San'atshunos yondaftari

@shohruxabdurasulov

Kanal geosi va tili: O‘zbekiston, O‘zbekcha

Toifa: Video va filmlar

Санъатшунос Шоҳрух Абдурасуловнинг санъат ҳақидаги шахсий ўйлари, таҳлиллари, мушоҳадалари

Связанные каналы | Похожие каналы

Kanal geosi va tili

O‘zbekiston, O‘zbekcha

Toifa

Video va filmlar

Statistika

Saralanganlar

Postlar filtri

O‘chirilganlarni yashirish

Repostlarni yashirish

San'atshunos yondaftari

1 Mar, 09:41

Китобни нашрга тайёрлаган Мафтуна Муҳаммадаминовага, таваккал қилиб, чоп этган “Янги аср авлоди” нашриётига ташаккур айтамиз!

👉@shohruxabdurasulov

135 0 1 1 5

#янги_нашр

“Янги аср авлоди” нашриёти томонидан абсурд драмалари китоб ҳолида нашр этилибди. Унда Сэмюэль Беккетнинг “Годони кутиб”, Жан-Пол Сартрнинг “Ёпиқ эшик ортида”, Эжен Ионесконинг “Курсилар”, “Кал қўшиқчи”, “Каркидон” сингари пьесалари ўрин олган.

Абсурд замирида мантиқсизлик ётади. Абсурдчилар ҳаётнинг биз кўрмаган нуқталарини кўра билади, оламнинг таг моҳияти, яшашдан мақсадни ўзгача рангларда идрок этишади. Аслида абсурд – шунчаки мубҳамлик, бемаънилик эмас, балки дунёни теран англаш, руҳият пучмоқларига чуқур кириш, инсонга ўзи ҳақидаги ҳақиқатларни ҳайиқмай айтиш демакдир.

Абсурд драмалари бир-икки тажрибаларни истисно этсак, ўзбек театри саҳнасида англанган эмас. Бу йўналишдаги драматургияни саҳналаштириш ғоят мураккаб, боз устига харидоргир эмас. Ҳатто зиёлилар орасида ҳам абсурд адабиётни қабул қилолмайдиганлар етарли. Умидимиз, айни китоб ўзбек театрида абсурд драмаларига йўл очса, не ажаб...

142 0 3 6

San'atshunos yondaftari

1 Mar, 07:39

Азизлар, қалбларни нурга, дилларни сурурга, кўзларни севинчга тўлдириб кириб келган ойлар султони Рамазони шариф барчангизга муборак бўлсин! Яна бир Рамазонга етказганига шукр! Аллоҳ таоло бу ойда қиладиган солиҳ амалларимиз, дуоларимизни қабул қилсин! Юртимизга, бутун башариятга тинчлигу офият берсин! Хонадонларимиздан файзу барака аримасин!

227 0 3 6

San'atshunos yondaftari

24 Feb, 19:10

San'atshunoslik instituti dan repost

#эълон

Ҳурматли ижодкорлар!
2025 йилнинг 26 февраль чоршанба куни соат 15.00 да Ўзбекистон Ёзувчилар уюшмасида Драматургия (театр, кино, телевидение) кенгашининг 2024 йил фаолияти якунларига бағишланган йиллик ҳисобот йиғилиши бўлиб ўтади. Унда соҳа мутахассисларининг 2024 йилда театр ва кино соҳасида амалга оширилган ижодий-амалий ишлар юзасидан маърузалари тингланади ва муҳокама бўлиб ўтади.
Йиғилишда театрларларнинг ўтган йилдаги ижодий фаолияти мавзусида Шоҳрух Абдурасулов (санъатшунослик фанлари бўйича фалсафа доктори (PhD), ЎзРФА Санъатшунослик институти катта илмий ходими), 2024 йилда ишланган ўзбек бадиий фильмлари хусусида Муҳайё Мухторова (санъатшунослик фанлари бўйича фалсафа доктори (PhD), Ўздсми ўқитувчиси), мамлакатимиздаги қўғирчоқ театрларининг 2024 йилдаги ижодий ишлари хусусида Малоҳат Туробова (ЎзРФА санъатшунослик институти докторанти) маърузалари билан иштирок этишади.
Мазкур ҳисобот йиғинига барчани таклиф этамиз.

https://t.me/fineartinst

208 0 6 1 9

San'atshunos yondaftari

24 Feb, 17:16

Gazetalar sharhi dan repost

Жадид № 8_2025.pdf

4.0Mb

⚡️ "Jadid" газетасининг 2025 йил 21 февралдаги 8-сони билан танишинг:

