Sharqiy harbiy okrug matbuot xizmati (rasmiy)

#Yoshlar_siyosati

Andijon viloyati Buloqboshi tumanidagi 55-ixtisoslashtirilgan davlat umumta’lim maktabida harbiy-vatanparvarlik tadbiri tashkil etildi. Havo Hujumidan Mudofaa Qo‘shinlari va Harbiy Havo Kuchlari Qo‘mondonligiga qarashli Farg‘ona garnizonidagi harbiy qism tomonidan o‘tkazilgan tadbirda asosiy e’tibor yosh avlodni vatanparvarlik va milliy qadryatlarga sadoqat ruhida tarbiyalashga qaratildi.

Tadbirda pedagoglar, o‘quvchi-yoshlar va harbiy xizmatchilar faol ishtirok etdilar. Tadbirda dastlab Turkiston jadidlik harakatining asoschisi, atoqli adib va jamoat arbobi, noshir va pedagog Mahmudxo‘ja Behbudiy tavalludining 150 yilligiga bag‘ishlangan davra suhbati o‘tkazilib, Mahmudxo‘ja Behbudiyning milliy ozodlik harakatining buyuk namoyandasi sifatida ilm-fan, ta’lim va tarbiya, adabiyot va san’at, matbuot sohalarini rivojlantirish, jahondagi ilg‘or taraqqiyot yutuqlarini o‘zlashtirish orqali xalqimizning ongu tafakkurini yuksaltirish say-harakatlari to‘g‘risida fikr-mulohazalar bildirildi.

Ta’kidlash joizki, mazkur ta’lim muassasasi bitiruvchilari bugungi kunda mamlakatimizning muhim sohalarida, davlat va jamoat tashkilotlarida munosib faoliyat yuritib kelmoqda. O‘zbekiston Respublikasi Mudofaa vazirligi Havo Hujumidan Mudofaa Qo‘shinlari va Harbiy Havo Kuchlari Qo‘mondon o‘rinbosari Mirzayev Tolib To‘lanovich ham ushbu maktabda tahsil olgan, boshlang‘ich bilimlarni egallagan. Ta’lim maskanida faxriy o‘quvchiga atab burchak tashkil etilgan bo‘lib, Qurolli Kuchlarimiz tizimida bir necha yillardan buyon samarali mehnat qilib kelayotgan harbiy xizmatchining hayot va xizmat faoliyati bugungi kunda maktab o‘quvchilari uchun o‘rnak va ibratdir.

Telegram |Facebook |Youtube |Instagram