"bakiroo" — @the_bakiroo Telegram-kanali

bakiroo

1 Feb, 17:25

01:12

Video oldindan ko‘rish uchun mavjud emas

Зафар Ҳошимов: “Шу мамлакатдаги яралар ҳаммаси — ўзимизнинг яралар”

Korzinka.uz раҳбари Зафар Ҳошимов “Она Уйи” лойиҳаси тақдимотида жамиятдаги ижтимоий муаммоларни биргаликда ҳал қилишга чақирди.

“Шу мамлакатдаги кичкинами, каттами яралар ҳаммаси ўзимизнинг яралар. Кам фойда берадиган ресурсларни катта фойда берадиган ресурсларга айлантириш ҳақиқатан мўъжиза. Шу мўъжизада қатнашишимиз керак,” — деди тадбиркор.

7.6k 0 38

bakiroo

1 Feb, 16:52

01:57

Video oldindan ko‘rish uchun mavjud emas

Telegram'da ko‘rish

Ижтимоий давлатда, саҳоватли ишбилармонлар юртида ижтимоий етимлик бўлмайди

Тошкентда оғир ҳаётий вазиятга тушиб қолган аёлларни қўллаб-қувватлаш ва ижтимоий етимликнинг олдини олишга қаратилган “ОНА УЙИ” лойиҳасининг тақдимоти бўлиб ўтди. Унда қардош Қозоғистон ва мамлакатнинг Тадбиркорликни қўллаб-қувватлаш бўйича жамоат кенгаши, чемпион тадбиркорларни бирлаштирган тадбир ташкил этилди.

Бу лойиҳа нега керак?

Бу лойиҳа аёлларга ёрдам бериш ва уларнинг ижтимоий-ҳуқуқий холатини яхшилаш орқали, уларни ҳаётий муаммолардан ҳимоя қилишга хизмат қилади. Лойиҳа нафақат аёлларнинг, балки уларнинг фарзандлари ва жамиятнинг умумий тараққиётига ҳам ёрдам беради.

Ўтган 2024 йилда Ўзбекистонда ишга туширилган ушбу лойиҳа Тошкент ва Самарқандда ўз самарасини исботлаган, бу ерда ўнлаб аёллар ва болаларга ёрдам берган учта уй очилган.

Дарвоқе, 2026 йилгача яна 7 та "Она уйи" марказларини очиш режалаштирилган.

10k 0 8

bakiroo

1 Feb, 08:21

Бухорони “бузиш” бошланганига бир йилдан ошди

Бир йил олдин Туризм маркази қуриш важи билан, гарчи бошқа жойда қурилади, дея ваъда бериб, жамоатчиликни лақиллатиб алдашганига қарамай, Бухоронинг қоқ марказида бузиш ишлари бошланган эди.

Бир йил аввал кўтарилган саволлар ҳалиям ўзгармаган. Ҳалиям жавобсиз.

Бузиш ишларининг дастёр ҳимоячиси ролини бажарган вилоят маъмуриятику майли, туристик марказнинг ҳам буюртмачиси, ҳам пудратчисига айланган “сингапурлик” дейилган инвесторлар бирон бир очиқ мулоқот ўтказгани йўқ. Бу йил саммити Ўзбекистонда ўтадиган UNESCO ҳам жимиб кетди.

Биз эса унутганимиз йўқ.

bakiroo

Бузиб-қуришлар, кўчиришлар, компенсациялар кимнинг ҳисобидан? Бухоронинг ҳокимтўрасига бир йил аввал айтилган "Бухоро туризм маркази аҳоли ва UNESCO рухсати билангина бошқа ерда қурилиши" ҳақидаги баёнотини эслатиш энди бефойда. Бухоро Туризм марказини шаҳар марказини бузиб қуришади, бу бўйича алла...

19.4k 1 84

bakiroo

31 Jan, 16:08

Тарифлар кескин ошадиган 1 апрелдан иш ҳақи ва пенсиялар мувофиқ индексация қилинадими?

Ўтган йили тарифлар майдан каррасига ошган бўлсада, иш ҳақи ва пенсиялар индексацияси сентябрь-октябрга бориб амалга оширилди. Натижада энг кам даромадли ўқитувчи ва дўхтирлардан тортиб пенсионер ва нафақахўрларгача кенг ва чуқур ижтимоий тоифалар ўзини алдангандек, ютқазгандек ҳис қилди.

