“Toshkent-AERO” ixtisoslashtirilgan bojxona kompleksi✈️

Ўзбекистон ва Афғонистон божхона вакиллари учрашув ўтказишди

Сўнгги йилларда Давлатимиз раҳбарининг ташаббуслари билан чегарадош мамлакатлар билан яқин қўшничилик алоқалари янада мустаҳкамланмоқда.

Жумладан, Сурхондарё вилояти Термиз туманида Ўзбекистон ва Афғонистон чегарасида ташкил этилган “Термиз халқаро савдо маркази” эркин савдо зонаси ҳам икки давлат ўртасидаги иқтисодий алоқаларни ривожлантирмоқда.

Ушбу савдо зонасида икки қардош давлат фуқаролари ва тадбиркорлари учун янада қулай муҳит жорий қилиш бўйича доимий чора-тадбирлар амалга оширилмоқда.

Хусусан, Афғонистоннинг Балҳ вилояти божхона ташкилоти ташаббуси билан Сурхондарё вилояти божхона бошқармаси бошлиғи Иззатулла Ғуломов ва Афғонистоннинг Балҳ вилояти божхона ташкилотининг раҳбари Билал Мухаммад Абдуллаҳ бошчилигидаги делегациялар эркин савдо зонасида учрашув ўтказишди.

Унда, савдо марказида фаолият юритаётган Афғонистон тадбиркорлари фаолияти ва кириб келаётган фуқароларни чегара ҳамда божхона назоратидан ўтказиш масалалари, валюта айирбошлаш, рухсат этувчи сертификатлар ва савдо қилинаётган товарлар ҳажмини ошириш юзасидан фикрлар алмашиниб, таклиф ва мулоҳазалар билдирилди.

Шунингдек, меҳмонлар суҳбатлари давомида Ўзбекистон томонидан амалга оширилаётган илиқ муносабатлар ва яқин қўшничилик алоқалари учун миннатдорчилик изҳор этишди.

Таъкидлаш жоизки, бугунги кунда савдо зонаси ҳудудига ўртача 2 минг нафардан ортиқ Афғонистон фуқаролари келмоқда. Савдо маркази жорий йил август ойида фаолиятини бошлаган бўлсада, 15,5 млн. АҚШ доллари қийматидаги маҳсулотлар экспорти амалга оширилди.

#bojxona_dunyo_buylab

БОЖХОНА: ДУНЁ БЎЙЛАБ!

Саудия Арабистони закот, солиқ ва божхона бошқармаси (ZATCA) томонидан нуфузли конференция ташкил этилди.

“Барқарор иқтисодий келажакни шакллантириш ва хавфсизликни ошириш” шиори остида Ар-Риёдда ўтказилган тадбирда дунёнинг турли давлатларидан экспертлар жамланишди.

*****
Жаҳон божхона ташкилоти Smart Customs ижтимоий порталини ишга туширди.

Ташкилотга аъзо давлатларнинг божхона ходимлари ўртасида ўзаро ахборот алмашишга мўлжалланган портал божхона маъмуриятларининг иш унумдорлигини ошириш, инновацион ечимлар ва соҳани рақамлаштириш тажрибаларини ўзида ифода этади. Бу эса ЖБТ аъзолари ўртасидаги рақамли тафовутни енгиб ўтишга хизмат қилади.

*****
АҚШ чегара ва божхона хизмати Колумбия дала операциялари бошқармаси билан ҳамкорликда ўтказилган тезкор тадбирда қиймати 6,9 млн АҚШ долларини ташкил этадиган 343,4 кг оғирликдаги метамфетамин гиёҳвандлик воситасини тўхтатиб қолишди.

Ларедо кириш портида аниқланган ушбу ҳолатда гиёҳвандлик воситалари сув ташиш учун мўлжалланган юк автомашинасининг ичига жойланган 16 дона елим идишларга жойланган бўлган.

Хабарингиз бор, жорий йилнинг 13 декабрь куни Муҳтарам Президентимиз раислигида ижтимоий ҳимоя соҳасида амалга оширилган ишлар ва 2025 йилдаги устувор вазифалар муҳокамасига бағишлаб йиғилиш ўтказилиб, унда оилавий муҳитдан ажралган ўғил-қизларнинг таълим олишлари учун зарур шароит яратиш бўйича тегишли кўрсатмалар берилди.

Мазкур топшириқлар ижроси юзасидан Божхона институтида Сирдарё вилоятининг Бахт шаҳрида жойлашган Республика ўғил болалар ўқув-тарбия муассасаси тарбияланувчилари учун экскурсия ташкил этилди.

Унда Божхона қўмитаси Раиси ўринбосари О.Чориев иштирок этиб, институтда таълим олувчилар учун яратилган қулай шароитлар, замонавий ўқув хоналари ва жанговор шайликни ошириш борасидаги машғулотлар билан ёшларни таништириб ўтди.

Худди шу каби тадбир Тошкент шаҳрида жойлашган 22-сон ва 30-сон Меҳрибонлик уйлари тарбияланувчилари учун ҳам ташкил этилди.

Ёшлар нафақат институт фаолияти билан балки, у ерда таҳсил олаётган курсантлар билан ҳам бевосита мулоқотда бўлишди. Хорижий тажрибалар асосида ўтказиладиган таълим жараёнлари ва чет эл институтлари билан ҳамкорликда олиб борилаётган илмий изланишлар хусусида ўзларини қизиқтирган саволларига етарли тушунчалар олишди.

Ташкил этилган экскурсия давомида кўпгина ёшлар Божхона институтига ўқишга киришга катта қизиқиш билдириб, келгусида шарафли божхоначи касбини эгаллашни ўз олдиларига мақсад қилишди.