✅Davlat statistika qoʻmitasi Oʻzbekiston Respublikasi Prezidenti huzuridagi Statistika agentligiga aylantirildi
🔹Oʻzbekiston Respublikasi Prezidentining 2024-yil 4-mart kuni “Oʻzbekiston Respublikasi Prezidenti huzuridagi Statistika agentligi faoliyatini tashkil etish chora-tadbirlari toʻgʻrisida”gi PQ-114-sonli qarori qabul qilindi.
Unga muvofiq, Davlat statistika qoʻmitasi negizida Oʻzbekiston Respublikasi Prezidenti huzuridagi Statistika agentligi tashkil etildi.
Qaror bilan Statistika agentligi huzuridagi Statistika kengashi yangilangan tarkibda tashkil etilib, uning vakolat va majburiyatlari mustahkamlab qoʻyildi.
Statistika agentligi tizimida integratsiya jarayonlarini yanada jadallashtirish maqsadida, 2024-yil yakuniga qadar “Statistika” integrallashgan axborot tizimi vazirlik va idoralarning axborot tizimlari bilan qoʻyidagi maʼlumotlarni olish maqsadida integratsiya qilinadi:
✅ Kambagʻallikni qisqartirish va bandlik vazirligining korxona va tashkilotlarning mehnat koʻrsatkichlari toʻgʻrisidagi;
✅ Iqtisodiyot va moliya vazirligi huzuridagi Kadastr agentligining jismoniy shaxslar tomonidan yakka tartibda qurilgan turar joylarni va noturar binolarni foydalanishga topshirish toʻgʻrisidagi;
✅ Adliya vazirligining litsenziyalash, ruxsat berish va xabardor qilish toʻgʻrisidagi;
✅ “Oʻzbekiston Respublikasi tovar-xom ashyo birjasi” AJning birja savdolariga qoʻyiladigan tovarlar narxlari toʻgʻrisidagi;
✅ “Oʻzbekneftegaz” AJning neft mahsulotlarini ishlab chiqarish hamda neft va gaz kondensatining manbalari va taqsimoti toʻgʻrisidagi;
✅ IT-Park direksiyasining rezidenti boʻlgan tashkilotlar faoliyati toʻgʻrisidagi maʼlumotlariga integratsiya qilinadi.
Sirdaryo tumani statistika bo‘limi📲
@Sirdaryotumanpress