Бу йил ҳам яна шундай манипуляция юз берадими? Яна тарифларни кескин ошириб, маошлар ва пенсияларни индексациялашни кузгача кечиктиришадими? Афсуски, бу саволларга яна жавоб йўқ.

Энергетик товарлардан ташқари, солиқларнинг истеъмолчилар тўлайдиган қисми 1 январданоқ ошди, индексация бўлди, 1 апрелдан ошадиганлари бор яна. Охири кўринмаётган энергокризис фонида истеъмол бозорида нархлар потираб ошиб ётипти.

2025 йил учун Бюджетномада бюджет ташкилотлари ходимларининг иш ҳақи, пенсия ва нафақалар миқдорлари инфляция даражасидан (7,0%) кам бўлмаган миқдорда ошириб борилиши кўзда тутилган. Лекин бу индексация қачон амалга оширилиши ҳақида бирон-бир ишора берилмаган. Қолаверса, тарифлар кескин ошадиган апрелда инфляция икки хонали даражада бўлади.

Янги Конституциясида ижтимоийлигини алоҳида таъкидлаган давлат буни амалда кўрсатиши керак. Ҳеч қурса, Ўзбекистонликлар 1 апрелда яна бир марта алданмасликлари лозим.

25.9k 4 81

bakiroo

31 Jan, 11:30

Апрелдаги ошишдан кейин энерготарифлар 3 йил ўзгармайдими?

Тарифларнинг апрелдаги кескин ошишидан кейин энерготарифларнинг қанча муддат ўзгаришсиз қолдириш бўйича энергочиновниклардан бирон бир тайинли жавоб эшитганимиз йўқ. Устозлариям, шогирдлариям жим. Иқтисодий блокда энергетика соҳасини субсидиялаш 2028 йилгача давом этишини маълум қилишган бўлишсада, тарифлар истиқболи тўғрисида ҳеч нарса дейилмаган (инфляцион таргетга боғланган бўлсада). Ислоҳотларнинг зарурий қисми бўлган шаффофлик ҳам йўқ, ҳисобдорлик ҳам (шунинг учун бу қип-қизил антиислоҳотга айланди, ислоҳот эмас).

Тор доираларда муҳокама этилаётган режаларга кўра, энергетика соҳасида энергохўжалар чўнтаги учун самарасиз ва кэптив лойиҳаларни ясаш давом этаверади. Бу дегани таннархни шиширишда тўхташмайди. Ўзбек истеъмолчиси ва бизнесини бу касофатлардан ҳимоя қиладиган қандай механизм бор?

Ҳукуматнинг мана бу қарорига кўра, электр энергияси учун белгиланган тартибда тасдиқланган тарифлар 2023 йилдан бошлаб, уч йилдан кам бўлмаган муддатга амал қилади.

Лекин, ҳукуматнинг мана бу қарорига кўра, электр энергияси ва табиий газ учун белгиланган тартибда тасдиқланган тарифлар 2026 йилдан бошлаб, уч йилдан кам бўлмаган муддатга амал қилади.

Қизиғи, биринчи ҳужжат ўз кучида бўлса, иккинчи ҳужжат 2025 йил 1 апрелдан кучга киради.
Ҳар икки ҳужжатнинг ҳарфи ва руҳига амал қилинса, электр энергияси учун 2024 йил 1 майдан кучга кирган тарифлар камида 3 йил, 2027 йил 1 майга қадар ўзгармаслиги керак. Айни вақтда газ учун тарифлар эса 2026 йилда ҳам яна бир марта ошиши мумкин ва бу тарифлар 2029 йилгача ўзгартирмай сақланиши керак.

Мана шунақа ҳуқуқий бўтқа. Назаримда, атайин қолдирилган ўзаро номувофиқликдан фойдаланиб, тарифларни оширишда давом этиш учун шундай қилингандек.

Нима бўлгандаям, мазкур масалага ҳукумат халқ тараф бўлиб аниқлик киритиши зарур. Энг тўғри халқпарвар иш бу апрелдаги ошишдан кейин тарифларни камида 3 йилга музлатиш билан боғлиқ бўлиши керак.

Агар бунинг акси бўлса, тарифлар турли предлоглар билан оширишда давом этса, аҳоли ва бизнес яна бир марта алданган бўлади.

23.9k 0 74

bakiroo

31 Jan, 08:05

2035 йилгача энергетикани ривожлантириш бўйича Мастер-режаси эълон қилинадими?

Стратегик ислоҳотлар агентлигида “Boston Consulting Group” билан учрашувда 2035 йилгача энергетикани ривожлантириш бўйича Мастер-режа муҳокама қилингани айтилмоқда.

