Saxobullo’s Fikrset

Erkaklarga qiyinroq deb o’ylayman. (Qizlarga balkim ozgina yoqmaydigan post bo’ladi, fikrlarim qanchalik to’g’ri bilmayman)

Nega qiyinroq? Sababi moliyaviy sabablar. To’g’ri ayol kishiga ham qiyin, chidaydi, yashaydi, bolani 9 oy ko’tarib yuradi, barcha suyaklari singandek og’riqqa chidab, jonini o’rtaga qo’yib farzand dunyoga keltiradi, uni o’stiradi. Bir vaqtda uy ishlariga ham ulguradi. Har tomonlama og’ir. Ayniqsa bizni jamiyatda chekkaroq joylarda ayollarga bo’lgan noto’g’ri munosabat ancha ezib qo’yadi.

Lekin baribir erkak kishiga qiyinroq deb bilaman. Dadamga qarayman. Oila ma’suliyati.

Hamma senga suyanadi. Hamma sendan najot istaydi. Xotini siqilsa eriga kelib arz qiladi, ichidagi chiqaradi, yengil tortadi, muammosini hal qilishiga ishonadi. Qizini bog’chada, maktabda kimdir xafa qilsa kelib dadasiga aytadi. Dadasidan kutadi. Og’liga podderjka kerak bo’lsa otasiga kelib “erkakcha” suhbat bilan yo’l topishga urinadi. Boshqa tomondan ota-onasi, aka-ukalari oldida ham ma’suliyati bo’ladi.

Bir oila boshi sifatida bularni barini ko’tarishga majbur ular. Va bilasizlarmi nima? Menimcha eng og’ir yuk bu ma’suliyat.

Ayol kishi hammasidan to’yib ketsa, shunchaki to’xtab, to’yigacha otasiga, to’ydan keyin eriga suyalib yashashi mumkin. Lekin erkak kishida unaqa tanlov yo’q. Unda yagona tanlov ma’suliyatni bo’yniga olish va oila boshiga aylanish.

Boshqa tomondan bu ma’suliyat yuki yoqimli ham ular uchun. Chunki dadam qanchalik og’ir ma’suliyatni olsada, kun oxirida biz istagan narsani muhayyo qila olganidan ko’zida paydo bo’ladigan quvonchdan sezaman.

Xullas, hech kimga oson emas aslida lekin baribir tanlov yo’qligi hisobga olsak umumiy olib qaraganda erkaklarga baribir qiyinroq. (ERKAKlarga dedim, “childish boy”larga emas, albatta)

Erkaklarni hissiyotlari bo’midi
Erkaklar bu doim kimnidir umidi
Erkak doim sevilish uchun to’lidi
Hech narsasi yo’qni hech kimi bo’midi!

— Konsta