"ТЎРАХОН ҲОЖИ" жоме масжиди.️

بسم الله الرحمن الرحيم.

الحمد لله وحده والصلاة من لا

نبيي بعده وعلى اله و اصحابه

اجميعن.
.БУГУН:

Ҳижрий 1446 йил Шаъбон ойининг 12-кун  сешанба
милодий 2025-йил  11 феврал
*   *  
РАББИМИЗ АЛЛОҲ! ЯНГИ КУННИ БУТУН УММАТ УЧУН, ЖУМЛАДАН, БИЗЛАР УЧУН ҲАМ ХАЙРЛИ, БАРАКОТЛИ – МУБОРАК АЙЛА! АЛЛОҲИМ БИЗЛАР ЎЙЛАГАН НАРСАЛАРНИ ЯҲШИРОҒИНИ БИЛГУВЧИ ЎЗИНГ ЯҲШИРОҒИНИ  АТО ҚИЛ! АЛЛОҲИМ БАЛО ОФАТЛАРДАН ЎЗИНГ САҚЛА! АЛЛОҲИМ ЁМҒИР БЕРСАНГ БАРОКАТЛИ,ШАМОЛ БЕРСАНГ ФОЙДАЛИ ҚИЛГИН!...

Давоми.
Бу воқеа жоҳилийа даврига тегишли бўлиб, бу қон даъвосидан воз кечдим. Эй инсонлар! Билиб қўйинглар, шайтон бу юртларингда ўзига ибодат қилдириш умидини тамоман узган бир ҳолатдадир. Лекин ибодат ташида қолган ва сизлар аҳамият бермаган амаллар билан унга итоат қилинса, шунга ҳам рози бўлади. Динингизга зарар бериб қўйишдан қўрқиб, ундан сақланинглар.
   Эй инсонлар! Ҳаром ойларнинг ўрнини ва тартибини ўзгартириш одати куфрда киритилган қўшимчалардир ва бу билан кофирлар тўла ақлдан оздирилади, эсларини йўқотиб қўяди. Ҳаром ойни бир йил ҳалол ҳисоблайди, бир йил ҳаром ҳисоблайди. Бу билан эса, Аллоҳ ҳаром қилганини ҳалол, ҳалол қилганини ҳаром қилмоқчи бўладилар. Дарҳақиқат, замон Аллоҳ кўкларни ва ерни яратган кундаги шаклига ва ҳолатига қайтмоқда. Аллоҳ ҳузуридаги ойларнинг сони ўн иккитадир. Тўрттаси ҳаром қилинган  - учтаси кетма- кет, биттаси эса жумодуссони билан шаъбон орасидаги ва Мудор қабиласи риоя этадиган ражаб ойидир.
   Эй инсонлар! Сизларнинг хотинларингизда ҳақларингиз бор, уларнинг ҳам сизларда ҳақлари бор. Сизларнинг улардаги ҳақларингиз уйларингизга сизлар ёқтирмайдиган одамларни қўймасликлари, айниқса, очиқ бир одобсизлик қилмасликларидир. Агар шундай қилишса, Аллоҳ сизларга жойингизни бошқа қилиб ётишингизга ҳамда жароҳат етказмасдан уришингизга изн беради. Агар қилмишларини тўҳтатишса, уларни одатдагидек емак ва киймаклар билан таъминлашингиз уларнинг ҳаққидир. Диққат қилинглар: уларнинг сиздаги ҳаққи уларга яхши муомала қилишингиз, кийдиришингиз, озиқ- овқат билан таъминлашингиздир.
   Хотинлар ҳақида бир- бирларингизга яхши ишларни тавсия қилинг. Ўзлари учун бирор нарсага эга эмаслар. Сизлар уларни Аллоҳнинг омонати ўлароқ олдиларинг, улар Аллоҳнинг сўзлари билан сизларга ҳалол қилинди.
   Эй инсонлар! Сўзларимни эсларингда тутинглар. Мен сизларга етказаётирман. Сизларга икки нарсани қолдиряпман, уларни маҳкам ушласаларинг, мушкул аҳволга тушиб қолганларингда асло ўзларингни йўқотиб қўймайсизлар. Булар очиқ бир амр ҳолида Аллоҳнинг Китоби ҳамда пайғамбарининг суннатидир.
   Эй инсонлар! Сўзларимни тингланглар ва эсларингда сақланглар. Яхши билингларки, ҳар мусулмон бошқа мусулмоннинг биродаридир. Ҳамма мусулмонлар бир- бирларининг биродаридир. Шундай экан, бир киши бошқа бир мўминга тегишли нарсани, агар у кўнгил розилиги билан ўзи бермагунича олиши ҳалол бўлмайди. Шундай қилиб ўзларинга зулм қилманглар...
   Расули акрам соллаллоҳу алайҳи васаллам шу ерга етганда юзларини осмонга бурдилар- да:
   - Аллоҳим, етказдимми?- дедилар.
   Мингларча одам бу саволга жавоб :
    - Аллоҳ учун, ҳа, етказдингиз!- дея ҳайқиришди.
     - Аллоҳим, гувоҳ бўл,- дедилар ва давом этдилар: 
    - Эй инсонлар! Албатта, Аллоҳ  ҳар ҳақ эгасига ҳаққини берган. Шундай экан, меросҳўрга ҳаққидан бошқа васият йўқ. Бола кимнинг ётоғида туғилган бўлса, уникидир, зино қилганга эса маҳрумият бор. Ким отасини рад этиб, отасидан бошқага ўзини нисбат берса ёхуд қули бўлмаган одамни қул қилишга уринса, Аллоҳнинг, фаришталарнинг ва бутун инсониятнинг лаънати унга бўлсин. Аллоҳ ундан азобни қайтарадиган шафоатни ва фидяни қабул қилмайди. Хотин эрининг уйидан эрининг рухсатисиз нарса олиб садақа бера олмайди.
   - Емак бўлса ҳамми, эй Аллоҳнинг пайғамбари?
   - У бизнинг молимизнинг энг қийматлисидир... Омонат олинган нарса эгасига берилади. Соғиш учун қолдирилган ҳайвонлар қайтиб берилади. Қарзлар ўталади, кафил қарздор ҳисобланади... Сизлардан мен ҳақимда сўралади, нима дейсизлар?..
   - Гувоҳлик берамиз, сиз етказдингиз, вазифангизни бажардингиз, самимият билан бурчни ўтадингиз.
   Шунда Расулуллоҳ соллаллоҳу алайҳи васаллам мубора бармоқларини кўкка нуқдилар- да:
   - Аллоҳим, гувоҳ бўл! Аллоҳим, гувоҳ бўл ! Аллоҳим, гувоҳ бўл !- дедилар.
   Бу хутба чоғида Жанобимиз туя узангисида тик турган ҳолда, мушаклари бўртиб- бўртиб, баланд овозда гапирар, ора- орадаги одамлар ҳам худди шундай баланд овозда орқадагиларга айни гапларни етказишар эди.
Давоми бор..