Ёзилишича, Мастер-режани такомиллаштириш учун, хусусан, аҳолининг, айниқса метан ва пропанни асосий даромад манбаи сифатида ишлатаётган ўзини-ўзи банд қилган фуқароларнинг табиий газга бўлган эҳтиёжлари инобатга олиниши лозимлиги таъкидланган.

Табиийки, савол туғилади. Ишлаб чиқилган Мастер-режада аҳолининг газга бўлган эҳтиёжлари инобатга олинмаган бўлса, у қанақа режа ўзи? Кимнинг манфаатлари учун тузилган? Аҳолини газдан қисиш бўйича ҳали у тешик, ҳали бу тешикдан янграётган чақириқлар ва Мастер-режанинг қандай боғлиқлиги бор? Ва ўзи умуман, Мастер-режа ишлаб чиқилган бўлса, эълон қилинадими?

Strategik islohotlar agentligida BCG vakillari bilan O‘zbekistonda energetikani rivojlantirish istiqbollari muhokama qildi

Bugun Strategik islohotlar agentligida “Boston Consulting Group” (BCG) xalqaro konsalting kompaniyasi vakillari bilan uchrashuv bo‘lib o‘tdi. Uchrashuvda Strategik islohotlar agentligi direktorining birinchi oʻrinbosari Abdulla Abduqodirov, BCG vakillari Igor Alekseev, Vasiliy Guryev va Igor Kopytov...

23.1k 0 49

bakiroo

30 Jan, 16:38

4 млрд.долларлик 7000 км магистрал тармоқ қурилади. Бу тарифларга қандай таъсир қилади?

Қанақа улкан рақам ҳақида гап кетаётганини тасаввур қилишингиз учун Ўзбекистон энергетика тизимида ҳозир мавжуд магистрал тармоқларнинг жами узунлиги 12,5 минг км атрофида. Лекин 12,5 минг км тармоқ бу 100 йилда қурилган. 5 ё 10 йилда эмас.

Биз яна билмаймиз, 4 млрд.долларлик Тошкент ва Нукусни 7 карра боғлаши мумкин бўлган 7 минг км тармоқ қуриш қаердан пайдо бўлди? Улар қайси ҳудудларни ва қайси манбаларни улайди? Нега аввал, саноқсиз қуёш ва шамол станциялари лойиҳалаштирилаётганда бу инобатга олинмаган? Бу мастер режани ким ишлаб чиқди ўзи? Ким экспертизадан ўтказди? Ким буюртмачи? Шиширилган ва қимматлаштирилган лойиҳалар ясаш билан Ўзбекистон энергетикасини чўктирганларми ё қанақадир мустақил орган? 4 млрд.доллар инвестицияни киритади? Қарзми яна? Пудратчилар ким? Бир неча лотда Халқаро тендер бўладими ё битта лотда яширин қарор билан қирол пудратчисига топшириладими?

Шундай экан, билишга ҳаққимиз борми, 4 млрд.долларлик навбатдаги қиммат режалар таннархга, тарифларга қандай таъсир қилади?

Ўзбекистонда янги электр станциялари ва энергия омборларини тизимга улаш учун 7000 км магистрал тармоқ қурилади

Тармоққа янги электр станциялари ва энергия сақлаш қувватларини улаш учун Ўзбекистонда 7000 км магистрал тармоқ қурилади, бу эса ҳудудларда энергия балансини таъминлайди — бир вилоятда етишмовчилик бўлса, бошқа жойда қўшимча қувватлар жорий этилади. Бу учун 4 млрд доллар инвестиция жалб қилинади.

26k 1 156

bakiroo

30 Jan, 14:30

Йил охирида кредит ва депозит фоизлари турлича ўзгарган

2024 йил декабрида миллий валютадаги банк кредитлари ўртача тортилган нархи 23,4%гача пасайган (-0,1%). Бунда чакана кредитларнинг ўртача ставкаси 24,9%(+0,6%), корпоратив кредитларнинг ўртача ставкаси 22,5%(-0,2%)ни ташкил этган. Ўтган йил давомида чакана кредитлар ставкаси 0,3 фоиз банди, корпоратив кредитлар ставкаси 0,6 фоиз бандига арзонлаган.

