Triskelion

​​Jon Edgar Guver: tarixdagi eng sirli federal rahbar

Edgar Guver — AQSh Federal Qidiruv Byurosining (FBI) ilk va eng uzoq vaqt boshqargan direktori. Uning hayoti, faoliyati va shaxsiyati haqida gap ketganda, bitta savol doim paydo bo‘ladi: bu inson daho edimi yoki fitnachi? Guverning faoliyati tarixning eng sirli davrlaridan biri sifatida hali ham qizg‘in bahs-munozaralarga sabab bo‘lmoqda.

Guver 1895-yil 1-yanvarda Vashington shahrida oddiy oilada tugʻilgan. Yoshligida darslarga bo‘lgan muhabbati va fotografik xotirasi bilan tengdoshlaridan ajralib turgan. Guver maktabda bahs-munozaralar klubining faol a’zosi bo‘lib, o‘z fikrini aniq va qat’iyat bilan ifoda etish san’atini puxta egallagan.

1924-yil, 29 yoshida Guver FBIga direktor etib tayinlanganidan soʻng, byuroni zamonaviy texnologiyalar bilan ta’minlashga va agentlarni professionallashtirishga kirishdi. Barmoq izlari ma’lumotlari bazasi va jinoyatchilarni kuzatish tizimining joriy etilishi uning eng katta yutuqlaridan biri bo‘ldi. Ammo Guverni buyuk rahbar qilgan narsa texnologiyalar emas, balki uning «sirlarni bilish san’ati» edi. Guver har bir nufuzli siyosatchi, biznesmen va hatto mashhur san’atkorlar haqida ham maxfiy ma’lumotlar yig‘ib borgan. Buni ko‘pchilik xavfsizlikni ta’minlash chorasi deb bilsa, ayrimlar buni uning hokimiyatini mustahkamlash uchun qo‘llagan quroli deb hisoblashadi. Prezidentlar ham uning "maxfiy fayllaridan" cho‘chib, uni lavozimidan olib tashlashga jur’at eta olmagan.

Umrini oxirigacha FBIni boshqargan Guver 1972-yilda vafot etgan.

@triskelion_uz

​​Skandinav mifologiyasidagi sehrli buyumlar

1. Myolnir – Torning qudratli chaqmoq bolg‘asi. U kuch, himoya va adolatning ramzi sifatida mashhur. U gnomlar (Sindri va Brokk) tomonidan yaratilgan. Myolnir qanday uzoqlikka otilishidan qatiy nazar har doim o‘z egasi – Torning qo‘liga qaytib keladi. Bolgʻa juda ogʻir boʻlgani sababli uni faqat Tor va uning oʻgʻli Magni koʻtara olgan.

2. Gungnir – Odinga tegishli sehrli nayza. Gungnir urush, adolat va hukmronlikning ramzi. Nayzaning sehrli xususiyati shundaki, u otilganida hech qachon nishondan adashmaydi. Nayzaga o‘yilgan runalar unga kuch bag‘ishlab, qurolni faqat Odinning boshqarishiga imkon beradi.

3. Gyallarxorn – Xeymdallning burgʻusi boʻlib u Ragnaryok (oxirzamon) boshlanishini e’lon qilish uchun xizmat qiladi va uning ovozi butun dunyo bo‘ylab eshitiladi. Bugungi kunda u muhim ogohlantirish ramzi sifatida ishlatiladi.

4. Draupnir – Odinga tegishli sehrli oltin uzuk boʻlib gnomlar Sindri va Brokk tomonidan yasalgan. Ushbu uzuk boylik, farovonlik va ko‘payishning ramzi hisoblanadi. Har to‘qqiz kunda Draupnir o‘zidan sakkizta bir xil oltin uzuk yaratib, cheksiz boylik va farovonlikni ta’minlaydi.

@triskelion_uz

Ayollar ligasida peshqadamlar orasida boʻlgan Valkiriya jamoasi blog ochishibdi.

https://t.me/valkiriya_qizlari

#tavsiya