Салим АЙЮБИЙ (Салоҳиддин Тожиддин ўғли)

Одамлар ифторга шошаётганларини, ошхоналарда жой қолмаётганини, қанча вақт қолганини сўралаётганини, бугун таровиҳга қайси масжидга боришларини маслаҳатлашаётганларини кўриш, томоша қилиш қанчали бахт...

Мен шундан ҳам хурсанд бўлавераман...

Салим АЙЮБИЙ (Салоҳиддин Тожиддин ўғли)

@softabobat

https://t.me/SalimAYYUBIY

Бугун эски бир воқеа эсимга тушди, 1996 йил, биринчи марта мошина олган вақтим бўлганди.

Ангренга, яқин қадрдоним, курсдошим хонадонига мошинада бир нарса юклаб боришимга тўғри келди. У вақтда довон йўли жуда ёмон, тор, тик эди. Биринчи марта ўтишим бўлгани учун дадамиз(Аллоҳ раҳматига олсин) бирга борадиган бўлдилар. Кечки пайт етиб бордик. Жуда яхши кутиб олишди, меҳмондорчилик ҳам ажойиб бўлди. Қоладиган бўлдик. Эртасига эрталаб, бомдоддан кейин нонуштага тайёргарлик бутунлай бошқача бўлиб кетди, катта акалари, яқин қариндошлари келишди, қўй сўйилди, бизга ҳатто ноқулай бўла бошлади. Зиёфат охирида сарполар берилди. Дадамиз "Бизни хижолат қиляпсиз" дедилар. Мезбонимиз кўзларида ёш билан "Дадамиз Раҳматли ойимнинг тушларига кирибдилар(дадалари Қосимхон тўрам исмли машҳур киши бўлиб ўтгандилар), ойимга бу келган киши менинг азиз меҳмоним эди, янаям яхшироқ эътибор беринглар" дебдилар, дедилар...

Бу ерда эрга итоат кўрдик биз, ҳатто, вафот этиб кетган бўлсалар ҳам, марҳумнинг сўзларига аёллари итоат қилгандилар.

**

Аллоҳ барча ўтганларимизни мағфират қилсин, Расулуллоҳ алайҳиссалом шафоатларига насибадор бўлишсин...

Салим АЙЮБИЙ (Салоҳиддин Тожиддин ўғли)

@softabobat

https://t.me/SalimAYYUBIY

(Турк халқининг) Беклари ва халқи номувофиқ бўлгани учун, хитой халқи ҳийлакор ва сохтакор бўлгани учун, алдамчи бўлгани учун, кичик ака ва катта акасини бир-бирига душман қилиб, беки ва халқни бир-бирига қарши қўйгани учун, Турк миллати ўз юртини йўқотиб қўйди, хоқон қилиб тайинлаган хоқонини йўқотиб қўйди.

Бекликка муносиб эркак фарзанд Хитой халқига қул бўлди, хонимликка муносиб қиз фарзанд чўри бўлди.

Турк беклари турк номини ташлади, Хитой беклари каби хитой исмларини олиб, Хитой хоқонига тобе бўлди, эллик йил хизмат қилди.

Шарқда, қуёш чиқишида Бўкли хоқонга қадар юриш қилди, ғарбда Темир дарвозага (Қашқадарёга) қадар юриш қилди.

Хитой хоқони унинг юртини ва анъаналарини тортиб олди.

Турк халқи шундай дер эди:

"Юрти бор миллат эдим, юртим энди қаерда? Ким учун юрт оламан?" дер эди.

"Хоқони бор миллат эдим, хоқоним қаерда? Қайси хоқонга хизмат қилаяпман?" дер эди.

Шундай деб, Хитой хоқонига душман бўлди. Душман бўлди, лекин ўзини тўғри йўлга сола олмагани ва яхши ташкиллашмагани учун яна Хитойга тобе бўлди.

Хитой эса, бу қадар хизматларини инобатга олмасдан:

"Турк халқини қириб ташлайман, унинг илдизини қўпориб ташлайман!" дер эди.

Турк халқи йўқ бўлиш арафасида эди.