Декабрда депозитлар қимматлашишда давом этган ва ўртача тортилган ставка 19,6%дан иборат бўлган (+0,2%). Чакана депозитларнинг нархи 22,1% даражасида ўзгармай қолган бўлса, корпоратив депозитлар нархи 16,8%гача сакраган (+0,5%).
Йил давомида чакана депозитлар 0,6 фоиз бандига қимматлаган бўлса, корпоратив депозитлар 1,1 фоиз бандига арзонлаган.

Ўзбекистонда охирги 2 йилда тижорий фоизларнинг сезиларли қимматлашиб кетгани нафақат глобал бозорлардаги трендлар билан, балки ички бозордан давлат фаол қарз олишни бошлагани, давлатнинг банк бозорига маъмурий аралашуви, имтиёзли кредитлашнинг янги кўринишлар олаётгани кабилар билан ҳам боғлиқ. 2025 йилда фоизларнинг пасайиши бўйича жиддий кутилмалар мавжуд эмас.

24k 0 14

bakiroo

30 Jan, 11:30

2024 йилда жами валюта интервенцияси қанча бўлганини билмаймиз

Марказий банк 2024 йилнинг охирги чорагида маҳаллий ишлаб чиқарувчилардан қимматбаҳо металлар хариди 29,9 трлн. сўмни ташкил этгани, шу даврда ички валюта бозоридаги соф интервенциялари ҳажми 24,5 трлн. сўмга (ёки 1,9 млрд. доллар) тенг бўлганини маълум қилмоқда.

Учинчи чоракда 1,8 млрд.долларлик, иккинчи чоракда 1,6 млрд.долларлик интервенциялар амалга оширилган. Биринчи чорак маълумотлари очиқланмаган (айни шу даврда энг кўп интервенция амалга оширилган ва нейтраллик тамойилини бузилиши рўй берган бўлиши мумкин).

Марказий банк 2024 йилда жами интервенциялар ҳажмини ҳам эълон қилгани йўқ ва 12 ой давомида “олтин-валюта захиралари нейтраллиги тамойили”доирасида бўлди, ибораси билан чекланган.

Регулятор шунингдек, ўз ҳисоботида 2024 йил якунида ликвидлик профицити юқори даражада бўлганини қайд этиб, келгуси чоракда банк тизимида мавсумий хорижий валютага талабнинг ортиши, бюджет амалиётларининг мавсумий камайиши ва нақд пулларга бўлган эҳтиёжлар қисқариши туфайли ликвидлик профицитининг пасайишини прогноз қилган.

bakiroo

III чоракда ҳам сотиб олинган олтиндан камроқ валюта интервенцияси амалга оширилган Июль-сентябрь ойларида Марказий банкнинг маҳаллий ишлаб чиқарувчилардан қимматбаҳо металлар хариди 29,5 трлн.сўмни ёки тахминан 2,3 млрд.долларни ташкил этган. Лекин ички валюта бозоридаги соф валюта интервенциялар...

24.1k 0 13

bakiroo

30 Jan, 07:49

Payme монополист, Humo/Paynet эса йўқ

Рақобат қўмитаси онлайн тўлов тизимлари бозорида "Payme" АЖни устун мавқега эга рақамли платформа оператори, деб топган .

Payme’нинг устун мавқеи билан бирга устун музокара кучи эътироф этилган.

Humo’ни “хусусийлаштириб” олгандан кейин бир неча секторларда уникал позицияларни эгаллаган Paynet ҳақида антимонополия органи ҳозирча жим.

Raqobat qo‘mitasi

"PAYME" АЖ УСТУН МАВҚЕГА ЭГА РАҚАМЛИ ПЛАТФОРМА ОПЕРАТОРИ СИФАТИДА ЭЪТИРОФ ЭТИЛДИ 🏬 Ўзбекистон Республикаси Вазирлар Маҳкамасининг 2024 йил 1 майдаги 256 сонли қарори 2 иловаси билан тасдиқланган Рақамли платформа операторининг устун мавқеини ва устун музокара кучини эътироф этиш тартиби тўғрисидаги...

25.6k 0 66

bakiroo

29 Jan, 19:52

Азия-Инвест банк санкцияларга тушиши ва SWIFT’дан узилиши мумкин

Бугун Bloomberg Европа иттифоқининг 16- санкциялар пакети доирасида Россиянинг 15та банки санкцияларга тортилиши ҳақида ёзган эди. Агентлик хабарида банклар номи келтирилмаган.

