Qidiruv uchun matnni kiriting
Ilg‘or kanal qidiruvi

Что такое малые АЭС?

В Узбекистане построят малую АЭС в Джизакской области
img
reklama

Возобновляемая энергия (виэ)

uz Гражданам частично могут возместить затраты
img
reklama

Энергетические итоги 2024 Uz

Изучили отчет и собрали самые важные показатели
img
reklama

She'r sehri

@sherSehri
Kanal geosi va tili: O‘zbekiston, O‘zbekcha

Ўзбек шеъриятининг кечаси ва бугуни бир ерда - ушбу каналда!

Связанные каналы  |  Похожие каналы
Kanal geosi va tili
O‘zbekiston, O‘zbekcha
Toifa
Iqtiboslar
Statistika
Kanal siznikimi? Tasdiqlash Канал в реестре блогеров РКН? Tasdiqlash Kanal tarixi
Postlar filtri

She'r sehri

7 Feb, 05:53

Telegram'da ochish Ulashish Shikoyat qilish
КЕЧИККАН ЙЎЛОВЧИ dan repost
Video oldindan ko‘rish uchun mavjud emas
Telegram'da ko‘rish
"Atay poyezdiga kechikkan odam..."

@dadaxonmuhammadiy
71 0 1
She'r sehri

6 Feb, 19:51

Telegram'da ochish Ulashish Shikoyat qilish
ERKIN BOZOROV | RASMIY dan repost
Video oldindan ko‘rish uchun mavjud emas
Telegram'da ko‘rish
EMLOV KUNIDAGI O’YLAR
Jamoliddin Badalov she’ri

-…Yarimoyim mening yarim boyligim,
Umrim yarmi armon, yarmi talamon…

Rollarda: Malaksiymo va Mehrimoh Azimovalar

Tasvirchi: Nosirjon Otajonov
Ovoz rejissori va musiqiy sayqal:
Elbek Hamdamov
Colorist:
Bahriddin Shavqiyev

Ijtimoiy tarmoqdagi sahifalarimiz:
@erkinbozorovv

Facebook / Instagram / Youtube
99 0 1 1
She'r sehri

2 Feb, 21:31

Telegram'da ochish Ulashish Shikoyat qilish
Muhammad Siddiq dan repost
#Lirika

Demak, she’riy konsertimizning ilk mehmoni bilan tanishing!

O‘zbek she’riyatining zabardast vakillaridan biri, betakror shoirimiz, ustoz Aziz SAIDning “DILI QANI BEDILNING?” nomli she’riy konsertiga barcha adabiyot ixlosmandlarini taklif etamiz!

Vaqti: 22-fevral soat 16:30 da
Manzil: Farg‘ona axborot-kutubxona markazi

Chipta narxi:
75 000 so‘m
Talabalar uchun:
50 000 so‘m

Shoshiling, joylar soni cheklangan!

Harid uchun:
📮 @lirika_chipta
☎️ (91) 106-64-44

👉 @lirika_loyihasi

Bizning sahifalar:
https://taplink.cc/lirika_loyihasi
244 0 1 2
She'r sehri

31 Jan, 20:13

Telegram'da ochish Ulashish Shikoyat qilish
226 0 1 1
She'r sehri

31 Jan, 14:13

Telegram'da ochish Ulashish Shikoyat qilish
БЕШИНЧИ МУСОФИР

Муҳаммадали Ғаффоровга бағишладим.

Шимол ўлкасига тун чўкди бенур,
кўнгил ўлкасида порлаб чиқди кун:
ахир, Яккабоғда уйғонган шуур
барфин ўрмонларда топмовди якун.

Уйғонди,
тўлғонди:
соғинч,
илҳом,
шеър.
Бу тун бутун шеърдир –
кўнгил тўқ эди.
Олтига уч метр вагон-контейнер
ичра ундан бўлак шоир йўқ эди.

Вужудини шимол аёзи чимдиб,
ухламай шеър ёзиб ўлтирарди Шарқ,
ногоҳ гумбурлади нимадир,
тинди,
ногоҳ совуқ тунни ўртаб ўтди барқ.

Узоқ-яқиндаги шуълалар ўчди,
темир бошпанани тарк этди зиё,
чироқсиз вагонни қаҳратон қучди
ва совий бошлади қонлар ҳам гўё.

