Продам твой канал за сутки.

Любой по федеральной программе.

Продам канал с доходом 138090

Всего за 55 000. Срочно нужны деньги.

Telegram Analytics

TGStat хизмати янгиликларидан бохабар бўлиш учун обуна бўл!

Statistika Saralanganlar

Soliyev

Kanal geosi va tili: O‘zbekiston, O‘zbekcha

Toifa: Bloglar

Shunchaki fikrlar, iqtiboslar, motivatsiyalar va tavsiyalar. Yozganlarim oʻzim uchun toʻgʻri
Introvert, moslashuvchan, dangasa.
Kanalga kam yozaman, hayotda boshqa ishlarim ham bor)
@soliyev_live – “ramka”dan tashqari

Связанные каналы

Kanal geosi va tili

O‘zbekiston, O‘zbekcha

Toifa

Bloglar

Statistika

Postlar filtri

O‘chirilganlarni yashirish

Repostlarni yashirish

Soliyev

5 Feb, 17:45

Xizmatchiga qobiliyatidan past maosh tayinlash yoki ishchiga mahoratiga yarasha haq bermaslik dindan emasdir! Garchi bu ikki tomonning qat’iy kelishuvi asosida yuzaga kelgan bo‘lsa ham. Chunki nochorning xohishida hurriyat tanqis bo‘ladi. Uning zohiriy roziligi, boshqa yo‘li bo‘lmagan muhtojning itoatidir.

Beriladigan maosh qilingan mehnatga yarasha bo‘lishi vojib. Alloh taolo: "Odamlarning narsalarini kamaytirib bermang. Yer yuzida turli buzg‘unchiliklar qilmanglar", deydi. (Shuaro surasi, 183).

Shayx Muhammad Gʻazzoliy
Al-Azhar universiteti, Misr
(1917-1996)

@soliyev

166 1 2 7 3

Soliyev

2 Feb, 08:09

Tarix davomida korrupsiya va sifatsiz ta’lim tizimiga ega bo‘lgan hukumatlar birdamlik tuyg‘usini yaratish uchun ko‘pincha milliy ramzlardan foydalanishgan.

Sobiq Sovet Ittifoqining oxirgi yillarida keng tarqalgan korrupsiya, barbod bo‘lgan ta’lim tizimi va ommaviy immigratsiya sababli ko‘plab yoshlar umidsizlikka tushib qoladi. Ushbu qiyinchiliklarga qaramay, hukumat milliy libosni targ‘ib qilish kabi chora-tadbirlar orqali milliy o‘ziga xoslikka intiladi. Biroq, bu metod ko‘pincha teskari natija beradi, chunki odamlar buni dolzarbroq muammolardan chalg‘itishga urinish deb bilishgan.

Bugungi kunda shunga o‘xshash tendensiyalar ba’zi mamlakatlarda ham kuzatilmoqda, fuqarolar esa iqtisodiy va ta’lim sohasidagi muammolar bilan kurashishmoqda.

© Azamat Akbar

@soliyev

221 1 1 1 6

Soliyev

29 Jan, 15:06

Hozir biz 2000-yilga nisbatan 2050-yilga yaqinroqmiz. Umr qanchalik tez o'tayotganini shundan tasavvur qilavering...

146 0 0 4

Soliyev

27 Jan, 22:50

Bugun kichik bir bayram. Bu kanalni endi boshlagan vaqtimiz umid bor edi, lekin 2 yildan kamroq vaqtda 100 ming obunachiga ega bo'lasan deyishsa ishonmasdim.

Hozircha aytishga arzigulik foyda topmadik. Lekin yuqorida aytganimdek, umid bor.

Kim bilsin, bu kanal haqidagi keyingi postimda "kimdir shu kanal ortidan «pochkalab» $ topasan desa ishonmasdim, hozir erishdim" deb yozarman.

Aybga buyurmaysiz, tunda xayolparastlik darajam sal oshib ketadi)

Mayli, nima bo‘lsayam xayrli bo‘lsin. Biz shunga rozimiz.