Суриштирув лойиҳаларидан бири бўлган Система портали Европа иттифоқи санкциялари рўйхатига киритиладиган ва SWIFT’дан узиладиган 15та банк номини келтирмоқда. Уларнинг орасида Ўзбекистон Миллий банкининг Москвадаги шўъбаси Азия-Инвест банк ҳам бор.

Азия-Инвест банк уруш бошланиб, йирик Россия банкларига санкциялар жорий этилиб, SWIFT’дан узилгач, ўзбек (асосан давлат) банкларининг Россиядаги асосий корреспондент банкига айланиб қолганди.

Ўзбек банклари юзага келган эҳтимолий хатарларни ва оқибатларни инобатга олишлари лозим.

EU to Propose Russian Aluminum Ban in Sweeping Sanctions Package

The European Union is proposing a phased ban on imports of Russian aluminum as part of a broad sanctions package ahead of the third anniversary of the Kremlin’s invasion of Ukraine, according to people familiar with the matter.

29.7k 1 525

bakiroo

29 Jan, 17:30

Бозор-ку йўқ, лекин бозорга тескари томонга юраётганимиз алам қилади

Ҳа, истеъмолчи ёки бизнесга қайси энергия товарини танлашга ишора берадиган бозор йўқ эди.

Лекин бозорга ўтишимизни эълон қилган бўлсакда, амалда бозорга тескари томонга, бозорга қарши юраётганимиз ачинарли. Айни хатоларни тан олмай, қайтаришда давом этаётганимиз алам қилади.

2025 йилнинг бошига келиб, эркин танлов ва рақобат принципларида ишлайдиган энергетика бозорига ўтишни унутсак бўлади. Яна ҳаммаси олигархия фойдасига ишлайдиган бюрократик-маъмурий тақсимотга, омма учун эса совокча тежашга, иқтисодий самарасиз натурал ишлаб чиқаришга қараб бурилиб кетди.

Iqtisod4i

Ривожланган мамлакатлар билан муҳим фарқимиз шуки, у ерда газ билан бошқа ресурслардан қайси бири қимматроқ эканини истеъмолчига бозор айтади, амалдорлар эмас. Албатта, бунинг учун авваламбор бозорнинг ўзи мавжуд бўлиши керак.

25k 0 30

bakiroo

29 Jan, 17:00

08:50

Video oldindan ko‘rish uchun mavjud emas

Telegram'da ko‘rish

Мамлакат раҳбарининг банк тизими олдига қўйган вазифаларидан келиб чиқиб, етакчи банклардан бири бўлган Ўзсаноатқурилишбанк ўзининг ўтган йилдаги натижаларини сарҳисоб қилди.

"Ўзбекистон24" телеканалида намойиш қилинган, аҳоли учун тайёрланган видеомурожаатда банкнинг сўнгги йилларда эришган ютуқлари, барқарор ривожланиш кўрсаткичлари замонавий ёндошув асосида тақдим қилинди.

Ушбу ютуқларга эришишда банк жамоасига раҳбарлик қилган Бошқарув Раиси А.Акбаржонов банкнинг бугунги кундаги асосий фаолият йўналишлари, банк олдига қўйилган мақсад ва вазифалар ижроси, хусусан, аҳоли фаровонлигини ошириш мақсадида амалга оширилаётган ишлар ҳақида сўзлаб берган.

25k 0 39

bakiroo

29 Jan, 13:49

Сайланган депутат нимани талаб қилган бўларди?

Исталган нормал давлатда депутатнинг ўз сайловчиси манфаатига қарши бориши бу сиёсий суицид ёки харакири дегани. Тасаввур қилинг, Ўзбекистонда биронта сайланган депутат бўлса, у ҳозирги вазиятда нимани талаб қилган бўларди?

Сайланган депутатнинг қай тараф бўлиши ҳақида гап бўлиши мумкин эмас, у албатта халқ тарафида туриб, аҳолидан газни олиб, олигарх ўғриларга топширмоқчи бўлаётган амалдор шотирларни пўстагини қоқаётган бўларди.

Айни пайтда, сайланган депутат ҳеч қурса мана бу
ва мана бу дастурларда газ қазиб олишни ошириш бўйича Давлат раҳбари томонидан қўйилган вазифаларнинг ижросини талаб қилган бўларди. Ахир бу дастурлар бажарилганида ва газ қазиб олиш оширилганида аҳолини газдан узиш кун тартибига чиқарилармиди? Газ ҳам йўқ, ажратилган ва ўзлаштирилган миллиардлар ҳам йўқ. Ҳисоб сўраш керакми?