🔹Оқил САЛИМОВ:
ЭҲ, СЕНИНГ ЁШЛИГИНГ МЕНДА БЎЛСАЙДИ!
🔹Хайриддин СУЛТОНОВ:
ЁЗГАНИНГИЗ УЛУСҚА МАРҒУБ БЎЛҒАЙ
🔹Иброҳим ҒАФУРОВ:
ЖАСОРАТЛИ ҒОЯЛАР МИНБАРИГА АЙЛАНСИН
🔹Рустамбек ШАМСУТДИНОВ:
ЗАВОЛ ВА УВОЛ
🔹Рўзимбой ҲАСАН:
МИЛЛИЙ БРЕНДГА АЙЛАНГАН ВОРИСЛИК
🔹Муҳаммад АЛИ:
ЎЗ МАКТАБИНИ ЯРАТГАН ОЛИМ
🔹Эшқобил ШУКУР:
“БИРПАС”МИ, “ИККИПАС”?..
🔹Анвармирзо ҚУДРАТОВ:
ҚАЛҚОНИНГМАН, ВАТАН!
🔹Улуғбек ИБОДИНОВ:
АЙ-ТИ ВА СУНЪИЙ ИНТЕЛЛЕКТ ДУНЁ EТАКЧИЛАРИ МУҲОКАМАСИДА
🔹Эҳсануллаҳ ҚУВАНЧ:
ИККИ КИТОБ ШИММАСИ
🔹Зарнигор ИБРОҲИМОВА:
ЎЗБЕК РОМАНСЛАРИ ҲАҚИДАГИ АСАР
🔹Шоҳрух АБДУРАСУЛОВ:
САҲНАГА КЎЧГАН ҲИЖРОН
🔹Мунира КАРИМОВА:
ЎЗБЕК ТЎЙЛАРИ: ЎТМИШДА ВА ҲОЗИР
🔹Нурхон ЭЛМИРЗАEВА:
СОХТА НИКОҲНИНГ КАСОФАТИ
🔹Кумуш ҚАРШИБОEВА:
ҚАЛИН ҚОНЛИ КИТОБ

Тилда, фикрда, ишда бирлик!

Jadid.uz | Telegram | Facebook | Instagram | YouTube

〰️〰️〰️〰️〰️
Kanalga ulanish👇👇👇
https://t.me/gazetalar_sharhi

166 0 4 3

San'atshunos yondaftari

24 Feb, 17:16

"Жадид" газетасининг янги сонида "Саҳнага кўчган ҳижрон" номли мақоламиз чоп этилди. Унда режиссёр Б.Йўлдошев томонидан саҳналаштирилган "Юлдузли тунлар" романининг икки талқини таҳлил қилинади. Эътибор учун газета таҳририятига ташаккур билдираман.

166 0 1

San'atshunos yondaftari

22 Feb, 15:59

#иқтибос

Театр санъати учун "кеча" ёки "эртага" деган тушунчалар хос эмас. Театр фақат шу бугун яшайди: шу соатларда, шу дақиқаларда, шу лаҳзаларда...

Всеволодь МЕЙЕРХОЛЬД

👉@shohruxabdurasulov

2.2k 1 11

San'atshunos yondaftari

19 Feb, 09:37

Madaniyat.uz I Rasmiy kanal dan repost

#Kino

⚡️Milliy kino san'ati saroyi bepul kinonamoyishlarga taklif etadi

Milliy kino sanʼati saroyida 20-fevraldan 6-martgacha “Ochiq eshiklar kuni” bo‘lib o‘tadi.

Unda 2024-yilda ishlangan oʻzbek filmlari namoyish etiladi.

Kinoteatrda badiiy, badiiy-publitsistik, hujjatli, qisqa metrajli va animatsion filmlar tomoshabinlarga havola etiladi.

Kinokartinalar orasida “Bahodir Yalangtoʻsh”, “Uch qahramon”, “Bahorni quvib”, “Pandemiya” kabi badiiy filmlar namoyish etilishi rejalashtirilgan.

Ushbu havola orqali “Ochiq eshiklar kuni” doirasida namoyish etiladigan barcha filmlar roʻyxati bilan tanishish mumkin.

Telegram | Instagram | Facebook | Veb-sayt

249 0 11 1

San'atshunos yondaftari

14 Feb, 20:35

Ҳужжатли картинада буюк бобомизнинг довюраклиги, саркардалик маҳорати, ҳарб санъатига алоҳида урғу қаратилган, хусусан, фильмда Бобур тахтда ўтирган ҳолда намоён бўлади: ўнг тарафида шер, сўл тарафида эса йўлбарсни кўрамиз. Ҳайвонот оламининг бу икки қироли улуғ ҳукмдорнинг жасурлиги, ёвқурлигига далолат қилади, шунингдек, “Бобур” сўзи луғатга кўра, “йўлбарс”, “арслон” маъноларини англатишини назарда тутсак, режиссёрнинг бу топилмаси мақсадли эканига амин бўламиз.

