Sulton Nizomiddin oʻgʻli

Notabiiy narsalar yeyaversang, tabiiylari mazasini sezmay qolasan. Bo'yangan odamlarni ko'ravergandan keyin oddiylar yoqmay qolgani kabi.

© Aziz Rahimov.

Kitob yozish osonlashib, hamma kitob chiqaryapti.

Mana shuncha bemaza kitoblar chiqishi oʻrniga oʻsha daraxt oʻrnida tursa yaxshi emasmidi?

Pul uchun yozilgan kitoblar koʻpi. Shunchaki vaqt oladi.

Mana nima uchun muallifga qarab tanlash kerak kitobni.
t.me/sulton_orinboyev

Sen majburiyatingni qil, uyogʻini oʻylama.

Talabamisan, talaba boʻl, uyogʻini nima qilasan.

Majburiyating uzr soʻrashmi, borib soʻra. Uni nima deb oʻylashi muhimmi yoki sening majburiyating.

Doʻstlikni saqlash majburiyat deb, soatlab varaqlab oʻtirish qanaqasiga majburiyat boʻlsin.

Muammoimiz ham shunda-da(majburiyati qilmaslikda)


Hazrati Umarni uxlayotganida kelib "dunyoni adolatga toʻldirib, oʻzing maza qilib uxlayapsanmi" - degan edi Rum elchisi .

U kishi majburiyatini qoyillatib qoʻydi, boʻldi.

P.S:
Aslida keng mavzu (juda).


https://t.me/sulton_orinboyev

It kibi chun pastlig‘im chog‘ladim,
O‘zni biyiklar ipiga bog‘ladim.

Bo‘lsa alar ozimi dashti adam,
Man ham o‘lay soya kibi hamqadam.

Kahfi baqo ichra alar bo‘lsa gum,
Man ham o‘lay «robi'uhum kalbuhum.

Mir Alisher Navoiy.

Tushunish uchun qancha vaqt kerak bo'larkin.

Ruhlantiraylik...

Mana shu kanalni ochganimga sabab boʻlgan inson menga yana mativatsiya berdi.

Blog yuritish haqida "Blog yuritish oson, lekin foydasi katta" dedilar.

Xuddi shunday, odam qilayotgan ishini mashhur, ilmli odamlardan tasdigʻini topsa gʻayrati yanada joʻshar ekan.

Oʻziz bir oʻylab koʻring, bozordan bir gul oldingiz, bilmaysiz qanaqa gul u, shunchaki oldingiz tamom. Lekin bir kuni qarasangiz televizorda rosa maqtayapdida shuni. E bu gul falondaqa, bunaqa, munaqa deb
maqtasa-a, qanaqa maza qilasiz.

Bitta xulosa chiqarsak bundan:

Yosh bolalarga oʻzi qilayotgan yaxshi ishida ularni ruhlantiraylik.

Deylik, oʻzidan oʻzi bir kitob oʻqib boshladi. Uni albatta ruhlantirish kerak, oʻzini tilida. Chunki u oʻzi yoqtirib boshladi, tushunyapsizmi. Hech kim qil demadi unga. Lekin, ishoning juda ruhlanib ketadi.

(Menga ham hech kim blog
yurit deb aytmagan, shunchaki oʻqiganman)

P.S:
Ana shu oʻz-oʻzidan bir ishni boshlashi uchun ham boshida bir turtki boʻladi yoki eng boshida bir sabab turadi.
Oʻsha sababni rivojlantirish darkor.


© Sulton Nizomiddin oʻgʻli

Bilaman yaxshi gapirsam yoqmaydi.

Balki, yoqsa yoqmasa farqi yoʻqdir senga.

Gaplarim qizigʻi yoʻqdir balki.

Oʻzingnikini ustun qoʻyasan, bilaman.

Ammo, sen bilan men yaqin insonlar ekanligimizni unutmasang, aralashib qolsak ham yaqinligimiz bizni yana yarashtirsa-a, qanday yaxshi.

Men seni yaxshi koʻraman, qadrdonim.

Eh qoʻy bu uzoqlikni. Koʻngil yaqin boʻlsin, shuni oʻzi yetar.

Har kun muammo eshik qosayam baribir seni yaxshi koʻrganim gʻolib kelsin hammasidan.

P.S:
Zerikkanda yozilgan soʻzlar turkumidan


© Sulton Nizomiddin oʻgʻli

Ko'p fikrlar yolg'izlikda keladi. Yomon ham yaxshi ham.

Shu fikrlardan biri bugun kallaga urib qoldi deng.

Menda, balki sizlarda ham bo'lsa kerak, rejalashtirilgan ishni qilmaslik yoki oxiriga yetkazmaslik.

Kimdir sizga 1 buqani yeding desa ishonasizmi. Men 10ta desa ham ishonaman. Chunki siz uni bo'lib yegansiz. Balki 1 yilda balki 2 balki 10, balki undan ham ko'proqdir, har oyda 5-10 kg dan (uzur-u, ichimizda go'sht yeyolmaydiganlar ham bo'lishi mumkin).