Сайланган депутат янги авантюраларни бошлашдан аввал, 2017-2024 йиллардаги энергетикадаги кэптив, зараркунанда ва қимматлаштирилган лойиҳаларни тўлиқ тафтишдан ўтказишни талаб қилган бўларди. Қани, энергетикларнинг чўқинтирган оталари ва пудрат қиролларининг қўли теккан қайси лойиҳалар фойда келтирди? Қайси лойиҳанинг ТЭОси бажарилди? Бир сарҳисоб қилинглар? Ҳисоб-китоблар ўзи айтади.

Сайланган депутат айтган бўларди, янги хатоларга йўл қўймаслик учун, эски хатоларни тан олиш ва мамлакатни энерготупикка тиққан муттаҳамларни жазолаш ва қарор қабул қилишдан четлатиш керак деб.

Сайланган депутат бу авантюралар нима оқибатларга олиб келишини, юзага келиши мумкин бўлган сиёсий, иқтисодий ва ижтимоий жарликни тасвирлаб бера олган бўларди.

Сайланган депутат, ҳеч қурса, ўзини ўзи асрашдек инстинктга қарши боришдан ўзини тия олган бўларди.

27.6k 0 105

bakiroo

29 Jan, 12:10

Аҳолидан газни тортиб олиб кимга бермоқчисизлар?

Мен билмайман, аҳолини газдан узиб, косасини оқартиргач, бўшаган газни кимга бермоқчисизлар?

Сўранглар, жаноб депутатлар, ўша шаблон тушираётган энерговалломатлардан. Сизларни кимдир сайлаган бўлса агар. “Мени сайла, мени сайла” пайтида “сизларнинг косангизни оқартириш учун газдан узамиз”, дея тўтиқушдек сайрамагансизлар-ку!

Хўп, кимга кетади газ?

Газ йўқлигини била туриб, қурилаётган шиширилган МТО заводгами? Кўтаринглар-чи лойиҳа ТЭОсини, нима деб ёзилган?

Ё яширин қарорлар билан берилган ва ясалаётган Тебинбулоқ комплексигами?

Ёки GTL-5 лақабли Хоразмдаги 10 млрд.долларлик мажмуагами?

Бу кэптив ва самарасиз лойиҳалар бошлангандаёқ улар учун газ йўқлиги аниқ эдику! Ё унгача газ қазиб олишни оширамиз деб алдаб туриш, миллиардлаб пул ундириш ва пул ўзлаштиришмиди режа?

Энди қайсидир касофатлар учун яна аҳоли балогардонми? Ўзбекнинг шўр пешонасига шу кўргулик ҳам борми?

Энергокасофатлар ўзбек халқини битмас-туганмас талаш манбаи деб ҳисоблашлари мен учун янгилик эмас.

Лекин бунчаликка бориш учун пул ўзлаштириш истаги кифоя эмас, ўзбек халқидан нафратланиш ҳам керак-да. Сизлар-чи? Сизлар ҳам нафратланасизларми?

bakiroo

Қиймати 2,5 млрд.доллардан 5 млрд.долларга шишган МТО лойиҳаси Агар ўша пайтдаги Энергетика вазири бўлган Султоновнинг тақдимотига ишонилса, умумий қиймати 2,5 миллиард доллар бўлган мазкур лойиҳа 2023 йилнинг тўртинчи чорагида фойдаланишга топширилиши керак эди. Лекин қарангки, Газетанинг ёзишич...

31k 4 377

bakiroo

29 Jan, 11:48

Алишер Қодир шаблонини энди АЭС қуришга ишқибоз яшиллар такрорлашга ўтишди

“газ қиммат ресурс, 1 куб газдан 10 га яқин юқори қийматли, экспортбоп маҳсулот ишлаб чиқариш, хорижга сотиш ва унинг пулига миллионлаб қоракўзларимизга иш ўрни яратиш мумкин” дея бир жойдан туширилган шаблонни такрорлаётган яшиллар 4 млрд.долларлик GTL завод газдан узилиб, газ олигархлар томонидан экпорт қилинаётганини билишадими? Кўр ё кар бўлишмаса керак?

Қанақа қоракўзлар манфаати ҳақида гапираяпсиз? Газдан узилган заводларнинг ишчилари бўлган ўша қоракўзлар уйда тишини кирини сўриб ўтирибди. Ўзбекнинг нонини туя қилаётган кўзининг ранги қанақалиги номаълумлар бизнес жетини янгилаб, ўзбек газининг пулини Кипрдан Гонконггача хуфя ҳисобларга қараб оқизаётган бир вақтда.