بسم الله الرحمن الرحيم.

الحمد لله وحده والصلاة من لا

نبيي بعده وعلى اله و اصحابه

اجميعن.
.БУГУН:

Ҳижрий 1446 йил Шаъбон ойининг 11-кун  душанба
милодий 2025-йил  10 феврал
*   *  
РАББИМИЗ АЛЛОҲ! ЯНГИ КУННИ БУТУН УММАТ УЧУН, ЖУМЛАДАН, БИЗЛАР УЧУН ҲАМ ХАЙРЛИ, БАРАКОТЛИ – МУБОРАК АЙЛА! АЛЛОҲИМ БИЗЛАР ЎЙЛАГАН НАРСАЛАРНИ ЯҲШИРОҒИНИ БИЛГУВЧИ ЎЗИНГ ЯҲШИРОҒИНИ  АТО ҚИЛ! АЛЛОҲИМ БАЛО ОФАТЛАРДАН ЎЗИНГ САҚЛА! АЛЛОҲИМ ЁМҒИР БЕРСАНГ БАРОКАТЛИ,ШАМОЛ БЕРСАНГ ФОЙДАЛИ ҚИЛГИН!...

АЛЛОҲ ҚУРЪОНДА ЗИКР ҚИЛГАН ИНСОННИ, БЕШ СИФАТИ.

