasidagi 4 sotix maydonda qrim sasnasi ekishni yo‘lga qo‘yib, yiliga 40-50 million so‘m qo‘shimcha daromad olyapti.

-----

Юқори Санчиқул маҳалласида яшовчи Баҳодир Мирзаев 22 сотихли томорқасининг 20 сотихида арча кўчатлари ва 2 сотихида мевали дарахтлар етиштирмоқда.

Омонқўтон маҳалласида яшовчи Саттор Жабборов эса томорқасидаги 4 сотих майдонда қрим саснаси экишни йўлга қўйиб, йилига 40-50 миллион сўм қўшимча даромад оляпти.

@urgutsadosigazetasi