ScaleUp | UZ

📈Hozir marketing harakatlarini kuchaytirish vaqti!

💬Mavsumga qarab marketing strategiyasini o‘zgartirish, albatta, juda keng tarqalgan va samarali yondashuv. Quyida hozirda marketingni kuchaytirishga ehtiyoj sezadigan asosiy bir nechta sohani ko‘rib chiqamiz:

🔖Ta’lim sohasi (kurslar, repititorlik, onlayn va hususiy maktablar)
💥Yangi semestr yoki mavsum oldidan odatda ko‘plab talabgorlar kurslarga yozilishadi, xorijiy til o‘rganish yoki kasb o‘zgartirish kabi rejalarga kirishishadi, yoki tanlov qilmoqchi bo’lgan brendlar kuzatuvini boshlaydi;
💥Agressiv marketing bilan: onlayn/offlayn reklamalar, “ommaviy chegirmalar”, havolali marketing (affiliate), influencer marketing kabi usullarni ishga solish orqali e`tibor tortishadi.

🔖IT va onlayn xizmatlar sohasi
💥Digital marketing rivojlanayotgani sababli, dasturlash maktablari, texnologik echimlar taklif qiluvchi startaplarga hozir “bozor issiq”.
💥Kompaniyalar yoki yakka tartibdagi mutaxassislar (freelancerlar) onlayn kurslar, masofaviy xizmatlar, konsalting kabi faoliyatlar uchun agressiv marketing yuritishi foydali.

🔖Turizm va mehmonxona biznesi
💥Odatda bahor yoki yoz mavsumi boshlanishi oldidan (ayniqsa, fevral-mart oylaridan) agressiv marketing yuritish natijador bo‘ladi. Insonlar ta’tilni oldindan rejalashtirishadi, shu bois “erta bron” aksiya va takliflari uchun ayni payt.
💥Agar ichki turizmga ixtisoslashgan bo‘lsangiz, marketingda mavsumga bog‘liq ravishda milliy bayramlar va dam olish kunlaridan foydalanish yaxshi samara beradi. Masalan, Navro‘z, yozgi ta’til davrini oldindan maqsadli reklamalar bilan qamrab olish mumkin.

🔖Onlayn savdo (e-commerce) va chakana savdo
💥Ko‘plab do‘konlar mavsumiy ravishda sotuvida piket davrlarini boshdan kechiradi. Shunday pallalarda (odatda bayram yoki eng ko‘p oylik o‘sish kuzatiladigan oylarda) agressiv marketing qilinsa, “chegirma” yoki “flash sale” larni to‘g‘ri targ‘ib qilish orqali yaxshi savdo hajmini ushlab turish yoki oshirish mumkin.
💥Raqobat kuchli bo‘lgani sababli, ppc (pay-per-click) reklamalar, SEO, SMM, influencer marketing, email marketing singari turli raqamli kanallarni kuchaytirish zarur.

🔖Xizmat ko‘rsatish sohasi (servis bizneslari)
💥Go‘zallik saloni, tibbiyot markazlari, stomatologiya, fitness klublari kabi xizmat turlari mavsumiy ko‘tarilishlarga ega bo‘lishi mumkin. Masalan, bahor yoki yoz faslida to‘y mavsumi boshlangani uchun go‘zallik, foto/video xizmatlar ko‘payadi.
💥Sport zallari yoki fitnes-klublar: Yangi yil oldi yoki bayramlardan keyin odamlarda “yangi hayot” boshlash tuyg‘usi kuchayadi, bu palla agressiv marketing uchun ayni muddao.

🔖B2B xizmatlar (keng turdagi konsalting, biznes treninglar, dasturiy ta’minot yechimlari)
💥Korxonalar odatda yil boshida yoki mavsum o‘rtasida budjet rejasini qayta ko‘rib chiqadi, shu davrda B2B marketingni kuchaytirish muhim. Katta-kichik kompaniyalar o‘z faoliyatini sezilarli yaxshilaydigan xizmatlarga sarmoya kiritishga moyil bo‘ladi.
💥Shuning uchun yirik B2B sektorda professional networking, korporativ eventlar orqali agressiv kampaniyalar o‘tkazish ayni paytida samarali.

🔖Ko‘chmas mulk va qurilish
💥Yilning dastlabki choragi va bahor oylarida odatda uy sotib olish yoki ta’mirlash mavsumi jonlanadi. Shuning uchun qurilish materiallari do‘konlari, developerlar agressiv marketing yo‘nalishida imtiyozli to‘lov shartlari, chegirmalar bilan bozorga kuchli chiqishlari mumkin.
💥Video prezentatsiyalar, 3D turlar, influencer reklamalari orqali mijozlarda qiziqishni orttirish, keyin voronka orqali aniq taklifga yo‘naltirish yaxshi ish beradi.

Qisqa hulosa:

☄️Raqobat o‘rtacha yoki katta bo‘lgan;
☄️Talab sezilarli darajada o‘sgan yoki o‘sish arafasida turgan;
☄️Mijoz tanlovini reklama yoki marketing orqali o‘zgartirish imkoniyati yuqori bo‘lgan
sohalarda agressiv marketing strategiyalari korxonaning bozor ulushini tezroq kengaytirishda qo‘l keladi.

Marketologlar diqqat qilib turing loyihalar yog'iladi 🤡

@scaleupuz

🤫"100$ dan bor-yo‘g‘i $5 foyda – Nike fenomeni!"

Nike barchaga tanish va bir martta bo’lsa ham sotib olishingiz uchun hohish uyg’otgan brend. Biroq ko‘pchilik bilmaydiki, 100$ krossovka sotilganda, kompaniya atigi $5 sof foyda oladi. Bo’lishi mumkinmi? Ha albatta, marketing strategiyasi, moliyaviy rejalashtirish va xarajatlarni qat'iy nazorat qilish orqali. Nike fenomeni shundan iboratki, u xarajatlarni puxta rejalashtiradi va har bir qadamda o‘z strategiyasida qat’iy qoladi.

❗️Nike krossovkasining $100 qiymatidan mana qanday xarajatlar ajratilgan:
💵$22 – Ishlab chiqarish tannarxi. Bu xomashyo va zavoddagi ishlab chiqarish xarajatlarini o‘z ichiga oladi. Mahsulot sifatini pasaytirmaslik uchun buni optimallashtirish oson emas.
💵$5 – Logistika va yetkazib berish. (transport, sug‘urta va bojxona to‘lovlari). Mahsulot yetkazib berilishi tezkor va ishonchli bo‘lishi zarur.
💵$5 – Marketing. Nike doimo o‘z brendiga investitsiya qiladi. "Just Do It" kabi kampaniyalar global auditoriyaga qaratilgan va brend imidjini yillar davomida mustahkamlaydi.
💵$11 – Boshqa xarajatlar va operatsion harajatlar. Bunga kompaniyaning umumiy boshqaruvi, texnologiya sarmoyalari va boshqa majburiy to‘lovlari kiradi.
💵$50 – Riteyl marjasi. Mahsulot sotiladigan joylarda riteyl kompaniyalar ham o‘z ulushini oladi. Bu savdo kanallarining barqarorligini ta’minlash uchun zarur.
💵$5 – Sof foyda. Nike faqat mana shu qismini cho‘ntagiga oladi, lekin bu ular uchun yetarli. Ular katta hajmdagi mahsulot aylanishi orqali o‘sish strategiyasini tanlashgan.

‼️Ushbu fenomendan nima o’rgansak bo’ladi:

🔖Xarajatlarni nazorat qilmasdan biznes yuritib bo‘lmaydi
Nike har bir mahsulot uchun xarajatlarni bo‘lib rejalashtiradi. Har bir bo‘lim (logistika, marketing, ishlab chiqarish) o‘ziga ajratilgan budjet doirasida ishlaydi. Bu harakatlar biznesning barqaror rivojlanishini ta’minlaydi.

🔖Marketing investitsiya, xarajat emas!
Ko‘pincha kompaniyalar marketingga ortiqcha xarajat sifatida qarashadi. Lekin Nike misolida ko‘rinib turibdiki, marketing budjeti – brendga va kelajakdagi sotuvi ko‘payishiga qaratilgan strategik investitsiya. Brendni qadrlash va mijozlar bilan hissiy aloqani yaratish orqali ular bozorda doim yetakchilikni saqlab qolmoqda.

🔖Strategik rejalashtirish – muvaffaqiyatning kaliti
Mahsulotni ishlab chiqarishdan tortib sotuvgacha bo‘lgan jarayonlar oldindan puxta rejalashtiriladi. Marketing kampaniyalari, logistika tizimi va bozorga chiqish strategiyasi aniq tartibda ishlaydi. Bu Nike’ning birinchi raqamli brend bo‘lib qolishiga sabab bo‘lmoqda.

☄️Biznesingizda marketing xarajatlari, logistika va operatsion xarajatlarni puxta rejalashtiring.

Har bir bo‘lim o‘ziga ajratilgan budjet doirasida ishlashi natijasida umumiy reja muvaffaqiyatli amalga oshadi. Tannarx va sof foyda balansini nazorat qilish esa sizni bozorda barqaror ushlab turadi.

❓Sizning strategiyangiz qanday?
❓Har bir mahsulotdan qancha sof foyda qolyapti?

🚩Hisoblab ko‘ring va strategiyangizni qayta ko‘rib chiqing.Yaqinlaringiz uchun foydali, ularga ham ulashib qo'ying !

@scaleupuz

☄️KFC Dubayda o'zining 24/7 ishlashini zo'r reklama kampaniya bilan ko'rsatdi. Restoranlar eshiklarini olib tashlab, ularni shahardagi bannerlarga aylantirdi.

Yozuvlar esa juda oddiy:

"Agarda yopilmasak, bizga eshikni nima keragi bor ?"

Eshiklarda QR-kod ham bor – yaqin oradagi doimiy ochiq KFC’ni topib borishingiz mumkin.

Qiziq, mijozlar bilan creative kommunikatsiya 📣

@scaleupuz

#Tavsiya

Sizga tavsiya qiladigan 5 ta kitobim :

💭"Правило 10Х" – Grant Kardon
💭"Парадокс выбора" – Barry Schwartz
💭"Почему лучше покупать именно у вас" - Aleksey Objerin
💭"Performance Маркетинг – заставьте интернет работать на вас" – Zagrebelniy Grigoriy
💭"Партизанские продажи" – Murat Turgunov

Sotuv hamda marketing haqida bilimlaringizni yangilash va kuchaytirish uchun kitoblar ro'yhati;

@scaleupuz

📊Brend qiymatini qanday o‘lchash mumkin?

Brend qiymatini qanday o‘lchash mumkin?

Brendning qiymatini o‘lchash – biznes uchun muhim jarayon.
Ammo bu jarayon logotip yoki tashqi ko‘rinishga asoslanmaydi.
Brend qiymati sizning logotipingizning qanchalik chiroyli ko‘rinishida emas.

❗️Brend qiymati – bu moliyaviy va hissiy aloqa.
Bunga mijozlarning tan olishi, sadoqati va bozordagi ta'sir kuchi ta'sir qiladi.

Biz ko‘rib chiqadigan asosiy performance ko’rsatkichlar:

🔖Brend tan olinishi (Brand Awareness)
Mijozlarning brendni qanchalik yaxshi tanishi va yodda saqlashi.
Buni so‘rovlar, ijtimoiy tarmoqlardagi eslatmalar va izlash hajmi orqali o‘lchash mumkin.

🔖Brend kapitali (Brand Equity)
Mijozlar sadoqati, assotsiatsiyalar va obro‘ orqali brendning bozorda egallagan o‘rni.

🔖Mijozlar sadoqati (Customer Loyalty)
Mijozlarning qayta-qayta xarid qilishi, saqlanish ko‘rsatkichlari va umr bo‘yi qiymatini kuzatish.

🔖Bozor ulushi (Market Share)
Brendning umumiy savdolar ichidagi ulushi.

🔖Brend hissi (Brand Sentiment)
Mijozlarning brend haqidagi hissiy munosabatlari.

🔖Muloqot ko‘rsatkichi (Engagement Rate)
Ijtimoiy tarmoqlar va veb-saytlarda foydalanuvchilarning faollik ko‘rsatkichlari.

🔖Daromad o‘sishi (Revenue Growth)
Brendning moliyaviy ta'sirini va vaqt davomida o‘sishini kuzatish.

Har bir biznes o‘z qiymatini oshirishni maqsad qiladi.
Brend – bu nafaqat ko‘rinadigan, balki strategik aktiv.
Uni asrab-avaylash va rivojlantirish har bir biznesning asosiy vazifasi.

❓Ushbu ko’rsatkichlardan qay biri sizning KPI giz ?
Siz qaysi ko’rsatgichni o’lchab turasiz ?

@scaleupuz

⚠️Brand awareness uchun eng samarali reklama uslubi !

Ozgina loyihalar bilan chalg’ib foydali ma`lumotlar ulasha olmadim. Keling sizga qiziq statistikani ulashaman,bu o’ylaymanki yillik startegiyangiz uchun foydali bo’ladi:

✨Brand awareness uchun eng samarali reklama vositasi bu – Tranzit reklama. Nega ?

Tranzit reklama aynan katta auditoriyaga qisqa vaqt ichida yetib borish uchun juda samarali. Keltirilgan raqamlar orqali bu strategiya bizneslar uchun qanday imkoniyatlar yaratishini yanada yaxshiroq tushunib olish mumkin.

Mana, statistik ma'lumotlar bo'yicha qisqa tahlil:

🔥Aeroportlar: 13,5 million yo'lovchi – bu ko'p sonli turli davlatlardan va shaharlar ichidagi yuqori darajadagi maqsadli auditoriyani anglatadi. Aeroport reklamalari ko'pincha premium brendlar uchun yaxshi ishlaydi. Ayniqsa, yuqori daromadli va xizmat safarlariga chiqqan mijozlar e’tiborini tortadi.
🔥Metro: 270 million chipta sotuvi – metropolitenni kundalik hayotining bir qismi qilgan odamlar uchun katta imkoniyat. Reklama platformalarda yoki yo'lovchilar o'qib ko'rishi mumkin bo'lgan joylarda joylashgan bo'lsa, maksimal ta’sir ko'rsatadi. Aloqa cheklovlari sabab e'tiborning reklamalarga ko'proq bo'lishi ham bir afzallik.
🔥Avtobuslar: 323 million chipta sotuvi – transport harakati bo'yicha eng katta oqimlardan biri. Ayniqsa, shahar atrofidagi reklama panellari va avtobus ichidagi vizual materiallar brend awareness uchun juda mos.

❗️Mijozlarga qanday ta'siri bor:

🔖Ko‘p martalik ko‘rinish: Mijoz bir joyda va bir vaqtning o'zida bir necha bor brendingizni ko‘rsa, uni yodda saqlab qolish ehtimoli ortadi.
🔖Aeroport hududi: Kamida 2 soat davomida yo'lovchilar kutish holatida bo'lgani uchun ular reklama bilan yaqin aloqada bo'ladi. Bu ularga xabarni yaxshi singdirish imkonini beradi.
🔖Metroda: Signal yo‘qligi sabab yo‘lovchilar ko‘pincha reklama panellariga e’tibor berishadi, chunki boshqa chalg‘ituvchi vositalar kam.

⚠️Marketingda ishlaydigan tanishlaringizga yuborib qo'ying !

Shunga o'xshash qiziq ma'lumotlardan habardor bo'lish uchun, communityimizga qo'shiling !

⚡️Yangi qo’shilganlar ushbu postlarni o’qishini tavsiya beraman:

Qimmat sotish texnikasi

1 soatingiz narxi nech pul ?

O’zbekistondagi eng katta ijtimoy tarmoq

SWOT Tahlili

@scaleupuz

💵Nega mahsulot yoki xizmatni aynan bizdan sotib olish kerak? (Quyida USP aniqlashdagi 15 qadam ilovasi mavjud, sizga juda yordam beradi)

📌Aleksey Objerin kitobidan olgan insightlarim asosida fikrlarimni keltiraman. Bu kitobning asosiy yechimi – unikal tijorat taklifi (USP) ishlab chiqishdir.

🔖USP har doim aniq bitta jumla bo‘lishi kerak.
Uzun va chalkash gaplar mijozni e’tiborini yo‘qotadi. Bitta aniq jumla sizning mahsulotingiz yoki xizmatingizni raqobatchilardan ajratib beradi.

🔖USP – bu slogan emas.
Ko‘pchilik USP’ni oddiy reklama shiori deb o‘ylaydi. Aslida esa USP to‘g‘ridan-to‘g‘ri mijozning qaror qabul qilishiga ta’sir ko‘rsatadigan real taklifdir.

🔖USP’da faqatgina mijoz manfaatiga emas, harakatga urg‘u berishdir.
Taklifingizda mijoz uchun foyda ko‘zlangan bo‘lsa ham, uni amalda qanday yechim yoki qulaylik berishini ko‘rsatish zarur. Bu mijozni harakatga undaydi.

🔖Strategik USP’ni ko‘chirishning iloji yo‘q.
Agar USP chuqur strategiya asosida yaratilgan bo‘lsa, raqobatchilar uni o‘zlashtira olmaydi. USP faqat sizning biznes modelingizga mos bo‘ladi.

🔖Reklama – bu sotuv, o‘yin-kulgi emas.
Objerinning fikriga ko‘ra, reklama kampaniyasi ko‘ngilochar kontent emas, sotuv uchun xizmat qilishi kerak. Agar reklama mahsulot haqida gapirsa – bu yaxshi reklama. Faqat reklama o‘zini reklama qilsa – bu yomon reklama.

🔖USP har doim sayt yoki reklamaning ko‘zga ko‘rinadigan joyida bo‘lishi kerak.
Mijozlar saytga tashrif buyurganda yoki reklama ko‘rganda taklifni zudlik bilan tushunib olishi zarur.

💎Ushbu kitobdan olgan hulosalarim shuni ko‘rsatadiki, sizning USP biznes muvaffaqiyatingizni belgilovchi asosiy omillardan biri hisoblanadi. Shu sabab, "Nega bizdan sotib olish kerak?" degan savolga to‘g‘ri va samarali javob beradigan USP yaratish zarur.
Ushbu USP ni ishlab chiqish uchun Aleysey Objerinni USP ni aniqlash uchun “Olmos” 15 qadamini sizga qulay holatda beraman. Men o’zimni loyihalarimda qo’llaganman.

🛡Endi siz ham o‘z biznesingiz uchun USP ishlab chiqish haqida o‘ylab ko‘ring.

@scaleupuz

ℹ️Mijozlar mahsulot emas, o‘zlariga mos brend xarakterini tanlashadi. Sizning brendingiz qaysi xarakterga mos?

Yaponiyaning katta reklama va kommunikatsiya holdingi Dentsu tadqiqotiga ko‘ra, xaridorlar ongli ravishda yoki emotsional o‘z shaxsiyatiga mos brendlarni tanlaydi:


🔖62% mijozlar o‘z qadriyatlariga mos kelmagan brendlardan voz kechadi;

🔖45% iste’molchilar brend o‘z g‘oyalari bilan ilhomlantirsa, sodiq mijozga aylanadi;

🔖72% xaridorlar mahsulot emas, brendning o‘ziga bo‘lgan ishonchi asosida xarid qiladi;

@scaleupuz

🔥"Kliplar,tadbirlar,kafe,hususiy maktab va maishiy texnika – sohalar qanchalik farq qilmasin, ularni nima birlashitiradi? "
(Oxirida berilgan testdan o'tishni unutmang va natijani ulashing 🔖)

📊Har bir muvaffaqiyat ortida qanday raqamlar va kechinmalar yotadi? Mening tajribamda bular nafaqat muvaffaqiyatlarni, balki muvaffaqiyatsizliklarni ham aks ettiradi. Keling, ular haqida qisqacha aytib o’taman:

✔️Video production (2015–2021): Bu sohada sekin astalik bilan yillik 450,000$ aylanmaga erishganmiz. Bir dona musiqiy klipning 15.000$ , bir dona tadbir narxi esa 9.000$, bir dona commercial video esa 23.000$ narxga sotishga erishdik. Har bir loyiha ijodiy yondashuv, qat’iyat va doimiy o‘zgarishlarga moslashishni talab qilgan.

✔️Umumiy ovqatlanish (2019 - h.k.): Hozirgi brendimizning yillik aylanmasi 400,000$ ga yetdi. Ammo bu yo‘lda 170,000$ dan ortiq omadsiz yopilgan loyihalar va hozirda ushbu aylanma qilib berayotgan kafe uchun 150,000$ investitsiya kiritilgani sabab. Bugungi muvaffaqiyat ana o‘sha xatolar va saboqlardan shakllangan.

✔️Ta’lim (2021 - h.k.): Hususiy maktab loyihamiz yillik 2,000,000$ aylanmaga ega va o‘z segmentida eng yuqori narxdagi hususiy maktablardan biri hisoblanadi. Bu loyiha kuchli USP (unikal savdo taklifi) va jamoaning professional yondashuvi tufayli bozorda yillar davomida o‘z o‘rnini saqlab qolmoqda.

✔️Maishiy texnika (2024 - h.k.): Bugungi kunda loyihamizda yillik 2,200,000$ marketing budjetni kuchli jamoa bilan boshqarib, raqobatbardosh strategiyalarni amalga oshirib, har xil gipotezalarni qilib kelmoqdamiz. Har bir loyiha yangi bilimlar va ko‘nikmalarni olib kelmoqda.

Ushbu tajribalar nafaqat kasbiy o‘sishimga, balki shaxs sifatida shakllanishimga ham katta hissa qo‘shdi.

🔖Siz bilan bo‘lishmoqchi bo‘lganim:

Bu postda o‘zimning tajribalarimni sizlarga yetkazishni istadim. Mening maqsadim – raqamlar va natijalar ortidagi real hayot saboqlari, strategiyalar, o’sish nuqtalari va xatolarni siz bilan bo‘lishishdir. Shu orqali siz o‘z yo‘lingizda bu bilimlardan foydalanishingiz mumkin.

🔥P.S.: Men "X" avlod vakiliman,"Komandir" (ENTJ-A) tipidagi shaxsman – ya’ni, tabiatan boshqaruvchi va lider. Har bir loyihaga yondashuvim quyidagi kuchli fazilatlarimga tayanadi:
❗️Ekstravert (72%) – Men energiyamni odamlar bilan muloqot qilishdan olaman. Jamoa bilan ishlash, g‘oyalarni birlashtirish va yangi loyihalarni hayotga tatbiq etish menga energiya beradi.
❗️Intuitsiya (59%) – Men har bir qarorimda kichik detallarni emas, katta «картина» ni ko‘raman. Bu esa har bir loyihaning kelajagini o‘ylab, uzoq muddatli strategiyalarni ishlab chiqishga yordam beradi.
❗️Mantiqiy tahlil (58%) – Men uchun har bir harakat faktlar va asosli dalillar bilan mustahkamlanishi kerak. Emotsiyaga asoslangan qarorlarni emas, o‘zaro muvozanatli va aniq yondashuvni tanlayman.
❗️Rejalash (56%) – Mening kuchim strategiya tuzishda. Loyihalarimda hamma narsa oldindan rejalashtirilgan: har bir qadam, har bir bosqich aniq belgilangan.
❗️Ishonch (61%) – To‘g‘ri qaror qabul qilishga va oldinga borish qobiliyatimga ishonaman. Bu ishonch menda qo‘rquvni kamaytiradi va muammolarni hal qilishga undaydi.

Ha aytgancha, sizning shaxsiy tipingizni aniqlash qiziqmi?

Mening "Komandir" (ENTJ-A) sifatidagi xarakterim mening yutuqlarimga qanday ta’sir qilgani haqida gapirdim. Endi navbat sizda!
Siz ham ushbu testdan o‘tib ko‘ring va natijangizni izohlarda ulashing. Balki siz jamoangizning asosiy qadr-qimmatlarini yoki to‘g‘ri rolda ishlamayotgan xodimlaringizni aniqlash imkoniga ega bo‘larsiz. Test nafaqat o‘zingizni, balki jamoangizni ham yaxshiroq tushunish uchun ajoyib vosita.

Unutmang: Hayotda hech narsa o‘z-o‘zidan sodir bo‘lmaydi. Har bir muvaffaqiyat mantiqan tuzilgan strategiya va chuqur tahlil natijasi. Keling, har birimiz o‘zimizni yaxshiroq tushunaylik va o‘z imkoniyatlarimizni to‘liq ishga solaylik!

@scaleupuz