Biron-bir dunyoviy da'vo yoʻq menda,
Sizni Alloh uchun suydim ey, ustoz!
Menga taʼsir qildi jamiy soʻzingiz,
Demak jami soʻzga sobit oʻzingiz,
Hayratda qotdim men, zulmat surindi,
Zimiston kechada bir nur ko'rindi,
Menga xitob boʻldi: Doʻstim, yur endi.
Sizni Alloh uchun suydim ey, ustoz!
Amal maydonida gʻarib emassiz,
Shoʻrlik ahvolimni aslo suymassiz,
Ehtimol siz meni shogird demassiz,
Sizni Alloh uchun suydim ey, ustoz!
Zayd ibn Sobitdek qalb endi toʻxtar,
Mo'minning nigohi kofirga o'qdir,
Oʻrtada boshqa bir robita yo'qdir,
Sizni Alloh uchun suydim ey, ustoz! Odamlar bir-birin mansab deb quchsa,
Ehtimol mol-davlat deb par qushdek uchsa,
Jamiki muhabbat izidan koʻchsa,
Sizni Alloh uchun suydim ey, ustoz!
Duoda qoʻlimiz Hudoyim tengsiz
Jannat deb atasin maskanlaringiz,
Bizga ham dushmandir--dushmanlaringiz,
Sizni Alloh uchun suydim ey,ustoz!
H. Hamidov
@tibbiyot_terminlari
