Ta‘limga oid hujjatlar

Диагностика тестидан кам балл олган ўқитувчининг дарси қисқарадими?

@Yurist_Xizmati 5017-савол:

Assalomu alaykum  men Toshkent shahridagi maktablardan birida 29 yildan beri faoliyat yuritaman.  2 chi toifam bor , 25 % ustamam bor , 24 soat darsim bor va sinf rahbariman.
2024 yil avgust oyida  maktabdan sababini tushuntirishmagan holda DIAGNOSTIKA  testiga yuborishdi shunchaki boravering hech narsaga ta‘sir qilmaydi olgan ballingiz deb aytishdi. 2025 yil 13 .02 da maktab rahbariyati tomonidan shunday xabar o‘qib eshittirildi : men diagnostika testida 50 balldan past olganim uchun o‘z xisobimdan 1 oylik malaka kursida o‘qishim shart ekan , darslarim qirqilib 20 soatdan oshishi mumkinmas ekan , ustamam olib tashlanar  ekan.  Bu xaqida  buyruq chiqqanmi ta‘lim vazirligi  tomonidan? Bu qanchalik to‘g‘ri ilitimos  menga yo‘rdam bering .

ЮРИСТ ЖАВОБИ:

✅ Ўқитувчининг диагностика тестларидан ўта олмаслиги унга берилган дарс соатлари ёки синф раҳбарликни чеклашга, қисқартиришга ёҳуд олиб қўйишга асос бўлмайди.

Мактабгача ва мактаб таълими вазирининг 2023 йил 28 декабрдаги 577-сонли буйруғида педагог ходимларни диагностика тестларига жалб қилиш билан боғлиқ масала тартибга солинган.

Унга кўра диагностика тестларидан ўта олмаган ўқитувчилар фақат малака оширишга юборилиши, бунда паст балл олганлар ишлаб чиқаришдан ажралган ҳолда малака ошириши, юқори балл олганлар эса ишлаб чиқаришдан ажралмаган ҳолда (масовафий) малака ошириши назарда тутилган.

❌Ҳозирги кунга келиб бу ҳужжат моҳиятдан аҳамиятини йўқотди.

⏩Бунга сабаб Вазирлар Маҳкамасининг 2024-йил 20-декабрдаги 867-сонли “Мактабгача ва мактаб таълими ходимларининг узлуксиз касбий ривожлантириш тизимини такомиллаштириш тўғрисида”ги қарори билан педагог ходимлар ҳар беш йил мажбурий малака ошириши ва фақат офлайн малака ошириши назарда тутилган.

⚠️ Шунга кўра дарслар “Умумтаълим муассасаларида синфларни комплектлаш ҳамда тарификация рўйхатларини шакллантириш тартиби тўғрисида”ги низом (рўйхат рақами № 3271) асосида тарификация қилиб берилган ва синф раҳбарлик Мактабгача ва мактаб таълими вазирининг 27.06.2023 йилдаги 190-сонли буйруғи билан тасдиқланган умумий ўрта таълим муассасаси синф раҳбарининг йўриқномаси асосида бериктирилган бўлса, ўқитувчининг диагностика тестларидан кам балл олиши уларни қисқартиришга сабаб бўлмайди.


Kanalga obuna bo'lish:👇👇👇
https://t.me/+Sysb1MrRfYGyQDFU

⚡️Мактабларда баҳорги таътил 21 мартдан бошланади

Ўзбекистон Республикаси Вазирлар Маҳкамасининг 2017 йил 15 мартдаги 140-сонли қарори билан тасдиқланган Низомнинг 26-бандига мувофиқ, умумий ўрта таълим мактабларида баҳорги таътил 21 март санасидан бошланиб, 7 календарь кун давом этиши белгиланган.

Ўқувчилар учун баҳорги таътил 21 март санасидан бошланади ҳамда 27 мартга қадар давом этади.

Шундай экан, IV чорак 28 март санасидан бошланади.


Kanalga obuna bo'lish:👇👇👇
https://t.me/+Sysb1MrRfYGyQDFU

1 октябрдан синф раҳбарлик ва дафтар текшириш учун қанча тўланади?

Синф раҳбарлик ва дафтар текшириш учун тўловлар ўқитувчиларга меҳнатга ҳақ тўлашнинг энг кам миқдорига (1 155 000 сўм) нисбатан фоиз ҳисобида тўланади.
Синфдаги ўқувчилар сонига кўра синф раҳбарлиги учун:

– 15 нафар ўқувчигача – 26,4 фоиз (304 490 сўм);

– 16 нафардан 20 нафар ўқувчигача – 31,6 фоиз (364 980 сўм);

– 21 нафардан 25 нафар ўқувчигача – 36,9 фоиз (426 195 сўм);

– 26 нафардан 30 нафар ўқувчигача – 42,1 фоиз (486 255 сўм);

– 31 нафар ва ундан кўп ўқувчи бўлганда – 52,8 фоиз (609 840 сўм).