Темир бошпанани дақиқа сайин
ишғол қилар экан совуқ аёз, қиш,
тўртта ҳамхонасин уйғотиб тайин,
шеър ўқиб бергувчи шоирга олқиш!

Совуқ контейнерни илитмади шеър,
турдилар,
юрдилар,
сакрадилар боз,
машқ ҳам қилдилар,
тепиндилар ер...
на чироқ келдию
на тинди аёз.

Совуқ санчиларкан бамисоли ўқ,
музлаб қолмасин деб қўл,
оёқ,
дил,
онг...
шу тун тўрт мусофир ухлагани йўқ,
шу тун шеър эшитиб оттирдилар тонг.

Бешинчи мусофир шеър ўқийди, шеър,
ҳар бир шеър гўё бир парча чўғ эди;
олтига уч метр вагон-контейнер
ичра ундан бўлак шоир йўқ эди.

Ниҳоят, тонгга ҳам етдилар омон,
ниҳоят, иш-ишга тарқади бари,
фақат иш жойига келмади шу тонг
қўшни вагондаги ҳамқишлоқлари.

Кеча –
ток станция портлаган маҳал,
чироқ,
иситкичлар ўчган ўша тун,
нариги контейнер аҳлини
ажал
олиб кетган экан бус-бутун...

Асли, бу гапларни не керак сўзлаб,
кечмиш ҳасратлардан озурда бўлмоқ?!
Демак, тақдир экан аёзда музлаб,
ғафлатда,
ҳасратда,
фурқатда ўлмоқ.

Ўкинмай,
ўксинмай бўларми бироқ,
бари ватандошу
бари дўст-қарин.
Худо раҳмат қилсин
эл-юртдан йироқ
жон берган жувонмарг жонларнинг барин.

Не чора бор, ахир,
ким нима ҳам дер,
бариси навқирон,
ғайир йўқ эди,
лекин бу вагонда
уйғотиб,
шеър-пер
ўқиб берадиган шоир йўқ эди.

Ҳали ҳам совуқдир шимол, дўстларим,
ҳали ҳам бир ғафлат қувар эрларни...
Аёзда чироқсиз қолдирма, Тангрим,
шоири йўқ контейнерларни!

Мансур Жумаев

@sherSehri
283 0 2 8
She'r sehri

31 Jan, 07:36

Telegram'da ochish Ulashish Shikoyat qilish
***

Senmasmiding
Havolarda kezgan ifor,
Sochlarimni silagan yel senmasmiding
Mayin kelib yanog'imga qo'ndi bahor.
Senmasmiding....

Derazamga bir qush qo'ndi, bir tush qo'ndi,
Oq bulutlar kaftlarimga sarxush qo'ndi
Muhabbatdan qulog'imga mish-mish qo'ndi
Kelaridan ogoh qilgan senmasmiding.

Lolalardek qirmiz bo'ldi yanog'larim,
Bir sevinchdan porlab ketdi qarog'larim.
Men javobin kutayotgan so'roqlarim,
Har jumboqning bir yechimi senmasmiding...

Yurib o'tdim, kulib o'tdim bu yo'llardan
Yuragimni yutib o'tdim bu yo'llardan
Faqat seni kutib o'tdim bu yo'llardan
O'zing o'yla, menday qizni sevmasmiding?!

Senmasmiding,
Senmasmiding,
Senmasmiding?!

© Durdona Bahodirova

@sherSehri
269 0 8 1
She'r sehri

30 Jan, 07:15

Telegram'da ochish Ulashish Shikoyat qilish
Alibek Anvariy dan repost
​​БЕШИКДАГИ ЎЙЛАР
(Бадиҳа)

Хуллас, туфли тўшакнинг тагида ётарди...

▫️▫️▫️
Дунёга келганим етмаганидай, аъзойи баданим увишиб қолгунича аллақандай оғочга чирмаб ташлашлари жуда ортиқча-да энди...

▫️▫️▫️
Мудраб ётаман... Олдимга майин овознинг эгаси келади. Оғоч оҳиста тебранади. Қўшиқ чўзилади. Тўғрисини айтсам, анчадан бери бир хил мунгни эшитавериб юрагим сиқилиб кетган. Нолиётганим йўқ!

