Tabreziy_Rumiy.uz


Kanal geosi va tili: O‘zbekiston, O‘zbekcha


Бе ишқ мабош то набошӣ мурда
Дар ишқ бимир то бимонӣ зинда...
Ишқсиз бўлма ки, то бўлмагайсан мурда
Ишқда ўлгин ки, то қолгайсан зинда...
Ҳазрати Мавлоно Жалолиддин Румий қуддиса сирруҳу
t.me/TabreziyRumiy
Ўзини танимоқ истаган кўнгиллар учун

Связанные каналы  |  Похожие каналы

Kanal geosi va tili
O‘zbekiston, O‘zbekcha
Statistika
Postlar filtri


Ҳар бир инсон у ёки бу шаклда мулойимликни ўрганади. Кимдир бир мусибатни бошидан ўтказиш билан, кимдир тузалмас дардга чалиниш билан, кимдир яқинларидан айрилиш билан яна кимдир мол-мулкини йўқотиш билан.
Барчамиз қалбимиз қаттиқлигини мулойим қиладиган синовларни бошимиздан ўтказамиз. Баъзиларимиз (яъни, Аллоҳ раҳм қилганлар) бундаги ҳикматни тушуниб мулойимлашамиз. Минг афсуски баъзиларимиз бу синовлар сабабли дийдамиз қотиб яна ҳам қаттиқлашамиз...
(Аслида бизнинг бошимизга келаётган синов-имтиҳонлар, бизни қуллик ҳаддидан ошиб илоҳлик даъвосини қилмаслигимиз ва биздаги яхшиликларни камолига етказиш учундир)
Ҳазрати Шамс Табрезий қуддиса сирруҳу
@TabreziyRumiy
Кел, самога сиғмаган ишқ сафари сени кутмоқда…


بد گماني كردن و حرص آوري
كفر باشد پيش خوان مهتري

Бадгумонй кардан ва ҳирс оварй
Куфр бошад пеши хони меҳтарй.


Бир Улуғ, сахий зотнинг дастурхони олдида бадгумонлик ва очкўзлик қилиш неъматга нисбатан куфрдир.

Хулосаи калом шулки, Мунъими ҳақиқий бўлган Худованди Кариймнинг турли туман неъматлари қулига етиб турар
экан ва қул ундан кунма кун ўз ризқ-насибасини олиб турар экан, "бу неъматлар тугаб қолса нима қиламан?" деган қўрқинч ва андиша билан уни тўплаш учун очкўз ва таъмагир бўлиши куфрони неъматдир.
Ҳазрати Мавлоно Жалолиддин Румий қуддиса сирруҳу
@TabreziyRumiy
Кел, самога сиғмаган ишқ сафари сени кутмоқда…


Video oldindan ko‘rish uchun mavjud emas
Telegram'da ko‘rish
Эй Роббим!
Ўзинг рози бўлган ҳолда, бизларни Рамазонга етказ!
Айбларимизни сатр айла,
Қалбларимизни пок айла,
Ғамларимизни кетказ,
Гуноҳларимизни кечир,
Қалбларимизни кенгайтир,
Эй меҳрибонларнинг Меҳрибонроғи бўлган Пок Зот, Ўзингни марҳаматинг билан дуоларимизни қабул айла!

@TabreziyRumiy
Ўзини танимоқ истаган кўнгиллар учун...


Суякнинг бошига тупроқ бўлсин.
У итни руҳ овлашдан тўсган эди.

(Суякдан мурод, инсоннинг танаси ва итдан мурод эса нафси амморадир.
Руҳ овлашдан мурод эса, руҳоний ва маънавий завқ-шавқларни қўлга киритишдир. Тана нафснинг орзу-ҳаваслари йўлида хизмат қилар экан, олдига суяк ташланган ит каби ириллайди ва қувватланади. Шу сабабдан руҳоний ва маънавий завқларни овлолмайдиган бўлади)

Сен ит эмассанку, нега энди суякга бунчалар ошиқсан?
Нега энди зулукга ўхшаб, қон сўришга ошиқсан?
Ҳазрати Мавлоно Жалолиддин Румий қуддиса сирруҳу
@TabreziyRumiy
Ўзини танимоқ истаган кўнгиллар учун...