Дафтарларни ва ёзма ишларни текширганлик учун (ўқувчилар икки гуруҳга бўлиб ўқитиладиган фанлар бўйича ҳам) синфдаги ўқувчилар сони 15 нафаргача бўлганда – 8,8 фоиз (104 640 сўм), 15 нафар ва ундан ортиқ бўлганда – 17,6 фоиз (203 280 сўм).

Информатика кабинети мудирлиги учун – 17,6 фоиз (203 280 сўм).

Murojaatlar uchun: 👉@pkatdi_bot


Kanalga obuna bo'lish:👇👇👇
https://t.me/+Sysb1MrRfYGyQDFU

❗️Umrbod saqlanadigan toifa berish tartibi bekor qilindi

“Maktabgacha, umumiy o‘rta, o‘rta maxsus, professional va maktabdan tashqari ta’lim tashkilotlari pedagog kadrlarini attestatsiyadan o‘tkazish tartibini takomillashtirish chora-tadbirlari to‘g‘risida” nizomning 6-bandida quyidagi pedagoglarga umrbod malaka toifasini berish va ularni navbatdagi majburiy attestatsiyaga jalb qilmaslik belgilangan edi:
➖ oliy malaka toifa (bosh o‘qituvchi lavozimi)ga ega bo‘lganidan so‘ng oliy malaka toifani 15 yil davomida saqlab kelgan va uzluksiz ish stajiga ega bo‘lgan pedagog kadrlar;
➖ pedagogik faoliyat bo‘yicha 25 yil va undan ko‘p ish stajiga ega bo‘lgan pedagog xodimlar;
➖ yoshga doir pensiyaga chiqishi uchun 5 yildan ko‘p bo‘lmagan vaqt qolgan pedagog xodimlar;
➖ pedagogik faoliyat bilan shug‘ullanayotgan pensiya yoshiga to‘lgan pedagog kadrlar.
Pedagoglarni attestatsiyadan o’tkazish tartibiga o’zgarish va qo’shimchalar kiritildi. Unga ko’ra, endilikda pedagoglarga umrbod toifa berish tartibi bekor qilindi. 

Bu haqda Maktabgacha va maktab taʼlimi vaziri oʻrinbosari Sardor Rajabov AOKA da bo’lib o’tayotgan matbuot anjumanida ma’lum qildi. Bu tartib 2025-yil 1-sentyabrdan boshlab kuchga kiradi.

Bunda, pedagogik faoliyat bo‘yicha 25 yil va undan ko‘p ish stajiga ega bo‘lgan, yoshga doir pensiyaga chiqishi uchun 5 yildan ko‘p bo‘lmagan vaqt qolgan va pedagogik faoliyat bilan shug‘ullanayotgan pensiya yoshiga to‘lgan pedagog kadrlar ham har besh yilda navbatdagi majburiy attestatsiyaga jabl etiladi.

⭐️Navbatdagi majburiy attestatsiyaga jalb etilmagan, attestatsiyadan oʻtganlik muddati tugagan va amaldagi malaka toifasi saqlanib qolgan quyidagi pedagoglar 2025-yil 1-sentyabrga qadar majburiy attestatsiyaga jalb etilmaydi hamda ularga amaldagi malaka toifasi boʻyicha haq toʻlanadi:
– oliy malaka toifasiga ega boʻlganidan soʻng ushbu toifani 15-yil davomida saqlab kelgan va uzluksiz ish stajiga ega boʻlgan;
–  pedagogik faoliyat boʻyicha 25-yil va undan koʻp ish stajiga ega boʻlgan;
–  yoshga doir pensiyaga chiqishi uchun 5-yildan koʻp boʻlmagan vaqt qolgan;
–  pedagogik faoliyat bilan shugʻullanayotgan pensiya yoshiga toʻlgan.

⭐️Shuningdek, quyidagi talablardan biriga javob beradigan pedagoglarga belgilangan muddatga qadar toʻgʻridan-toʻgʻri malaka toifasi beriladi:
– pedagogik faoliyat boʻyicha 25-yil va undan koʻp ish stajiga ega boʻlgan;
–  yoshga doir pensiyaga chiqishi uchun 5-yildan koʻp boʻlmagan vaqt qolgan pedagoglarga – ularning amaldagi malaka toifasi;
–  oliy malaka toifasiga ega boʻlganidan soʻng ushbu toifani 15-yil davomida saqlab kelgan va uzluksiz ish stajiga ega boʻlgan pedagoglarga – oliy malaka toifasi.