Агар бир инсон машина ишлаб чиқарса, уловнинг сифатини, имкониятларини ва нуқсонларини жуда яхши билади. Худди шундай, Аллоҳ таоло инсонни яратди ва У Зот инсоннинг имкониятларини жуда яхши билади.
Қуръони каримнинг қай ўрнида инсоннинг яхши жиҳатлари саналган бўлса, ўша жойда унинг беш нуқсонини ҳам санаб ўтилган.

1.Инсон золимдир
Инсоннинг энг катта нуқсонларидан бири у золимдир.
إِنَّهُ كَانَ ظَلوُمًا
«Дарҳақиқат, у (инсон) ўта золимдир», (Аҳзоб сураси, 72-оят).
Албатта, инсон золим бўлиши билан бирга, унда бу нуқсонини тўғрилаш имконияти бор. Яъни, инсон золимдан Аллоҳ таолога мақбул бўлган одил сифати билан сифатлана олиши мумкин.

2.Инсон жоҳилдир
Иккинчи нуқсони шуки, инсон ўта жоҳилдир.
كَانَ ظَلُومًا جَهُولًاإِنَّهُ
«Дарҳақиқат, у (инсон) ўта золим ва ўта жоҳилдир», (Аҳзоб сураси, 72-оят).
Албатта, инсонда бу сифатнинг тескариси бўлган илм ҳосил қилиш истеъдоди бор. Гуё Аллоҳ таоло бу икки лафз (жоҳил ва золим) билан шунга ишора қиляптики, агар инсон ҳаракат қилса, ўзининг жоҳиллигини олимликка, золимлигини эса одилликка ўзгартириши мумкин.

3.Инсон заифдир
وَ خُلِقَ الْإِنْسَنُ ضَعِيفًا
«Ва инсон заиф яратилгандир», (Нисо сурси, 28-оят).
Инсон шу даражада заифки, унинг онгида, инглизлар таъбири билан айтганда, “FEAR OF UNKNOWN” “нотаниш нарсадан хавфсираш” доим бўлади. Инсон шу даражада заифки, уни заррадек келадиган вирус бемор қилиб қўя олади. Шу даражада инсон иложсиз қоладики, шифокор бу давосиз касаллик, дейди. Ваҳоланки, у вирус шу даражада кичикки, уни ҳатто оддий кўз билан кўриб бўлмайди. Лекин шу зарра миқдоридаги вирус инсонларни ҳалокат ёқасига олиб боради.

4.Инсон шошқалоқдир
Тўртинчи нуқсон бу шошқалоқликдир.
وَ كَانَ الْإِنْسَانُ عَجُولًا
«Ва инсон шошқалоқ бўлгандир», (Исро сураси, 11-оят).
Инсон табиатан шошқалоқдир. Агар тўрт кун нафл намозларини ўқиса, бешинчи куни Шайх Шиблий раҳматуллоҳи алайҳдек ёки Жунайд Бағдодий раҳматуллоҳи алайҳдек кароматлар кўрсатишни орзу қилади, дуолари ўша заҳоти қабул бўладиган зот бўлишни хоҳлаб қолади. Бир, икки марта дуо қилиб, менинг дуоларим ижобат булиши керак, деб даъво қила бошлайди.

5.Инсон беҳафсала ва тор юраклидир
Аллоҳ таоло бешинчи нуқсонни бундай баён қилиб марҳамат қилади:,
إِنَّ الْإِنْسَانَ خُلِقَ هَلُوْعًا
«Албатта инсон ўта беҳафсала қилиб яратилингандир», (Маъориж сураси, 33-оят).
Бу ояти каримани “тор юраклидир” деб тафсир қилганлар ҳам бор. Яъни, инсон шу даражада беҳафсалаки, унга Аллоҳ таоло томонидан яхшилик етса, фаромуш қилади, озгина мусибат етса, сабот билан сабр қилмайди. Агар бирон муваффақиятга эришса, фақат ўзининг кучи билан унга эришганини даъво қилади. Аллоҳ таолонинг берган тавфиқини унутади.

Шайх Зулфиқор Аҳмад Нақшбандий

#ҳадиси_шариф

КИШИ ЯХШИ КЎРГАНИ БИЛАН БИРГАДИР!

