Temur Khatamov

Mish-mish: iPhone SE 4 Dynamic Island'ga ega bo‘lishi mumkin

Insayder Evan Blass Apple'ning bahorgi lineykasiga, shu jumladan to‘rtinchi avlod iPhone SE, M3 protsessorli yangi iPad Air va iPad 11'ga oid ma’lumotlarni oshkor qildi. Agar diqqat bilan qaralsa, SE 4 renderida “dinamik orol” ni ko‘rish mumkin.

Apple iPhone SE'ni iPhone 16 shassida chiqarishni rejalashtirayotgani haqida insayder Majin Bu bir yil oldin xabar bergan edi. Biroq, yaqinda paydo bo‘lgan CAD-renderlar va SE to‘rtinchi avlod maketining fotosuratlari hamma narsani chalkashtirib yubordi. Ularda Dynamic Island yo’q. Hatto fotosuratlarda Action Button ham yo‘q. Uning o‘rnida eski tanish ovoz rejimlarini o‘zgartirish tugmasi bor.

Yangi iPhone SE qanday bo‘lishidan qat’i nazar, uning chiqishiga oz vaqt qoldi. Kutilganidek, qurilma aprel oyida sotuvga chiqadi.

OPPO super yupqa Find N5 smartfonini tizer qildi

Suratlarda qalinligi 8,3 mm bo’lgan iPhone 16 Pro va OPPO’ning yangi qurilmasi ko‘rsatilgan. Yangi smartfonning ochilgan holdagi qalinligi Type-C porti hajmidan ozgina kattaroq. Suratli taqqoslash Weibo ijtimoiy tarmog‘ida kompaniya menejeri Chjou Ibao tomonidan e’lon qilingan.

Hozircha smartfonning aniq qalinligi ma’lum emas. Hozirda eng ingichka smartfon Honor Magic V3 bo‘lib, uning qalinligi 4,4 mm. Bozorda kutilayotgan iPhone 17 Air qalinroq bo‘ladi — 5,5 mm.

Qurilma haqidagi ma’lumotlar hali juda oz: yuqori sig‘imli batareya (bunaqa ingichka dizayn bilan), Hasselblad yorlig’i ostidagi kamera va yettita yadrogacha qisqartirilgan Snapdragon 8 Elite protsessori. Shunga qaramay, internetga chiqib ketgan test natijalariga ko‘ra, Find N5 Galaxy S25 Slim bilan bir xil darajada ishlash ko‘rsatkichlariga ega.

Sotuvlar fevral oyida Xitoy bozorida boshlanishi kutilmoqda, lekin hali to‘liq anons qilinmagan. Global versiyasi bahorda chiqishi rejalashtirilgan.

Samsung Galaxy S25'ning yangi AI funksiyalari

Internetda Samsung Galaxy S25 uchun sun’iy intellekt texnologiyalari asosidagi yangi funksiyalar haqida rasmiy reklama materiallari paydo bo‘ldi.

Now Brief: Ushbu funksiya shaxsiy tavsiyalar tayyorlab, kundalik vazifalarni avtomatlashtirishni ta’minlaydi.

Google Gemini bilan integratsiya: YouTube videolarining qisqacha mazmunini yaratish, qo‘shiqlar nomini aniqlash, matematik tenglamalarni qadamma-qadam yechish, sizga kerakli ilovalar bo‘yicha maslahatlar berish.

Realme 14 Pro va 14 Pro+ smartfonlari taqdim etildi

Realme'ning ta’kidlashicha, uchtalik chiroq yoritish sensorlari suratga tushirishda zarur bo‘lgan atmosferani yaratishga yordam beradi.

Dizayndagi yana bir qiziq jihat — oq rangli modelning orqa panellari past harorat ta’sirida ko‘k rangga o‘zgaradi.

Texnik xususiyatlari:

• Displey: 6,77" 2392x1080 AMOLED, 120 Hz / 6,83" 2800x1272 AMOLED, 120 Hz
• Chipset: Dimensity 7300 / Snapdragon 7s Gen 3
• Kameralar: 50 MP (IMX882) + 2 MP portret + 16 MP old / 50 MP (IMX896) + 50 MP televik (IMX882) + 8 MP keng burchakli + 32 MP old
• Xotira: 8+128, 8+256, 12+512 GB
• Aloqa: 5G, NFC (?), Wi-Fi 6, Bluetooth 5.4
- Biometrik himoya: Ekran osti barmoq izlari skaneri, yuz skaneri
• Suvdan himoya: IP66/IP68/IP69
•Batareya va quvvatlash: 6000 mA/soat, 45 Vt / 6000 mA/soat, 80 Vt

Narxi: 24 999 rupiydan boshlanadi (~$289) / 29 999 rupiydan boshlanadi (~$347).

