Tasbeh.uz l да Зикр ва Тасбеҳ

РЎЗАНИНГ 8 ҲИКМАТИ

1. Ихлос ва тақво

Рўза – Аллоҳ учун қилинган ибодатдир. Унда риё ва намойишкорлик бўлмайди, чунки рўза тутган одамни фақат Аллоҳ билади. Қуръонда бундай дейилган: “Эй иймон келтирганлар! Сиздан олдингиларга фарз қилинганидек, сизга ҳам рўза фарз қилинди. Шоядки, тақволи бўлсангиз!” (Бақара, 183).

2. Сабр ва ирода кучини мустаҳкамлаш

Рўза инсонни нафсига қарши мустаҳкам қилиб, унинг иродасини кучайтиради. Очлик ва чанқоққа сабр қилиш орқали киши ҳаётдаги бошқа синовларга ҳам чидамли бўлади.

3. Шукр ва қадриятни англаш

Инсон одатда неъматларнинг қадрини уни йўқотганда билади. Рўза тутиш орқали киши таом, сув ва бошқа неъматларнинг аҳамиятини ҳис қилади ва Аллоҳга шукр қилишни ўрганади.

4. Ҳақиқий бойлик тақвода эканини тушуниш

Рўза тутган одам, хоҳ у бой ёки камбағал бўлсин, бир хил аҳволга тушади. Бу эса инсонга моддий бойликдан кўра маънавий бойлик муҳимроқ эканини кўрсатади.

5. Соғлиқ ва тиббий фойдалари

Рўза организмни тозалайди, ҳазм тизимини дам олдириб, турли касалликлардан ҳимоя қилади. Илмий тадқиқотлар рўзанинг токсинларни йўқотишга ва метаболизмни яхшилашга ёрдам беришини кўрсатган.

6. Рўза ва ижтимоий бирдамлик

Камбағаллар ва муҳтожларнинг аҳволини ҳис қилиш орқали инсонда меҳр-оқибат, хайрия ва закот бериш ҳисси уйғонади. Бу жамиятда ҳамдардлик ва бирдамликни мустаҳкамлайди.

7. Дуоларнинг қабул бўлиши

Рўзадорнинг дуоси рад этилмайди, чунки у Аллоҳ учун сабр қилиб, унинг розилигини истаган ҳолда ибодат қилади. Расулуллоҳ соллаллоҳу алайҳи васаллам: “Учта одамнинг дуоси рад этилмайди: рўзадорнинг ифтор вақтидаги дуоси, одил подшоҳнинг дуоси ва мазлумнинг дуоси” (Имом Термизий ривояти).

8. Руҳий покланиш

Рўза нафақат жисмоний, балки руҳий покланишдир. У инсонни гуноҳлардан тийишга, яхши хулқ-атворга, гуноҳ ва ёмонликлардан узоқлашишга ўргатади.

Рўза инсон ҳаётининг барча жабҳаларига ижобий таъсир кўрсатувчи улкан ибодатдир. У нафақат савобли амал, балки инсонни маънавий ва жисмоний жиҳатдан юксалтирувчи буюк ҳикматдир.

Конспект - Рамазон ойида ўқиш учун энг яхши канал!

#Табрик

۩⊱•••┈••┈•❁•⊰✿✿⊱•❁•┈••┈•••⊰۩
TASBEH TRAVEL ДАН РАМАЗОН ҲАЙИТИ БАЙРАМ ТАБРИГИ

Бисмиллаҳир роҳманир роҳим.

Алҳамдулиллаҳи Роббил аламин.

Ўзининг мукаммал китоби бўлган Қуръони Каримда «Сизлардан аввал ўтган қавмларга рамазон рўзаси фарз қилинганидек, сизларга ҳам фарз қиланди» деб, марҳамат қилган, мўминлар учун раҳмат маёғи ила дастурил амал қилиб, Рамазон ойини ином этган, Аллоҳ субҳанаҳу ва таолога чексиз ҳамд ва санолар бўлсин.

Бу муборакли ойни шараф ва ғурур билан, баракотли ва файзли ўтишида умматлари учун ўзидан наъмуна ўлароқ чиройли ўгит ила суннат қилиб қолдирган, Икки олам сарвари Пайғамбаримиз Росулуллоҳ саллаллоҳу алайҳи васалламга саловоту саломлар бўлсин.