Mabodo haliyam obuna bo‘lmaganlar bo‘lsa, mana bu havola orqali kirib "podpiska" bo'lib qo'ying. Sizdan deyarli hech narsa ketmaydi. Jamoa esa cheksiz xursand bo'ladi.

Sog‘ bo‘laslar...

248 1 1 16 5

Soliyev

11 Jan, 08:06

O‘rganish oson, o‘rgatish qiyin

Ingliz tilini o‘rganib yurgan vaqtlarimda ustozlarim va ayrim tanishlarim tilni o‘rganishning eng samarali usuli bilganlaringni kimgadir o‘rgatish ekanini aytishardi.

Bunga shubha qilmaganman, lekin deyarli amalda sinab ham ko‘rmaganman.

Hozir jurnalistika bo‘yicha ishlayman. Bu sohada bir qancha ustozlarim bor. Har biridan nimanidir o‘rganganman.

Taqdir taqozosi bilan endi shu sohada kimlargadir bilganlarimni o‘rgatishga to‘g‘ri kelib qoldi. Bir necha kishiga bilganimcha o‘rgatdim, kimgadir hozir o‘rgatyapman.

Shu jarayonda anglaganim shu bo‘ldi — o‘rgatish o‘rganishdan ko‘ra qiyinroq.

Shaxsiy xulosamga ko‘ra, biz o‘rganish jarayonida ustozimiz bergan bilimni istaganimizcha o‘rganamiz. Xohlasak hammasini, xohlasak bir qismini va hokazo.

O‘rgatuvchi esa o‘zida bor hamma bilimni ulashsa ham, o‘rganuvchi uni qabul qila olmasligi, buni xohlamasligi yoki qo‘lidan kelmasligi mumkin. Va bu o‘rgatuvchini ancha qiynaydi.

Shuning uchun ustozlarga nisbatan oldingi yuksak hurmatim yanada mustahkamlanyapti. Har bir ustozga tom ma'noda haykal qo‘yilsa arziydi.

Yozganlarim erish tuyulsa, sizning sohangizdan umuman yiroqda bo‘lgan insonni yoningizga olib bir hafta o‘z bilimlaringizni o‘rgatib ko‘ring.

Keyin shu post ostiga "To‘g‘ri aytgan ekansan" deb yozib ketishingizga imonim komil)

@soliyev

287 1 1 5 2

Soliyev

8 Jan, 19:00

Qo‘qonda, Marg‘ilonda, umuman vodiyning ayrim joylarida hurmat yuzasidan -lar qo‘shimchasi ishlatiladi.

Dadamlar aytishdi, ustoz keldilar, xo‘jayin aytdilar va hokazo.

O‘zbekiston milliy axborot agentligi (O‘zA) montajchilari ham o‘zimizdan shekilli. Inspektorni azbaroyi hurmat qilganlaridan "inspektorlari" deb yozishibdi.

Nimayam deymiz, ajoyib)

@soliyev

276 1 2 13

Soliyev

15 Nov 2024, 21:55

Isteʼdodni muvaffaqiyatga aylantiradigan narsa — xarakter!

Atrofimizda turli qobiliyatga ega insonlarni koʻramiz: kimdir yaxshi boshqaruvchi, kimdir oson oʻrganuvchi, kimdir boshqalarda uchramaydigan ustunliklarga ega. Lekin bir narsani unutmaslik kerak: isteʼdod — xaraktersiz bir tiyinga ham arzimaydi.

Isteʼdod — faqat yoʻlning boshi
Tabiiy isteʼdod insonga yaxshi start beradi, lekin u yoʻlning faqat boshlangʻich nuqtasi. Hayotda muvaffaqiyatga erishish uchun xarakter va ijobiy ishtiyoq kerak. Tartibli ishlash, sabr va mehnatsiz hatto eng isteʼdodli inson ham oʻz salohiyatini toʻliq roʻyobga chiqara olmaydi.