Аҳолидан тортиб олинган газ ҳам бизнесга ёки “экспортбоп маҳсулот ишлаб чиқаришга” ишлатилмайди. Яна шу кўккўзлар чўнтагига кетадими?

Одам бир марта алданишини, икки марта алданишини қабул қилиш мумкиндир. Лекин уч ва ундан кўп алданиш бу тентаклик.

Газ Ўзбекистон халқининг миллий бойлиги. Уни худо берган. Газ ўзбек халқидан, аҳолининг энг бирламчи эҳтиёжларидан ошса, ўзбек халқи рози бўлсагина, кейин қолганига ишлатилиши керак.

34k 4 302

bakiroo

29 Jan, 09:00

Туғилиш 2 йиллик, никоҳлар эса камида 15 йиллик минимумларгача қисқарган

2024 йилда Ўзбекистонда жами 926 422 нафар бола туғилган. 2018 йилдан бери биринчи марта туғилишнинг йиллик ўсиши тўхтаган. 2024 йилдаги туғилганлар сони нафақат 2023 йил, 2022 йил кўрсаткичидан ҳам паст бўлган.

Туғилишнинг камайиши Ўзбекистоннинг барча ҳудудларини қамраб олган. Гарчи шиддат билан қисқараётганига қарамай, энг юқори туғилиш даражаси Сурхондарёда, энг кам туғилиш Қорақалпоғистонда. Шаҳарларда туғилиш қишлоқлардан кўра тезроқ қисқармоқда (урбанизация эффекти).

Туғилишнинг қисқариши кейинги йиллардан ҳам давом этиши эҳтимоли юқори (2000 йиллар бошидаги демографик яма эффекти ҳам бор). 2024 йилда 271 776 та никоҳ қайд этилган. Бу камида 15 йиллик минимум (бундан паст кўрсаткич 2010 йилдан аввал қайд этилган).

Никоҳланувчиларнинг ўртача ёши ошишда давом этмоқда. Эркакларда 27,1 ёш, аёлларда 22,3 ёшга етган (2023 йилга нисбатан 0,1 ёшга юқорилаган).

28.1k 2 294

bakiroo

29 Jan, 07:38

“Аҳоли ўзини ташвишга солаётган муаммо билан ёлғиз қолдирилмоқда”

“Сешанба куни Тошкент ҳавоси йил бошидан бери энг ифлос даражага етди…

Пойтахт аҳолиси ифлосланишни ҳеч бир ускунасиз ҳис қилди — ҳавода сўнгги йилларда таниш бўлиб улгурган куюнди ҳиди пайдо бўлди, лекин шу куни у айниқса ўткир бўлди. Олисдаги кўплаб бинолар туман тушгандек деярли кўринмай қолди.
Бироқ бу туманмиди ёки чанг — кўплаб ижтимоий тармоқ блогерлари ва оддий аҳоли орасида бу савол пайдо бўлганига қарамай, бирор давлат органидан жавоб бўлмади…

Аҳоли ўзини ташвишга солаётган муаммо билан ёлғиз қолдирилмоқда. Ўзини ижтимоий деб эълон қилган давлат ҳокимияти ишга ёки ўқишга кетаётган одамларга деразани очиш хавфсиз ёки йўқ, ниқоб кийиш керак ё шарт эмас ёки ташқарида қанча вақт қолиш мумкинлиги ҳақида хабар беришни шарт деб ҳисобламаяпти ”.

“Ўз уйингни ўзинг асра” деган давлат ўз функцияларидан феълан воз кечганини англатадиган ғалати шиор бўларди ўтган ёмон замонда. Шундай ёндашув фақат кенгайиб бораётганга ўхшайди:

Таълим бир аҳвол: Ўз болангни ўзинг ўқит;

Тиббиёт фалаж: Ўзингни ўзинг давола;

Энергетикага касофат теккан: Ўз уйингни ўзинг исит,
Светингни ўзинг топ.

Мана энди навбат нафасга етди: ҳаво керак бўлса, ўзинг қидир. Энди ҳавони сотишга, тижорийлаштиришга ўтишадими?

Чангми, туманми? Тошкентликлар яна расмийлардан жавоб ололмади

Сешанба куни Тошкент ҳавоси йил бошидан бери энг ифлос даражага етди. Аҳоли кун бўйи ижтимоий тармоқларда бу ҳаводан нафас олиш хавфсизми, каби саволларни берди. Аммо, доимгидек, на жавоб, на маслаҳат ё бирор тавсия тақдим қилинди.

