Uchinchi Shaxs | Diyor's blog


Kanal geosi va tili: O‘zbekiston, O‘zbekcha
Toifa: Telegram


Birovning hikoyasiga kulmang. Yoʻl uzoq, sizniki esa hali tugamagan...

Muloqat uchun; @xullas_robot

Связанные каналы  |  Похожие каналы

Kanal geosi va tili
O‘zbekiston, O‘zbekcha
Statistika
Postlar filtri


Bugungi kunim tundan boshlab to kechgacha 🥳🔥🤩 boʻldi:)


Qiyinchiliklar taslim boʻlish uchun yetarli sabab emas…


💚 Baxtlilik bir tanlovdir

Baxt, sevgi va ehtiros… Bular topadigan narsalar emas, balki siz tanlagan tanlovdir.

Bugun kunni Naval Ravikantning shu iqtibosi bilan boshlaymiz…


O'zim uchun 2025-yilga 7️⃣ tavsiya

— Ishlar doim ham sening rejangdagidek davom etmaydi. Shu sababli hamma narsadan voz kechishga, qayta boshlashga tayyor tur va buni normal qabul qil.

— Har doim halollikka qattiq qara, bir gramm yoki 1 so'm ham hisobsiz noto'g'ri joyga ketishiga yo'l qo'yma.

— Investitsiyani yaxshilab o'rgan va aktivlarni ko'paytirishda davom et. Shunda sen pulning izidan emas, pul sening izingdan keladi.

— Qattiq mehnat qil va distiplinaga qattiq ahamiyat ber. Shunda natijalaring tez ko'rinadi.

— Oila a'zolaringni va yaqinlaringni doim o'qitishga ahamiyat ber. Chunki muhit rivojlanishning eng asosiy omilidir.

— Yozishni va o'qishni bir kun ham tashlama, hamma kontent va bilimning asosi yozish bo'lsa, fikrlarni charxlashning samarali usuli o'qishdir.

— Zamonaviy dunyoda zerikishni va hech narsa qilmasdan diqqatni jamlashni mashq qilib tur. (Tafakkur)

— Nima ish qilishingdan qat’i nazar to'g'ri niyat qil va oliy maqsadingni esdan chiqarma.

P:S; Hamma aytilgan gapga ham ishonib ketaverma shubha bilan qara va tekshirib koʻr. Chunki tavsiyalar soni 7 emas 8 ta edi:)


“5 yildan keyin qanday inson bo‘lishing bugun o‘qigan kitoblaringga, ko‘rgan filmlaringga, seriallaringga, vaqt ajratgan odamlaringga, iste’mol qilgan oziq-ovqatlaringga, odatlaringga va yozishmalaring hamda suhbatlaringga qarab shakllanadi.” ©️ Ruben Chavez

Shu sababli ham kelajak bugundan boshlanadi deyishadi.

P:S; Aytgancha qiyin boʻlsa ham bugundan ishdaman… 😅


Ishlarga qaytib olish juda qiyin boʻlyapti.

Hozir huddi yangi yil emas dekabr davom etyotgandek men uchun.

Huddi 32-33-dekabr dek…


Narxiga qaramay narsa sotib olishni xohlasangiz, soatga qaramay ishlashni oʻrganing.


Qayerga ketayotganingizni bilmasangiz, boradigan manzilingizni yoqtirmasligingiz ehtimoli katta…

Hozir esa ayni yangi manzillarni belgilaydigan eng qulay fursatlardan bir.

Reja tuzing, maqsad qoʻying va harakat qiling!


Meni hayratlantirdi😳

Bolalarning miyyasini rivojlantirishga qaratilgan bestseller kitoblardan birini oʻqiyapman.

Kitob 2015-yilda nashr etilgan. Gap kitob haqida emas keyinroq kitob haqida ham yozaman.

Hozir kitob oʻqiyotib juda qiziq va men uchun kutilmagan faktga dush kelib qoldim.

Yani Amerikada 1960-yillarda daromadi past boʻlgan oilalarda tugʻilgan bolalarning ilmiy muvaffaqiyatlarni yaxshilash uchun tadqiqotlar olib borilgan ekan🤯

Tasavvur qilyapsizmi? 1960-yillarda!!

2025-yil kelyapti ammo bizni jamiyatlarda kam ta’minlangan bolalar naryoqda tursin, normal odamlarni ilm qilishi uchun ham yetarli sharoit yoʻq.


✍️ Eng qadrlanadigan odat — YOZISH

Bugun internetda koʻrayotgan barcha kontentning asosi matn hisoblanadi.

Yozadigan odam tartibli oʻylaydi va tartibli fikrlaydi.

Eng yaxshi gʻoyalar, eng yaxshi fikrlar yozilsagina koʻproq yashaydi.

