TOSHKENT VILOYATI CHIRCHIQ DAVLAT PEDAGOGIKA INSTITUTI

Kontrakt miqdori oshmaydi

▪️Bu haqda bugungi brifingda Oliy va o‘rta maxsus ta’lim vazirligi axborot xizmati rahbari Farhod Babashev ma’lum qildi.

2021-yil 1-fevraldan boshlab ish haqi va stipendiyalar qatori BHM ham 10 foizga oshadi. Ammo pandemiya sharoitida aholining to‘lov qobiliyati pasayganini hisobga olib, amaldagi to‘lov-kontrakt miqdorlari o‘zgarishsiz saqlab qolinadi.

☝️Avvalroq vazirlik kontrakt narxlarini oshirishni rejalashtirmayotgani haqida xabar bergan edik.

O‘zgarishsiz qolgan kontrakt narxlari bilan tanishing

Taʼlimga oid huquqiy va ommaviy maʼlumotlarni berib boruvchi kanalga obuna bo'ling:
➡️ @talim_huquqi

❗️Soliq organiga deklaratsiya topshirish orqali kontrakt toʻlovida soliq chegirmasidan foydalanish mumkin

☝️Oliy oʻquv yurtlarida taʼlim olish (oʻzining, 26 yoshga toʻlmagan farzandlarining yoki erining (xotinining) taʼlim olishi) uchun toʻlov amalga oshirilganda, toʻlov qilingan qismi daromad soligʻidan ozod etiladi.

🔎Bunda soliq chegirmasi oʻqish uchun toʻlov quyidagilar hisobidan amalga oshirilganda taqdim etiladi:

- Oʻz mablagʻlari;

- Jismoniy shaxsga tijorat banklari tomonidan berilgan taʼlim kreditlari;

- Yuridik shaxslar tomonidan jismoniy shaxslarga qaytarish sharti bilan berilgan mablagʻlari (ssudalar).

☝️Toʻlov oylik ish haqidan emas, mustaqil amalga oshirilganda, soliq organiga jami yillik daromad toʻgʻrisidagi deklaratsiyani topshirgan holda soliq chegirmasidan foydalanish mumkin.

Soliq chegirmasiga boʻlgan huquqni tasdiqlash uchun quyidagilar taqdim etiladi:

👉Talaba bilan oliy oʻquv yurti oʻrtasida toʻlovli-kontrakt asosida oʻqitish toʻgʻrisida tuzilgan shartnoma nusxasi;

👉Tijorat banki bilan taʼlim kreditini olish uchun tuzilgan shartnoma (shartnomalar) nusxasi;

👉Oliy oʻquv yurtlari hisob raqamiga pul mablagʻlarini mustaqil toʻlaganligini tasdiqlovchi hujjatlar nusxasi;

👉Pasport nusxasi va taʼlim oluvchining tugʻilganlik toʻgʻrisidagi guvohnomasi nusxasi.

Taʼlimga oid huquqiy va ommaviy maʼlumotlarni berib boruvchi kanalga obuna bo'ling:
➡️ @talim_huquqi

#Oliy_taʼlimdan_keyingi_taʼlim

Oliy taʼlimdan keyingi taʼlimga oid ayrim savollarga javoblar (2-qism)

❓http://phd.mininnovation.uz veb-saytidagi “Talabgorning ilmiy ishlari haqida maʼlumotlar” boʻlimiga qaysi maʼlumotlar kiritiladi?

✅Javob: Talabgor tomonidan chop etilgan tezis va maqolalari kiritiladi.

❓Maqola dissertatsiya mavzusida boʻlishi shartmi?

✅Javob: Albatta. Vazirlar Mahkamasining 2017-yil 22-maydagi 304-son qarorining
1-ilovasi 3 bob 9 va 10 bandlarida berilgan.

❓Tayanch doktoranturaga kirishga hujjat topshirishda maqolalar konferensiyalarda chiqqan boʻlsa ham boʻladimi?

✅Javob: Boʻladi. Vazirlar Mahkamasining 2017-yil 22-maydagi 304-son qarorining 1-ilovasi 3 bob 9-bandida berilgan.

❓Elektron tizimga faoliyat davomidagi barcha maqola tezislarni kiritish yoki faqat yoqlamoqchi boʻlgan ilmiy mavzu boʻyicha kiritish kerakmi?

✅Javob: Dissertatsiya mavzusi boʻyicha barcha maqola va tezislarni kiriish tavsiya qilinadi, ammo minimal talablar bajarilishi yetarli.