__

КУЛ ТЕГИН БИТИГИ
VIII аср

Said Komil sahifasidan


@softabobat

https://t.me/SalimAYYUBIY

Сафардагилар,
Рўза тутаётган, Ибодатдагилар
Мазлумлар
Беморлар
Ночорлар
Таҳажжуддаги, Намоздагилар
Умрадаги, икки Ҳарамдагилар

Дуо қилинг, мусулмонларнинг устиларидаги золимларга Аллоҳ кифоя қилсин.

Сиз дуо қилинг...

Фаластиндаги яҳудийлар, Ироқ, Суриядаги насронийлар, Ҳиндистонда буддистлар, Уйғуристондаги хитойлар шоқолдай ваҳшийлашиб кетди. Дуо қилинг, Аллоҳ кўтарсин, ўзлари билан ўзларини, бири билан бошқаларини овора қилсин.

Сиз дуо қилинг, бизларнинг қалбларимиз қотиб кетди...

Салим АЙЮБИЙ (Салоҳиддин Тожиддин ўғли)

@softabobat

https://t.me/SalimAYYUBIY

عَنْ عَبْدِ اللَّهِ بْنِ شَدَّادٍ، عَنْ أَبِيهِ، قَالَ: "خَرَجَ عَلَيْنَا رَسُولُ اللَّهِ صلى الله عليه وسلم فِي إِحْدَى صَلاَتَىِ الْعِشَاءِ وَهُوَ حَامِلٌ حَسَنًا أَوْ حُسَيْنًا، فَتَقَدَّمَ النَّبِيُّ صلى الله عليه وسلم فَوَضَعَهُ ثُمَّ كَبَّرَ لِلصَّلاَةِ، فَصَلَّى، فَسَجَدَ بَيْنَ ظَهْرَانَيْ صَلاَتِهِ سَجْدَةً أَطَالَهَا، قَالَ أَبِي: فَرَفَعْتُ رَأْسِي، وَإِذَا الصَّبِيُّ عَلَى ظَهْرِ رَسُولِ اللَّهِ صلى الله عليه وسلم وَهُوَ سَاجِدٌ، فَرَجَعْتُ إِلَى سُجُودِي، فَلَمَّا قَضَى رَسُولُ اللَّهِ صلى الله عليه وسلم الصَّلاَةَ قَالَ النَّاسُ: يَا رَسُولَ اللَّهِ، إِنَّكَ سَجَدْتَ بَيْنَ ظَهْرَانَىِ صَلاَتِكَ سَجْدَةً أَطَلْتَهَا، حَتَّى ظَنَنَّا أَنَّهُ قَدْ حَدَثَ أَمْرٌ، أَوْ أَنَّهُ يُوحَى إِلَيْكَ، قَالَ: كُلُّ ذَلِكَ لَمْ يَكُنْ، وَلَكِنَّ ابْنِيَ ارْتَحَلَنِي فَكَرِهْتُ أَنْ أُعَجِّلَهُ حَتَّى يَقْضِيَ حَاجَتَهُ".

Абдуллоҳ ибн Шаддод отасидан ривоят қилади: "Бизга Пайғамбаримиз соллаллоҳу алайҳи васаллам кечки намозлардан бирида чиқдилар ва Ҳасан ёки Ҳусайн(розияллоҳу анҳума)ни кўтариб келдилар. Кейин уларни ерга қўйиб, такбир айтдилар ва намозни бошладилар. Сажда қилганларида сажда вақтлари узоқ давом этди. Отам: 'Мен бошимни кўтардим ва Пайғамбаримиз соллаллоҳу алайҳи васалламнинг елкаларида бола ўтирганини кўрдим. Кейин яна саждага қайтдим' дедилар. Намоз тугагач, саҳобалар: 'Эй Аллоҳнинг Расули, саждангизни жуда узайтириб юбордингиз, бирон ҳодиса юз бердими ёки ваҳий келдими?' деб сўрадилар. Шунда у зот: 'Йўқ, лекин набираларим елкамга чиқиб олдилар ва мен уларни шошилтиргим келмади, қачонки улар ўйинини тугатса, шунда бошимни кўтардим', дедилар".

**

Бизнинг пешволаримиз эса, шу қадар закий-ки, бу зотлар билмаганларини ҳам биладилар...

Салим АЙЮБИЙ (Салоҳиддин Тожиддин ўғли)

@softabobat

https://t.me/SalimAYYUBIY