Фильмда Заҳириддин Муҳаммад Бобурнинг ҳаёти, илмий меросини ўрганган юртимиз олимлари, адибларидан ташқари хорижлик мутахассисларнинг интервьюлари ҳам келтирилганки, шубҳасиз, айни жиҳат ул зотнинг халқаро мақоми, умумбашарий эътирофини оширишга хизмат қилган. Хусусан, Гарвард университети профессори Уилер Текстон, Жавоҳирлаъл Неру университети олими Нажаф Ҳайдер, Айн Шамс университети профессори, бобуршунос олим Магда Маҳлуф, Халқаро “Бобур” фонди Ҳиндистон бўлими бошлиғи Доктор Сйед Нақи Аббос каби фан арбобларининг фикр-мулоҳазалари, қимматли маълумотлари картинанинг мазмун-мундарижасини бойитган.

Бобур образини ёш актёр Илҳом Бердиев гавдалантирган. У тахтда ўтириб, бошидан кечирган ҳодисаларни баён этади, ҳар бир кечмишга мутаносиб равишда ҳиссиёту ҳолатларини изҳор қилади: юзу кўзида гоҳи қатъият, гоҳи эҳтирос, гоҳида эса қайғу ҳасрат ифодаси зоҳир бўлади, аҳён-аҳёнда шер ва йўлбарснинг ўкириги Бобур қисматига эш бўлиб, сюжетнинг бадиияти, таъсир қувватини оширади.

Юқорида таъкид этганимиздек, фильмда Мирзо Бобур тақдиридаги энг асосий, ҳал қилувчи воқеалар қамраб олинган: отаси Умаршайх Мирзонинг фожиали ўлимидан сўнг 12 ёшида “Тенгри таолонинг инояти билан Фарғона вилоятига подшоҳ бўлиши”, Сарипул жангида Шайбонийхонга енгилиб, Самарқандни тарк этиши, дастлаб афғон, сўнгра ҳинд диёрини забт этиши... Дардга чалинган ўғли Ҳумоюн билан бўлувчи ғоят таъсирчан, ғуссали лавҳа фильм поёнига яқин келтирилади. Бемор ётган ўғлининг боши атрофида уч мартта айланган ота бу дардни ўзига беришини сўраб, Худога тавалло қилади. Кўп ўтмай, Бобурнинг ўзи оғир хасталикка чалинади ва фоний дунёни тарк этади.

Мазкур воқеалар муайян изчиллик асосида, хронологик тартибда баён қилинади, картинанинг лирик-поэтик оҳангини кучайтириш, томошабинни Бобур нафосатига ошно қилиш учун шоирнинг машҳур ғазаллари, рубоийларидан фойдаланилади.

Заҳириддин Муҳаммад Бобурга бағишланган ҳужжатли фильмни томоша қилиш асносида шундай хулосага келдим: ёш ижодкорлар ғайрат кўрсатиб, улуғ аждодимиз ҳақида киноасар яратгани албатта, қувонарли ҳолат. Бироқ, фильмда асосан анъанавий йўлдан борилган, Бобур ҳаётига доир кўпчиликка маълум далилу манбаларга мурожаат қилинган. Эҳтимол, шоҳ ва шоир қисматининг кам ўрганилган, янги қирралари сценарийга киритилса, мақсадга мувофиқ бўлар ва табиийки, картинага бўлган қизиқиш янада кучаярди.

👉@shohruxabdurasulov

316 0 4

San'atshunos yondaftari

14 Feb, 20:34

#bobur_day

"Халқ юраги" туркумида суратга олинган, шоҳ ва шоир Бобур Мирзо ҳаётига бағишланган “Йўлбарс изидан. Заҳириддин Муҳаммад Бобур” ҳужжатли фильмида эътирофга молик ютуқлар мавжуд. Сценарий муаллифи ва постановкачи режиссёр Бобур Шер ўғли буюк бобокалонимиз ҳаётининг энг муҳим саҳифаларини ёритишга, унинг инсоний изтироблари, шахс сифатидаги фазилатларини очиб беришга ҳаракат қилган.