Ishlar koʻp boʻlsa, yozish orqali oson tartiblaysiz, muammolar koʻp boʻlsa, yozish orqali oson yechasiz. Xullas, yozish hayotingizning har jabhasida foyda beradi.

ChatGPT chiqqanidan keyin yozadiganlar kamayib buyruq beradiganlar koʻpaydi.

Ammo yozadiganlarning qadri oshib boraveradi. Chunki barcha ishning, barcha kontentning asosi MATN.

📌 P:S; Yana bir gap yozib oʻrganadiganlar boshqalarga qaraganda oson va tez oʻrganishadi.


Uchinchi Shaxs | Diyor's blog dan repost
Dunyoning yarmi ayollar, qolgan yarmi ularning tarbiyalanuvchisidir.

Ayol ilm olishi shart va zarur (ham diniy, ham dunyoviy). Har qanday vaziyatda:

— Bolaligida;
— Ulgʻayganda;
— Turmushga chiqqanda;
— Farzandli boʻlganda;
— Oʻrta yoshda;
— Va hatto qariganida ham.


Chunki ayol — uyning chirogʻi. Istaysizmi yoʻqmi, eshikdan kirar-kirarmas, hamma onaga talpinadi. Undan mehr oladi. Oʻqimishli, ilmli ayol esa mehrga qoʻshib, bilim ham beradi.

Shuning uchun eng yaxshi dars uydagi dars, eng yaxshi maktab home school deb etirof etilmagan.

Rivojlanayotgan, oʻz ustida ishlaydigan ayol bilan turmush oʻrtogʻi ham oʻsadi.

Imkoningiz yetsa, uyingizdagi jamiki ayollarni ilm olishiga sharoit yaratib bering. Hatto har oylik buyudjetingizni bir qismini ham ajrating koʻp emas 3 oyda natijasini koʻrasiz!

#chellenj_61

🎯 Diyor’s blog — for useful time


— Odamlar kimlar?

— Odamlarmi... Odamlar — baxtsizlik keltiradigan mavjudotlar.

©"Lolo-Pepe"


Nimadan boshlash kerak?

Boshlash uchun katta maqsadlar emas, kichik maqsadlar qo’yish kerak.

Katta maqsadlar doimo sizni ko’proq tayyorgarlik ko’rishga, mukammallikka boshlaydi. Bu orqali esa siz boshlashni ortga suraverasiz.

Kichik maqsadlar bilan boshlaganingizda esa, darhol amalga o’tasiz.


Omad - omadsizlar qilishni istamagan ishni qilish

Omad bor narsa. Yo’q emas. Faqat u harakatdan to’xtamaydigan, mehnat qilib charchamaydigan odamlarga kulib boqadi.

Omading kelmayaptimi? Demak sen yetarlicha harakat qilmayapsan!


Imkoniyatlardan o'z vaqtida foydalan

ILETS'dan past ball olganing uchun kuyunasan, vaqtida oʻqimaganing uchun emas.

Puling kamligidan noliysan, yetarlicha harakat qilmayotganing uchun emas.

Bajara olmaganingdan xafa boʻlasan, qayta urinib koʻrmaganingdan emas.


Mahin's World dan repost
#nimadir

Bugun ko’chada sekin yurib ketayotgandim. Bir kuryerga ko’zim tushdi. Tapochkada, paypoqsiz edi. 35 yashar chamasi bir erkak, Uzum tezkor sumkasini ilgan. Ovqatni egasiga berguncha kulib turibdi. Futbolkada, yupin. Pastki kiymi ham juda abgor. Ammo, ishlayotganidan juda xursand. G’alati holga tushdim, ko’zimga yosh keldi. Oldimda oyim bor edi, ta’sirchanligimni bilib tinchlantirdi.

Shunda o’ylay ketdim. Bolaligimda gazetada bir hikoya o’qigandim. Shunda ayol yo’qchilikda, uyida yeyishga bir burda non ham qolmaganda “o’ziga mos ish topolmay yurgan” eriga iymanib, ko’ngliga tegmas qilib, chaqalog’i panasida gapiradi. Ya’ni yeyishga narsa yo’q, deydi. Oradan 1-2 yil o’tadi. Surunkali davom etgan yolg’on va erining ishlamasligi ayolni haqiqiy zahar, o’tkir tilga aylantiradi. O’qiganimda bola edim. Rosa ayolni ayblaganman. Erkakni tushunish kerakligi, yomon gapirmaslik kerak edi deganman. Oyimga aytganimda, hali bola ekanligim, ayolni ayol bo’libgina tushuna olishimni aytgan.