Shunga ko'ra haftalik rejani kunlikka, kunlik rejadagi ishlarni hajmiga, vaqtiga qarab taqsimlash kerak.

Enda o'sha rejalangan ishni, misol uchun, bugun yapon tilini darsini qilaman dedingiz. Xo'p, qaraysiz, qaysi-qaysi vazifalarni bajarish kerak. Masalan menda grammatika darsi uchun videodars va so'z yodlash vazifasi turibdi. Agar bu vazifa 2-3 soatlik bo'lsa buni qismlarga bo'laman.

Chunki odam 3 soat dars qilamanmi deb qiyinligini ko'rib qo'rqib, yarim yo'lda tashlab qo'yadi. Agar sodda qismlarga ajratganda birinchisini 20 daqiqada qilib bo'lsa keyingisini qilishga intiladi, oson ekan-u deb.

Xulosa:
Ko'p vaqt oladigan ishlarni olamiz va mayda, qilishga oson bo'limlarga ajratamiz. Va bajaramiz. Bo'ldi

(Men oldin faqat katta maqsadlarda shunday qilish kerak deb o'ylardim buni. Aslida kunlik ishlarda ishlatsa ham zo'r ishlaydiganga o'xshaydi.)

Buni xohlagan katta ishlarga sinash mumkin. uy ishlaridami yoki boshqami farqi yo'q. Muhimi reja bo'lishi kerak. Agar reja bo'lmasa goh uni goh buni qilib yoki qaysi ish tugadiyu qaysinisi qoldi bilolmasdan, birortasini tugata olmasdan kun o'tishi mumkin.

U-hhh charchadim yozib.

Sulton Nizomiddin o'g'li

E-hee qancha odamlar u nur sochib turgan "quyosh"ni puflab o'chirishmoqchi bo'lishdi. "Quyosh"ni puflashdi, uni bulut yopib nur sochmay qo'yganda xursand bo'lishdi. Quyosh endi chiqmaysa kerak deb o'ylgan bo'lsalar ham kerak. Vaqti kelib bulutlar tarqab ketdi quyosh o'z nurini sochaverdi. Anavilar va ularga o'xshaganlar doim bo'lgan va bundan keyin ham bo'ladi. "Quyosh"ni ko'rib turib kerak emas deydiganlarni nima deyish mumkin endi. Ha mayli...

P.S:
Bu shunchaki bir o'xshatish edi.

Doimo quyoshga o'xshab ochilib yuring do'stlar.

Sulton Nizomiddin o'g'li

Shu kanalimga yaxshi bir post yozaman deb kirsam boshqa xabarlarga chalg'ib o'sha yaxshi gapni kayfiyati yo'qoladi-da. Bo'lmasam zo'r-zo'r gaplar yozish uchun kiraman o'zi. Bir ilojini qilish kerak.

Tuygʻularing qanaqa boʻlmasin hammasini oshkor etma.

Men shu qarorga keldim.

Sabablari koʻp.

Asosiylari:
- Sen muammolaringni aytayotgan odam baribir sen his qilgan dardni his qila olmaydi. Sen esa unga dardingni his qildirishni xohlaysan.

- Sen qiynalayotganing kabi u ham seni muammoyingni koʻrib qiynalishini xohlaysan. Kamida, oʻzingni kayfiyating buzilganidek, unikini ham buzasan.



Xullas, bilmadim qanaqadir shunaqa gaplar.

Men ham hissiyotga berilmayda gapni tugatay.

P.S:
Gap faqat hissiyot haqida edi. Muammoyingni boshqa odam bilan hal qilish kerak boʻlsa, shunchaki hissiyotga berilma. Kallani bir joyga qoʻy. Sabab dalillarni keltir va hal qil.

Oson kechmaydi bilaman.

Hayot muammo bilan boʼladi.

©Sulton Nizomiddin oʻgʻli

2 yildan beri:
- Hech qanday ish bo'lmagan kunni kutib yashayman
- Ertaga hammasi yaxshi bo'ladi deb yashayapman
- Qiyinidan qochib osoni tomon intilaman.

Hayot shunaqami?
Yo'q, sen shunday ko'rasan xolos.

#kitob_tahlili

Uzoq tanaffusdan so'ng yana bir kitob o'qib tugatildi.

Kitob nima haqida ekanligi nomidan ma'lum.

Hammamiz bilishimiz kerak bo'lgan Islom osmonidagi yulduzlardan 101tasi va eng mashhurlari keltirilgan bu kitobdan haligacha bilmaganim sahobalarni bilib oldim.

Bu kitob qisqa va lo'nda ma'lumotlar bilan yozilgan. Shuning uchunmi bitta bobini o'qisam keyingisiga o'tgim kelaverdi va zerikmadim.