Майин овознинг эгаси негадир беҳаловат: кирди-чиқдиси кўп. Баъзан йиғимни эшитмайди ҳам... баъзан ўзи ҳам йиғлайди... Пайқайман! Шундай пайтларда очқасам ҳам, бурним оқса ҳам ёки ичим сиқилса ҳам негадир хархаша қилмасликка интиламан... Лекин...

Мени деб кечалари уйқиси ҳаром унинг. Ўзимга қолса, миқ этмай ётардим... аммо...

Меҳрибон овознинг эгаси эса – анча кайвони. Ҳамма нарсанинг фаҳмига боради. Менга кичик ва яширин ноқулайлик туғдираётган нарсагача дарҳол пайқайди, бартараф этади. Майин овоз эгасига ўргатади, тушунтиради. У ҳам ўз навбатида меҳрибон овозга гап-сўзсиз итоат этади.

Чучук овознинг эгаси – пакана тез-тез кириб келади. Шу паканани деб гоҳо уйқим бўлинади. Бошқалар қараб турганда роса меҳрибонлик кўрсатади: эркалайди, ўпади, ялаб-юлқайди-ю... Лекин уларнинг назари чалғиганда номаълум сабабларга кўра, менга чанг солган, ёноғимга тирноғини ботириб олган, пешонамга тарсиллатиб тортиб юборган ва ҳатто оғочимни ағдараёзган (хайрият, ушла-ушла туфайли тисарилиб эди!) пайтлари ҳам бўлди! У нега бундай қилади? Ўйлаб ўйимга етмайман, ҳайронман...

Яна бир овоз бор. Йўғон. Овознинг эгасини танийман! У мени “отажон”лаб ўпгани ўпган. Уни кўрсам, куламан: ҳар хил қилиқлар қилади, менга тақлидан овозлар чиқаради. Баъзан қаттиқ қучоқлайди, босиб-босиб ҳидлайди, секин иҳраб қўяди, баданим жимирлаб кетади. Алланечук қувват туяман. Бу қувватни ҳозирги сўз бойлигим билан ифодалай олсам эди... Йўғон овоз ҳам жойи келса, оғочни тебратиб туради, ишонасизми, ҳатто гоҳида қўшиқ айтиб қўяди. Йўқ-йўқ, майин овоз эгасининг бадимга урган мунгли қўшиғи эмас. Бошқача оҳанг! Менга ёқади! Бошдан-охир эсимда йўқ, бироқ қўшиқда: “устоз Ойбек”, “Ҳабиб Абдулла”, деган исмлар; “достон”, “кон”, “маъдан” каби сўзлар бор...

Хуллас, шу овозларга кўникиб бўлдим. Улар мен учун муқаддас...

▫️▫️▫️
Оғочнинг менга кўриниб турадиган лаш-лушлари ва кўзмунчоқлар илиб қўйилган дастасидаги турфа йўл-йўл ранглар (тебралганда) кўнглимни айнатишини уларга қандай тушунтирсам экан-а? Дарвоқе, рангларни кейин-кейин фарқлайдиган бўлдим. Исиб кетдимми, совуқ еяпманми – аниқ билишмайди ҳам. Ёстиғим баъзан қийшиқ қўйилади, ўйлашмайдики, бу ҳам эртага одам бўлади, қизиқчи айтганидай: қизларнинг олдига бориши бор – калласи пачоқ бўлиб қолмаслиги керак, бир умр ўксиниб юрмаслиги зурур... Эҳ-ҳ!..

▫️▫️▫️
Оғочда шароит яхши. Тўл орасидан кириб оладиган айрим хира пашшаларни айтмаса, қарийб аъло дейиш ҳам мумкин. Аммо боғлаб, белашлари чатоқ! Нега бир парча гўштлик чоғимдан оғзига туз ташланган қўйдай кулликланишим керак?! Оёқ-қўлимни эркин чўзолмайман? Ўз пашшамни ўзим орқайин қўрий олмайман? Терласам, совимаслигим, жунжиксам илимаслигим керак экан?! Тўғри, ҳозир кўпчилик менга одам ўрнида боқмайди! Лекин умр вафо қилса, ўлар жойданманми, эл қатори одам бўларман, ахир! Ўшанда оғочдаги чирмалишни баданим ҳам, ҳали лиқиллоғи қотмаган бошим ичидаги чакки ҳам унутармикан! Мен тўлиқ озод яшашим зарур!

