🍃Sheriat_Olami🍃

СОДИҚ..

Азоб кўрдик ҳаддан ортиқ,
Ўлсак юрак тораймайди!
Бошинг омон бўлсин Содиқ,
Энди сочлар қораймайди!

Жигар-бағрим тиламану,
Дардинг айтмай, биламану,
Қора тортиб келаману,
Энди сочлар қораймайди!

Унда Камаз, бунда Дамас,
Боғдоддасан Баграмдамас,
Ёш ҳам аҳир йигирмамас,
Энди сочлар қораймайди!

Тақдирни сўк, Ҳаққа элан,
Тил танглайга тегмай тилан,
Қора бўёқ суртган билан,
Энди сочлар қораймайди!

Ёшликданку умидни уз,
Кексаликни тадбирин туз,
"Қизил юлдуз" қизил, афсус,
Энди сочлар қораймайди!

Бошга тушди, кўзлар гувоҳ,
Ҳиротдаги излар гувоҳ,
Манглайда оқ тузлар гувоҳ,
Энди сочлар қораймайди!

Дил сўтилар чок-чокидан,
Хўл-қуруқ кайф тароқидан,
Наф йўқ қизил, на оқидан,
Энди сочлар қораймайди!

Йиғлаб қаро бўлди не кўз,
Юпатмоққа ким топар сўз,
Қаро ерга кетгунча дўст,
Энди сочлар қораймайди!

Содиқ дилин чоғ қиламан,
Мирзо кўнглин доғ қиламан,
Бу дунёни оқ қиламан,
Энди сочлар қораймайди!

Муаллиф Мирзо Карим

@sheriat_olami

Дўстим....

Бойликка берилиб ишлайсан тинмай
Айт бу бойликларинг кимга қолади
Ўткинчи дунёнинг дардини билмай
У дунёда сени айт ким қутқаради

Пул дунё деб ўзинг ўтга отарсан
Иймон дейилганда тошдек қотарсан
Хатто бир бора хам тиловат қилмай
Абадий дунёга қандай кетарсан

Эй дўстим ишонма тубсиз давлатга
Берилиб кетмагин айшу ишратга
Бир кун бўғзинг узра тиқилса нафас
Ўтган хар кунингдан бўлма афсусда

Ахир бор имконинг зикр қилишга
Беш вақт намоз ўқиб сажда қилишга
Қурон тилават қил иймонла кураш
Абадий дунёда мангу қолишга

Бу дунё ўткинчи хон саройлари
Ўтти кетти қара не не бойлари
Ғафлатда қолмагин сен огох бўлгин
Абадий дунёга сен сарой қургин

Қалбим пок демаки амалда бажар
У кун асқотмайди хаттоки жигар
Борар жойимиз бир қора тун мозор
Поклан дўстим рухинг чекмасин озор

Савоб закотни бил садақани бил
Ислом амалларига сен хам амал қил
Сўзларим чин дўстим билмагин хазил
Жаннатга чорласин эх сўнги манзил

Жон дўстим куйиниб ёздим ранжима
Кўча хаётига берилма хеч хам
Шайтоний амални боғлаб занжирга
Иймонингни бут қил дил олсин малхам

✍️Дил озорим (Дилноз)
@sheriat_olami

БИР ПАЙТЛАР...

Тизза бўйи ёғар эди қор,
Уч-тўрт марта томни курардик.
Гуллар чизиб музларди анҳор,
Терлаб-пишиб чана сурардик.

Жиддий эди табиат — ота,
Тўғри, феъли бироз тор эди.
Улов камёб, кўплар пиёда,
Кўпчиликда виждон бор эди.

Кечикмасдан келарди баҳор,
Ўз вақтида гуллаб бодомлар.
Шафақларга берарди оҳор
Истараси иссиқ одамлар.

О, бор эди руҳимда жило,
Қулоғимда ҳамон кулгиси.
Эслаб қўйсам рангланар дунё,
Исмин айтсам, келар гул иси.

Бошин тўлғаб, кўк — мовий шамол,
Ўш пиримга бориб қайтарди.
Ғунча қучган капалак беҳол
Мангуликка қўшиқ айтарди.

Илиққина ёз ёмғирлари
Узиб-узиб қуйилар эди.
Инсоннинг бор эди сирлари,
Ҳаёт сирли туюлар эди.

Кеча... Кўнгил соғ эди кеча.
Кеча ойдин эди ўй-дардим.
Кеча осмон сувини ича
Энди ўлмайман деб ўйлардим.

Совидими Тангри бизлардан,
Ахир саноғида бор эдик!
Нечук мадор кетди тиззадан?
Қаримасдан туриб ҳоридик...

Асли мендан кетди оқибат,
Оқибат мен кетдим ўзимдан.
Мана, бугун соҳиби санъат
Гулпардани олди кўзимдан.

Бугун юрак бошин босган қор
Бугун хаёлларим фаромуш.
Бугун табиатим беқарор,
Бугун қалбим, руҳим аро қиш.

Бугун ҳасса билан қўзғаб чўғ,
Ўз қўйнимга қўл соляпман мен.
Давр-павр билан ишим йўқ,
Ёшлигимни қўмсаяпман мен.

✍️ Иқбол МИРЗО
@sheriat_olami

БУЮКЛАР СЕВГИ ҲАҚИДА...

Жалолиддин Румий:
“Фақат юракдагина энг баланд самовий юксакликка кўтарилиш мумкин”.

Франклин Жонес:
“Тўғри, Севги олам гардишини айлантирмайди. Севги шу гардиш айланишига маъно бағишлайди”.

Жин Пацл Ричер:
“Севиш доимо қўлидан келадиган аёл ҳеч қачон кексаймайди”.

Жеймс Бальдвин:
“Севгининг боши ва интиҳоси биз ўйлаганчалик эмас. Муҳаббат бу – кураш. Муҳаббат бу – уруш! Севиш бу – улғайиш демакдир”.

Антуан де Сэнт Экзюпери:
“Севги – бу бир-бирига тикилиш эмас, бир-бирининг ички дунёсини ўрганишдир”.

@sheriat_olami