"Tibosfera" tibbiyot maktabi

❗️QABUL YOPILDI

Barchaga rahmat! Akkauntga yozib qo'yganlar bilan bir chetdan bog'lanib chiqilyapti. Ozgina kutib turasiz, javob berishadi.

❗️Bugun kech soat 21:00 da qabul yopiladi!

❗️ DIQQAT


Ertaga soat 20:00 da "Tibosfera" tibbiyot maktabiga 2024-yilning 4-mavsumiga qabul boshlanadi.

Bu haqida guruhga e'lon beriladi. Kursga ro'yxatdan o'tish uchun e'lon matnida keltirilgan profilga murojaat qilishingiz kerak bo'ladi.

Kurs haqida batafsil ma'lumot va bitiruvchi talabalarimizning kurs haqidagi fikrlarini yuqoridagi havola orqali o'qib, tanishib chiqishingiz mumkin.

Joylar soni cheklangan. Bexabar qolmang. Kelasi qabul fevral oyida o'tkaziladi.

🔰"TIBOSFERA" online kurslari


1. Kurs haqida batafsil ma'lumot:

https://telegra.ph/TIBOSFERA-KURSI-HAQIDA-02-03


2. Kurs haqida talabalarimizning fikrlari:

https://t.me/tibosfera/1512

🥰Bizda yana xursandchilik

Avgust oyi oxirida "Tibosfera" tibbiyot maktabining fundamental fanlar bosqichini yana 66 nafar talaba tamomladi. Ular ham chet tili va klinik fanlar o'rganishga kirishishdi.

Bu oyda, ya'ni sentyabr oyida ham yana 50 nafar talaba "Tibosfera" tibbiyot maktabining fundamental fanlar bosqichini muvaffaqiyatli tamomladi. Ular ham chet tillari va klinik fanlarni o'rganishni boshladi.

Shu bilan bizning maktab bitiruvchilari soni 266 nafarga yetdi!

Ularning barchalarini, ustozlarini bu mashaqqatli yo'lni bosib o'tganlari bilan, muvaffaqiyatlari bilan tabriklaymiz. Alloh taolo keyingi qadamlarini ham xayrli va barakali qilsin!

🥳Bizda xushxabar

Iyul oyi oxirida "Tibosfera" tibbiyot maktabining 150 nafar ilk bitiruvchilari fundamental fanlar bosqichini yakunladi.

Ular bu davr mobaynida anatomiya, gistologiya, normal fiziologiya, biokimyo, patologiya, farmakologiya fanlarini ustozlar nazorati ostida to'liq o'qib, yod olib tamomlashdi.

Ulardan 75 nafari avgust oyidan klinik fanlarni o'rganishni boshladi. Qolgan 75 nafari esa hozir chet tili o'rganish jarayonida, ular ham yaqin orada klinik fanlarni boshlashadi inshaAlloh.

Tibosferada nega ta'lim uzoq davom etadi?
➖➖➖➖➖

Puxta ilm qisqa muddatda hosil qilinmaydi. Qisqa muddatda hosil qilingan ilm puxta bo'lmaydi. Bu oltin qoida, do'stlar.

Tibosferada fanlar juda uzoq ham, juda qisqa ham o'qitilmaydi. Eng optimal muddat belgilangan bo'lib, juda uzoq cho'zib talabaning vaqti va puliga hiyonat qilinmaydi. Shuningdek, juda qisqa muddatda o'qitilib talabaning ilmiga, kelajakdagi uning bemori hayotiga hiyonat qilinmaydi.

Eng optimal muddatda, puxta bilim beradi.

Shu sabab takrorlash darslari, nazorat imtixonlari, olimpiadalar ko'proq bo'ladi. Talabaga avval har bir mavzuni atroflicha tushunishi uchun vaqt beriladi, so'ng bu ilmlar xotiraga muhrlanishi uchun ko'p takrorlanadi, yodlanadi.

To'g'ri, biroz ko'proq vaqt ketadi, ammo yuzaki emas rostakam ilm hosil qilinadi, xotiraga muhrlanadi.

@tibosfera

Tibosferada nega hamma fanni o'qish shart qilingan?
➖➖➖➖➖

Tibosferaning bu kursdan ko'zlagan asosiy maqsadi - talabaga tartibli, izchil va puxta ta'lim berish hisoblanadi. Tibosfera shunchaki kurs sifatida ochilgan emas, u salohiyatli kadr yetishtirish uchun, shaxsiyatlarni shakllantirish uchun ochilgan.