▫️▫️▫️
Пакана жуда шум-да! Майин овоз эгасининг кунини туғдиради. Итдай қилади. То ухлаб қолгунча ундан кўз-қулоқ бўлиб турмаслик – катта хато эканлигини дунёга келишимдан аввалроқ исботлаб бўлган экан! Тегинмаган, қизиқмаган, бидирлаб сўрамаган нарсаси йўқ.

Ўша куни меҳрибон овоз эгасининг туфлисини ташқаридан келтириб, ўйнаб, оғоч ёнидаги йўғон ва майин овоз эгаларига тааллуқли тўшак тагига ташлаб кетган экан. Керак пайти излаб, роса сарсон бўлишди. Кўриб турибман: туфли тўшак тагида! Уларга туфлининг жойини айтолмай қийналаман денг! Айтай десам, ҳали тилим чиқмаган эди-да...


@Alibek_Anvariy
222 0 0 5
She'r sehri

29 Jan, 21:55

Telegram'da ochish Ulashish Shikoyat qilish
"Fan" nashriyoti dan repost
“Qadrdon maktabimga” лойиҳаси 4 кўринишда бўлади:

1️⃣-кўриниши «30 номдаги бадиий адабиётлар» тўплами

2️⃣- кўриниши «18 номдаги тарихчи олим Қаҳрамон Ражабов муаллифлигидаги тарихга оид китоблар» тўплами

3️⃣-кўриниши «50 номдаги тарихий ва бадиий китоблар» тўплами

4️⃣- кўриниши «100 номдаги илмий-оммабоп ва бадиий китоблар» тўплами


Ўзингиз ўқиган мактабга сизнинг номингиздан биз етказиб берамиз.

Махсус қутида сиз танлаган кўринишдаги китоблар тўплами бўлади. Қути ичида сизнинг номингиздан мактабга дил сўзларингиз бежирим кўринишда юборилади.



@fannashriyoti
251 0 2 3
She'r sehri

29 Jan, 16:33

Telegram'da ochish Ulashish Shikoyat qilish
***

Yomg'irdan qochmadim, ho'l bo'ldi tanim,
Bor-budimni berdim sog'inchga, ishqqa.
Ko'ngling–ming yil orzu qilgan vatanim,
Ulgurding ko'nglimni vatan qilishga.

Oppoq orzularni tutdim qo'lingga,
Kuldim, yanog'imdan sizildi tomchi.
Ko'zimni to'rt qilib boqdim yo'lingga,
Adolat qilmadi hayot–aldamchi.

Seni izlayman deb yugurdim, yeldim,
Zimmamga yuklandi shunday buyuk ish.
Yomg'irdan qochmadim, ajab, ko'nglimdan,
Unib chiqaverdi senga bo'lgan ISHQ!

© Vinera Nurmamatova

@sherSehri
300 0 4 2
She'r sehri

29 Jan, 10:12

Telegram'da ochish Ulashish Shikoyat qilish
"Osima – malak"

Osima, ketaylik, bu yerlar gavjum,
Bizga joy yetmadi zamin pinjida.
Bir savol ayladi ko'ksimni g'ijim
– Ne sababki tushdik samo kunjidan?

Xayol og'ushida masrur kelgandik,
Tuyg'ular toshqinday, ko'ksimda – dengiz.
Hislarim to'kildi, to'rvam yirtiqdek
Barchasi qumlikka yo'g'rildi, esiz.

Taqdir taroj qildi ishq karvonimni,
Ko‘ksimni turtkilab lahzalar o'tdi.
Yillar xoʻp sovurdi baxt hirmonimni
Men uni kutdim-u meni unutdi.

Orzuga ishonib borimni tikdim,
Garov bog’ladim qismatim bilan,
Hamon tirikman-u lek tugab bitdim,
Qayta topishmadim, hislarim bilan.

Osima, ketaylik barchasi ro'yo –
Barchasi lahzaning o'tkinchi yodi.
Biz boshqa manzilga kelganmiz, goʼyo
Bizni manzillar hanuz kutayotir...