Xarakter nimani anglatadi?
Xarakter — bu:
• Maqsad sari qatʼiylik bilan harakat qilish.
• Ishlash va oʻrganish jarayonida tinimsiz mehnat qilish.
• Turli darajadagi muvaffaqiyatsizliklarga qarshi kurashish.
• Intizom va masʼuliyatni his qilish.

Xarakterli inson qiyin pallalarda ham oʻzini yoʻqotmaydi, yaqinlari, oilasi, doʻstlari va jamoasi uchun hamma narsani qiladi.

Hayotda haqiqiy muvaffaqiyatga erishish uchun isteʼdod yetarli emas. Xaraktersiz inson — hayotda oʻzini yoʻqotadi. Agar siz haqiqiy muvaffaqiyatga erishishni istasangiz, nafaqat isteʼdodni, balki xarakteringizni ham rivojlantiring!

Bolalar futboli murabbiyining futbol haqidagi postidan olinib, oʻzgartirishlar kiritildi.

@soliyev

454 1 2 3

Soliyev

13 Nov 2024, 09:11

00:35

Video oldindan ko‘rish uchun mavjud emas

Telegram'da ko‘rish

Men doim harakat qilganman...

Dadam san’atkor bo‘lishimni xohlaganlar. Shuning uchun 5 yil musiqa maktabida o‘qidim (2010—2015). Lekin mendan musiqachi yoki xonanda chiqmadi. O‘zim ham xohlaganman, harakat qilganman, lekin rizqim bu sohada emas ekan.

Davlat organida ishlash xohishi paydo bo‘lgan. Ayrim o‘qituvchilarimning qarshiliklariga qaramay Yuridik kollejda o‘qidim. Uch yil davomida qonun nima, jinoyat nima, sudda qanday jarayon bo‘ladi, prokuror nima ish qiladi va hokazo huquqiy bilimlarni o‘rgandim (2016—2019). Lekin mendan yurist chiqmadi. Xohishim o‘zgardi. Chunki taqdirimda yuristlik yozilmagan chog‘i. Harakat qildim, intildim, lekin baribir boshqa yo‘ldan ketdim.

Dasturchilikka qiziqdim. Java dasturlash tilidan dastlabki darslarni o‘qidim (2019). Lekin dasturchi bo‘lmadim. Harakatim, xohishim kamlik qildi. Menda dasturchilik uchun qobiliyat yo‘q edi.

Tarjimon bo‘laman dedim. Oliy o‘quv yurtida ingliz tili tarjimonligi uchun o‘qidim (2020—2024). Lekin hali tarjimon sifatida nimadir ish qilmadim. Mayda maqolalarning tarjimasidan bo‘lak ko‘rsata oladigan ishim yo‘q. Harakat qildim, qilyapman, lekin bu sohada nimagadir erishmadim.

Jurnalistikaga qiziqdim. Yozish yoqardi. Yaxshi yozishga harakat qildim. Hech qayerda o‘qimadim. To‘qson foiz bilimni yo kimdandir, qayerdandir ko‘rib yoki o‘zimcha sinab ko‘rib o‘rgandim. Juda qattiq bo‘lmasa ham, harakat qildim. Hozir shu sohada rizqimni topyapman.

Albatta, niyat xolis bo‘lsa O‘zi yetkazadi. Harakat qilinsa bas. Lekin doim ham bunday bo‘lavermaydi. Chunki inson o‘zligini topishi kerak. Aynan uning qonida, qalbida, ruhida, taqdirida bor bo‘lgan sohaga qadam qo‘ysa, shundan yaxshi rizq keladi.

Harakat yetarli emas. Men o‘n yil kinoda rol o‘ynashga, qo‘shiq aytishga harakat qilishim mumkin. Lekin bu jarayon umrimning oxirigacha davom etsa ham, qo‘lidan hech ish kelmaydigan, "bir tiyinga qimmat" aktyor yoki xonanda bo‘laman xolos.