عَنْ أَنَسِ بْنِ مَالِكٍ رضي الله عنه ، أنَّ رَجُلًا سَأَلَ النبيَّ -ﷺ- عَنِ السَّاعَةِ ، فَقَالَ : مَتَى السَّاعَةُ ، قَالَ : « ومَاذَا أعْدَدْتَ لَهَا » ، قَالَ : لا شيءَ ، إلَّا أنِّي أُحِبُّ اللَّهَ ورَسوله -ﷺ- ، فَقَالَ : « أنْتَ مع مَن أحْبَبْتَ » ، قَالَ : أنَسٌ : فَما فَرِحْنَا بشيءٍ ، فَرَحَنَا بقَوْلِ النبيِّ -ﷺ- : أنْتَ مع مَن أحْبَبْتَ ‏(متفق عليه واللفظ للبخاري)

Анас ибн Молик розияллоҳу анҳудан ривоят қилинади: “Бир киши Набий соллаллоҳу алайҳи васалламдан қиёмат ҳақида сўради. “Қиёмат қачон”, деди. “Унга нима тайёрладинг?!”, дедилар. У киши: “Ҳеч нарса. Лекин мен Аллоҳ ва унинг Расулини яхши кўраман”, деди. “Сен яхши кўрганларинг билан бирга бўласан!”, дедилар У Зот алайҳиссалом. Анас айтди: “Пайғамбаримиз алайҳиссаломнинг: “Сен яхши кўрганларинг билан бирга бўласан”, деган сўзларидан хурсанд бўлганимиз каби бошқа нарсадан хурсанд бўлмадик” (Муттафақун алайҳ).

بسم الله الرحمن الرحيم.

الحمد لله وحده والصلاة من لا

نبيي بعده وعلى اله و اصحابه

اجميعن.
.БУГУН:

Ҳижрий 1446 йил Шаъбон ойининг 10-кун  якшанба
милодий 2025-йил  9 феврал
*   *  
РАББИМИЗ АЛЛОҲ! ЯНГИ КУННИ БУТУН УММАТ УЧУН, ЖУМЛАДАН, БИЗЛАР УЧУН ҲАМ ХАЙРЛИ, БАРАКОТЛИ – МУБОРАК АЙЛА! АЛЛОҲИМ БИЗЛАР ЎЙЛАГАН НАРСАЛАРНИ ЯҲШИРОҒИНИ БИЛГУВЧИ ЎЗИНГ ЯҲШИРОҒИНИ  АТО ҚИЛ! АЛЛОҲИМ БАЛО ОФАТЛАРДАН ЎЗИНГ САҚЛА! АЛЛОҲИМ ЁМҒИР БЕРСАНГ БАРОКАТЛИ,ШАМОЛ БЕРСАНГ ФОЙДАЛИ ҚИЛГИН!...

Арзимас латта-путтани деб уруш жанжал қиладиган ёки уларни тоат-ибодатдан устун қўйган аёллар эҳтиёт бўлсин!

Росулуллоҳ саллаллоҳу алайҳи ва саллам:

«Динор қули, дирҳам қули ва (башанг) кийим қули бахтсиз бўлсин. Агар берилса, рози бўлади. Агар берилмаса, ғазабланади. Бахтсиз бўлсин, юзтубан йиқилсин. Тикон кирса, чиқмасин», дейилган.

(Бухорий ривояти).