© Muhammadkamron

@sherSehri
340 0 3 2
She'r sehri

28 Jan, 21:57

Telegram'da ochish Ulashish Shikoyat qilish
309 0 2 1
She'r sehri

28 Jan, 17:50

Telegram'da ochish Ulashish Shikoyat qilish
ХАСТАМЕН

Хастамен...
Фикрга, туйғуга тўлиб,
Ой менга ҳамқадам — сокин юрамен.
Соғайсам бир куни ёзамен тўйиб,
Ҳисларга қалбимни қўшиб ёзамен.

Кечалар юрурмен телбадай ҳориб,
Бошимда ой борур, менга ҳамқадам.
Хаёллар учади машъалдай ёниб,
Тўйиб ёзажакмен бир кун соғайсам...

©️ОЙБЕК

@sherSehri
362 0 6 4
She'r sehri

28 Jan, 11:27

Telegram'da ochish Ulashish Shikoyat qilish
Dilmurod DO'ST | she'rlar dan repost
Video oldindan ko‘rish uchun mavjud emas
Telegram'da ko‘rish
“ШАРОБЛАР ИЧИЛДИ, ХУМ ҚОЛДИ, ЖОНИМ...”

Мансур Жумаев шеъри

🎥 Тасвир: Абдуманнон Муҳаммад
🎤 Ижро: Дилмурод Дўст

Telegram | Facebook | You tube | Instagram | twitter
354 0 3 6
She'r sehri

28 Jan, 09:59

Telegram'da ochish Ulashish Shikoyat qilish
* * *

Эсиз, эпкинларинг, эсиб кетдими?
Сендин шиква айлаб, безиб кетдими?
Тошлар дил қасрингни бузиб кетдими?
Вайронам, ўзингни ўнглай олмайсан.

Дунё мунғираган бир ғариб уйдир.
Аввали, охири кўринмас куйдир.
Сен ўзингни куйдир, мени ҳам куйдир,
Куймасанг бу куйни тинглай олмайсан.

Тунлар бўйнидаги ёқут маржоним,
Ярми қоним бўлса, ярмиси жоним.
Қўйнимда тўлғонган гўзал илоним,
Сен буни ҳеч қачон англай олмайсан.

© Сирожиддин Саййид
1990

@sherSehri
339 0 5 1
She'r sehri

26 Jan, 21:22

Telegram'da ochish Ulashish Shikoyat qilish
Xurshid Abdurashid dan repost
Video oldindan ko‘rish uchun mavjud emas
Telegram'da ko‘rish
SEN SEVASAN

Avtobuslar hali qatnaydi...
Metrolar ham to‘xtamas bir zum.
Sen chiqasan – xayollaring hur,
Sen tushasan – ko‘zlaring ma’sum.

Kutib olar seni eshiklar,
Derazalar ichikkan juda.
Sen kelasan – olam yorishar,
Sen ketasan – dunyo osuda.

Qadamingni poylaydi taksi,
Manzilingga eltmoq istaydir.
Sen yurasan – izingda ilinj,
Sen kutasan – qatnovlar daydir.

Olam bir-u sen birsan, ajab,
Kelar o‘sha olamdan kechgim.
Sen sevmaysan – hammaga ayon,
Sen sevasan – bilmaydi hech kim...

👉 @xurshidabdurashid
356 0 10 4
She'r sehri

26 Jan, 10:50

Telegram'da ochish Ulashish Shikoyat qilish
ТЎРТЛИК

ҲАЁТНИНГ ЯРМИ ПУЧ, ЯРМИ ТЎҚ ЭКАН,
ТОҒИ БАЛАНД, ЖАРИ КЎРҚУДУҚ ЭКАН.
БАЪЗИ АҚЛИ ПАСТНИНГ САЙРАШИ АЖАБ,
БАЪЗИ АҚЛИ МЎЛНИНГ НУТҚИ ЙЎҚ ЭКАН.