Зоҳиран кўрнинг нажосати зоҳирий, ботинан кўрнинг нажосати эса яширин бўлади.
Бу зоҳирий бўлган нажосат сув билан покланади.
Ботиний нажосат (ахлоқи замималар) эса, доимо ортиб боради.
Ботиний нажосатлар вужудга келганда, уларни кўз ёшидан ўзга нарса покламайди.
Худойи таоло, "мушриклар нажасдир" деди. У нажосат уларнинг зоҳирида эмас.
Мушрик ва кофирнинг зоҳири (ташқариси) нажосат эмас.
У нажосат уларнинг ахлоқи ва тутган йўлидадир...
Ҳазрати Мавлоно Жалолиддин Румий қуддиса сирруҳу
@TabreziyRumiy
Кел, самога сиғмаган ишқ сафари сени кутмоқда…


Ҳазрати Набий соллаллоҳу алайҳи ва салламга саловот айтиш билан ҳожатлар раво ғам-ташвишлар раҳо бўлади…
Аллоҳумма солли ва саллим ва борик алайҳ
@TabreziyRumiy
Ассалому алайкум.
Фазилатли Жумъа муборак!


Наъра тортган, қудратли шерга ўхшаган бир қанча инсонлар бор ки, ўз ўлжасини ея олмай бу дунёдан ўтиб кетган.
Ундай инсонларнинг қисмати сомон каби енгил, арзимас бўлади. Аммо ҳирслари, орзу-ҳаваслари эса тоғ каби оғир, катта бўлади.
Аллоҳ таолонинг ҳузурига борадиган бирор обрўйи бўлмайди. Аммо ўзича халқ орасида обрўй қозонган бўлади.
(Сомон каби арзимас дунё ҳаётида, мол-мулк тўплайди. Бу йўлда барча пасткашликлардан тортинмайди. Ўзига ўхшаган бир инсонга турли хил зарарлар, фириблар, макр-ҳийлалар қўллайди. Бу йўлда "виждон"и қийналмаслиги учун, нафс муфтийсидан турли хил фатволар олади. Уради-урилади, йиқитади-йиқилади бир амаллаб дунё молини тўплайди. Оғзи энди ошга етганида, бурни қонайди.)
Бизларга дунёдаги оғир ишларни енгил қилган Роббим!
Бизларни бекорчиликдан ва фойдасиз нарсалар билан машғул бўлишдан сақла.
Бизларга тўъма (ош-нон) бўлиб кўринаяпти, аммо аслида эса у ҳалок қилгувчи бир қармоқдир.
Роббим, бизларга ҳар бир нарсани асл суратида кўрсат!
Ҳазрати Мавлоно Жалолиддин Румий қуддиса сирруҳу
@TabreziyRumiy
Кел, самога сиғмаган ишқ сафари сени кутмоқда…


Аллоҳнинг хос қулларига нисбатан одобсиз сўзларни сўзлашлик, қалбни ўлдиради ва номаи аъмолни қорайтиради.
Агар сен бир эркакни "Фотима" деб чақирсанг, эркак ва аёлларнинг барчаси инсон жинсидан бўлишига қарамай, у киши яхши хулқли, ҳалим ва салим бўлишига қарамай, имкон топилди дегунча сени ўлдиришга қасд қилади.
Чунки "Фотима" исми аёллар орасида мақтовлидир.
Уни эркакга нисбатан ишлатсанг, найзанинг захми каби унга оғир ботади...
Ҳазрати Мавлоно Жалолиддин Румий қуддиса сирруҳу


Эй мажозий ошиқ!
Хаёлга нисбатан бўлган майл-рағбатинг сенга қанот бўлсагина, ҳақиқатга юксала оласан.
Шаҳватингни қондиргач, иффат ва исмат қанотинг тўкилади.
Сен энди чўлоқ ва парвоз қилолмайдиган ҳолга келасан.
У хаёл ҳам сендан қочади.
Қанотингни муҳофаза қил ва шаҳватпараст бўлма.