Lekin rizqim qo‘shilgan, o‘zim chin qalbdan qiziqqan, potensialim bor sohada harakat qilsam, natijaga erishaman. Chunki Yaratgan menga shu soha uchun salohiyat bergan.

Xulosa shu: niyat qiling, harakat qiling, agar shu soha taqdiringiz bo‘lsa, rizqingiz kechikmaydi. Hammaning iste’dodi bor. Faqat zo‘r she’r yozadigan odam iste’dodini ovqat pishirishga sarflamasligi kerak.

@soliyev

1.6k 2 10 9 5

Soliyev

3 Nov 2024, 13:48

Yakshanba uchun tavsiya. Yaxshi yumorni qo'llab-quvvatlash uchun videoni ko'rinshingizni tavsiya qilaman.

https://youtu.be/v0kqHzeUmyE?si=sPZt7tWwiJYANn5R

ABDURAHIM MANSUROV | "34" NOMLI STAND-UP KONSERTI

Sizlarga Sahna stand-up club rezidenti Abdurahim Mansurov - "34" nomli Stand-up konsert dasturini taqdim etadi. Donat uchun https://tirikchilik.uz/unaqamasde Instagram/twitterda @unaqamasde Reklama va hamkorlik uchun: +998955450303 Hamma tadbirlarga chiptalar: https://www.t.me/sahnastandup_bot S...

214 0 1 1 4

Soliyev

23 Oct 2024, 21:23

Har qanday farzand uchun eng kuchli erkak uning otasi, eng go‘zal ayol esa onasi bo‘ladi.

Jurnalistika darg'alaridan biri, ustoz Qahramon aka Aslanov bugun X ijtimoiy tarmog‘idagi sahifasiga shu ekran suratlarini joyladi.

Aytilishicha, bu Qahramon akaning tug‘ilgan kunlariga tabrik sifatida qizlaridan kelgan xabar ekan.

O‘qiyotib negadir etib jimirladi. Bir hamkasbim yozganidek, qalami o‘tkir otaning qizi ham o‘z fikrlarini chiroyli ifoda etibdi.

Biz shundaymiz — yaxshi ko'rgan insonlarimiz bilan maroqli suhbat qurish uchun ular qiziqadigan filmlarni tomosha qilamiz, ular o'qigan kitoblarni o'qiymiz, ular tinglagan musiqani eshitamiz.

Alaloqibat, biz o'sha insonning "kloniga" aylanamiz. U kabi fikrlab, u kabi o'tirib, yurib, so'zlaymiz.

Farzandga esa otangga o'xshabsan, onangga o'xshabsan degan ta'rifdan ortiqroq maqtov yo'q...

Otalarimiz, onalarimiz doim salomat bo‘lishsin!

@soliyev

378 1 3 7

Soliyev

2 Oct 2024, 11:20

Rasmdagi holat to'g'risidagi xabarlarni o'qib hayron bo'lyapman. Bu Germaniyadagi "Signal Iduna Park" stadionidagi holat.

Kecha ushbu stadionda mezbonlar "Borussiya" Dortmund Shotlandiyaning "Seltik" jamoasiga qarshi bahs olib bordi.

Muxlislar esa rasmda ko'rib turganingizdek "UEFA MAFIYA, siz sport haqida qayg’urmaysiz — sizni faqat pul qiziqtiradi!" mazmunidagi yozuvni ko'rsatishgan.

Post boshida aytganimdek, bunga hayron bo'ldim. Muxlislarning bunaqa siyosiy, norozi, tanqidiy ruhdagi bannerlar ko'tarishiga nazoratchilar jim qarab turgani g'alati.

"Nima qivossan, yig'ishtir karamsho'rvangni" demadimikan? Hech bo'lmasa yaxshi muomala bilan "Akalar, tinchgina futbolni ko'ringlar, nima qilasizlar siyosatga aralashib" deydigan melisa topilmadimikan?