Har birlari o'zlariga xos bo'lgan xislatlari va amallari bilan Payg'ambarimiz(sollallohu alayhi va sallam)ni maqtovlariga, sabab bo'lgan sahobiylardan juda-juda ko'p ibrat olish mumkin.

O'qish kerak, tariximiz qanaqaligini bilishimiz kerak do'stlar.

P.S:
Kitobda xatolik ketgan joylari bor. Shunisi sal minus tomoni.

Bir vaqtda bir nechta kitob o'qiyotganim uchun sekinlik bor #kitob_tahlili da.

Shu o'rinda eslatma: O'qigan kitobimni quruq maqtanish uchun post qilib yozyotganim yo'q. Bundagi birinchi maqsadim bu — kuzatuvchilar ham o'qishligi.

P.S:
Hurmatli kuzatuvchilar hali oldinda qiziqarli kitoblarni tahlil qilamiz, bizdan uzoqlashmang, kitob tahlili dasturi bo'yicha klaviaturada Sulton Nizomiddin o'g'li bo'ldi. Keyingi dasturlarda uchrashguncha xayr salomat bo'ling.

Soʻzlarga ehtiyot boʻlish kerak.

Kim uchundir bir voqeani oilasiga aytish juda qiyin boʻlishi mumkin. Ammo, oʻsha odam menga oʻshani aytsa "shuniyam aytmaysanmi" deyishim mumkin.

Chunki men u emasman. Mening hayotimda bu ish oddiy hol boʻlishi, unikida esa juda qiyin boʻlishi mumkin.

Doʻstlar, birovni hayotini oʻzimiznikiga oʻxshatamiz. Eʼtibor bilan qarasak har kuni shu ishni qilamiz.

Yana bir oddiy misol, kimgadir biron narsani tushuntirishda u tushunmasa " shuniyam tushunmaysanmi-a?" kabi gap bilan uni kayfiyatini tushiramiz. Koʻp uchragan-a hammada.

Mening nazarimda eng bemaʼni gaplardan biri. Sababi ikkinchi bandda aytildi.

Soʻzlarga eʼtibor beraylik, soʻzlarga.

Kimgadir qiyin, kimgadir oson. Muhimi bir-birimizni tushunish.

©Sulton Nizomiddin oʻgʻli

Saviyali boʻlish kerak

Odatda biron hodisaga fikr bildirishda koʻpchilik hissiyotga ergashadi. Koʻp xatolar shuni orqasidan keladi.

Misol uchun, kimdir bir muammoni aytib chiqib koʻpchilikni taʼsirlantirib yuboradi. Oʻsha odamni koʻrgan yoki eshitgan odamlar shunchalik taʼsirlanganidan uni haq deb bilishadi va u tanqid qilayotgan tomonni yomon koʻrib qolishadi.

Men bildimki mana shunaqa kimdir kimnidir ayblab, obroʻsini toʻkadigan soʻzlar gapirib chiqsa hissiyotga berilmasdan har tomonlama eshitish kerak.

Yana bir misol, ikki kishi tortishib qolib ish sudga koʻtarilsa ikkalasini ham dardi eshitiladi. Birinchisi baqirib, yigʻlab hammani taʼsirlantirsa ikkinchisi eshitilmay qolinmaydi. Bu bir oʻxshatish edi.

Har tomonlama koʻrib bilgandan soʻng ham ehtiyot boʻlish kerak.

Xullas hamma tomonlama toʻgʻri qabul qilib toʻgʻri qaror qabul qilish uchun yuqori saviya kerak. Yuqori saviyaga esa yuqori saviyada yozilgan kitoblarni oʻqib erishish mumkin.

Shunaqa gaplar. Doʻstlar hamma narsaga ham hissiyotga berilmaylik. Bizni ular hissiyotga berilib xato qilishimizni kutishadi.

(Hammasi shaxsiy fikrlar)

©Sulton Nizomiddin oʻgʻli

• Misol keltira olish qobiliyati tengsiz qobiliyat. Chunki, gapiruvchi gapirayotgan gapini hayotdagi misollar bilan koʻrsata olmasa eshituvchi gapni tushunishi qiyin kechadi.

• Baʼzilar hazil bilan kuldirib, baʼzilar chindan ham oʻylantiradigan falsafiy misollar keltirib tushuntiradi. Maqsad eshituvchini tushunishi.

• Eshituvchida qanchalik koʻp savol paydo boʻlsa demak shuncha oʻrgangisi kelyapti va oʻrganyapti.

• Nimaga baʼzi oʻqituvchilarni gapirayotgan gapini tushunamiz baʼzilarni yoʻq. Oʻqituvchi qanchalik oʻquvchini tushunish darajasiga tushsa shuncha oʻquvchi yaxshi tushunadi.

Xullas, kitob oʻqing va gapirib bering.

©Sulton Nizomiddin oʻgʻli