1-qismni o‘qish...

Taʼlimga oid huquqiy va ommaviy maʼlumotlarni berib boruvchi kanalga obuna bo'ling:
➡️ @talim_huquqi

SHUNDAY TARTIBNI OʻRNATISH KERAK, OʻQITUVCHI DARS JARAYONINI BUZGANNI SUDGA BERSIN

Biz keyingi yillarda yurtboshimiz tashabbusi bilan umumiy oʻrta taʼlim maktablari pedagoglari obroʻsini oshirish boʻyicha katta ishlar olib borilganining guvohi boʻldik. Biroq ayrim ota-onalarning munosabati shu darajada deb boʻlmaydi. Davlat pul toʻlayaptimi, tarbiya bersin, oʻqitsin deyishadi-da, salgina qattiqroq tanbeh bersa, pedagog bola ruhiyatiga katta salbiy taʼsir qaratganlikda ayblanyapti.

Nazarimda, mana shu yoʻnalishda ota-onalarning masʼuliyati oshirilishi kerak. Qonunchilikka oʻzgartirish kiritish darkor. Toki unga koʻra, oʻqituvchi dars jarayonini buzganni sudga bersin.

Ota-ona pul topish ilinjida farzandiga kerakli vaqt ajratolmas, farzandi bilan yetarli darajada suhbatlashmas, uzoq yillar xorijda ishlab birga vaqt oʻtkazmas ekan, bola nazoratsiz boʻlishi bilan birga yolgʻizlanib qoladi. Zero, ota-onaning farzandi uchun qurgan qoʻsha-qoʻsha imoratidan koʻra mehri, albatta, oʻziga tez qaytadi.

Taʼlimga oid huquqiy va ommaviy maʼlumotlarni berib boruvchi kanalga obuna bo'ling:
➡️ @talim_huquqi

Ta‘lim muassasalarida mobil telefonlardan foydalanish tartibi

🇺🇿 Hukumat qarori (2012-yil 21-maydagi 139-sonli) bilan O‘zbekiston Respublikasi ta‘lim muassasalarida mobil telefonlardan foydalanish tartibi to‘g‘risidagi nizom tasdiqlangan.  

✅ Ta’lim muassasalarida o‘tkaziladigan o‘quv mashg‘ulotlari va tadbirlar (saflanish, tarbiyaviy soatlar, bayram, sport tadbirlari va shu kabilar) boshlanishidan oldin ta’lim oluvchilar:

👉telefonini o‘chirib qo‘yishi;

👉telefonini portfeli, sumkasi va shu kabilarga solib qo‘yishi shart.

✅ Ta’lim oluvchilarga quyidagilar qat’iyan taqiqlanadi:

👉telefonini bo‘yniga osib olish, ko‘krak cho‘ntaklarida, shim, yubkalari cho‘ntaklarida va shu kabilarda saqlash;

👉telefon akkumulyatorini zaryadlash uchun ta’lim muassasasi elektr tarmoqlariga ulash;

✅ Telefoni yordamida:

👉atrofdagilarga zo‘ravonlik, shafqatsizlik, pornografiyani targ‘ib qiluvchi video va suratlarni namoyish qilish;

👉ta’lim muassasasining nufuziga, shu jumladan zo‘ravonlik va vandalizm holatlarini suratga olish va keyinchalik ularni atrofdagilarga namoyish etish yo‘li bilan zarar yetkazish;

✅ Oʻquv mashg‘ulotlari vaqtida:

👉telefon orqali so‘zlashish hamda SMS (MMS) va boshqa turdagi xabarlarni jo‘natish;

👉telefonni stol ustiga qo‘yish;

👉musiqa, shu jumladan naushniklar orqali tinglash;

👉surat va video tasvirlarni ko‘rsatishda telefondan foydalanish (o‘yinlar bilan shug‘ullanish), tasvir (matn, rasm, videoyozuv va fotosuratlar) ko‘rish, diktofon, kalkulyator, kalendar, bloknot, yon daftarcha kabilar sifatida foydalanish;

👉suratga olish va video tasvirga tushirish;

👉telefon (GPRS, Bluetooth, Internet va shu kabilar) orqali boshqa xizmatlardan foydalanish.

✅ Ta‘lim muassasasida ta‘lim oluvchilarga mashg‘ulotlar va tadbirlar oralig‘ida faqat asosli va kechiktirib bo‘lmaydigan zarur holatlarda telefonlardan foydalanishga ruxsat etiladi.