Токи майл-рағбат қанотинг сени жаннатга олиб борсин.
Шаҳватпарастларўзларини ишрат ва кайф-сафо ичида яшаяпмиз, деб ўйлашади.
Улар биргина хаёл учун ўз қанотларини юлганларидан ва ҳақиқатга парвоз қилишдан ожиз қолганларидан хабарлари йўқ...
Ҳазрати Мавлоно Жалолиддин Румий қуддиса сирруҳу
@TabreziyRumiy
Ўзини танимоқ истаган кўнгиллар учун..
.


Гарчи подшоҳлар ҳузурида жонга хатар бор, лекин ҳиммат эгалари у ҳузурдан узоқ туришга чидолмайдилар.
У Шоҳи Аъзам шакардан ҳам ширинроқдир. Руҳнинг у ширинликга интилиши ва шу йўлда ўзини фидо қилиши жудаям гўзалдир.
Эй мени бу хусусда маломат қилган киши, сенга хайр ва саломатлик тилайман.
Эй саломатликни истаган киши, сен ҳам бизни тинч қўй.
Менинг жоним ўчоқ кабидир ки, ўт билан ўртамиз яхши.
Ўчоқ учун ўт маҳали бўлиш етарли шараф.
Ишқ учун ўчоқ каби ёнмоқ шарт. Бу ўтдан кўр, яъни маҳрум қолган киши ўчоқ бўлолмайди.
Озуқасизлик сенга озуқа бўлган
вақтдагина, руҳи боқия ва ҳаёти абадия топасан. Маънавий ўлим сендан узоқлашади...
Ҳазрати Мавлоно Жалолиддин Румий қуддиса сирруҳу
@TabreziyRumiy
Кел, самога сиғмаган ишқ сафари сени кутмоқда…


Ўзингни камоли марҳаматингдан биз одобсизларга гўзал суратда тарбия бериб, яна Ўзинг харидор бўлмоқдасан.
Бу
қулларингга бундан ортиқ давлат ва саодат борми?
Бизларни қавлий ва феълий шукрингдан асло айирма


Боязид Бастомий қуддиса сирруҳу ҳазратларидан:
-“Сиз сув устида юриб, ҳавода учасизми?” деб, савол қилишди. У зот:
-“Ҳас ҳам сув устида юра олади, қуш ҳам ҳавода уча олади. Афсунгарлар ҳам Қоф тоғига бориб кела олишади. Лекин ҳақиқий Эрларнинг қиладиган ишлари шу ки, Робблари ва Мавлолари бўлган Аллоҳу таолодан ўзгасига кўнгил боғламайдилар!” деб, жавоб бердилар.

Парвардигори Меҳрибон барчамизга ҳиммати олий ва тавфиқи илоҳий берсин!
@TabreziyRumiy
Кел, самога сиғмаган ишқ сафари сени кутмоқда…


Дунё истаган, фойда ва тижоратни лозим тутсин.
Охират истаган, хизмат ва тоатни лозим тутсин.
Мавло истаган, бало ва меҳнатни лозим тутсин.
Илм истаган, ғурбат ва заҳматни лозим тутсин!
Ҳазрати Шамс Табрезий қуддиса сирруҳу
@TabreziyRumiy
Кел, самога сиғмаган ишқ сафари сени кутмоқда…


Бўлмаётган бўлса, зўрлама.
Ё хаёлларинг паришон бўлади, ёки қалбинг.
Унутган киши каби бўл.
Чунки гўзал нарсалар ҳеч кутмаган онингда ҳақиқатга айланади...
Ҳазрати Мавлоно Жалолиддин Румий қуддиса сирруҳу
@TabreziyRumiy
Кел, самога сиғмаган ишқ сафари сени кутмоқда…


Қалбим висолингизга ташна,
Кўзим эса ҳуснингизга мунтазир…
Аллоҳумма солли ва саллим ва борик алайҳ
💐💐💐
@TabreziyRumiy
Ассалому алайкум.
Фазилатли Жумъа муборак!


Аллоҳуммарзуқна биру'ятика Набиййикал Карийм соллаллоҳу алайҳи ва саллам...

Парвардигоро, бизни Карийм бўлган Набиййинг соллаллоҳу алайҳи васалламни кўриш билан ризқлантир.


Саййидул айём муборак, азизларим!

t.me/TabreziyRumiy
Ўзини танимоқ истаган кўнгиллар учун...


