Тўрақўрғон туман ҳокимлиги |расмий канали

Туман ҳокимлигининг мажлислар залида ижтимоий соҳа ташкилотлари раҳбарлари учун бугунги куннинг долзарб вазифалари юзасидан таҳлилий йиғилиш бўлиб ўтди.

Туман ҳокимнинг ўринбосари Икромжон Парпиев 2024 йил ҳам якунланиб бораётгани, янги йилни яхши натижалар билан кутиб олиш учун астойдил ишлаш, айниқса ишчи-ходимларнинг ер ва мол-мулк солиғини тўлатиш, қуёш паннеллари ўрнатиш орқали энергия тежамкорлигига эришиш, куз-қишга озиқ-овқат заҳирасини яратиш, доимий ободонлаштириш ишларини олиб бориш каби масалалар юзасидан топшириқ ва тавсиялар берди.

Тўрақўрғон туманидаги Исҳоқхон Ибрат номли чет тиллар институтида туман ҳокимлиги Оила ва хотин-қизлар бўлими, Адлия бўлими, ИИБ билан ҳамкорликда талабалар ўртасида тайзиқ ва зўравонликнинг олдини олиш мавзусида давра суҳбати ўтказилди.

Хотин-қизларнинг оилавий турмуш муаммоларини бартараф этишга кўмаклашиш, ҳаётий ҳақ-ҳуқуқларини муносиб ҳимоя қилиш, уларнинг маиший зўравонлик қурбонига айланиб қолмасликлари, ҳаётини қайта йўлга қўйишда моддий ва маънавий, тиббий-психологик ёрдам бериш борасида кенг ислоҳотлар амалга оширилмоқда.

Учрашувда жиноятчиликка йўл бермаслик ва унга қарши курашиш борасида ёшларнинг ҳуқуқий маданиятини ошириш, жиноят содир этган шахсларга нисбатан "Қонун устувор - жазо муқаррар" тамойили таъминланиши тўғрисида тушунтириш ишлари олиб борилди. Суҳбат давомида талабалар ўзларини қизиқтирган саволларга жавоб олдилар.

Тўрақўрғон тумани ҳокими Шерали Қосимовнинг маҳалладаги муаммоларни қайта ўрганишлари бугун ҳам давом этди

“Ўзбекистон” маҳалласида 10 та кўп қаватли уйлар бўлиб, унда яшовчилар асосан электр энергиясидан фойдаланади. Айниқса, қишки мавсумда иситиш анжомлари туфайли ҳаражат ортиб кетади. Аҳолининг шу масала бўйича мурожаати қайта ўрганилди.

Ҳудудда бўлган туман раҳбари уйлар атрофи ободонлаштиришга муҳтожлиги, ариқ бўйлари тозаланмаганига эътироз билдирди. Саришталик йўқ жойда сиҳатлик, барака бўлмаслиги фуқароларга тушунтирилди.

Шунингдек, ҳоким Сарой маҳалласида фаоллар билан учрашди. Улар ички йўлларни ҳомийлик асосида асфальтлаштириш мақсадида ҳаракат бошлашмоқчи. Ш. Қосимов уларни қўллаб-қувватлади. Шундай аҳиллик билан хайрли ишлар қилаётган маҳаллаларни эътироф этди.

Маҳаллалардаги ўрганишлар давом этмоқда.