Shodmonbek Rasulov 🇺🇿|🇰🇷

Koreya o’yinlari.

Rivojlangan davlatlarda, o’yinlari ham rivojlangani uchun, yoshlaridan boshlab kattalarigacha kompyuter o’yinlarini ko’p o’ynashadi.

Assalamu Alaikum, Koreys boshliq bilan zamonaviy o’yinlar haqidagi suhbatdan qiziq joylarini yozmoqchiman.

Yoshi taxminan 60 larda. Qiziqib o’ynaydigan o’yinini 7-yangilangan versiyasini, 13-fevraldan sotib olish boshlanar ekan.

Aytib berishicha, o’yinda qilinadigan ish, yangi boshlashda bir davlatni tanlab olar, u davlat esa qadimgi zamonga qaytib qolar ekan.

Misol uchun, Koreyani tanlasa o’yinda shu davrda mashxur bo’lgan boshqa davlatlar amiri Amir Temur, Chingizxon kabilar bilan urushishni ham imkoni bor ekan. Bu shaxslarni tashqi ko’rinishi real ko’rinish bilan o’xshash bo’lib o’yin sifati yuqori ekan.

Tanlagan davlatini rivojlantirish, yangi shaxar qurish o’z qo’lida ekan. Biror davlat bilan iqtisodiy aloqalar o’rnatishni imkoni bor, aloqa o’rnatgan davlatga boshqa davlatlar hujum qilsa yordamga borishga majbur ekan.

O’yinni o’ynayversa sekin-sekin hozirgi zamonga qarab yurar, haqiqiylik darajasi o’ta yuqori bo’lgan Amerika tomonidan ishlab chiqilgan o’yin ekan.

Men uchun qiziq joyini aytaman, boshliq YouTubedan shu o’yin haqidagi videolarini ko’p ko’rardi. Nima sababdan ko’rasiz?, nimadir foydasi bormi deb so’radim.

U - “O’yinlar shu darajada rivojlanganki, o’ynash uchun ham o’qish kerak. O’yinni qanday o’ynash kerakligini YouTubedan ko’rib o’rganib turmasang, yangi versiyasini o’ynay olmaysan” - deb qoldi.

Xulosa : Menda har xil hayollar, demak umuman o’qib o’rganmaslikka sabab qolmaydigan davrlarga kelyapmiz. Oddiy o’yin o’ynashga ham o’qish kerak. Qolgan narsalarga erishish uchun o’qib o’rganishni aytmasa ham bo’ladi…

Bu suhbat ham o’ziga yarasha ilm bo’ldi. Alloh vaqtimizni foydali narsalarga sarf qilguvchilardan qilsin.

Hurmat bilan, Shodmonbek Rasulov)

✔️ Ikkinchi yangilik

말하기 kursimga start beryapman. Darslar 9-fevraldan boshlanadi.

To’liq ma’lumot uchun havola:
https://telegra.ph/Real-%EB%A7%90%ED%95%98%EA%B8%B0-onlayn-kursi-02-03

➡️ Kursga yozilish uchun: @ShodmonbekRasulov ga yozing

Tabiiy koreys tilining siri.

Keling har doimgidek solishtirish uslubida sirlarni ochib ko’rishga harakat qilib ko’raman.

Koreys tilida “Coffee ichamizmi?” - qanday aytiladi?

A) 커피 마실까요?
B) 커피 먹을까요?

Ikkisi ham to’g’ri. Keling endi 말하기 da ko’p uchraydigan tabiiy uslubni ko’rib chiqamiz.

O’zbek tilida ham bitta gapni turli xil uslubda aytishimiz mumkin, ma’nosi o’zgarmaydi:

1. Osh yeymizmi?
2. Osh tanavvul qilamizmi?

Bu klassik uslub.

Endi ko’pchilik e’tibor bermaydigan uslubni ko’ramiz.

Masalan, “Osh yeymizmi?” - ma’nosini beradigan gapni boshqacha ko’rinishda ham aytamiz.

1. Bir lagandan Osh bosamizmi ?
2. Osh tiqamizmi, ketadimi?

Endi to’g’ridan-to’g’ri o’ylab ko’ring. Oshni bosib yoki tiqib bo’ladimi? (Biz e’tibor bermaymiz, tabiiy tuyuladi.)

O’zbek tilini o’rganayotganlarga oson bo’lmasa kerak. Yeydigan narsani qanaqib bosaman desa yeyman degan ma’noni beradi?, o’ylayverib “cherechchur” ko’p siqilgandir bechoralar:(

Koreys tilida ham shu narsa bor.

1. 커피 한잔 할까요?
❌Bir finjon kofe qilamizmi?
Ma’nosi “Bir finjon kofe ichamizmi?” - bo’ladi.

2. 어떻게 오셨어요?
❌Qanday qilib keldingiz?
Ma’nosi, “Nima xizmat, qanday yordam bera olamiz?” - bo’ladi.

3. 오늘 우유가 떨어졌어요.
❌Bugun sut tushib ketdi.
Ma’nosi, “Bugun sut qolmadi, sotilib ketdi” - bo’ladi.

4. 저 사실 잘 이해가 안 갔어요.
❌ Men rosti yaxshi tushunish bormadim.
Ma’nosi, “Men rosti yaxshi tushuna olmadim”- bo’ladi.

P.s: Bunaqa “cherechchur” stress beradigan gaplar asosan 말하기da ishlatiladi. Ha aytgancha, tabiiy koreys tilini hech qanaqa siri, kalbasasi yo’q. Shunchaki o’rganish kerak tamom.

Hurmat bilan, “mahmadana” tabiiy Koreys tili haqida gapiruvchi Shodmonbek Rasulov)