Mish-mish: Apple iOS 19 interfeysini tubdan o‘zgartirishi mumkin

Kompaniya iOS 19 tizimining tashqi ko‘rinishini visionOS’ga o‘xshash qilib qayta ishlab chiqishni rejalashtirmoqda. Bu haqda analitik Jon Prosser o‘z YouTube-kanalida xabar berdi. U kamera ilovasining yangilangan dizayni va yarim shaffof vidjetlar hamda Android’ga o‘xshash dumaloq ikonkalarga ega bosh ekranni aks ettirgan tasvirlarni taqdim etdi.

Mish-mishlarga nisbatan skeptik yondashuv bilan qarash lozim. Birinchidan, Jon Prosser unchalik ham ishonchli insayder emas. Ikkinchidan, Prosser tomonidan chop etilgan tasvirlar to‘g‘ridan to‘g‘ri ma’lumot emas, balki ayrim ma’lumotlar asosida yasagan renderlaridir. Uchinchidan, uning o‘zi tan olishicha, ayrim detallar va bosh ekranning tashqi ko‘rinishini o‘zicha o‘ylab topgan.

Xiaomi kompaniyasi juda katta hajmli batareyaga ega smartfon tayyorlamoqda

Insayder Digital Chat Station ma’lumotiga ko‘ra, yangi smartfonning batareya sig‘imi kamida 7500 mA·s bo‘ladi. Bu odatdagi kundalik foydalanish uchun mo‘ljallangan smartfon bo‘ladi.

Hozirda kompaniyalar an’anaviy batareyalar o‘rniga kremniy-uglerodli akkumulatorlardan foydalanish orqali batareya hajmini oshirmoqda. Bu texnologiya qurilma hajmini kattalashtirmasdan, sig‘imni ko‘paytirish imkonini beradi. Masalan, yaqinda taqdim etilgan ZTE Nubia Red Magic 10 Pro smartfonida batareya hajmi 7050 mA·s bo‘lib, qurilmaning og‘irligi yoki qalinligi sezilarli darajada oshmagan.

Xiaomi ham bu texnologiyani joriy etmoqda: ular o‘rta va budjet segmentidagi qurilmalarda, jumladan, Redmi Note 14 Pro 5G kabi smartfonlarda shunday akkumulatorlardan foydalanmoqda.

Boshqa ishlab chiqaruvchilar ham ushbu texnologiyani qo‘llashni boshlamoqda. Ammo Apple va Samsung hali bu texnologiyani joriy etmagan.

⚡️Biz iPhone 15 smartfonini sovg'a qilamiz!

Ishtirok etish uchun @temurkhatamov, @texno_go, @xojiakbarmominoff va @kislorod kanallariga obuna bo’lish va ushbu post ostidagi "Ishtirok etish" tugmasini bosish kifoya.

G’olib ishtirokchi 16-fevral kuni Toshkent vaqti bilan soat 20:00 da randomayzer-bot tomonidan tasodifiy tarzda tanlab olinadi. Biz yutuqni butun O’zbekiston bo’ylab BTS xizmati yordamida g'olib ishtirokchiga yuboramiz. Yetkazib berish va sug'urta xizmatlari mutlaqo bepul.

⚠️ Agar tugma qotib qolgan bo'lsa, hechqisi yo’q, birozdan keyin shartlarni bajaring va "Ishtirok etish" tugmasini bosing.

iPhone 17 Air displey ostidagi Face ID’ga ega bo‘lishi mumkin

Apple Dynamic Island’dan voz kechishga imkon beradigan, ammo shu bilan birga 90% faol piksellarni saqlab qoladigan texnologiyaga patent oldi. Bu haqda 9to5Mac portali xabar berdi.

“Shaffof” displey texnologiyasi yondosh subpiksellarni aqlli tarzda olib tashlash orqali amalga oshiriladi. Bu optik datchikni faqat old kamera yaqinida emas, balki ekranning istalgan qismida joylashtirishga imkon beradi.

iPhone 16 modelida displey ostidagi Face ID texnologiyasi paydo bo‘lishi mumkinligi haqida insayderlar Min-Chi Kuo va Ross Yang ma’lum qilgan edi. Ammo Apple texnik muammolarga duch kelib, yangilikni kechiktirishga qaror qildi.

Mish-mishlarga ko‘ra, juda yupqa korpusga ega iPhone 17 Air ushbu texnologiyani qabul qiladi va Face ID’ni ekran ostiga o‘tkazadi. Shuningdek, analitik Jeff Puning fikriga ko‘ra, kichraytirilgan Dynamic Island faqat 17 Pro Max modelida mavjud bo‘lishi mumkin.