Bundan 2 haftalar burun bir bekat oldidan o’tib keta turib eski matiz ichida rulni ushlagancha uxlab qolgan amakiga ko’zim tushdi. Yonida choy to’la bakalajka. Suvga ham tejaganda. Shunda adam endi turmush qurgan paytida oila boqish uchun (aspiranturada o’qigan paytlari) xurmo sotgani, odamlarni uyida hatto kafel terganini aytib bergandi. Esimda. Erkakchilik shu bo’lsa kerak. Oilani boqish. Yo’qdan bor qilish. Zoriqtirmaslikka urinish.

Eslayman, 2016-yil edi adam bir ilojsiz joyda. Qo’lida pul yo’q ekanini bilaman. Telefonimga esa pul tashlash sanasi kelgan (telefon ishlatib boshlagan yoshimdan beri doim VIP ta’rifida bo’lgan). Shunda telefonin jiringladi. Ko’tarsam adam. Turgan joyimda kalovlanib yig’lay boshladim. Telefonda ovozini naqd 2 yilu 6 oy eshitmaganman. Yig’layapman. Shunda adam “qizim telefoninga pul tashladim. Qizimsan. Hech qachon zoriqma”, dedilar. Ikkimiz ham yig’layapmiz. Esimdan chiqmaydi shu lahzalar.

Xullas, shunday o’ylar qurshovida boya 15 ming qadam yurib kelibman. Shunchaki adamni yaxshi ko’rishimni hamma bilishini istadim. Istardimki barcha otalar farzandlari uchun ana shunday bordan yo’q qilishsa, borligini his ettirishsa. Balki shunda baxtli bolalar ko’payarmidi.

Mahin.
@mahinsworld


💜Oila qurgach nega ba'zilar baxtli, ba'zilar esa afsusda?

Turmush qurishdan oldin bizda kam sonli yoshlar oila qurish va oila qurgandan keyingi hayot qanday bo'lishi haqida o'ylashadi. Aslida bu juda ham xovotirli holat. Chunki 2023-yilda yurtimizda 49,2 ming oilada ajrm holati qayd etilgan. Bu juda ham achinarli holat, shunday emasmi?

🗯 Oila qurishda o'zimizga munosib juft tanlash bu hayotimizdagi eng muhim tanlovlardan biri shu sababli bu tanlov uchun ham bizda yetarlicha bilim bo'lishi zarur va shart.

Siz turmush qurayotganda o'zingizga "xotin" yoki "er" emas munosib umr yo'ldosh tanlashingiz kerak.

🩵 Turmush qurgandan keyingi hayot mehr-muhabbatga asoslangan fayzli bo'lishi ham mumkin yoki aksincha. Bu esa qanday umr yo'ldosh tanlashingizga bog'liq.

Baxtli oila va muhabbatga boy turmush uchun "Turmush qurishdan avval" kitobini albatta o'qishni tavsiya qilaman.

⏩ Kitobni @zumar_delivery orqali buyurtma berishingiz mumkin. O'qib bo'lgach kitob haqidagi fikrlaringizni ham yozishni unutmang.


The Stranger dan repost
​​Tirikchilik tashvishlariga oʻttiz yillik umrimni qurbon qildim, yetar axir. Men ham insonman. Oʻzim uchun ozgina yashay, oʻzimning yoshlik orzu-niyatlarim uchun ozgina yashay. Armon bilan oʻtib ketmay bu dunyodan!

Abduqayum Yoʻldosh – "Puankare"

Oʻn yil avval. Talabalikning ilk kunlari. Bir oʻqituvchi shu kitobni oʻqishni tavsiya qildi. Hozir oʻylab qarasam, oʻsha paytda oʻqituvchilar yangi chiqqan kitoblarni oʻqib turisharkan demak. Topib oʻqidim. Shu hikoya taʼsirida oʻzbek toʻylari, oilaviy hayoti, rasm-rusumiga nisbatan ozgina qoʻrquv, ozgina nafrat paydo boʻlgandi desam mubolagʻa boʻlmas. Bugun shu hikoyani yana bir oʻqigim keldi.

Oʻzbek ayolining fojiasi haqida koʻp gapiriladi. Umri uy ishlari, bola-chaqa, toʻy-maraka deb oʻtishi, zulm koʻrishi, adolatsizliklar qurboni boʻlishi va hokazo. Ta'bir joiz boʻlsa, "Puankare" oʻzbek erkagining fojiasi haqida. Bu fojiada esa oʻzbek ayolining oʻrni beqiyos.

Umumiy gaplardan qochib, yon-verimdagi tipik oʻzbek yigitining hayotiga qarayman. Esini tanir-tanimas oldida toʻy tashvishi koʻndalang turadi. Bu toʻy deganlariga ozmuncha xarajat ketmaydi. Kelinni qayerga olib keladi? Uy solish kerak. Solgandayam oddiy boʻlmasin. Hali kelin bolaning qancha orzu-havaslari kutib turibdi.