Фильм Бобур Мирзонинг 1527 йил Агра шаҳрида ҳинд султони Иброҳим Лўдийнинг онаси Малика Байда томонидан заҳарланиши воқеалари билан бошланади. Тарихдан маълумки, ўғлининг Панипат жангидаги мағлубиятидан аламзада бўлган она сарой ошпазлари билан тил бириктириб, Бобурнинг овқатига оғу солдиради. Айни шу воқеликдан кейин Бобур аламу оғриқ ила ўзининг машҳур “Қолдиму?” радифли ғазалини ўқийди, бу орқали бошига не-не синоатлар ёғилгани, чархнинг турфа жабру жафолари, азобу ситамларига дучор бўлганига ишора қилади.

288 0 6

San'atshunos yondaftari

14 Feb, 12:42

05:07

Video oldindan ko‘rish uchun mavjud emas

Telegram'da ko‘rish

#bobur_day

Заҳириддин Муҳаммад Бобур таваллуд топган сана муносабати билан Андижон ҳокимлигининг ташаббуси ила чиройли ролик ишланибди. Ёндашув ва талқин маъқул бўлди. Бобур образини андижонлик таниқли шахсларнинг ижро этгани ҳам роликнинг таъсирчанлиги ва бадииятини оширган. Шундай креатив роликларни кўпроқ ишлаш керак. Зеро, буюк боболаримизни халқимиз, айниқса, ёш авлодга яқиндан таништиришда соатлаб маъруза ўқиш ёки "хўжакўрсин" га тадбир уюштиришдан кўра шундай қисқа, қизиқарли лавҳалар кўпроқ натижа бериши аниқ.

👉@shohruxabdurasulov

3.8k 1 49 3 6

San'atshunos yondaftari

13 Feb, 14:50

F. Alimardon qoralamalari dan repost

Актриса Мэрилин Монронинг ақлий салоҳияти юқори бўлгани таъкидланади. Унинг катта кутубхонаси бўлган ва Фрейд, Жойс каби адибларнинг асарларини севиб ўқиган экан. Монронинг энг катта орзуларидан бири физик олим Алберт Эйнштейн билан учрашиш бўлган.
Айтишларича, ниҳоят 1949 йилда улар учрашишади. Мэрилин ўша пайтда 23 ёшда, Эйнштейн 70 ёшда эди.
Тирик даҳони кўрган ҳурлиқо ҳаяжондан нима дейишини билмай, хаёлига келган биринчи гапни айтади:
– Агар сиз билан турмуш қурсак, менинг гўзаллигим ва сизнинг ақл-заковатингизга эга бўлган бола туғилар эди.
Эйнштейн Мэрилиндан бу сўзларни эшитиб, аввалига табассум қилади, кейин актрисанинг таклифини кўриб чиқаётгандек жиддий қиёфада жавоб беради:
– Физик сифатида шуни айтишим керакки, тажриба бошқа йўналишда кетиши эҳтимоли ҳам бор. Фарзандимиз менинг гўзаллигим ва сизнинг ақл-заковатингиз билан ҳам туғилиши мумкин.

268 0 9 12

San'atshunos yondaftari

10 Feb, 18:22

Катта Оға 🎬 dan repost

Депрессияга қарши рецепт ✍️

1-босқич: оғриқни қабул қилиш
1. «Кит» (2022)
2. «Стыд» (2011)
3. «Учитель на замену» (2011)

2-босқич: ўзликни англаш ва деконструксия
4. «Разрушение» (2015)
5. «Настоящая боль» (2024)
6. «Вкус вишни» (1997)

3-босқич: ҳаёт ва унинг даврийлиги
7. «Весна, лето, осень, зима… и снова весна» (2003)
8. «Идеальные дни» (2024)
9. «Паттерсон» (2016)

Ўзингизни эҳтиёт қилинг!
Телеграм канал Катта Оға 🎬

288 0 7 1 1

San'atshunos yondaftari

9 Feb, 21:03

Мустафо Бафоевнинг "Алишер Навоий" операси учун ишланган сценография

(рассом Шуҳрат Абдумаликов)

289 0 6

San'atshunos yondaftari

9 Feb, 19:25

Гарчи европалик бўлса-да, Франсуанинг шарқона характерни нозик ҳис этиши, теран маъноли кўзлари, сокин нигоҳи, эҳтиросу муҳаббатга тўла ижроси ўзбек томошабинларини мафтун этади.

Дарвоқе, Шатто бир неча йил бурун Регистон майдонида саҳналаштирилган “Мирзо Улуғбек” (режиссёр О.Салимов) спектаклида ҳам Улуғбек образини ижро этган эди. Шу тариқа фаранг актёри миллатимиз улуғларини гавдалантириб, биз учун суюмли санъаткорга айланиб бормоқда.