☝️Belgilangan talablar buzilganda ta‘lim muassasasining har qanday pedagog xodimi ta‘lim oluvchidan telefonni olib qo‘yishi va uni ta‘lim muassasasi rahbari yoki rahbar o‘rinbosariga berishi mumkin.

Taʼlimga oid huquqiy va ommaviy maʼlumotlarni berib boruvchi kanalga obuna bo'ling:
➡️ @talim_huquqi

Maktab remonti uchun pedagoklar javobgarmi?

✍ Qishki tatil kelishi bilan sinf raxbarlaridan xonalarni oʻzlari remont qilishlari kerakligi maktab raxbarlari tomonidan talab kilish xolati yoʻq emas.Aynan qishki tatil emas boshqa tatillarda xam

🇺🇿 Oʻzbekiston Respublikasi Vazirlar Mahkamasining “Oʻzbekiston Respublikasi xalq taʼlimi vazirligi huzuridagi xalq taʼlimini rivojlantirish jamgʻarmasi va byudjetdan tashqari respublika maqsadli kitob jamgʻarmasi faoliyatini tashkil etish toʻgʻrisida” qaroriga asosan, Xalq taʼlimi vazirligi huzuridagi Xalq taʼlimini rivojlantirish jamgʻarmasining asosiy vazifalari bor:
- Xalq taʼlimi vazirligi tizimiga kiruvchi taʼlim muassasalarini qurish, rekonstruksiya qilish, mukammal taʼmirlash va jihozlash (qoʻshimcha jihozlash) uchun mablagʻlarni jamlash;

✅ Tasdiqlangan manzilli dasturlarga muvofiq umumtaʼlim muassasalarini qurish, rekonstruksiya qilish va mukammal taʼmirlash, ishlarni moliyalashtirish xisoblanadi

✅ Oʻzbekiston Respublikasi xalq taʼlimi vazirining 2018-yil 26-dekabrdagi 16-MH-son buyrugʻi bilan tasdiqlangan “Umumiy oʻrta taʼlim muassasasining kuzatuv kengashi haqida”gi naʼmunaviy nizomning 31-bandiga muvofiq taʼlim muassasasida oʻquvchilar va ularning ota-onalaridan turli xil sabablar bilan Kengash aʼzolari, taʼlim muassasasi rahbari va boshqa xodimlari tomonidan pul mablagʻlarini yigʻish qatʼiyan taqiqlanadi.

☝️Maktablarni remont qilish pedagoklarning oyligiga qarab qolganmi?

Siz peshona teri qilib ishlab topayotgan pulingizni maktab remonti uchun berishga majbur emassiz.Ular esa sizdan maktab remonti uchun pul talab qilishga hech kim haqli emas.

Taʼlimga oid huquqiy va ommaviy maʼlumotlarni berib boruvchi kanalga obuna bo'ling:
➡️ @talim_huquqi

Prezident muhtasham kutubxona barpo etish taklifini bildirdi, unda jahondagi eng nodir asarlar jamlanadi

Yoshlar forumida davlatimiz rahbari sanʼat, adabiyot sohalarni rivojlantirish boʻyicha istiqboldagi vazifalarga toʻxtalib oʻtdi:

📖 “Kelgusi yili buyuk bobomiz Alisher Navoiy tavalludining 580 yilligini keng nishonlaymiz. Yoshlarimizga hazrat Navoiy ijodini chuqur oʻrgatishni tizimli yoʻlga qoʻyish muhim. Shu bois Alisher Navoiy asarlarining bugungi yoshlar tushunadigan ixcham namunalarini yaratib, turli mobil ilova va elektron dasturlar ishlab chiqish kerak”.

Prezident Toshkent shahrida zamonaviy muhtasham kutubxona barpo etish taklifini bildirdi:

🏛 “Bu maʼrifat saroyi ilm-fanning soʻnggi yutuqlari asosida jihozlanadi. Bu dargohda yurtimiz va jahondagi eng nodir, noyob va bebaho asarlar jamlanadi. U buyuk ajdodlarimizning boy merosi va nomlarini butun dunyoga tarannum etadigan, barcha yurtdoshlarimiz, birinchi navbatda, siz, qadrli farzandlarimiz uchun chinakam ziyo maskaniga, gʻurur va iftixorimiz ramziga aylanadi, deb ishonaman”.