Bu Ovro'po, G'arb deganlari ja qiziq joylarda...

Tasavvur qiling, Dortmunddan qolishmaydigan o'zimizni Andijon muxlislari O‘FA, PFL yoki OFK haqida shunaqa banner ko'tarib chiqishsa...

473 1 3 9 5

Soliyev

24 Sep 2024, 10:45

Milliy kreativlik namunasi 😁

Izoh sizdan

@soliyev

262 0 0 1 3

Soliyev

22 Sep 2024, 14:38

Doim energiya taqsimotida muammoga ega bo'lganman.

Bo'sh vaqtim ko'p bo'ladi, lekin na bu kanalga yozaman, na boshqa foydali ish qilaman.

Energiyamni keraksiz ishlarga sarflamayman, lekin baribir kanalga yozmayotganim, yangi til va birorta zamonaviy kasb o‘rganmayotganimga asabiylashib ketaman.

Bunaqa paytda, ayniqsa, yakshanba kuni mazza qilib kuladigan shou, stendap yoki nimadir ko‘rvorish kerak. Chunki kayfiyat siz qilayotgan ishga ta'sirini o'tkazadi.

O'zbek stendapida (balki dunyoda ham) bunaqasini ko'rmagansiz yoki kam ko'rasiz. Harqalay men uchun birinchisi bo'ldi. Qiziq yo'nalish — "Tarixiy stendap"

To'g'risi, bir hafta oldin bevosita zaldan ko'rishga borolmaganimga afsuslandim. Zo'r chiqibdi.

Ayniqsa, oxirgi dolzarb mavzulardan biri — InBazar haqida ham qiyqiriq hazil qilishibdi.

O'zbek stendapida Mirshakar Fayzulloyev va uning hamtovoqlari) hukmronligi davrida EKG jamoasining yashab qolishi, keyingi konsertlari uchun motivatsiya olishi va bunaqa saviyali yumorga boy loyihalar davomli bo‘lishi uchun YouTube kanallariga obuna bo'ling, layk bosing, sharh yozing va mana shu postni tarqatib yuboring.

Bundan sizga foyda yo'qdir lekin kimgadir bor. Kimningdir foydasi uchun harakat qilish esa insoniylik belgisi)

Mazza qiling: https://youtu.be/gVQ7EcpG-fQ?si=bGK5LP_4VuUh0DJu

TARIXIY STANDUP - Chingizxon, Mendeleyev, Pushkin, Gandi, Bethoven | EKG

EKG kanaliga obuna bo'ling: https://www.youtube.com/channel/UCUt8PnnpL5b8WpbfuDcWloA EKG TARIXIY STAND UP ishtirokchilari: Abbos Serobov https://www.instagram.com/seroboff/ Azimbek Xushmamatov https://www.instagram.com/azimbekxushmamatov/ Janon Urazov https://www.instagram.com/_janontv Azizjon Ka...

452 1 5 5

Soliyev

19 Sep 2024, 10:16

– O‘qish yetarli emas, uqish kerak;
– Istash yetarli emas, bajarish kerak.

© Bryus Li

414 1 4 5 12

Soliyev

27 Aug 2024, 09:51

U bo'ldi, bu bo'ldi — Farg'onada yangi tuman paydo bo'ldi!

Harqalay ommaviy axborot vositalarida tarqalgan xabarlardan shunaqa xulosaga keldim. Farg'onada Shox degan tuman tashkil qilinganidan bexabar qolib ketibman. Zamondan ortda qolayotganim alam qildi)

Jiddiylashadigan bo'lsak, 50 mingdan ortiq obunachiga ega, respublika miqyosida faoliyat yuritadigan Bugun.uz sayti Farg'onada Shox degan tuman yo'qligini bilmaydigan ko'rinadi.

Boshqa bir ommaviy axborot vositasi, asosan rusiyzabon kuzatuvchilar uchun ishlaydigan Nova24.uz ham "Шохском районе" deb yangilik "kashf qilgan".

