ТОШКЕНТ ВИЛОЯТ АДЛИЯ БОШҚАРМАСИ АХБОРОТ ХИЗМАТИ/TOSHKENT VILOYAT ADLIYA BOSHQARMASI AXBOROT XIZMATI

#Qonunchilikdagi_yangiliklar

❗️Hafta davomida qabul qilingan qonunchilikdagi yangiliklar bilan tanishing:

🔹Prezident tomonidan Qonun imzolandi ➖ Manba: (O'RQ-983-son, 25.10.2024 y.);

🔹“Xalqaro shartnomani tasdiqlash to'g'risida”gi Prezident qarori qabul qilindi ➖ Manba: (PQ-371-son, 25.10.2024 y.);

🔹Foydali qazilmalarni ruxsatnomasiz qazib olganlik uchun jinoiy javobgarlik belgilandi ➖ Manba: (O'RQ-984-son, 28.10.2024 y.);

🔹Yo'llarda harakat xavfsizligini ta'minlash yanada kuchaytiriladi➖ Manba: (O'RQ-985-son, 28.10.2024 y.);

🔹Navoiy davlat universiteti tashkil etiladi ➖ Manba: (PQ-378-son, 31.10.2024);

🔹“Yer qa'ri to'g'risida”gi Qonun qabul qilindi ➖ Manba: (O'RQ-987-son, 31.10.2024 y.).

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️“Yer qa'ri to'g'risida”gi Qonun (O'RQ-987-son, 31.10.2024 y.) qabul qilindi

⚡️ Qonun yer osti boyliklariga egalik qilish va ularni tasarruf etish, shuningdek yer qa'ridan foydalanish hamda uni muhofaza qilish chog'ida yuzaga keladigan munosabatlarni tartibga soladi.

✅ Yer qa'ri va yer qa'rida tabiiy yo'l bilan joylashgan barcha foydali qazilmalar O'zbekistonning davlat mulki bo'lib, undan oqilona foydalanish lozim va u davlat tomonidan muhofaza qilinadi. Ushbu mulk huquqi har qanday shaxsning yerga va suvga bo'lgan biror-bir huquqiga yoki mulkchiligiga qaramay qo'llaniladi.

📝 Davlat yer qa'rini Qonunda nazarda tutilgan asoslar, shartlar va chegaralarda foydalanishga beradi.

🚫 Yer qa'ri uchastkalari oldi-sotdi, hadya, meros qilib qoldirish, omonat, garov predmeti bo'lishi yoki har qanday boshqacha shaklda o'zga shaxsga o'tkazilishi mumkin emas.

🏢 Yer qa'ridan foydalanish va uni muhofaza qilish sohasidagi davlat siyosatini amalga oshiruvchi organlar quyidagilardan iborat:

▫️Vazirlar Mahkamasi;
▫️Tog'-kon sanoati va geologiya vazirligi;
▫️Energetika vazirligi;
▫️Ekologiya, atrof-muhitni muhofaza qilish va iqlim o'zgarishi vazirligi;
▫️Tog'-kon sanoati va geologiya sohasini nazorat qilish inspeksiyasi;
▫️“Yer qa'ridan foydalanish markazi” davlat muassasasi;
▫️mahalliy ijro etuvchi hokimiyat organlari.

📌Qonun rasmiy e'lon qilingan kundan e'tiboran 3 oy o'tgach kuchga kiradi.

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️Navoiy davlat universiteti tashkil etiladi

“Navoiy davlat universitetini tashkil etish chora-tadbirlari to'g'risida”gi Prezident qarori (PQ-378-son, 31.10.2024) qabul qilindi

🏢 Qarorga ko'ra, Navoiy davlat pedagogika instituti negizida Navoiy davlat universiteti tashkil etiladi.

✅ Hududda soha va tarmoqlarning rivojlanish istiqbollarini hisobga olgan holda zamonaviy bilim va malakaga ega bo'lgan ilmiy va ilmiy-pedagogik kadrlarni tayyorlash, qayta tayyorlash va ularning malakasini oshirish bo'yicha uzluksiz ta'lim tizimini yaratish Universitetning asosiy vazifalari va faoliyat yo'nalishlaridan biri etib belgilandi.

🎓 Navoiy davlat pedagogika institutida tahsil olayotgan barcha talabalar o'qishlarini Universitetda davom ettiradi hamda 2024/2025 o'quv yilidan bitiruvchi kurs talabalariga Universitet diplomi beriladi.

🗂 Universitetda 2025/2026 o'quv yilidan ehtiyoj yuqori bo'lgan quyidagi yo'nalishlar bo'yicha kadrlar tayyorlash yo'lga qo'yiladi:

➖aniq va tabiiy fanlar;
➖axborot texnologiyalari;
➖sun'iy intellekt;
➖iqtisodiyot;
➖biznes va turizm;
➖investitsiyalarni boshqarish;
➖qishloq xo'jaligi;
➖ekologiya va atrof-muhit muhofazasi;
➖logistika.

📕 Yangi tashkil etilgan ta'lim yo'nalishlari va mutaxassisliklar bo'yicha xorijiy davlatlar va respublikadagi yetakchi oliy ta'lim tashkilotlari bilan ikkita diplom berishga asoslangan qo'shma ta'lim dasturlari yo'lga qo'yiladi.

Kanalga ulanish👇👇👇
https://t.me/huquqiyaxborot_lotin