Taʼlimga oid huquqiy va ommaviy maʼlumotlarni berib boruvchi kanalga obuna bo'ling:
➡️ @talim_huquqi

Milliy oʻquv dasturini amaldagi davlat taʼlim standartidan nima farqi bor?

1️⃣ Amaldagi davlat standarti 2 komponent malaka talablari va tayanch oʻquv rejasidan iborat. Milliy oʻquv dasturi esa 6 ta kompanent- fan konsepsiyasi, oʻquv faoliyati natijasiga qoʻyilgan talablar, oʻquv reja, oʻquv dasturi, metodologiya va baholash tizimidan iborat.

2️⃣ Amaldagi davlat taʼlim standartida faqat 4, 9 va 11 -sinflar bitiruvchilariga malaka talablar qoʻyilgan boʻlsa, Milliy oʻquv dasturida har bir sinf uchun oʻquv faoliyatiga natijasiga talablar ishlab chiqildi. Yaʼni oʻquvchining har bir sinf bosqichini yakunlaganda fanlar boʻyicha qanday koʻnikmalarni shaklantirishi aniq qilib belgilab berilgan.

3️⃣ Amaldagi davlat taʼlim standartida fan konsepsiyasi, oʻquv dasturi, fanlarni oʻqitish metodikasi, oʻquvchini baholash tizimi nazarda tutilmagan edi. Milliy oʻquv dasturi esa oʻquv faoliyatini hamma jihatlarini qamrab oladi. Baholashning yangi tizimi joriy etiladi.

4️⃣ Oʻquv dasturlari XTV tomonidan har yili darslikning nashr rejasiga muvofiq oʻzgarishlar kiritilib, tasdiqlab berilgan bo'lsa, endilikda xalqaro baholash natijalariga ko'ra har 5 yilda o'zgaradi.

5️⃣ Taʼlim mazmuni 80% nazariyadan iborat edi, endilikda 50% nazariya 50% amaliyotga yoʻnaltirildi.

6️⃣ Amaldagi davlat taʼlim standarti yodlashga yoʻnaltirilgan, Milliy oʻquv dasturi individual qiziqish asosida oʻquvchilarda shaxsiy rivojlanish koʻnikmalari shakllantirilib, mustaqil hayotga tayyorlanadi.

7️⃣ Fanlararo integratsiya taʼminlanmagan, zamonaviy (STEM, STEAM, CLIL, ARIZ, TRIZ kabi) metodologiyalar qoʻllanilmagan edi. Milliy oʻquv dasturi mazkur kamchiliklarni bartaraf etdi.

8️⃣ DTS chiziqli oʻqitishga asoslangan edi, MOD “Soddadan murakkabga” tamoyili asosidagi spiralsimon oʻqitish metodikasiga asoslanadi.

9️⃣ Oʻqituvchi kitobi va oʻquvchi daftarlari joriy qilinmagan edi. Darslik, oʻqituvchi kitobi va oʻquvchi daftarlari zamonaviy formatda yaratiladi.

🔟 Fanlar soni optimallashtirilib, 1-4-sinflarda 9-10 ta, 5-11-sinflarda 12-14 ta fan oʻqitiladi.

Taʼlimga oid huquqiy va ommaviy maʼlumotlarni berib boruvchi kanalga obuna bo'ling:
➡️ @talim_huquqi

​​Hijobda darsga borish mumkinmi?

🇺🇿 Vazirlar Mahkamasining 2018-yil 15-avgustdagi 666-sonli qarori mavjud.

O‘sha qarorning 3-bob 7-bandida shunday deyilgan.

O‘quvchilar ta’lim muassasasi binosi ichida bosh kiyimsiz yurishlari lozim, ta’lim muassasasida o‘tkaziladigan turli tadbirlar jarayoni bundan mustasno.

O‘zbekiston Respublikasida aholi turli millat va diniy konfessiyalar vakillaridan iboratligi hamda majburiy umumiy o‘rta ta’lim dunyoviy xarakterga egaligi munosabati bilan o‘quvchilarning maktab formasiga turli din va konfessiyalar xamda turli submadaniyatlarga mansublikni aks ettiruvchi elementlarni (hijob, kipa, kashaya, xoch va boshqalar) qo‘shishga yo‘l qo‘yilmaydi.

Mana shu qarorga muvofiq maktab, oliygoh va boshqa davlat ta’lim muassasalarida hijobda yurishga ta’qiq mavjud.

