Даҳоларга ёрдам беринг, истеъдодсизлар ўзи йўлини топади ©
“Санъат ривожланиши учун ижодкорларнинг ўзи камлик қилади, яна меценатлар ҳам керак” деган эди Станиславский. Худди шу гапни илм ва олимларга нисбатан ҳам айтиш мумкин, яъни ҳомийлик ва моддий қўллаб-қувватлаш илм учун ҳам жуда муҳим.
Таъриф: “меценатлик” тушунчаси император Августга яқин мулозимлардан бўлган Гай Силний Меценатга бориб тақалади. У ўз даврида илм ва санъат ҳомийси сифатида танилган. Меценатликнинг ҳомийликдан фарқи шундаки, меценатлар у ёки бу шахснинг ўзига эмас, балки унинг жамиятга тегадиган фойдаси учун ҳомийлик қиладилар. Масалан, рассом камбағал бўлгани учун эмас, рассом бўлгани учун, унинг ижодидан жамият, омма баҳра олгани учун меценатлар унга ёрдам берадилар. Кўриниб турибдики, меценатлик кенг ижтимоий аҳамиятга эга ҳодиса ва бу ҳаракат ҳамиша олқишлаб келинади.
“ASAKA BANK” сўнгги пайтларда илм-фанга қизиқиши бор ёшларни қўллаш борасида эътиборга лойиқ ишларни қилиб келмоқда. Бир неча ҳафта аввал 12 яшар вундеркинд Отабек ва Миршакар Файзуллоев иштирокида ташкиллаштирилган “Асака банкдан маҳорат мактаби” деган қайноқ ва қувноқ суҳбатни ютубда кўргандим (болалар билан кўришни тавсия қиламан).
Шунингдек, банк Мирзо Улуғбек номидаги Ўзбекистон миллий университети билан ҳамкорликда “Ёш математик” стипендиясини ҳам таъсис этган экан. Низомга кўра, стипендия математика йўналишидаги қобилиятли ёшларни рағбатлантириш, уларни яратувчанлик фаолиятига кенг жалб қилиш, иқтидорли талабаларни қўллаб-қувватлаш, билимини юксалтириш, интеллектуал ривожлантириш ҳамда муносиб тақдирлаш мақсадида таъсис этилган. У махсус Кенгаш қарорига кўра танлаб олинадиган 1 нафар иқтидорли талабага бир йил давомида ҳар ой тўлаб борилади. Стипендия миқдори ҳам салмоқлигина: ундан баланди фақат Президент стипендияси.
Куни кеча ушбу стипендиянинг илк соҳиби аниқланди ва Ёшлар куни арафасида унга махсус сертификат топширилди.
Стипендия совриндори Исмоилов Толибжон Икромбой ўғли – 21 яшар хоразмлик йигит, ЎзМУнинг математика факультети талабаси. Эришган ютуқлари рўйхати анча салмоқли: лицейда ўқиб юрганидаёқ миллий ва халқаро олимпиадалар ғолиби, талабалигида ҳам қатор халқаро олимпиадаларнинг 1-ўринларидан тортиб номдор стипендияларгача сазовор бўлган. Ўйлашимча, стипендияга муносиб. Ажаб эмаски, келажакда буюк бобокалони Ал-Хоразмий каби оламшумул шуҳрат топар, ёки ҳеч бўлмаса “Асака-банк”нинг бирон юқори лавозимли менежери бўлар... Яхши ният – ярим давлат.
Асосийси, энди Толибжоннинг атрофида қанчадан қанча талабалар тўғри йўлда эканликларини, илм қадрланишини биладилар, бундан мотивация оладилар. “Асака-банк”нинг ушбу ишларидан ҳам бошқа бақувват ва саховатли ташкилотлар рағбат ва ибрат оладилар деган умиддаман.
Ёшлар куни муборак бўлсин, келажагимиз эгалари!
@shahnozxon
“Санъат ривожланиши учун ижодкорларнинг ўзи камлик қилади, яна меценатлар ҳам керак” деган эди Станиславский. Худди шу гапни илм ва олимларга нисбатан ҳам айтиш мумкин, яъни ҳомийлик ва моддий қўллаб-қувватлаш илм учун ҳам жуда муҳим.
Таъриф: “меценатлик” тушунчаси император Августга яқин мулозимлардан бўлган Гай Силний Меценатга бориб тақалади. У ўз даврида илм ва санъат ҳомийси сифатида танилган. Меценатликнинг ҳомийликдан фарқи шундаки, меценатлар у ёки бу шахснинг ўзига эмас, балки унинг жамиятга тегадиган фойдаси учун ҳомийлик қиладилар. Масалан, рассом камбағал бўлгани учун эмас, рассом бўлгани учун, унинг ижодидан жамият, омма баҳра олгани учун меценатлар унга ёрдам берадилар. Кўриниб турибдики, меценатлик кенг ижтимоий аҳамиятга эга ҳодиса ва бу ҳаракат ҳамиша олқишлаб келинади.
“ASAKA BANK” сўнгги пайтларда илм-фанга қизиқиши бор ёшларни қўллаш борасида эътиборга лойиқ ишларни қилиб келмоқда. Бир неча ҳафта аввал 12 яшар вундеркинд Отабек ва Миршакар Файзуллоев иштирокида ташкиллаштирилган “Асака банкдан маҳорат мактаби” деган қайноқ ва қувноқ суҳбатни ютубда кўргандим (болалар билан кўришни тавсия қиламан).
Шунингдек, банк Мирзо Улуғбек номидаги Ўзбекистон миллий университети билан ҳамкорликда “Ёш математик” стипендиясини ҳам таъсис этган экан. Низомга кўра, стипендия математика йўналишидаги қобилиятли ёшларни рағбатлантириш, уларни яратувчанлик фаолиятига кенг жалб қилиш, иқтидорли талабаларни қўллаб-қувватлаш, билимини юксалтириш, интеллектуал ривожлантириш ҳамда муносиб тақдирлаш мақсадида таъсис этилган. У махсус Кенгаш қарорига кўра танлаб олинадиган 1 нафар иқтидорли талабага бир йил давомида ҳар ой тўлаб борилади. Стипендия миқдори ҳам салмоқлигина: ундан баланди фақат Президент стипендияси.
Куни кеча ушбу стипендиянинг илк соҳиби аниқланди ва Ёшлар куни арафасида унга махсус сертификат топширилди.
Стипендия совриндори Исмоилов Толибжон Икромбой ўғли – 21 яшар хоразмлик йигит, ЎзМУнинг математика факультети талабаси. Эришган ютуқлари рўйхати анча салмоқли: лицейда ўқиб юрганидаёқ миллий ва халқаро олимпиадалар ғолиби, талабалигида ҳам қатор халқаро олимпиадаларнинг 1-ўринларидан тортиб номдор стипендияларгача сазовор бўлган. Ўйлашимча, стипендияга муносиб. Ажаб эмаски, келажакда буюк бобокалони Ал-Хоразмий каби оламшумул шуҳрат топар, ёки ҳеч бўлмаса “Асака-банк”нинг бирон юқори лавозимли менежери бўлар... Яхши ният – ярим давлат.
Асосийси, энди Толибжоннинг атрофида қанчадан қанча талабалар тўғри йўлда эканликларини, илм қадрланишини биладилар, бундан мотивация оладилар. “Асака-банк”нинг ушбу ишларидан ҳам бошқа бақувват ва саховатли ташкилотлар рағбат ва ибрат оладилар деган умиддаман.
Ёшлар куни муборак бўлсин, келажагимиз эгалари!
@shahnozxon