ФАРЗАНД ТАРБИЯЛАШДАГИ ХАТОЛАР

– Ота-онанинг болага: “Лапашанг”, “Аҳмоқ”, “Одобсиз” каби ёқимсиз сўзлар билан мурожаат қилиши энг катта хатодир. Аслида камчилик фарзанднинг ўзида эмас, ишида;
– уриб-сўкиб тарбиялаш. Фарзанд нотўғри иш қилганида танбеҳ бериш, уриш-сўкишдан кўра яхши кўрган нарсаларидан маҳрум қилиш, гапирмаслик ёки қовоқ уйиш самарали бўлади;
– нотўғри рағбатлантириш. Ота-она болалаларининг яхши ишларини мукофотлашда ширинлик ёки пул бериш билан бирга савоб бўлишини, эвазига жаннатга эришишини ҳам уқтирсин;
– болаларни бир-бирига қарама-қарши ўстириш. Бир оилада туғилиб ўсган болаларнинг ҳам шахсияти турлича бўлади. Уларни зеҳни, қобилияти паст-баландига қараб йўналтириш лозим. Акс ҳолда бир-бирига солиштириш билан оралари бузилиши мумкин;
– ёмон дуо қилиш. Фарзанди жаҳлини чиқарса, айрим оналар дарров қарғашга тушади. Бунинг оқибати жуда ёмон;
– ваъда бериб бажармаслик. Ота-она ваъдасида турмаса, ишончини йўқотади. Масалан, “Кел, урмайман”, дейди. Аммо келганида уради. “Бундай қилсанг, уни олиб бераман”, дейди, лекин сўзида турмайди.
– фарзандини ёмон ҳолатларга гувоҳ қилиши. Шаънини юксалтириш, ботирликка ўргатиш ўрнига таҳқирлайдиган манзараларни кўрсатиш бола қалбини синдиради;
– ёқтирмаган нарсасини совға қилиш;
– ёлғон гапириш. Одатларнинг энг ёмони ёлғон сўзлашдир. Бола ўрнак оладиган кишилар ёлғон гапириб турса, уям шунга одатланади.

Зиёвуддин Раҳимнинг “Бахтли ҳаёт сари” китобидан

ВИДОЛАШУВ ҲАЖИ (ҲАЖЖАТУЛ ВАДО)

Расулуллоҳ соллаллоҳу алайҳи васаллам ҳижратнинг ўнинчи йили зулқаъда ойида ҳаж қилиш учун Маккага боришга қарор қилганларини теваракдаги қабилаларга билдирдилар. Бу хабарни эшитган мусулмонлар тўп-тўп бўлиб Мадинага оқиб кела бошлашди.
Ҳаж амри келгандан кейин суюкли Пайғамбаримиз қилган илк ва сўнгги ҳаж эди бу.
Зулқаъда ойининг йигирма бешинчи - шанба куни пешин намозини ўқиб бўлингач, Жанобимиз ҳаракат амрини бердилар. Макка йўлига чиққанларнинг сони юз минг эди. Бу юз минг инсоннинг ҳар бири Аллоҳнинг расули соллаллоҳу алайҳи васаллам билан бирга ҳаж қилишдек улуғ неъматни ғанимат билишар, қадр қийматини тўла ҳис қилишар эди.
Зулҳулайфага етиб келишгач дам берилди. Саййиди коинот жанобимизнинг имомликларида аср намози икки ракат ўқилди. Шом, ҳуфтон, бомдод намозлари ҳам шу ерда ўқиладиган бўлди.
Эрталаб, эҳромга киргач, "Лаббайк, Аллоҳумма лаббайк... " деб Аллоҳнинг чақириғига ҳозирликларини билдирдилар. Эҳромга кирган юз минг одамнинг бир оғиздан "Лаббайк!.. " деб ҳайқиришлари уфқларни титратиб юборди, юракларга қўрқув солди...

Йўлакай ҳаж гуруҳига янги- янги одамлар қўшилаверди...

Маккага зулҳижжанинг тўртинчи куни якшанбада кириб келишди. Тўғри Каъбага бордилар. Аллоҳнинг уйини кўрган заҳотлари:
- Аллоҳим, бу уйнинг шарафини, азаматини, яхшилик ва баракотини кўпайтир,- деб дуо қилдилар.
Туяларидан тушиб, эгниларига ташланган эҳром матоларининг бир учини ўнг қўлтиқларидан ўтказиб елкаларига ташладилар. Ўнг қўллари елкалари билан очиқ қолди. Қора тошни "Бисмиллаҳи Аллоҳу акбар " дея саломлашдилар.(Биз ҳозир буни: "Бисмиллаҳи Аллоҳу акбар! Аллоҳим, сенга имон келтирган, Китобингни тасдиқлаган ҳамда пайғамбарингнинг суннатларига эргашган ҳолда тавоф қиламан", дея зиёрат этамиз).
Сўнгра:
--" Аллоҳим, сенга имон келтирган, Китобингни тасдиқлаган ҳолда тавоф қиламан", дедилар. Каъбани чап томонга олиб, "Хотим" деб аталадиган деворчанинг ташқарисидан айланиб тавоф қила бошладилар. Имкон қадар тез юрдилар. Илк уч айланишдан кейин бир маромда юриш билан тавофни тамом қилдилар.
Тавоф қилиб бўлгач, Расулуллоҳ соллаллоҳу алайҳи васаллам Иброҳим мақомининг орқасига ўтдилар. Каъбага қараб икки ракат намоз ўқидилар. Сўнгра тик турган ва Каъбага юз тутган ҳолда тўйиб-тўйиб замзам ичдилар. Сафо билан Марва тепаликлари орасида етти марта лўкиллаб бориб келдилар. Шундай қилиб умра тугади...

