Маҳалла ихтисослашуви бўйича амалий ишлар олиб борилмоқда
••••••••••
Аҳоли даромадини ошириш, камбағалликни қисқартиришда намунавий иш ташкил этиш бўйича Андижондан танлаб олинган ҳудудлардан бири - Шаҳрихон туманидаги "Бег бачча" маҳалласи ҳисобланади.
Мазкур маҳалладаги хонадонларнинг бирида хотин-қизлар фаоллари учун семинар ўтказилди. Вилоят ҳокими кўрсатмаларига асосан маҳаллани қўллаб-қувватлаш Кенгаши раиси ўринбосари ва туман ҳокими иштирокида ташкил этилган семинарда хонадонларнинг ўз имкониятидан оқилона фойдаланиш бўйича режалар илгари сурилди.
Хусусан, хонадонларда иссиқхона, асаларичилик, паррандачиликни йўлга қўйиш ва қўзиқорин етиштириш орқали даромадини ошириш имкониятлари мавжудлиги, уларни ташкил этишда аҳоли вакиллари иқтисодий-ижтимоий қўллаб-қувватланиши, янги жорий этилган имтиёзлар ҳамда унинг натижаси ҳақида аниқ ва амалдаги намуна билан маълумотлар берилди.
Буни барча маҳаллада кенг тарғиб қилиш, аҳолини мазкур имкониятлардан тўлиқ хабардор қилиш ва уларга кўмаклашиш бугуннинг долзарб масаласи эканлиги алоҳида таъкидланди.
Айнан ушбу оддий хонадонда йил давомида 70-80 миллион сўм даромад олиниши бўйича очиқ ҳисоб-китоблар йиғилганларга кўрсатилди.
Бундан ташқари, бириктирилган вакиллар секторлар кесимидаги маҳаллаларда бўлиб, ҳар бир оилани тадбиркорликка жалб қилиш, маҳалла ихтисослашувини жорий этиш ишлари бўйича фаолият юритдилар.
Саҳифа:
@andpress