Тошлоқ тумани ҳокимлиги (расмий)

“Uchinchi Renessans-yoshlar nigohida” tanlovining Toshloq tuman bosqichi o‘tkazildi.

Ilm-fan, madaniyat, ma’naviyat va ma’rifat har zamonda har qaysi davlatda eng oliy maqsad hisoblangan. Uchinchi renessans poydevorini yaratish yangi O‘zbekiston strategiyasida alohida o‘rin egallaydi. Uchinchi renessans ta’lim ostonasidan boshlanar ekan ta’lim bilan tarbiya, xususan jamiyat qadriyatlarini o‘rganadigan va maishiy turmushga tadbiq etadigan ijtimoiy-gumanitar fanlarga yangicha dunyoqarash bilan yondoshish bugunning talabi va ehtiyojidir.

O‘zbekiston Respublikasi Vazirlar Mahkamasining 2024-yil 2-oktabrdagi topshiriq xati bilan tasdiqlangan media rejaning ijrosini ta’minlash, shuningdek, Respublika Ma’naviyat va ma’rifat markazi, O‘zbekiston Respublikasi maktabgacha va maktab ta’limi vazirligi, O‘zbekiston Respublikasi oliy ta’lim, fan va innovatsiyalar vazirligi, O‘zbekiston Respublikasi Yoshlar ishlari agentligining 2024-yil 25-oktabrdagi qo‘shma qarori ijrosini ta’minlash maqsadida o‘quvchilar o‘rtasida “Uchinchi Renessans-yoshlar nigohida” tanlovini o‘tkazish belgilangan.

Joriy yilning 22-noyabr kuni ushbu tanlovning Toshloq tuman bosqichi boʻldi. Tanlovning tuman bosqichida maktablardan o‘quvchilar o‘z loyiha taqdimotlari va takliflari bilan qatnashdilar. O‘quvchilar loyihalari hakamlar hay’ati tomonidan “Ajdodlar merosini targ'ib qilishda innovatsion yondoshuv nominatsiyasi” , “Maktab va oliygohda sifatli bilim olishdan o'quvchi va talabalarning manfaatdorligini oshirish uchun o'quv jarayoni va metodikasini o'zgartirish yo'llari nominatsiyasi”, “Yoshlarni ilm-fan va innovatsiyalarga qiziqtirishning noan'anaviy usullari nominatsiyasi” da ko‘rib chiqildi va g’oliblar aniqlanib diplom va esdalik sovg’alari bilan taqdirlandilar.

TOSHLOQ TUMAN MAKTABGACHA VA MAKTAB TA’LIMI BO‘LIMI TOMONIDAN “YASHIL MAKON” UMUMMILLIY LOYIHASI DOIRASIDA AMALIY SEMINAR TASHKIL ETILDI.

Oʻzbekiston Respublikasi Prezidentining 2019-yil 30-oktyabrdagi “2030-yilgacha boʻlgan davrda Oʻzbekiston Respublikasining atrof-muhitni muhofaza qilish kontseptsiyasi”, 2021-yil 30-dekabrdagi “Respublikada koʻkalamzorlashtirish ishlarini jadallashtirish, daraxtlar muhofazasini yanada samarali tashkil etish chora-tadbirlari” toʻgʻrisidagi Farmonida tatbiq etilishi belgilangan “Yashil makon” umummilliy loyihasi doirasida keng ko‘lamli ishlar amalga oshirilmoqda.

Hozirda “Yashil makon” umummilliy loyihasi doirasida 2024-yil kuz mavsumida Toshloq tuman maktabgacha va maktab ta’limi bo‘limi tasarrufidagi barcha ta’lim tashkilotlarida 5000 dona daraxt ekish boʻyicha keng koʻlamda ish olib borilmoqda.

Bugun Furqat MFY hududida joylashgan 2-sonli hamda Suvboshi MFY hududidagi 26-sonli Davlat maktabgacha ta’lim tashkilotlarida “Yashil makon” umummilliy loyihasi doirasida tuman miqyosidagi amaliy seminarlar o‘tkazildi.

Unda tuman maktabgacha va maktab ta’limi bo‘limi xodimlari va ta’lim tashkilotlari direktorlari ishtirok etdi.
Seminar yakunida qatnashchilar tomonidan ushbu Davlat maktabgacha ta’lim tashkilotlari hududida tashkil etilgan “Ustozlar bog‘i” ga manzarali va mevali ko‘chatlar ekildi.