Bulardan kelib chiqqan qo'shni Qozog'iston OAVlari ham voqeaning Shox tumanida sodir bo'lganini yozgan.

Yanada achinarlisi, "sariq matbuot" tizimida faoliyat yuritadigan ayrim telegram kanallarda Shox emas So'x tumani deb berilgan.

Ha, biz saviyasiz deydigan "sariq kanallar" savodliroq, Prezident huzuridagi Axborot va ommaviy kommunikatsiyalar agentligi qo'shqo'llab guvohnoma bergan rasmiy ommaviy axborot vositasi esa savodsizdek go'yo.

Imloviy, orfografik xato bo'lib turadi hammada. Lekin butun boshli tuman nomida adashish bu darajadagi ommaviy axborot vositasiga yarashmaydi deb hisoblayman.

Skrinshotlar bu yerda

UPD: Bugun.uz tahrirlabdi.

@soliyev

570 1 4 5 2

Soliyev

26 Aug 2024, 08:10

00:58

Video oldindan ko‘rish uchun mavjud emas

Telegram'da ko‘rish

Keyingi choyxonani Marsda qilsak nima deysizlar?)

594 2 2 3 6

Soliyev

19 Aug 2024, 12:00

Men bir oyda bitta kitob o‘qimasligim mumkin. Lekin bir oyda 2 marta sartaroshga boraman.

Chunki maktabda men kitob o‘qimaganim uchun emas, sochimni oldirmaganim uchun kaltak yeganman.

© Abbos Serobov

@soliyev

684 1 4 3 10

Soliyev

18 Aug 2024, 16:19

Hurmatga erishishning birinchi omili bu odob! Sizning axloqingiz darajangizni belgilaydi.

Siz mamlakatdagi yirik tadbirkorlardan biri bo‘lsangiz-u, odobingiz bo'lmasa, millionlagan pullaringizga ham hurmat sotib ololmaysiz. (#)

Namunali axloqingiz, salobatingiz bo'lsa har qanday davrada sizga hurmat bilan, "sizlab" munosabatda bo'lishadi.

"Kiyimiga qarab kutib oladilar, gap-so‘ziga [odobiga] qarab kuzatib qo‘yadilar" degan gap ayni haqiqat.

Ehtimol kimlardir boshmog'ingizning tozaligi, soch turmagingiz, egningizdagi kiyim brendiga qarab muomala qilar. Ammo axloqning qadrini bilgan insonlar baribir hurmatingizni joyiga qo'yishadi.

Odobning esa bir qancha qoidalari bor. Eng boshlang'ich qismi avval salom berish, suhbatdoshni tinglash, noto'g'ri fikr eshitganda birdan reaksiya bildirib bahslashmaslik va hokazolardan iborat.

O'zimni odobli deb hisoblamasdim, lekin jamiyatdagi, atrofimdagi bir qancha axloqi kam ta'minlangan kishilarni ko'rib unchalik ham yomon emas ekanman degan fikr keldi.

Aytgancha, odob-axloqni ba'zi o'rinlarda farosat deyish ham mumkin bo'ladi. Istasangiz postdagi odob va axloq so'zlarining o'rniga farosat so'zini qo'yib qaytadan o'qing.

Mazmun deyarli o'zgarmaydi.

@soliyev

410 1 2 9

Soliyev

17 Aug 2024, 13:45

Talaba bo'lganlarni tabriklayman. Omadi kelmay qolganlar esa xafa bo'lmang, nasib qilsa keyingi yil kirasiz.

Mana shu gap go'yoki odamga mas'uliyat yuklagandek tuyuladi.

Bu yil kirolmadingmi, keyingi yil kirasan, undayam kirolmasang keyingi yili yana topshirasan va hokazo davom etaveradimi bu?

To'g'ri, universitet kerak, o'qigan odam kam bo'lmaydi. Bir hazilda "4 yil o'qib universitetda nima o'rganding?" desa, OTMda o'qish shart emasligini o'rgandim deganlaridek, oliygohda o'qish baribir nimadir foyda beradi.