Xususiy maktablarga keladigan bo‘lsak, xuddi shu qaror xususiy maktablarga ham tegishli, xususiy maktablar eng avvalo tadbirkorlik sub’yekti. Agar ular shu narsaga yo‘l qo‘yishayotgan bo‘lsa, demak qonun buzilish holatlari mavjud.

———

Masalani ikki tomondan tahlil qilib ko‘ramiz, dastlab qaror qanchalik huquqiy, ya’ni konstitutsiya bo‘yicha insonlarda diniy e’tiqod bo‘yicha erkinlik mavjud, fuqarolar qaysidir dinga e’tiqod qilishi yoki umuman hech qaysi dinga e’tiqod qilmasligi mumkin.

Har qanday normativ-huquqiy hujjat fuqarolarning konstitutsiyaviy huquq va erkinlariga zid kelmasligi kerak.

Ikkinchi tomondan bu qarorda huquqlar cheklanmayapti, chunki fuqarolar dunyoviy maktabda ta’lim olish uchun kelishmoqda. Qaror bo‘yicha bosh kiyimda va diniy mansublikni aks ettiruvchi elementlarda kelish mumkin emas deyilmoqda.

Ya’ni har bir tashkilotning o‘z ichki nizomlari bo‘lgani kabi maktabning ham o‘z qoidalari bor. Shuning uchun shunday talab qo‘yilgan.

O‘quvchilar dini, millati, irqidan qat’iy nazar barcha maktablarda bu qoidaga amal qilishi shart. Har holda qonun talabi shunday.

Taʼlimga oid huquqiy va ommaviy maʼlumotlarni berib boruvchi kanalga obuna boʻlin👇
👉 @talim_huquqi

Qirgʻizistondagi oliygohdan bahorda oʻqishni koʻchirish mumkinmi?

❓Meni farzandim xozirda Osh Davlat universitetida oʻqimoqda. Farzandimni oʻqishini Oʻzbekistondagi Oliy oʻquv yurtiga fevral oyida xam kuchirish mumkin deb eshitdim. Shu toʻgʻrimi. Men qayerga murojaat kilsam boʻladi?

☝️Yoʻq bu gap notoʻgʻri!

Bu imtiyoz faqat 2020-yilda Oʻzbekiston Respublikasi Prezidentining qaroriga koʻra bir marta berildi.

☝️Ushbu qaror faqat 2020-yil uchun belgilangan.

✅ Vazirlar Mahkamasining 2017-yil 20-iyundagi 393-son qarori 3-ilovasi bilan tasdiqlangan “Oliy taʼlim muassasalari talabalari oʻqishini koʻchirish, qayta tiklash va oʻqishdan chetlashtirish tartibi toʻgʻrisida”gi nizom 15-bandiga muvofiq talabalar oʻqishini koʻchirish uzrli sabablarga koʻra (respublikaning bir hududidan ikkinchi hududiga doimiy yashash uchun yoki turmushga chiqish munosabati bilan turmush oʻrtogʻi doimiy yashaydigan (pasport boʻyicha doimiy roʻyxatdan oʻtgan) hududga koʻchib oʻtganda, turmush oʻrtogʻi yoki ota-onasi harbiy xizmat oʻtash joyini oʻzgartirganda, yoxud ota-onasi (turmush oʻrtogʻi) xorijdagi davlat xizmatidan qaytganda) bahorgi semestrda oʻquv mashgʻulotlari boshlanishidan oldin ham amalga oshirilishi mumkin.

💁‍♂ Bahorgi semestrda talabalar oʻqishini faqat shu asoslarga koʻra koʻchirish mumkin.

Xorijiy davlatlarning OTMlarida oʻqiyotgan talabalarda bunday sabablar boʻlmasa kerak har holda.

❗️Farzandingiz umumiy asoslarda yaʼni birinchi kursni tamomlagandan soʻng oʻqishini koʻchirish boʻyicha 15 iyuldan 5 avgustga qadar Oliy taʼlim vazirligiga shaxsan borgan holda yoki www.transfer.edu.uz sayti orqali ariza bilan murojaat qilishga haqli.

☝️ Bunda talabgorlar belgilangan imtihonlardan oʻtganda, ular oʻqishni koʻchirishlari mumkin boʻladi.

Manba...

Taʼlimga oid huquqiy va ommaviy maʼlumotlarni berib boruvchi kanalga obuna boʻlin👇
👉 @talim_huquqi

Toshkent viloyati Chirchiq davlat pedagogika instituti rasmiy kanali

@tvchdpi2017