Тошкент шаҳар судлари | Расмий канал

ПОЙТАХТДА ЎТГАН САЙЁР ҚАБУЛЛАР НАТИЖАЛАРИ

Жорий йилнинг 11-14 февраль кунлари Яшнобод туманида жойлашган Мономарказ биносида Олий суд раҳбариятининг сайёр қабули ўтказилди.

Қабуллар давомида жами 259 нафар фуқаро мурожаати тингланди. Шунинг 140 нафари жиноят, 101 нафари фуқаролик ишлари бўйича, 6 нафари маъмурий ишлар бўйича ва 12 нафари иқтисодий ишлари бўйича қолганлари бошқа умумий масалаларда мурожаат қилди.

Мурожаатларнинг 80 таси ижобий ҳал этилди, 179 таси бўйича ҳуқуқий тушунтириш берилди.

Жиноят ишлари бўйича судлар (сайёр қабул кунлари давомида) тақдимнома ва илтимосномалар асосида озодликни чеклаш, ахлоқ тузатиш ишлари ва муайян ҳуқуқдан маҳрум қилиш жазосини ўтаётган 58 нафар маҳкум жазони ўташдан муддатидан илгари шартли равишда озод қилинди. Шунингдек, 17 нафар фуқаронинг МЖтКнинг 60-моддаси 3-қисми ва 175-моддаси 2-қисми билан жарима миқдори камайтирилган, 9 нафар фуқаронинг маъмурий орган қарори устидан шикоят бериш муддати тикланди.

Жиноят кодексининг 169-моддаси 1-қисми билан, 266-моддаси 1-қисми ва Жиноят кодексининг 105-моддаси 1-қисми билан 8 нафар айбланувчиларнинг мурожаатига асосан уларга оид жиноят иши Жиноят кодексининг 66-1-моддасига асосан ярашув билан тугатилиб уларнинг мурожаатлари ижобий ҳал қилинди. 7 нафар фуқарога нисбатан тўпланган маъмурий ҳуқуқбузарлик тўғрисидаги иш тарафларнинг ярашувига асосан тугатилди. 12 нафар судланувчига нисбатан қўлланилган қамоқ тарзидаги эҳтиёт чораси бекор қилиниб, суд залидан қамоқдан озод қилинди.

Бундан ташқари, 45 нафар фуқароларнинг ёзма мурожаатлари, шундан 19 нафар фуқаронинг тафтиш тартибидаги шикоятлари кўриб чиқиш учун қабул қилинди.

Фуқаролик ишлари бўйича (сайёр қабул кунлари давомида) алимент ундириш ҳақидаги 84 нафар фуқаронинг мурожаатлари қаноатлантирилиб, алимент ундириш тўғрисида суд буйруқлари чиқарилди ва ижрога қаратилди. Бундан ташқари 41 нафар фуқаронинг иш ҳақини ундиришга оид мурожаатлари қаноатлантирилди.

Иқтисодий ишлар бўйича (сайёр қабул кунлари давомида) тадбиркорлик субъектлари даъвогарлигида 178 та иқтисодий иш кўриб чиқилиб, тадбиркорлар фойдасига 29.499.355.039 сўм миқдорда пул маблағлари ундириб берилди.

Сайёр қабулда мурожаатлари ижобий ҳал қилинган фуқаролар томонидан Ўзбекистон Республикаси Президенти ва Олий суд раҳбарияти номига 30 нафар фуқаро ва юридик шахслар вакиллари томонидан миннатдорлик билдириб, ёзма ташаккурномалар тақдим этилди.

Сайт I Telegram I Facebook

Жиноят кодексини ўрганамиз

229 –прим 6 модда. Суғориладиган ер участкасига ёки унинг бир қисмига бўлган ҳуқуқни сотиш ёхуд қонунга хилоф равишда бошқача тарзда ўзга шахсга бериш

Суғориладиган ер участкасига ёки унинг бир қисмига бўлган ҳуқуқни сотиш ёхуд қонунга хилоф равишда бошқача тарзда ўзга шахсга бериш, —
базавий ҳисоблаш миқдорининг тўрт юз бараваридан беш юз бараваригача миқдорда жарима ёки муайян ҳуқуқдан маҳрум қилиб, икки йилдан беш йилгача озодликни чеклаш ёхуд беш йилгача озодликдан маҳрум қилиш билан жазоланади.

Ўша қилмиш:

а) ерларга кўп миқдорда зарар етказилишига сабаб бўлса;

б) бир гуруҳ шахслар томонидан олдиндан тил бириктириб;

в) такроран ёки хавфли рецидивист томонидан;

г) хизмат мавқеидан фойдаланиб содир этилган бўлса, —
базавий ҳисоблаш миқдорининг беш юз бараваридан олти юз бараваригача миқдорда жарима ёки муайян ҳуқуқдан маҳрум қилиб, беш йилдан етти йилгача озодликдан маҳрум қилиш билан жазоланади.

Ўша қилмиш:

а) ерларга жуда кўп миқдорда зарар етказилишига сабаб бўлса;

б) ўта хавфли рецидивист томонидан;

в) уюшган гуруҳ томонидан ёки унинг манфаатларини кўзлаб содир этилган бўлса, —
муайян ҳуқуқдан маҳрум қилиб, саккиз йилдан ўн йилгача озодликдан маҳрум қилиш билан жазоланади.

Ушбу модданинг биринчи ва иккинчи қисмларида назарда тутилган жиноятни биринчи марта содир этган шахсга нисбатан, агар у ер участкасининг қайтарилишини ҳамда ернинг қишлоқ хўжалиги оборотига киритилишини таъминласа, озодликни чеклаш ва озодликдан маҳрум қилиш тариқасидаги жазо қўлланилмайди.

Сайт I Telegram I Facebook

YouТube видеохостингида эълон қилинган судланган И. Темировга оид жиноят ишига доир видеолавҳа юзасидан

Жиноят ишлари бўйича Янгиҳаёт туман судининг 2024 йил
24 сентябрдаги ҳукмига асосан И. Темиров Жиноят кодекси 141 прим 2-моддаси 2-қисмининг “а,б,г” бандлари ва 28,25,273-моддасининг 5-қисмида назарда тутилган жиноятларни содир этганликда айбли деб топилган. Унга нисбатан Кодекснинг 59, 61-моддалари тартибида 10 йил 2 ой муддатга озодликдан маҳрум қилиш жазоси тайинланиб, жазони умумий тартибли колонияларида ўташлик белгиланган.

Ушбу жиноят иши 2025 йил 7 январь куни Тошкент шаҳар суди жиноят ишлари бўйича судлов ҳайъати кассация инстанциясида кўрилиб, туман судининг ҳукми ўзгаришсиз қолдирилган.

Гарчанд видеолавҳада И. Темировнинг адвокати тафтиш тартибида шикоят киритилганини билдирган бўлса-да, Тошкент шаҳар судининг иш юритувига бугунги кун ҳолатига ушбу шикоят келиб тушмаган. Албатта, мазкур шикоят киритилган тақдирда ундаги ва видеолавҳадаги важлар яна тафтиш тартибида ўрганилиши ва текширилиши маълум қилинади.

Сайт I Telegram I Facebook