Аввали раҳмат, ўртаси мағфират, оҳири итқум минаннор бўлган, ҳар ўн кунда ўзгача файзи футуҳ билан, элларга тинчлик ва хотиржамлик улашган, жами ўттиз кун осмон дарвозаларидан Аллоҳнинг раҳмати ёғилишига сабабчи бўлган Моҳи Рамазон ойи паёнига етиб бормоқда.

Ер юзини фаришталарнинг муборак қадамлари билан тўлдирган, уларни биз мўминлар учун, бир ой мобайнида мудофаий зобит бўлиб хизмат қилишда, гуноҳларимизни кечирилишида, истиғфор билан ғайратимизга ғайрат қўшиб, дилларимизни сурурга тўлдирган, яна тезроқ келармикан дея соғинчда қалбларни ўртантириб қўйган меҳрибон раҳим дил, Роббимизга қанча ҳамд ва шукурона келтирсак шунча камлик қилаверади.

Кундузлари очлик ва ташналикдан ҳоли қилиб, ўзгача сабр билан нафсимизга оро берган бу Рамазон, тунлари чарчоқ ва уйқудан ғолиб келиб, кунлик ибодатимизданда зиёдароқ ибодат қилишга чорлаган таровеҳ намозларида камолот ила комил ғайрат қилишимизда масрурлик ином қилган, бу Рамазон, бутун йил бўйи ўн бир ой дунё ташвишлари билан бандалик қилиб ожиз қолганимиздан, ҳеч бўлмаса бир ой бўлсада фойдаланиб қолишимизга имкон берган бу Рамазон, кунлар ортидан кунлар ўтиб, якунга етиб, Алвидо дея бизни тарк этмоқда.

Бу бир ой ичида сазовор бўлган Раҳматимиз, Иймон билан топган Мағфиратимиз, Севинч ва суюнч бўлган ютуғимиз, итқум минаннар дўзаҳдан озод бўлган Мукофотимиз бутун ер юзи аҳли иймон, мўмин мусулмонларга, Ҳусусан тобора ўзгариб бораётган Ўзбекистон аҳли фуқаролари, жаннатмонанд бўлган бу азиз ватанимиз, бутун юртимиз мўмин мусулмонларини, «Ийдул Фитр» Рамазон Ҳайит байрами билан чин қалбимиздан Ўзбекистон аҳли қалбимиз ила қибладош бўлган биродарларимизни ҳусусан Андижон вилояти ҳамда Марҳамат тумани аҳли иймон дўстларимизга, ҳамда «Tasbeh Travel» нинг қадирдон мухлис ва мухлисаларига Муқаддас Рамазон Ҳайит байрами Муборак бўлсин дея,

Шаҳсан ўзим ва оилам номидан чин қалбимдан муборакбод этиб қоламан.

Қариб тўрт йил мобайнида сиз азизларимиз билан бир оилада яшагандек қадирдон бўлиб, қалбимиз билан иймон ила дўстлашдик. Рамазон муносабати билан Юздан зиёд Хатми Қуръонлар ҳамда Миллиондан зиёд Зикру тасбеҳлар, Саловоту истиғфорлар ўқиб саноғини қилдик, буларни якуни ўлароқ улуғ устоз Қуръон ходими бўлган олимлар, қорилар, даврасида давомли дуолар қилинди. Ушбу барча Илмий амалларимизни самарасини, унда хосил бўлган савобу ажрларини, барчангизга муборак бўлсин дея ушбу аём хайт байрамида йўллашликни мақсад қилган эдим. Ушбу каби бир оиладек сиз азизлар билан яна ва яна кўп йиллар шундай шодлик шукуҳида бардавом бўлишимизни сўраб, Яратган Роббимизга қулчилик қилишда куч ва қувват, букулмас ғайрат берсин. Келгуси йиллар яна рамазонгача бу йилги рамазон шукуҳи қувватланиб, куч олиб яшашликда Аллоҳнинг ўзи мададкор бўлсин.

Яна бир бора барча барчангизга Рамазон Ҳайти байрами муборак бўлсин!!!

Камоли эҳтиром ила
Tasbeh Travel жамоси раҳбари.
Шожалилов Музаффархон
© Саййид Авлод Наслий.

♻️ Мурожаат учун:
📲 @SayyidAdmin 👈 Тезкор алоқа учун
☎️ +998971680077 👈 Бош Котиб
☎️ +998949130077 👈 Менеджер

Манзил: Андижон ш. ва Марҳамат т.

♻️ КАНАЛЗГА АЪЗО БЎЛИНГ!
  @Tasbehtravel  www.tasbehtravel.uz