Секин ёки чаққон ҳаракат қилсада, излаган албатта излаганини топади.
Эй солик!
Сен доимо икки қўлинг билан талабда бўл ки, талаб солик учун яхши бир раҳбардир.
Оқсаб, эмаклаб, мудраб ва беодобона бўлса ҳам Аллоҳнинг йўлида судралиб Уни изла!

(Яъни, тоат-ибодатларнинг одобига риоя қилолмаяпман, ўқиётган намозларим, қилаётган зикрларим қалбимга ҳаловат бермаяпти деб, ўз қуллик вазифангни бажаришдан ва Ҳақ таолони излашдан тўхтаб қолма. Қўлингдан келгунча, тоқатинг етгунча ҳаракат қил. Худойи таолонинг йўлида тез-чаққон масофа боса олмаётган экансан, ҳеч бўлмаса чўлоқланиб, судралиб бўлса ҳам талабдан қолма!)

Гоҳо сўз билан, гоҳо сукут билан Шоҳи Ҳақиқийнинг ройиҳайи фуюзи (файзёб ҳидлари) ни ҳидла...
Ҳазрати Мавлоно Жалолиддин Румий қуддиса сирруҳу
@TabreziyRumiy
Кел, самога сиғмаган ишқ сафари сени кутмоқда…


Сен ҳар қанча бу дунёнинг зубдаси, тилсими бўлсанг ҳам шараф тушунчаси ила жудаям бебаҳо бир маъдансан.
Мозорда тупроқ билан тўладиган бошингдаги шу икки кўзингни юм. Яширин бўлган кўнгил кўзини оч, ҳақиқатни кўр.
Аслингни аслига қайт!
Ҳазрати Мавлоно Жалолиддин Румий қуддиса сирруҳу
@TabreziyRumiy
Кел, самога сиғмаган ишқ сафари сени кутмоқда…


Жалол соҳибининг қулисан, ниҳоятда музаффарсан. Аллоҳ сени жудаям яхши кўради.
Бошқа махлуқотларидан сени афзал қилди, бошқаларга бермаганини сенга берди.
Сен эса дунё молини илоҳийлаштириб бой бўлиш йўлларини излаяпсан. Шаҳват ва шуҳрат ортидан чопаяпсан. Юксак мавқеъларга чиқишни, раҳбар бўлишни, инсонлар устидан ҳукмрон бўлишни истайсан. Истаганингга эришолмаган вақтингда, ёки қўлингдаги нарсани йўқотганингда ғам чекаяпсан, хароб бўлаяпсан. Бу ҳол, бу ташвиш, бу оҳ-воҳ, бу кўзёшлар яна қачонгача давом этади?
Ичингга тушган аянчли ҳолни англаб ет, аслингни аслига қайт…
Ҳазрати Мавлоно Жалолиддин Румий қуддиса сирруҳу
@TabreziyRumiy
Кел, самога сиғмаган ишқ сафари сени кутмоқда…


Хулафои Рошидин ризвануллоҳи таоло алайҳим ажмаъинларни Жаноби Расулимиз соллаллоҳу алайҳи ва саллам билан насабда учрашишлари


Она сут эмишга одат қилган гўдагининг ўзга неъматлар билан баҳраманд қилиш учун ундан кўкрагини тўсса, унинг учун юзлаб боғ йўлини очган бўлади.
Чунки у кўкрак, у заиф гўдак учун минглаб неъмат, минглаб дастурхон ва минглаб нонларга парда бўлган эди.
Шундай экан бизнинг асл ҳаётимиз, "кўкрак" дан чиқарилишга боғлиқдир.
Эй солик!
Сен бу нарсага секин-аста ҳаракат қилавер. Хулосаи калом шудир...
Ҳазрати Мавлоно Жалолиддин Румий қуддиса сирруҳу
@TabreziyRumiy
Кел, самога сиғмаган ишқ сафари сени кутмоқда…


Меҳрибон Роббимиз, руҳимизни илоҳий дастурхонлар атрофида ризқланишини насиб этсин!
Жисмоний озуқаларимизни, руҳоний озуқаларга табдил айласин!

20 ta oxirgi post ko‘rsatilgan.