#munosabat
Uchinchi renessans bunyodkorlari bilan tarixiy uchrashuv🇺🇿 Prezidentimiz Shavkat Mirziyoyevning 14-fevraldagi yoshlar bilan bo‘lib o‘tgan ochiq muloqot uchrashuvi, albatta, yoshlar uchun yangi imkoniyatlar yaratish borasida juda katta ahamiyatga ega. Ushbu uchrashuvda yoshlarni xalqimizning “
oltin fondi” deb atash, o‘z navbatida, ularning mamlakat taraqqiyotidagi o‘rnini qadrlash va ular uchun sharoitlarni yanada kengaytirish zarurligini ta’kidlagan davlatimiz rahbari, yoshlarni iqtisodiyotning barcha sohalarida qo‘llab-quvvatlashni o‘zining ustuvor siyosati sifatida belgiladi.
✅O‘tgan yillarda yoshlar uchun taqdim etilgan imkoniyatlar, ayniqsa, yosh tadbirkorlar sonining uch baravar ko‘payishi, ishga joylashish va ta’lim olishdagi erishilgan yutuqlar men kabi ko‘plab yoshlarni ruhlantirmoqda. Yurtimizda oliy ta’lim muassasalarining soni ortishi, xotin-qizlar uchun berilayotgan imtiyozlar, ilmiy darajali yosh olimlar sonining ko‘payishi, chet tillarini o‘rganishga bo‘lgan qiziqishning kuchayishi – bularning barchasi yoshlarning kelajakka nisbatan ishonchini mustahkamlaydi.
Meni nazarimda yoshlarni tadbirkorlikka rag‘batlantirishga qaratilgan yangi tashabbuslar juda muhim bo‘ldi. Yoshlar uchun taqdim etilgan imtiyozli kreditlar, startap loyihalariga ajratilayotgan investitsiyalar va bandlikni ta’minlashdagi innovatsion tizimlar, albatta, yosh avlodni o‘z maqsadlariga erishish yo‘lida motivatsiya sifatida xizmat qiladi.
🔰Shuningdek, davlatimiz rahbarining yoshlarni xorijda ta’lim olish uchun yaratgan imkoniyatlari, masalan, “
El-yurt umidi” jamg‘armasi orqali chet elga o‘qishga yuborilgan yoshlar sonining oshishi, o‘zim kabi yoshlarga xalqaro miqyosda bilim olish va o‘zini ko‘rsatish imkoniyatlarini yaratadi. Bunday dasturlar orqali yoshlarimiz dunyo standartlariga mos ta’lim olib, vatanga salohiyatli kadrlar sifatida qayta olish imkoniyatiga ega bo‘ladilar.
✔️ Yoshlarni kasb-hunar maktablariga, texnikumlarga jalb qilish va yoshlar o‘rtasida milliy ruhiyatni kuchaytirish maqsadida boshlangan yangi tashabbuslar ham juda dolzarbdir. Bunday tashabbuslar yoshlarni nafaqat ilm-fan sohasida, balki jismoniy va ma’naviy jihatdan ham rivojlantiradi. Milliy g‘urur va vatanparvarlik hissini shakllantirish orqali yoshlarimiz kelajakda mamlakatimizni taraqqiyotiga katta hissa qo‘shadigan “
oltin fond” sifatida yetishadi.
➡️ Umuman olganda, bu kabi uchrashuvlar yoshlarimizni yanada faollashtiradi va ularga o‘z orzulariga erishish yo‘lida kuchli turtki beradi. Prezidentimizning yoshlarni qo‘llab-quvvatlashga doir bildirgan e’tibori va tashabbuslari, albatta, barcha yoshlarimiz uchun imkoniyat eshiklarini ochadi va ularning kelajakda mamlakatimizni rivojlantirishdagi o‘rinlarini mustahkamlashga yordam beradi.
Otabek Tursunboyev- “Maxam-Chirchiq” aksiyadorlik jamiyati xodimi.
📍
Kanalga ulanish:
