Sevgi haqida sherlar

Senga parvo qilmasam,
Yuragim berarmidim,
Sevarsanda bilmasam,
Sevmasang sevarmidim.

Kulib qoshing qoqasan,
Bir boshqacha boqasan,
Menga juda yoqasan,
Sevmasang sevarmidim.

Dilingga olov solib,
Mendan havotir olib,
Kutib ko‘zlaring tolib,
Sevmasang sevarmidim.

O‘zimman qalbda boring,
Allohdan so‘rar zoring,
Aytmasangda izhoring,
Sevmasang sevarmidim.

Boshlandi-ku ishq sayli,
Men Majnun-u sen Layli,
Tan olmasang ham mayli,
Sevmasang sevarmidim.

Aylanayin o‘zingdan,
Hayajonli so‘zingdan,
Sevging ayon ko‘zingdan,
Sevmasang sevarmidim.

Muallif: Komila Qiz.
03.01.2025.✍

@sevgi_haqida_sherlarimiz

Sen bilan

Sen kulganda yorishadi dunyo,
Ko‘nglim yayrar, g‘amlar ketar go‘yo.
Ko‘zlaringda porlaydi bir nur,
Muhabbatga to‘la ezgu tuyg‘u.

Sen yonimda – baxtim to‘kis,
Sensiz yurak – bir holsiz his.
Faqat sen deb urar yuragim,
Muhabbatim – so‘nmas chirog‘im.

@sevgi_haqida_sherlarimiz

Sizga qarab bir zum hayron boqaman,
Quyoshday bunchalar porlaysiz ona,
Bilaman har doim sizga yoqaman,
Yuzingiz bunchalar chiroyli ona.

Dunyo go‘zallari sizday emas hech,
Lolaning chiroyi chiroy emas hech,
Bahorlar ham buncha go‘zal emas hech,
Yuzingiz bunchalar chiroyli ona.

Aturgul chiroyni sizdan olganmi?
Yoki onangizdan meros qolganmi?
Hamma ona shunday go'zal bo‘lganmi?
Yuzingiz bunchalar chiroyli ona,

Mehringiz daryoday tinmay oqadi,
Shirin so‘zim doim sizga yoqadi,
Oy ham sizga qarang hayron boqadi,
Yuzingiz bunchalar chiroyli ona.

Ko'rsam ko‘nglim yayrab ketadi doim,
Dunyoda tengi yo'q chiroyga boyim,
Topilmas xazina osmonda oyim,
Yuzingiz bunchalar chiroyli ona.

Siz menga keraksiz har doim kerak,
Sizni ko‘rsa sokin uradi yurak,
Chiroyda sizdayin bo‘lmasa kerak,
Yuzingiz bunchalar chiroyli ona.

✍Rasulov Jo'rabek.

@sevgi_haqida_sherlarimiz

KETMAYABSIZ XAYOLLARIMDAN

Qalbim mahkam egallab olib,
Ishq olovin yurakka solib,
Dil koʻshkida siz o‘rnab qolib,
Ketmayabsiz, xayollarimdan.

O‘z-o‘zimga qolyabman hayron,
Baxtimga siz bo‘ling-da omon,
Hayratdaman sog‘indim yomon,
Ketmayabsiz, xayollarimdan.

O‘rtamizga solmang siz aldov,
Sog‘insam men kelingiz darrov,
Endi hech ham bo‘lmangiz birov,
Ketmayabsiz, xayollarimdan.

Muhabbatda qildingiz asr,
Baxt bog‘ida quraylik qasr,
Ikkimizda bo‘lmasin hech sir,
Ketmayabsiz, xayollarimdan.

Har ishimda topdingiz chora,
Men uchun siz bo‘lib ovora,
Yana ko‘ray keling bir bora,
Ketmayabsiz, xayollarimdan.

Yaxshi niyat qilaylik ezgu,
Malham bo‘ling kelmasin qayg‘u,
Muhabbat bu oliy bir tuyg‘u,
Ketmayabsiz, xayollarimdan.

✍️ Solihabegim
Dilafruz Shahrixoniy

@sevgi_haqida_sherlarimiz

Osmondagi oyni olib bera oldimi?
Yoki ko'nglingginangga o'zgacha ishq soldimi?
Kelin bolish orzusidan kongilginang qoldimi
Ikkinchi xotinlikmi tanlagan qizlar....

Qaynota qaynona neligini bilmading
Kulib ,yurib yugurib xizmatini qilmading
Ertangni o'ylamading buguningni tanlading
Ikkinchi xotinlikni tanlagan qizlar...

Xovliga suv sepib tong saharlari
Kelin salom qilish baxtmasmi bari
Pushaymon bo'lasan vaqt o'tgan sari
Ikkinchi xotinlikni tanlagan qizlar...

Ishqing pinhona etolmaysan hech oshkor
Ota onang yaqinlaring eshitsa qiladi or
O'zgani yori hecham bo'lolmaydi senga yor
Ikkinchi xotinlikni tanlagan qizlar ...

Xotin bola chaqasi bilishidan cho'chasan
Eshiging taqillasa hadik bilan ochasan
G'iybatu gap so'zlardan qayerlarga qochasan
Ikkinchi xotinlikni tanlagan qizlar...

Beradi sovg'a salom baxt berolmaydi to'kis
Farzand degan ne'matni qila ololmaysan xis
Bir kuni soxta rishta uziladi aniq tirs
Ikkinchi xotinlikni tanlagan qizlar.

Kunduz ko'ngling oladi ,shoshar uyiga tunlari
Sochlaringni ham silab uyg'otmaydi tonglari
Vaqtinchalikdir asli ul yorning ko'ngillari.
Ikkinchi xotinlikni tanlagan qizlar...

Sevgidan so'z ochsa ochmagin quchog'
Foydalanar sendan ko'nglin qilib chog'
Shirin hayotingga tushirmagin dog'
Ikkinchi xotinlikni tanlamang qizlar.


Muallif :Dilim

@sevgi_haqida_sherlarimiz

Ko'zlaringa boqsam men,
Shoshib yerga qarayman.
Nigohingda sevging yashirin,
Ko'zlaringa sehrlanib qolaman.

Kipriklaring orasida adashib qolsam,
Yoki sochlaringga o'zimni ossam,
Yuragingda bir umr bir o'zim qolsam,
Ko'zlaringga qarab to'ymasdim aslo.

Nigohlari hayolim oldi,
Kulishlari yodimda qoldi.
Yuragimga o'tlarni soldi,
Ko'zlariga oshiq bo'lganman.

Ko'zlaringa boqsam men,
Shoshib yerga qarayman.
Nigohingda sevging yashirin,
Ko'zlaringa sehrlanib qolaman.

So'zlaridan topmadim ishqni,
Ko'zlarida hammasi oshkor.
Axir, shuncha bo'larmi sevgi?
Ko'rmagandim sendayin qizni.

Senga atab she'rlar yozgan men,
Menga qarab bitta kulgan sen.
Hayotimdan o'rin olgan sen,
Nega, seni sevmaslik naqadar qiyin

✍ Mashrabbek Rakhimjonov

@sevgi_haqida_sherlarimiz

TARBIYA BERGAN ONANGGA RAXMAT....

Notanish yigit, begona bir qizning jigʻiga tegmoqchi boʻlib, saxifasiga :
— Salom!!! tanishsak boʻladimi? deb yozibdi.
Qizning javobi:
— Meni avval kim ekanligimni biling.....
...... Siz azob bermasligingiz uchun, va sizning bir parchangizdan boʻlganimni unutmasligingiz uchun sizning qovurgʻangizdan yaralgan HAVVOman..
..... Men uyingizni saqlovchi, asrovchi onangizman, singlingizman, qizingizman, va ayolingizman!!!
...... Men JANNAT oyoqlarim ostida turgan ONAman. .
..... Men oʻshamanki, HABIBIMIZ sizga men haqimda: “ayolingizga yaxshi munosabatda boʻling” deb, vasiyat etib qoldirganlar..
.... Men oʻshamanki, agar SOLIHA AYOL boʻlsam, mingta solih boʻlmagan erkakdan afzal.
.... Men oʻshamanki, bir kuni sizga oʻxshagan bir insonni xaloli va jufti.
.... Men ushamanki, otam, aka - ukalarim, amaki - togʻalarim, bobolarim nomusini yelkasida kutarib yurgan xammol.
.... Men oʻshamanki, nomus atalmish gavxarni yagona egasiga taqdim etish uchun koʻz qorachigidek asrab yurgan baxil.
Agar siz ermak uchun shunchaki vaqti chogʻlik qilmoqchi boʻlsangiz, unda ermak boʻlishni istaganlarning sahifalariga borib, oʻsha yerdan izlang. .
Men haqimda bilib oldingiz, endi oʻzingizni tanishtirsangiz ey HURMATLI inson?!!
Yigit qisqagina qilib javob berdi:
-— Men koʻzi koʻr bir BANDAman.
Sizni tarbiyalagan Onangizga RAHMAT.

@sevgi_haqida_sherlarimiz

*

Sendan so‘ng kim uchun yashayman ONA,
Minnatli qo‘llarga egamanmi bosh?
Bir kuni tashvishdan etsalar pana,
Bir umr soyamga otadilar tosh.

Sendan so‘ng kim uchun yashayman ONA,
Qadrimning qabrini qazganlar qancha.
Yiqilsam yolg‘ondan kuyib pinhona,
Kulganni unutmam o‘la-o‘lguncha.

Izn ber, qo‘y meni qiynama ortiq,
Yashayin qalbingdan qorlarni kurab.
Ularga borimni etsamda tortiq,
Hech biri kelmadi holimni so‘rab.

Sendan so‘ng kim uchun yashayman ONA,
Qaridim, men qishning tashvishin o‘ylab.
Meni yeb bitirar sensiz koshona,
Mavhum kelajakni berolmam so‘zlab.

✍ABDUVAHOB XAYDAROV

@sevgi_haqida_sherlarimiz

Tunlar hayolimda kunduz yodimda
Suratingga termilib ovinamanda
Bilmaysanda sira bilmaysan
Men seni o'lguday sog'inamanda...

Dardimga malham qog'ozu qalam
Ba'zan ko'z yoshimga cho'milamanda
Qalbimda mujassam eng totli sog'inch
Men seni o'lguday sog'inamanda....

Tunlar yotaman hijronni quchib
Sensiz har onimdan og'rinamanda
Sen esa behabar sog'inchlarimdan
Men seni o'lguday sog'inamanda....

Olisdan bolsa ham keladi ko'rgim
Ko'zlaringga qarab holingni so'rgim
Kelsang yomg'ir bo'lib yog'ilamanda
Men seni o'lguday sog'inamanda....


Ikkimizni sevgimiz g'oyoki bir doston
Senla o'tgan kunlarni eslaymanda ko'p rostdan
Eslamayman desam ham yodimdasan behosdan
Men seni o'lguday sog'inamanda..

Senga tashna yurakni qo'yaman doim aldab
Sog'inganda sen uchun she'r yozaman ataylab
Mayli aytay bir so'zni senga qayta qaytalab.
Men seni o'lguday sog'inamanda ...


Muallif:Dilim

@sevgi_haqida_sherlarimiz

O'taverarkan sensiz kunim
Sensiz o'laman debmana
Uraverarkan hatto yuragim
Sevgingsiz urmas debmana
    *       *       *       *       *       *
Chiroyingdan ko'zlarim ko'r bo'lib
Sendan go'zali yo'q debmana
Shirin shirin so'zlaringa ishonib
Faqat menga oshiqsan debmana
    *       *       *       *       *       *
Ko'nglingni olish uchun senga
Boru yo'g'imni sarf etibmana
Birinchi sevgimsan deya senga
Beg'ubor ko'nglimni beribmana
    *       *       *       *       *       *
Yorim bo'larsan deb onamga
Ta'rifing bo'rttirib aytibmana
Hayvondan yo'q ekan farqing
Hayvon bilan sevishibmana
    *       *       *       *       *       *
Soddaligim senga o'lja bo'lib
Yirtqichlardek olib ketting
Seni qanchalar sevgandima
Yuragimdan qolib ketting

✍Dilmurod Shavkat o'g'li

@sevgi_haqida_sherlarimiz