Shokhrukh's diary

Baxt nima?

Baxt nima?
Oilami? Farzandmi? Boylikmi? Tinchlikmi? Ota-onami? Sog‘liqmi? Yoki boshqa narsami?
Allohning adolatiga iymon keltirgan inson hech qachon baxtni bu narsalar bilan bog‘lamaydi.
Kimdir boy oilaning yagona farzandi, kimdir esa, oddiy dehqonning beshinchi bolasi. Kimdirda ikki o‘g‘il ikki qiz bor, kimdir farzandsizlik azobida. Kimdir tug‘ma nogiron...
Agar baxt bu narsalarda bo‘lganida, Alloh hammaga teng taqsimlagan bo‘lmasmidi? Axir nega Alloh kimnidir baxtsiz, kimnidir baxtsiz qiladi? O‘ziga bog‘liq bo‘lmagan holda tag‘in.
Yo‘q. Baxt o‘lchovi bu emas. Bular shunchaki, shukrimizni va sabrimizni o‘lchash uchun berilgan sinovlar xolos. Shunchaki, imtihonda hamma turli savol tushganidek, hamma har xil sinaladi xolos.
Allohning adolatiga iymon keltirgan inson Baxtning hamma uchun teng masofada turgan va erishish imkoni faqat o‘sha insonning o‘zigagina bog‘liq bo‘lgan tushuncha ekanini fahmlay oladi.

Baxt iymondir. Iymon
insonning hayotga bo‘lgan qarashini o‘zgartiradi, hayotning istalgan nuqtasida qalbga xotirjamlik beradi. Atrofdagi har bir narsa o‘tkinchi ekanini anglatish bilan birga, bunga tushkunlik bilan emas, xotirjamlik bilan yondoshishga o‘rgatadi. O‘limdan, atrofdagilarni yo‘qotishdan qo‘rqmaslikda yordam beradi.
Iymon Alloh rizoligiga erishish orzusidir. Bu shunday orzuki, mukofoti eng katta va abadiydir. Bu shunday orzuki - boy- kambag‘al, sog‘lom-u kasal, farzandi boru farzandsiz, yetim-u yolg‘iz - erishish imkoniyati barchada teng va o‘zlariga bog‘liqdir. Yana qanday «baxt» ga shunday ta’rif bera olasiz?
Haqiqiy baxtli va badbaxt Qiyomat kuni e’lon qilinadi va peshonasiga tamg‘a qo‘yiladi. Faqat o‘sha baxtsizlar bu baxtsizliklari uchun hozirgidek taqdirni, birovni, holatni, zamonni, davlatni, dushmanlarni emas, faqat o‘zlarini nadomat qiladilar. Alloh asrasin.

(C) Qahramon Aslanov

@diyorbekegamovblog