Арафадан бир кун илгари - саккизинчи зулҳижжа пайшанба куни Пайғамбар жанобимиз қора тош билан Иброҳим алайҳиссалом излари орасида тик турган ҳолда ҳаж ибодатлари ҳақида бир суҳбат қилдилар. Сўнг Минога ҳаракат амрини бердилар. Минода бомдод намозигача қолиб, намоздан кейин яна йўлга тушдилар ва зулҳижжанинг тўққизинчисига тўғри келган жума куни Арафотга бордилар. Пешингача кутдилар. Қуёш тепадан ошиб то ғарбга юра бошлаганда:
-- Одамлар жим бўлишсин!- деб буюрдилар. Бир суҳбат қилмоқчи эканлари маълум бўлди.
Набиййи акмал соллаллоҳу алайҳи васаллам жанобимиз пайғамбарлик ҳаётларининг энг муҳим хутбасини қилиш учун Қасвага миндилар. Юз мингдан ортиқ бу имон жамоатига қараб ушбу муборак сўзларни айтдилар:
-- Эй инсонлар! Гапимга қулоқ солинг. Билмайман, балки бу йилимдан кейин бу ерларда сизлар билан бирга бўламанми- йўқми...
Эй инсонлар! Қонларингиз, молларингиз, номусларингиз Парвардигорларингиз ҳузурига боргунларингизгача бир- бирларингизга, худди бу кунларингиз, бу ойингиз каби, ҳаромдир. Парвардигорларингиз ҳузурига боришларингизга эса, ҳеч шубҳа йўқ. У қилмишларингиздан ҳисоб сўрайди. Сизларга етказдимми?
Кимнинг қўлида бир омонат бўлса, уни омонат қолдирган эгасининг қўлига топширсин. Жоҳилийа одатларидан бўлган ҳамма нарса оёқ остидадир - бекор қилингандир. Фоизнинг ҳамма турлари бекор қилинди. Сизларнинг фақат сармоянгиз бор. На сизлар зулм қилишга ҳақлисизлар ва на сизларга зулм этилади. Аллоҳ сизларга фоиз йўқ деган ҳукмни қўйди. Аббос ибн Абдулмутталиб фоизи тамоман бекор қилинди. Мен воз кечган илк қон даъвоси Робиа ибн Ҳорис ибн Абдулмутталибнинг ўғлини Лайс ўғиллари қабиласида эмизаётганида Ҳузай қабиласи ўлдириб қўйган эди.
Давоми бор.

بسم الله الرحمن الرحيم.

الحمد لله وحده والصلاة من لا

نبيي بعده وعلى اله و اصحابه

اجميعن.
.БУГУН:

Ҳижрий 1446 йил Шаъбон ойининг 9-кун  шанба
милодий 2025-йил  8 феврал
*   *  
РАББИМИЗ АЛЛОҲ! ЯНГИ КУННИ БУТУН УММАТ УЧУН, ЖУМЛАДАН, БИЗЛАР УЧУН ҲАМ ХАЙРЛИ, БАРАКОТЛИ – МУБОРАК АЙЛА! АЛЛОҲИМ БИЗЛАР ЎЙЛАГАН НАРСАЛАРНИ ЯҲШИРОҒИНИ БИЛГУВЧИ ЎЗИНГ ЯҲШИРОҒИНИ  АТО ҚИЛ! АЛЛОҲИМ БАЛО ОФАТЛАРДАН ЎЗИНГ САҚЛА! АЛЛОҲИМ ЁМҒИР БЕРСАНГ БАРОКАТЛИ,ШАМОЛ БЕРСАНГ ФОЙДАЛИ ҚИЛГИН!...