30.3k 2 351

bakiroo

28 Jan, 15:12

Яна пропан ўйинлари бошландими?

Январнинг 27 кунида биржа савдоларида пропан нархи тоннасига 7 582,7 минг сўмгача ёки ой бошидаги кирувчи котировкаларга нисбатан 20 фоизга кўтарилиб кетган. Биргина кечанинг ўзида нархлар 10 фоизга сакраган.

Ноябрда пропан учун потолок спред ўрнатилгач, нархлар пасайишни бошлаган ва чакана шохобчаларда пропаннинг литри 5,5-6 минг сўм атрофида барқарорлашганди. Охирги кунларда пропан чакана нархи литрига яна 7 минг сўмдан ошган.

Пропан нархидаги сакрашлар фақат битта омил - ишлаб чиқарувчилар ва импортчиларнинг ўзаро тил бириктиришидан келиб чиқади (август-октябрь ойларини эсланг).

Метан билан боғлиқ чекловлар ва 80 шиптирга навбатлардан касофат монополистлар ва олигархлар фойдаланиб қолмасликлари учун, Рақобат қўмитаси зудлик билан вазиятга аралашиши керак бўлади, назаримизда.

UZEXUZ

27.01.2025-yilda o'tkazilgan savdo yakunlari bo'yicha ayrim tovarlar uchun shakllangan kunlik o‘rtacha narxlar UZEX - hamkorlikdagi yutuqlar poydevori! Website • Telegram • YouTube • Facebook Instagram • Threads • X • Bot

30.5k 2 116

bakiroo

28 Jan, 11:30

Қорақалпоғистон энди энг кам даромадли ҳудуд эмас!

Охирги йилларда, пандемия давридаги юқори ижтимоий трансфертлар қўлловини ҳисобга олмаса, мамлакатимизнинг энг шимолий ҳудуди жон бошига энг кам даромадли ҳудуд бўлиб қолаётганди.

2024 йил якунлари билан Қорақалпоғистон даромадларнинг нисбатан юқори даражада ўсиши ҳисобига бу ўринни тарк этган. Жон бошига реал даромадлар ҳудудда ўтган йили 2,4%га ўсган (Сурхондарё, Наманган, Фарғона, Бухоро вилоятларидан тезроқ). Солиштириш учун, 2023 йилда Қорақалпоғистонда жон бошига реал даромадлар умуман ўсмаган.

Умумий даромадлар таркибида меҳнати фаолиятидан олинган даромадлар улуши ошган (62,1%дан 64,7%гача). Ўзини ўзи банд қилувчиларнинг даромадларини ўсиши бўйича Ўзбекистондаги энг юқори кўрсаткич Қорақалпоғистонда қайд этилган (19,1%). Айни пайтда четдан пул ўтказмаларининг жами даромадлардаги улуши 16,7%дан 13,7%гача пасайган. Яъни, қорақалпоғистонликларнинг пул ўтказмаларидан кўра ёлланма ва ўзини ўзи банд қилишдаги даромадлари тезроқ ўсмоқда.

Яна бир ижобий тенденция кичик тадбиркорликдан олинган даромадларнинг улуши ортаётгани билан боғлиқ. 2023 йилда бу кўрсаткич 51,1% бўлган бўлса, 2024 йилда кичик тадбиркорликдан даромадлар жами даромадларнинг 54,4%ига етган.

Минуслар ўлароқ, Тошкентга нисбатан даромадлар фарқи кенгайишда давом этаётгани билан боғлиқ. 2023 йилда пойтахт ва Қорақалпоғистондан жон бошига даромадлар фарқи 3,05 бараварни ташкил этган бўлса, 2024 йилда фарқ 3,59 каррага етган.

28k 0 100

Продам твой канал за сутки.

Продам канал с доходом 138090

Telegram Analytics

bakiroo

Kanal geosi va tili

Toifa

bakiroo

bakiroo

bakiroo

bakiroo

bakiroo

bakiroo

bakiroo

bakiroo

bakiroo

bakiroo

bakiroo

bakiroo

bakiroo

bakiroo

bakiroo

bakiroo

bakiroo

bakiroo

bakiroo

bakiroo

63 207

Kanalda mashhur

Sayt tili

Продам твой канал за сутки.

Продам канал с доходом 138090

Telegram Analytics

bakiroo

Kanal geosi va tili

Toifa

63 207

Kanalda mashhur