JIGARCHILIK
Oramizda uchramagan xiyonatlik,
Hammangiz zo‘r Alloh degan diyonatlik.
Oqibatli do‘stlarimsiz qiyomatlik,
Jigarchilik yo‘qolmasin jigarlarim.
Akamdayin ukamdayin qonimdasiz,
Yaxshi yomon kunlarimda yonimdasiz.
Yiqilsangiz achinaman jonimdasiz,
Jigarchilik yo‘qolmasin jigarlarim.
Savlatingiz davramizni to‘ldiradi,
Davlatingiz bo‘lmas ishni bo‘ldiradi.
Borligingiz tashvishimni o‘ldiradi,
Jigarchilik yo‘qolmasin jigarlarim.
Birga yurib kirdik do‘stim qancha yoshga,
Birga ko‘rdik qanday kunlar tushdi boshga.
Har biringiz o‘rni bo‘lak boshqa boshqa,
Jigarchilik yo‘qolmasin jigarlarim.
Har qachonda yoningizda turaman men,
Hurmatdasiz holingizni so‘raman men.
Sizni Alloh uchun yaxshi ko‘raman men,
Jigarchilik yo‘qolmasin jigarlarim.
✿ ••┄┄┄❅┄┄┄••• ✿
@saranjom_beka