✍️ Мустафо ЖЎРА
341 0 7 5
She'r sehri

26 Jan, 10:02

Telegram'da ochish Ulashish Shikoyat qilish
Video oldindan ko‘rish uchun mavjud emas
Telegram'da ko‘rish
O’KINCH

✍🏻Amirqul Po’lkan
🎙️Dilmurod Do’st o’qidi.

https://t.me/amirqulpulkan
322 0 3 3
She'r sehri

26 Jan, 08:32

Telegram'da ochish Ulashish Shikoyat qilish
Islomjon Qo‘chqorov ijodi dan repost
КЕЛДИМ

Осмон кўзёшини яширмаган кеч,
Ваъдабоз юлдузлар бўлганда мулзам.
Туним ғамга ботди – қололмадим ҳеч,
Мен сенинг қошингга келдим, азизам.

Бу йўллар мени гоҳ оловга отди,
Кўзёшинг асради, кўзёшинг – зам-зам.
Кўзингда тонг отиб, сўнгра кун ботди,
Мен сенинг қошингга келдим, азизам.

Гуллаган боғларда саробни кўрдим,
Денгизга ботирдим – тўлмади кўзам.
Аксимда бир ҳоли харобни кўрдим,
Мен сенинг қошингга келдим, азизам.

Келгунча минг марта адашганим бор,
Ялтироқ йўлларда оёғим тойган.
Малаклар қўлимга май тутиб маккор
Худди товусдайин қанотин ёйган.
Аммо улар айтган қўшиқлар зинҳор
Кўнглимга кирмайин соб бўлган сазам.
Умримнинг боғлари сарғайиб баҳор
Мен сенинг қошингга келдим, азизам.

Охир келдим... Мана эшигингдаман,
Қўнғироқ тугмаси – асрлик фурсат!
Азизам, ранжима, гуноҳкорингман,
Адашган итингга мурувват кўрсат.

© Исломжон ҚЎЧҚОРОВ

https://t.me/islomjon_ijodi
339 0 7 4
She'r sehri

25 Jan, 20:00

Telegram'da ochish Ulashish Shikoyat qilish
Xurshid Abdurashid dan repost
📚O‘SHA MEN EDIM

Derazang yoniga qo‘ndi kabutar
Ilkida o‘rog‘liq maktub bor edi.
Senga boqib turgan ma’yus ko‘zlari,
Shu onda nedandir umidvor edi.
Sen esa pardani yopib qo‘yding jim,
O‘sha men edim-ku, o‘sha men edim.

Ko‘chaga chiqding sen bog‘ aylangani,
Daydi shamollarday xayoling tarqoq.
Bog‘ kezib yurarding shunda nogahon
Oyog‘ing ostiga tushdi bir yaproq.
O‘sha yaproq kabi sochilgandi kim?
O‘sha men edim-ku, o‘sha men edim.

Bog‘da gullar terding avaylab asta
Nogoh qo‘llaringga sanchildi tikan.
Nozik qo‘ling bilan sug‘urding uni
Deding “Shunday gulda tikan bor ekan”.
Senga talpingandi shu tikan, gulim,
O‘sha men edim-ku, o‘sha men edim.

So‘ng qaytding uyingga o‘y surib sokin,
Deraza yoniga qo‘yding gullarni.
Tin olmoq dardida cho‘kding to‘shakka
Va yig‘lab o‘qiding “O‘tkan kunlar”ni.
Kimnidir o‘ylading, ko‘zlari sim-sim,
O‘sha men edim-ku, o‘sha men edim.

👉 @xurshidabdurashid
291 0 9 8
She'r sehri

25 Jan, 19:55

Telegram'da ochish Ulashish Shikoyat qilish
* * *
Қуёш қамашмасин қароқларингдан,
тутилмасин қошинг қасдига қамар,
гулгун юзларингни кўриб гулларим
сўлмасин ўзин хор сезиб, бесамар.

Гўзалларни рашкнинг ўтига солма,
уларнинг севгисин асра, майлими,
қайсики ҳаётга андармон юрган
минг-минг Қайсни тағин Мажнун айлама.

Ошиқиб ошиқлар сонин оширма,
мени-да бир мушкул савдога қўйма.
Чиқма остонангдан бир қадам нари,
чиқма – оламни ҳам ғавғога қўйма.

© Икром ИСКАНДАР

@sherSehri
376 1 6 5
20 ta oxirgi post ko‘rsatilgan.