Tibosferani bitirgan talabalar tartibli va puxta bilimga ega bo'lishi, mehnatga chidamli, sabrli, intizomli, xalq xizmatiga hozir kadrlar bo'lib yetishishlari kerak.

Shu sababdan kursga faqatgina anatomiya fanidan qo'shilish mumkin, ya'ni boshidan. Nechinchi kursda o'qishi, yoshi nechchida bo'lishi ahamiyatga ega emas, hamma boshidan boshlaydi.

Biz tibosfera bitiruvchilariga javobgarmiz, ham talabalar oldida, ham jamiyat oldida, ham Alloh taoloning huzurida mas'uliyatimiz bor. Bitiruvchilarimiz puxta ilmga ega bo'lishi, barcha fanni nazoratimiz ostida biror mavzu qoldirmasdan puxta o'zlashtirishi juda muhim!

Chunki, inson organizmi alohida miya, alohida yurak degan a'zolardan tuzilgan emas, ular bir butun faoliyat yuritadi, bir-biri bilan chambarchas aloqada ishlaydi. Shu sabab yoshidan, mutaxassisligidan qat'iy nazar biror sistema, biror mavzu qoldirmasdan o'qitiladi.

Men kardiolog bo'laman, men xirurg bo'laman, menga shu fanlar kerak, shu mavzular kerak, qolgani kerak emas deyishlariga mutlaqo yo'l qo'yilmaydi. Hamma birdek belgilangan reja asosida majburiy ta'lim oladi.

@tibosfera

Anatomiya nega bizda 7 oy o'qitiladi?


Bunday olib qaralganda 7 oy rostdan ham uzoq muddat, anatomiyani 3-4 oyda o'zlashtirib bo'lmaydimi?

Shunchaki o'qib chiqishni xohalagan talaba 2 oyda bemalol o'qib chiqa oladi. Faqat bu muddatda o'qigan talabalar asosan "o'qidim" degan galochka olish uchun yoki sessiya topshirish uchun o'qigan bo'ladi. Ya'ni, miyada anatomiyadan hech nima qolmaydi, lekin talabaning miyasida "men anatomiyani o'qiganman" degan hissiyot qoladi xolos.

Endi rostmanasiga, bir chetdan, tartib bilan, puxta o'qish, tushunish, yodlash uchun eng kamida 4 oy kerak bo'ladi. Agar talaba bir kunda kamida 6-7 soat vaqt ajratib anatomiya bilan shug'ullansa va albatta talabaning aqliy salohiyati va xotirasi yuqori bo'lsa, sabr va irodasi mustahkam bo'lsa.

Lekin hozir bunday sabrli va tartib-intizomli talabalar juda kam. Talabalarning katta qismi bir kunda uzluksiz 2 soat dars qila olmaydi.

Biz kursni boshlayotgan talabaning aqliy va ruhiy holatidan kelib chiqib reja ishlab chiqqanmiz. Rejaga ko'ra darslar haftadan 6 kun bo'ladi. Haftada 3 kun bo'lsa, oradagi 1 kun sabab mehnatkashlik va intizomni shakllantirish juda qiyinlashadi. Shu sabab darslar va tayyorgarlik 6 kun uzluksiz bo'ladi. Haftada 1 kun dam olish beriladi.

Kurs boshida kunlik vazifa kamroq beriladi, takrorlash ko'proq qilinadi.

Birinchidan, kam vazifani har kuni o'zlashtirish talabaga qiyinchilik tug'dirmaydi.
Ikkinchidan, har kuni oz-ozdan o'qib borib hafta oxirida orqasiga qaragan talaba bir haftada o'rgangan narsalarini ko'rib o'ziga nisbatan ishonch ortadi. Men ham nimadir qila olar ekanman deydi.
Uchinchidan, 1 kun ko'p vazifa qilib 5 kun yonboshlab yotadigan talabalarda ruhiy zo'riqishlar ko'p bo'ladi, tibosferada esa shu tartib sabab ruhiy zo'riqishlar juda kam bo'ladi.

Bora-bora talabaning aqliy salohiyati, ruhiy holati yaxshilanib boradi, mehnatga chiniqib irodasi mustahkamlanib boradi. Biz ham shunga qarab sekin-asta kunlik beriladigan vazifalar hajmini oshirib boramiz.

Qarabsizki, anatomiyani boshida 2 soat eplab dars qila olmayotgan talaba anatomiyani oxiriga kelganda bemalol 5-6 soat dars qila oladigan saviyaga keladi. Kunlik vazifalar hajmi ham anatomiya oxirida boshidagiga nisbatan 3 barobarga ortgan bo'ladi.