Lekin judayam oliy maqsad o'laroq qarash xato deb o'ylayman. Ayrimlarda maqsad shu – institutga kirish. Keyin nima bo'ladi, u tanlagan yo'nalishda, o'qishga kirgan universitetida nimani o'rganadi, o'zi ham bilmaydi.

Shuning uchun o'qishga kirolmaslik fojia emas! Mayli, ikkinchi yil ham urinib ko'ring. Lekin universitetga kirolmaslik hayot tugaganini, siz hech narsaga erisholmay qolib ketishingizni anglatmaydi.

Bir parcha diplom, 4 yil umr evaziga erishiladigan marraga boshqa yo'l bilan, mehnat, bilim va intilish bilan ham erishsa bo'ladi...

@soliyev

280 0 1 2 9

Soliyev

13 Aug 2024, 09:11

audio_5684705853_170098986565.ogg

Bir muddat ijtimoiy tarmoqlarning o‘zbek segmentini egallab olgan Chingiz nomli bloger bir qarashda savodsiz, ahmoq odamdek ko‘rinadi.

Shunga qaramay, ayrim gaplari kishini o‘yga toldiradi. Uni o‘ylab gapirganmi, kutilmaganda tiliga kelib qolganmi u boshqa masala.

Men aynan mana shu audiodagi gaplar haqida yozmoqchiman.

Rostdan ham negadir atrofdagi hamma aqllidek ko‘rinadi. Faqat biz (men) "tupoy"dek go‘yo...

Biror muammoni aytsangiz, bir nechta yechimlarni qalashtirib tashlashadi. Lekin bu muammoga hech qachon duch kelmagan, u aytgan yechim biror marta amalga oshmagan bo'lib chiqadi.

Qayerga qaramang, "biznes qilish kerak" deguvchi insonni topasiz. Nahotki biznes boshlash shunchalik oson bo‘lsa, buning uchun ta’lim yoki tajriba zarur bo‘lmasa...

Universitetga topshiryapman desangiz, "foydasi yo'q, umringni bekor sarflama" deyishadi. Lekin 10 ta muvaffaqiyatli kishidan 9 tasi universitetda o'qigan. Bittasi esa boyning bolasi.

Xullas, siz tekin quloq tutsangiz, nasihat qiluvchilar, biror yo'lga boshlovchilar, maslahat beruvchilar topiladi.

Lekin ularning hammasiga amal qilaman desangiz, bu dunyoyingizni boy berib qo‘yishingiz mumkin. Ehtimol u dunyoni ham...

Xulosa nima? O‘zingiz bo‘ling. Maslahat oling, nasihatlarni tinglang, lekin o‘z maqsadingizni tark etmang.

Sizni qo‘llaydigan ham, yo‘lingizdan qaytaradigan ham topiladi. Dunyo aqllilarga to‘la. Lekin hech kim siz uchun harakat qilmaydi.

Mana, yana bitta "aqlli"ning shuncha chalkash fikrlarini o‘qidingiz. Lekin nima o‘zgardi? Biror o‘zgarish yo‘qmi, unda bu uchun yagona javobgar inson sizsiz...

@soliyev

417 2 3 2 7

20 ta oxirgi post ko‘rsatilgan.

155

obunachilar

Kanal statistikasi

Kanalda mashhur

Bugun kichik bir bayram. Bu kanalni endi boshlagan vaqtimiz umid bor edi, lekin 2 yildan kamroq v...

Tarix davomida korrupsiya va sifatsiz ta’lim tizimiga ega bo‘lgan hukumatlar birdamlik tuyg‘usini...

Xizmatchiga qobiliyatidan past maosh tayinlash yoki ishchiga mahoratiga yarasha haq bermaslik din...

Hozir biz 2000-yilga nisbatan 2050-yilga yaqinroqmiz. Umr qanchalik tez o'tayotganini shundan tas...