Ўлмасбек Самарқандий🇺🇿

🚩🚩🚩🚩
​​2 0 2 5

2 минг йигирма беш, омад олиб кел,
0 йдин эт юргувчи йўлларимизни.
2 дунёсига етгулик бахт бер,
5 карра қувонтир дилларимизни.

2 минг йигирма беш, кўнглимизга боқ,
0 қсин биз томонга замонаий хос.
2 қўйма бизга ҳаёт дарсидан,
5 билан имтиҳон қилгин, илтимос.

2 минг йигирма беш, раҳм эт кўнглима,
0 ташингга солма, куйдирма ҳадеб,
2 йўл ичинда қолдирма мени,
5 пулга арзимас ғанимларни деб.

2 минг йигирма беш, ишқ бер, юрагим,
0 шиқлик сурури шавқидан тўлсин.
2 кўзим бирла севаман ишон,
5 кунлик умримиз Муҳаббат бўлсин!

2 минг йигирма беш, оқизма асло,
0 дан бошлаганлар манглайидан тер.
2 миллион берма харомдан, майли,
5 сўм бўлса ҳамки, ҳалолидан бер.

2 минг йигирма беш, илтижойим шу,
0 рзулар юртига қадам ташлайлик.
2 кафтим очиб сўрайман Ҳақдан,
5 кунимиз борми, шодон яшайлик.

2025, илтижойим шу!

Ўлмасбек Самарқандий.

https://t.me/Samarqandiy77

​​Яхшилик қилаётгандай кўринманг...
Яхшилик қилингу, кўринманг...

Ассалому алайкум!
Душанба кунингиз мазмунли бўлсин!

t.me/Samarqandiy77

Осмон нотинч бугун негадир,
Ва осмон остида ер нотинч.
Қайдадир хавотир ва қўрқув,
Осмоннинг остида, эл нотинч.

Тўлғонар ичимда бир туйғу,
Уйғонар дилимда зўр қўрқув,
Келтиринг Роббимга тазарру,
Осмон нотинч бугун, негадир...

АЛЛОҲГА ОМОНАТСИЗ! 🙏

©️Ўлмасбек Самарқандий.

@Samarqandiy77

Янги йилда тилагимиз;

Топганингиз ҳалол бўлсин,
Меҳнатингиз камол бўлсин!
Кўпайтирсин бойлигингиз,
Доллар бўлсин ойлигингиз!

Ишингиз дил нақши бўлсин,
Ишхонангиз яхши бўлсин!
Битмаган ҳеч иш қолмасин,
Пласт. карта бўш қолмасин!

Мажлиси кам бўлсин, дейман,
Икки кун дам бўлсин, дейман!
Таътилларда сайр қилинг,
Ортган пулга хайр қилинг!

Қолманг дўстим имондан ҳеч,
Жума кунлар номоздан кеч!
Қалб меҳнатга қодир бўлсин,
Бошлиғингиз одил бўлсин!

Ўрин йўқдир ҳеч ташвишга,
Машинада боринг ишга!
Ҳалол бўлсин ризқ ошингиз,
Кечикмасин маошингиз!

Қайси касбда бўлманг дўстим
Жамоага бўлинг устун!
Ҳурматингиз тоғ-ча бўлсин,
Ёвларингиз зоғча бўлсин!

Яхшиликлар эш бўлсин, дей,
Ишларингиз "беш"бўлсин, дей!
Бўлиб доим ҳамроҳимиз,
Қўллаб турсин Аллоҳимиз!

Ўлмасбек Самарқандий.

@Samarqandiy77

⚡️Бугун Ўлмасбек Самарқандий канали ташкил этилганига роппа-роса 5 йил бўлди!

2019 йил яхши ниятлар билан биринчи постимни қўйгандим.
Шу вақт ичида мен билан бир сафда садоқат билан ижодимни кузатиб келаётганларга ўз ташаккуримни билдираман!

Самимият билан:
Ўлмасбек Самарқандий.

@Samarqandiy77

Менга "йўқ" деб жавоб берганлардан миннатдорман, чунки улар туфайли мен ҳамма нарсага ўзим эришдим.

©Алберт Эйнштейн.

Ассалому алайкум!
Янги кун муборак азизим !

@Samarqandiy77

​​​​ЯНГИ ЙИЛ ТИЛАКЛАРИ

Салом дўстим, азизим,
Қадрингиз баланд ғоят.
Ҳадемай янги йил ҳам,
Кириб келар, ниҳоят.

Ҳар галгидек янги йил,
Келгайдир виқор билан.
Қайда ёмғир шивирлаб,
Қайда эса, қор билан.

Тилагим, янги йилда,
Янги бахтлар ёр бўлсин.
Уч юз олтмиш беш кун ҳам,
Умидингиз бор бўлсин!

Сочилсин йўлингизга,
Наманганнинг гуллари.
Аримасин чўнтакдан,
“Кал бобо” нинг пуллари.

Самарқанднинг нонидай,
Азиз бўлсин бошингиз.
Бухоро миноридай,
Мингга етсин ёшингиз.

Кенг қилинг кўнглингизни,
Қорақалпоқ чўлидай.
Бурро бўлсин тилингиз,
Боғларнинг булбулидай.

Қизлар бахтли бўлишсин,
Борган жойда тош қотиб.
Йигитлар муҳаббатда,
Қолмасинлар бош қотиб.

Уйланганлар яшашсин,
Кипригу ҳам қошдайин.
Ёғли бўлсин рўзғори,
Андижонча ошдайин.

Шодон байрам қилайлик,
То қуёш уйғотгунча.
Шодлайлик кўнгилларни,
Фарғона тонг отгунча.

Овозингизга овоз,
Берсин дейман Худойим.
Тошкент пиёласидай,
Жаранглаб турсин доим.

Қалбингизнинг учқуни,
Олов бўлсин ловуллаб.
Юракда оқсин меҳр,
Сирдарёдай шовуллаб.

Жиззахнинг тоғларидай,
Баланд бўлсин бошингиз.
Ризқингизни Ҳақ берсин,
Ҳалол бўлсин ошингиз.

Кийганингиз ҳамиша,
Бўлсин бренднинг зўри.
Еганингиз доимо,
Қашқадарё тандири.

Вафодор дўстларингиз,
Ёнингизда тўп бўлсин.
Сурхондарё анорин,
Донасидай кўп бўлсин.

Навоий олтинидай,
Зангламасин бахтингиз.
Мана шу олтинлардан,
Кам бўлмасин нақдингиз.

Қувноқ байрам янги йил,
Кўнгил ёзиб, куйлаймиз.
Хоразмча “Лазги” ни,
Қўйинг дўстим ўйнаймиз.

Тилагим, янги йилда,
Янги бахтлар ёр бўлсин.
Уч юз олтмиш беш кун ҳам,
Умидингиз бор бўлсин!

Ўлмасбек Самарқандий.

@Samarqandiy77

ЙИЛНИНГ СЎНГГИ ЖУМАСИ

Улуғ кунга етдик эллик икки бор,
Аллоҳнинг каломи тушмади тилдан.
Эллик икки марта бир - биримизни,
"Жума муборак", деб қутладик дилдан.

Иймон кўнглимизга энг яхши малҳам,
Аллоҳ бергай гўзал ажру - ҳукмни.
Кутмоқ насиб этсин янги йилда ҳам,
Эллик икки марта муборак кунни.

2024 ЙИЛНИНГ ОХИРГИ ЖУМАСИ МУБОРАК БЎЛСИН!

Самимият ила: Ўлмасбек Самарқандий.

@Samarqandiy77