SamDAQU │ Rasmiy kanal

Qurilish muhandisligi kafedrasida bitumning fizik-mexanik xususiyatlari bo‘yicha master-klass o‘tkazildi
#15feb #IlmiyTadqiqot

Mirzo Ulug‘bek nomidagi Samarqand davlat arxitektura-qurilish universiteti Qurilish muhandisligi kafedrasi professori Dr. Perviz Ahmedzade boshchiligida laboratoriyada bitumning fizik-mexanik xususiyatlarini o‘rganish bo‘yicha master-klass tashkil etildi.

Tadbirda MTA Solution vakillari Vosit Mavlyan Xodjayev va Denis Bolshakov, Qurilish fakulteti Qurilish muhandisligi kafedrasi o‘qituvchilari professor Dr. Perviz Ahmedzade, dotsent Abdualim Madatov, shuningdek, talabalar, magistrantlar va doktorantlar ishtirok etdilar.

Eksperimental master-klass davomida Dr. Perviz Ahmedzade bitumning yo‘l qurilishidagi rolini tushuntirib, uning yumshatuvchi harorati, mo‘rtligi, yopishqoqligi va biriktiruvchi xususiyatlarini sinovdan o‘tkazdi. Kompaniya vakillari esa bitumning fizik va kimyoviy tahlillarini amalga oshirib, turli uskunalar yordamida uning sifat ko‘rsatkichlarini baholadilar.

Master-klass davomida penetratsiya, duktillik, yopishqoqlik va harorat testlari kabi standart sinov metodlari haqida muhim ma’lumotlar taqdim etildi. Ushbu tadqiqot natijalari talabalar, magistrantlar va doktorantlarga yo‘l qurilishida bitum bilan ishlash bo‘yicha amaliy bilim olish va uni real loyihalarda qo‘llash imkoniyatini yaratadi.

#SamDAQU #QurilishMuhandisligi #IlmVaAmaliyot


SamDAQU Axborot xizmati
@samdaqueduuz

Korrupsiyaga qarshi ilmiy-nazariy seminar bo‘lib o‘tdi
#19feb #Seminar

Mirzo Ulug‘bek nomidagi Samarqand davlat arxitektura-qurilish universitetida Antikorrupsiya talaba-yoshlar klubi va Korrupsiyaga qarshi kurashish “komplaens-nazorat” bo‘limi tashabbusi bilan “Korrupsiya – taraqqiyot zavoli, iste’dod va imkoniyatlar cheklovi” mavzusida ilmiy-nazariy seminar bo‘lib o‘tdi.

Seminar davomida korrupsiyaning jamiyat rivojiga salbiy ta’siri, unga qarshi kurashishning huquqiy asoslari va yoshlarda halollik tamoyillarini shakllantirish muhokama qilindi. Tadbir ishtirokchilari mavzu yuzasidan fikr almashib, korrupsiyaning oldini olish bo‘yicha dolzarb takliflarni ilgari surdilar.

Mazkur seminar talabalar ongida korrupsiyaga nisbatan murosasiz munosabat shakllantirish va uni bartaraf etish bo‘yicha ilmiy yondashuvlarni rivojlantirishga xizmat qiladi.

#SamDAQU #KorrupsiyagaQarshi #HalollikTamoyili


SamDAQU Axborot xizmati
@samdaqueduuz

“Jadidlar, milliy oʻzlik, istiqlol va davlatchilik gʻoyalari” mavzusida eng yaxshi insholar tanlovi bo‘lib o‘tdi
#20feb #InsholarTanlovi

Mirzo Ulug‘bek nomidagi Samarqand davlat arxitektura-qurilish universitetida “Milliy qadriyatlar va ularning millat ma’naviyatidagi o‘rni” shiori ostida tadbirlar o‘tkazilishi rejalashtirilgan.

Shu munosabat bilan universitet kichik faollar zalida “Jadidlar, milliy oʻzlik, istiqlol va davlatchilik gʻoyalari” mavzusida eng yaxshi insholar tanlovi bo‘lib o‘tdi.

Tanlov natijalari tez orada e’lon qilinadi!

#SamDAQU #MilliyQadriyatlar #JadidlarMerosi


SamDAQU Axborot xizmati
@samdaqueduuz