E'tibor bergan bo'lsangiz, gistafiziologiya, biokimyo, patologiya va farmakologiya fanlariga anatomiyaga qaraganda qisqa muddatlar belgilangan. Buning sababi shuki, anatomiya oxiriga kelib talabalar ilmga juda chanqoq, tirishqoq, mehnatga chidamli holatga kelib qolishadi. Natijada keyingi fanlarni shu qisqa muddatda o'qib, yodlab puxtalab tugatishadi. Ya'ni, shunchaki o'qib chiqishmaydi, takrorlar bilan puxtalab o'qib bitirashadi. Oddiy talaba shunday sifat bilan o'qiyman desa ikki barobar ko'p vaqt sarflaydi.

Qisqa qilib aytganda, dastlabki 7 oyda talabalar faqat anatomiya o'qimaydi. O'qish bilan birga shaxsiyatlarini rivojlantirishadi, irodasini mustahkamlaydi, mehnatga bo'lgan chidamligini oshiradi, dangasalik va tanballikni jilovlab olishadi.

Agar biz ham muddatni 7 oy emas, 3 yoki 4 oy qilib belgilaganimizda bizga emas, talabalarga qiyin bo'lar edi. Faqat eplaganlargina o'qiy olardi. Shuncha yildan beri o'zini yenga olmay, nafsini jilovlay olmau tushkunlikka tushib yurgan talabalar tibosferadan ham ana shunday tushkunlik bilan, o'ziga nisbatan ishonchsizlik bilan chiqib ketgan bo'lar edi. Tibbiyotdan bezillab, zerikib, kelajagiga ishonchi sustlashib yurganlar tibosferadan ham dardiga darmon topa olmagan bo'lar edi.

Tibosferaning maqsadi sizga fanni shunchaki o'qitib qo'yish emas. Tushunib o'qing, xotirangizga metindek mustahkam qilib o'rnashtirib oling, fundamentni baquvvat quyib oling, ki uning ustiga kelajakda quradigan imoratingizni ko'tara olsin.


@tibosfera

2 haftalik saralash nima uchun o'tkaziladi?

Ko'pchilik talabalar "saralash orqali kursga bilimlilarni terib oladi" deb o'ylashsa kerak. Lekin aslida unday emas.

Tibosfera bilimlilarni saralab olib o'qitmaydi. Bizning asosiy maqsadimiz qiynalayotgan, yo'l topa olmayotgan, o'zini va nafsini yenga olmayotgan, dangasalikka va tanballikka yo'liqqan talabalarni o'qitish, ularni tartib va intizomga, mehnatga o'rgatish, irodasini toblash, o'ziga va kelajagiga bo'lgan ishonchini mustahkamlashdan iborat.

Bizning saralashdan maqsadimiz bilimi "nol" bo'lsa ham, ming dangasa va tanbal bo'lsa ham, yuragida "o'qishim kerak" degan uchquni bo'lgan, ilm olishga oz bo'lsa-da salohiyati bo'lgan talabalarni saralab olishdan iborat. Ya'ni, salohiyati bor, yuragida ilmga harakati bor, ammo shu vaqtgacha o'qiy olmagan, o'qiy olmayotganlarni ham kursga qabul qilishdan iborat.

Shu sababdan ham 2 haftalik kurs bepul bo'ladi, talabalarda bahona qolmasligi uchun dars kechki vaqtda bo'ladi, vazifalar biroz yengilroq beriladi, lotin tili va anatomiyaning boshidagi 2-3 ta mavzusi o'qitiladi.

Bu tartib yuqorida aytganimdek bilimi "nol", dangasa bo'lgan talabalar uchun ham qulay bo'ladi. Talaba qanchalik bilimsiz va dangasa bo'lmasin, 2 haftalik dasturni yaxshi o'zlashtirib imtixon topshira oladi.

Imtixondan o'tgandan keyin esa astoydil ularning intizomi, dangasaligi bilan shug'ullanish boshlanadi.

Unda nega saralashsiz qabul qilinavermaydi? Saralashning yana bir maqsadi - kursga shunchaki aylanishga, hazilakamiga kelib qolganlardan tozalashdan iborat.

@tibosfera

🔰"TIBOSFERA" online kurslari


1. Kurs haqida batafsil ma'lumot:

https://telegra.ph/TIBOSFERA-KURSI-HAQIDA-02-03

2. Kurs haqida talabalarimizning fikrlari:

https://t.me/tibosfera/1512