👉@shohruxabdurasulov

329 0 3 2

San'atshunos yondaftari

9 Feb, 19:25

#бу_қизиқ

НАВОИЙНИ ЎЙНАГАН ФАРАНГ

Ҳазрат Алишер Навоийни бошқа миллат актёри қиёфасида тасаввур қилганмисиз? Йўқ демоққа шошилманг. Аслида Навоий наинки туркий миллатлар, балки бутун башариятнинг ҳассос шоиридир. Бинобарин, бутун инсониятга дахлдор меросдан ҳар ким баҳра олмоққа ҳақли. Айниқса, санъат аҳли бундан илҳомланса, нур устига нур.

1994 йилнинг бошларида Франция элчихонаси ташаббуси билан мамлакатимизга фаранг актёри Франсуа Шатто ташриф буюради. Ўзбек театр ижодкорлари билан ҳамкорлик қилишни мақсад қилган актёр “Искандар” спектакли (режиссёр Б.Йўлдошев) да Алишер Навоий ва Арасту сиймоларини французча забонда талқин этиб, ҳаммани ҳайратга солади. Башариятга дахлдор санъат ҳеч қачон тил, миллат, сарҳад билмаслиги ва барча инсонлар учун бирдек қадр-қимматга эга бўлиши Франсуа Шатто ўйнаган Навоий тимсолида ҳаққоний ифодасини топди.

281 0 5

San'atshunos yondaftari

9 Feb, 17:04

Jurnalist24.uz dan repost

00:30

Video oldindan ko‘rish uchun mavjud emas

Telegram'da ko‘rish

Буюк бобокалонимиз Алишер Навоий сунъий интеллект ёрдамида ўз шеърини ўқимоқда

@Jurnalist24uz | тезкор ва ишончли

256 0 7

San'atshunos yondaftari

9 Feb, 15:35

#иқтибос

Агар мен Навоий билан замондош бўлганимда, ёмон ўртоқ бўлмасдим...

Баҳодир ЙЎЛДОШЕВ

👉@shohruxabdurasulov

3k 1 7 5

San'atshunos yondaftari

8 Feb, 10:36

Madaniyat.uz I Rasmiy kanal dan repost

📣 Diqqat e'lon!

⚡️ Alisher Navoiy hayoti va faoliyatiga bag‘ishlangan “Alisher Navoiy” operasiga marhamat!

Hurmatli poytaxtliklar hamda poytaxt mehmonlari! Siz azizlarni 8-fevral kuni soat 18:00da, buyuk o‘zbek shoiri va mutafakkiri Alisher Navoiy tavallud kuni munosabati bilan Alisher Navoiy nomidagi O‘zbekiston davlat akademik katta teatrida bo’lib o’tadigan Mustafo Bafoyevning “Alisher Navoiy” operasiga taklif etamiz.

Opera buyuk davlat va jamoat arbobi, ulug‘ shoir va mutafakkir Alisher Navoiy hayoti va faoliyatiga bag‘ishlangan.

👉 Chiptalarni Alisher Navoiy nomidagi O‘zbekiston davlat akademik katta teatri kassalaridan yoki iticket.uz. saytidan xarid qilishingiz mumkin

📞 Teatr kassasi bilan bog'lanish: +998712321948

❕ Ma’lumot o‘rnida, xalqimizning ulug‘ shoiri va mutafakkiri Alisher Navoiy 1441-yil 9-fevralda tug‘ilgan.

Telegram | Instagram | Facebook | Veb-sayt

220 0 0 2

San'atshunos yondaftari

2 Feb, 18:46

ГAБТ им. А.Навои dan repost

13 fevral soat 18.00 - “Yevgeniy Onegin” operasi bo’lib o’tadi. Ushbu lirik operaning beqiyos namunasi deb sanalgan dramaga to’la asarda Pushkin she’riyati va P.I. Chaykovskiyning go’zal musiqasi uyg’unlashgan. “Yevgeniy Onegin” kompozitorning sevimli asarlaridan biri bo’lgan va tomoshabinlar ham uni juda yaxshi ko’radi.

13 февраля в 18.00 - опера «Евгений Онегин» — непревзойдённого образца лирической оперы, в которой поэзия Пушкина гармонически слилась с прекрасной музыкой П.И. Чайковского, полной тепла и драматизма.
«Евгений Онегин» был одним из любимых произведений автора — Петра Ильича Чайковского, и остается горячо любимым публикой.

Билеты на спектакли можно приобрести в кассах театра или на сайте iticket.uz.
Телефоны кассы театра: +998712321948

Автор фотографий — Юрий Полянский

313 0 4

20 ta oxirgi post ko‘rsatilgan.