Oʻn yetti yoshidan yigirma yetti yoshigacha bitta uy, bitta toʻy uchun pul yigʻib, yana qarz boʻlib, chillasi chiqar-chiqmas takror xorijga ketganlarni koʻp koʻramiz. Mayli, shu yerda ishladi ham deylik. Ammo ssenariy oʻsha-oʻsha. Nikoh toʻyidan keyin yana marosimlar bisyor, ayollarning oldi-berdisi, bordi-keldisi, tovoq-togʻorasi koʻp. Keyin challari, keyin tugʻilgan kun, keyin beshik toʻyi, keyin sunnat toʻyi, keyin muchal toʻyi, keyin yana katta toʻylar...

Erkak biror qarindoshi yoki doʻstining mansabi oʻzidan yuqori boʻlsa, uyi kattaroq boʻlsa, mashinasi qimmatroq boʻlsa koʻpam parvo qilmaydi. Ammo ayol bunga chidolmaydi. U nafaqat dushmanlaridan, balki dugonalaridan ham yuqori boʻlishi kerak. Natijada erini egovlayveradi, egovlayveradi.

Men zamonaviy fikrlaydigan va yashaydigan, asrlar davomida shakllangan qadriyatlarni rad etadigan, erkinlikni, hurlikni talab qiladigan aksar qizlarning toʻyga kelganida tipik oʻzbek ayoliga aylanib qolganini koʻp koʻrdim. Toʻy va orzu-havas masalasiga kelganda oʻqigan va oʻqimagan qiz orasida koʻpam farq sezilmaydi.

Qimmat koshonada yuzlab kishi ishtirokida emas, toʻysiz yoki yaqinlar davrasidagi ziyofatcha bilan turmushga chiqish, toʻy kuni ijaraga olingan qimmat mashinada emas, kuyovning Jigulisida ota uyidan chiqish, kelin koʻylak oʻrniga oddiyroq kiyim kiyish, bezatilgan emas, odmiroq uyga kirish... Yoʻq bunaqasi. Oʻzbek oilasida erkakdan erkaklik talab qilinadi. U nafaqat oilani ta'minlashi, kimoʻzar marosimlarni, orzu-havaslarni ham qilib berishi kerak. Nafsilamrini aytganda, erkakning butun umri ishlash, alam qilarlisi, keraksiz orzu-havaslar, udumlar, marosimlar uchun ishlash bilan oʻtadi. Biror birini qilolmasa, "Erkak boʻlib qilib qoʻyingda" degan ta'na yangraydi birinchi boʻlib suyukli xotini, keyin boshqalarning tilidan.

Xullas, "Puankare" dagi matematika oʻqituvchisi kabi ilmiy salohiyatga ega erkak oʻzini ilmga bagʻishlay olmaydi bizda. Bunga na vaqt, na imkon bor. Oʻzbek ayoliga qanchalik qiyin boʻlsa, oʻzbek erkagiga undan ham qiyin. Erkakning ayolga qilgan zoʻravonligini koʻz bilan koʻrish mumkin, ammo ayolning mingʻir-mingʻirlari, yigʻi-sigʻilari, achchiq kinoyalari-yu talablari bilan erkakning asablarini egovlab, hayotini doʻzaxga aylantirishini bir qarashda ilgʻash qiyin. Uylanish niyatidagi yigitlarga shu kitobni oʻqib chiqishni maslahat beraman, balki bu fikridan qaytar. Jillaqursa tanlovda eʼtiborli boʻladi.

@salimov_blogi


O'lishdan qo'rqyapsanmi? Demak, xato yashyapsan


Bitkoin narxi 100 000$ ga chiqdi.

2017 yilda 6k$ga 2ta olib qo’yganingizda, hozir 200k pulingiz bo’lardi.

Yoki bo’lmasdi. Balki 90% investorlarga o’xshab 10k$ga chiqqanda sotib yuborardingiz.

2017-yilda blog boshlab, to’xtatmaganingizda - sohangizda eng kuchli blog bo’lardingiz.

2017-yilda bitta sohani ushlab, kuniga 20 daqiqa o’rganganingizda - top 1% mutaxassis bo’lardingiz.

2017-yilda kichkina xobbi biznes boshlab, haftasiga bitta mijoz qo’shganingizda - o’rta biznes darajasiga chiqardingiz.

Oxirgi uchta holatning hammasida 200kni bir yilda topib qo’yardingiz.

Orzu qilishni to’xtating. Ishni bosing.

©️ Aziz Rahimov

20 ta oxirgi post ko‘rsatilgan.