💡Eslatma! Agar pedagogga 2025-yil 1-sentabrgacha umrbod malaka toifasi berilgan bo’lsa, yangi tartib joriy etilishidan qat’iy nazar uning toifasi saqlanadi va keyingi majburiy attestatsiyalarga jalb etilmaydi va ularga amaldagi toifasi bo’yicha haq to’lanadi. Ular faqatgina o’z xohishi bilan navbatdan tashqari attestatsiyada ishtirok etishi mumkin.

Kanalga obuna bo'lish:👇👇👇
https://t.me/+Sysb1MrRfYGyQDFU

#ПКА_2025_Энг_долзарб_саволларга_жавоблар

Эндиликда ўрта-махсус маълумотли педагоглар ҳам аттестацияга жалб қилинади!

Хабар берганимиздек, Ҳукуматнинг тегишли қарор билан мактабгача, умумий ўрта ва мактабдан ташқари таълим ташкилотлари педагог кадрларига малака тоифалари бериш тартибига қатор ўзгартиришлар киритилмоқда. Жумладан,

Низомнинг 5-банди (янги таҳрирда) Аттестацияга таълим ташкилотларининг барча педагог кадрлари жалб этилади. (фарқи, илгари фақат олий маълумотли педагоглар жалб этилар эди, эндлиликда ўрта махсус маълумотли педагоглар ҳам аттестацияга жалб этилади)

Низомнинг 44-банди (янги таҳрирда янги д-кичик банди қўшилмоқда).

д) олий маълумотга эга бўлмаган педагог кадрларга малака тоифалари берилмайди, улар:
55 балл ва ундан юқори кўрсаткичга эга бўлса – аттестациядан ўтган, лавозими сақланган;
55 баллдан кам кўрсаткичга эга бўлса – аттестациядан ўтмаган, ўқитувчи лавозимига мувофиқ эмас, деб ҳисобланади.

Навбатдан ташқари аттестацияга жалб этилган педагог кадрлар аттестациядан ўта олмаган тақдирда, уларнинг малака тоифаси (лавозими) туширилмайди ҳамда улар лавозимига мувофиқ эмас деб ҳисобланмайди.

Олий маълумотга эга бўлмаган ҳамда мутахассис (олий маълумотли ўқитувчи) лавозимидаги педагог кадрлар навбатдаги мажбурий аттестациядан ўта олмаган тақдирда, иш берувчи ходимнинг малакаси етарли бўлмаганлиги сабабли у билан тузилган меҳнат шартномасини меҳнат тўғрисидаги қонунчилик ҳужжатларида белгиланган тартибда бекор қилиш ҳуқуқига эга.

44-1 банди. Иш берувчи меҳнат шартномасини бекор қилмаган тақдирда, навбатдаги мажбурий аттестациядан ўта олмаган олий маълумотга эга бўлмаган ҳамда мутахассис (олий маълумотли ўқитувчи) лавозимидаги педагог кадр навбатдан ташқари аттестацияга кўпи билан кетма-кет икки марта жалб этилади. Бунда икки мартадан бирортасида ҳам навбатдан ташқари аттестациядан ўта олмаган ёки узрли сабабсиз (касалликка чалиниши оқибатида меҳнатга қобилиятсизлик даврида ҳамда давлат ёки жамоат вазифаларини бажарганлигидан ташқари ҳолларда) аттестацияда иштирок этмаган педагог кадр билан тузилган меҳнат шартномаси меҳнат тўғрисидаги қонунчилик ҳужжатларида белгиланган тартибда ходимнинг малакаси етарли бўлмаганлиги сабабли бекор қилинади.

Аттестациядан ўта олмаган олий маълумотга эга бўлмаган ҳамда мутахассис (олий маълумотли ўқитувчи) лавозимидаги педагог кадрларни кетма-кет икки марта навбатдан ташқари аттестацияга жалб этишга педагог кадр фаолият кўрсатаётган таълим ташкилотининг раҳбари шахсан жавобгар ҳисобланади.

Аттестациядан ўта олмаганлиги сабабли меҳнат тўғрисидаги қонунчилик ҳужжатларида белгиланган тартибда педагогларнинг меҳнат шартномаси (ходимнинг малакаси етарли бўлмаганлиги сабабли) бекор қилинган тақдирда, педагог кадр фақат ўз хоҳиши билан навбатдан ташқари Касбий сертификатлаш синовида иштирок этиб, сертификатни қўлга киритган ҳолдагина, яна педагог сифатида ишга қабул қилиниши мумкин.

Murojaatlar uchun: 👉@pkatdi_bot

Kanalga obuna bo'lish:👇👇👇
https://t.me/+Sysb1MrRfYGyQDFU